استاذ خالد الموضوع بتاع ال3 سنين بتاع الخروج والعوده ده فعلا اطبق ولا ايه ارجوك ترد

[حسام]

الاخوة الكرام .... الاخ الفاضل / علاء 

السلام عليكم ورحمة الله وبركاته ،،،

نقلت لكم من منتدى اتحاد المعقبين والمستقدمين هذه المشاركة للفائدة 

------------------------------------------------------

 في الحقيقة حتى الأن غير واضح إن كان هذا التصريح , تصريح بقرار جديد أم ماذا .. !

فصيغة الخبر على كل المواقع حتى الموقع الرسمي للجوازات , صغية مُحيرة للغاية ..
فالبتدقيق في الصيغة نجدها تُشير إلى سياسة قائمة بالفعل و إقرار واقع و ليس بقرار جديد ..
و لكن إن تحدثنا عن الواقع بالفعل نجد ان الواقع مُخالف تماما لهذه السياسة فكثيرا ممن يخرجون بتأشيرات خرج و عودة يعودون في مدة قصيرة بتأشيرات جديدة ..

في الحقيقة الأمر مُحير , هل هو قرار جديد أم تصريح بسياسة قائمة ( و لكن غير معمول بها )

ـ أرجو من خبراء المنتدى أن يفيدونا ... 

ـ و إن كان قرار جديد هل يتم تطبيقه على الوافد الذي لم يتمكن من العودة خلال مدة تأشيرته لظروف خاصة , و يريد العودة مرة أخرى بتأشيرة جديدة على نفس الكفيل ؟

ـ و هل إن اراد الوافد العودة للمملكة ( بعد إنتهاء الخروج و العودة خاصته ) بتاشيرة جديدة على كفيل جديد و معه عدم ممانعة من الكفيل القديم , هل يتم تطبيق القرار عليه أيضا ؟

أسئلة كثيرة تدور حول هذا التصريح الذي لابد من تفنيده و تفسيره ..

شكرا جزيلا لكم ..

----------------------------------------------------------

 

بعد تطبيق القرار 
من انتهت تأشيرة الخروج والعودة ولم يعد يستطيع العودة على تأشيرة جديدة لنفس الكفيل فقط 
أو الانتظار 3 سنوات ويرجع على كفيل آخر 

---------------------------------

 المنع يشمل من سافر وهو الان خارج المملكه والا بعد تاريخ صدور القرار ؟!

----------------------------------------------------

يشمل حتى من هم خارج المملكة قبل تطبيق القرار فعلياً

-----------------------

عن العقيد خالد الصيخان (مساعد مدير عام الجوازات لشئون التقنيه)

اذا كان العامل خارج المملكه قبل تطبيق القرار يمكنه العوده اما من سافر بعد تطبيق القرار فعليا عودته لنفس الكفيل فقط ..

----------------------------------------------------

  نعم وأجاب حتى ف تويتر ع ذلك..

--------------------------------------------------

 

انتهت المشاركات في هذا الموقع وهم متخصصين ويبحثون دائما عن الفائدة الحقيقية ولهم الشكر والتقدير ...............  ولكن مازل الموضوع فيه تكهنات وكلام عايزين حد متخصص زي الاستاذ الفاضل خالد شحاتة يفيدنا برضة في الموضوع اما بخصوص رفض الفيزة والمشاركة بتاعة زميل الاستاذ علاء ممكن دا يكون عن سبب اخر او عن عدم تطبيق القرار بالوجهة الصحيحة من موظفين السفارة فهناك تضارب نرجو من الله السلامة .... والارزاق بيد الله اولا واخرا.... ولكننا نجتهد والله الموفق لكم جميعا.....

 

 

 

 

[عمر المختار]

يا جماعة أنا أكتر واحد فى الدنيا عايز المعلومة اللى أنا نقلتها لكم تطلع غلط..بقولكوا أنا متعاقد فعلا مع مدارس عالمية الكتير بيحلم يشتغل فيها وصاحب المكتب اللى انا طالع عليه علشان محترم قالى انه كمكتب خسران علشان انا مش هقدر اسافر علشان كدا راحت عمولته منى ومن المدرسة وهو مش مستفيد من انه يقولى انى مش هينفع أدخل المملكة لأن المدارس اللى انا متعاقد معاها مش بتختار أى حد وطالبانى بالاسم وليس هناك بديل لى علشان أظن فى المكتب ظن سئ وكمان أنا مش مختلف مع المكتب فى أى شئ ورغم كل دا صاحب المكتب وموظف التأشيرات بالمكتب قالولى حرام عليك تكلف روحك فلوس وكشف واجراءات واجازة بدون مرتب وفى الاخر التأشيرة مطلعش ...يعنى همه متأكدين تماما من الكلام دا ...بحاول أؤكد لكم أن الموضوع واضح أنه فعلا ممنوع دخول الخارج من المملكة بخروج وعودة ومرجعش الا بعد 3 سنين إلا على نفس الكفيل القديم ودى الحقيقة المرة والمكتب قالى فيه ثغرة وحيدة ملهاش تانى ان عملى القديم يبعتلى إخلاء طرف موثق وبعدين المكتب يرفق الإخلاء مع بقية الورق وإدخاله القنصلية للحصول على التأشيرة حتى دى مش مؤكده بس تبقى مجرد محاولة وللأسف مدرستى القديمة قالوا لا نعطى اخلاء الا للحاصل على نهائى فقط يعنى اتعقدت ..واللى عنده جديد يبشرنا أنا قدامى أسبوع فقط وتضيع الفرصة علشان المكتب هيضطر يبلغ المدرسة اللى متعاقد معاها بوجود مشكلة فى ورقى وعلى أساسه هيرشحوا واحد مكانى ....قدر الله وما شاء فعل

تم تعديل 11 يونيو 2015 بواسطة علاء جادو

[عمر المختار]

رغم إنى ما زلت متشائم من اللى عرفته وسمعته عن الموضوع دا ..إلا ان فيه حاجة غريبه مش فاهمها ..المكتب اللى طالع عليه قالى إن اللى مغادر خروج وعودة ومرجعش ولو حتى طلع جواز جديد مش هياخد تأشيرة جديدة من أساسه ..وبعدين قالولى حتى لو طلعت له تأشيرة جديدة يبقى هيرجع من المطار هناك ..ايه الحكاية بالظبط ..مش هيطلعله تأشيرة ..ولا هيرجع من المطار !؟  طيب القرار دا يطبق من تاريخه ولا على الناس اللى غادروا من سنة أو اكتر ....حد يفهمنا ويجيبلنا الخلاصة انا زهقت

[حسام]

يا استاذ / علاء 

 (ارجوك هدي اعصابك شوية انا مجرد اخ ليك بشاركك في همك لاني زيك بالظبط) 

انا هرد عليك بعض ردود من كلامك انت ومعاملة المكتب بتاعك معاك وهبلغك باللي انا وصلتله من معلومات وبحث هنا وفي السعودية حتى تاريخة ولكن انا مش متخصص وطلبت من الاستاذ خالد في كل مشاركاتي السابقة ولم يدخل حتى الان والله اعلم بظروفة نتمنى ان يكون بخير ان شاء الله بص يا سيدي : 

اولا ::: انت في مشاركة لك انت بتقول فيها ان المكتب بيقول مش ممكن حتى ولو كفيلك السابق عملك اخلاء طرف و مع ذلك انت بتقول نفس المكتب بعد كدة انهم بيقولوا ان كفيلك لو جابلك اخلاء طرف ممكن ازاي بقى هو ممكن ولا مش يبأ الخلاصة خلي بالك من المكتب كويس خصوصا ان كل المكاتب بيقولوا لك علشان تهم في الاجراءات وتديهم اللي هما عايزينه ان الكفيل او الجهة طلباك انت بالاسم مع ان الكفيل بيكون مختار عشرة على الاقل انت اول واحد فيها فخلي بالك من الموضوع دا كويس لان كتير من المكاتب بيكون عامل افراد له هو ومش مهم اللي ييجي من برة يبأ الخلاصة المكتب ممكن بيحط الموضوع ان المشكلة عندك انت وخلاص او انه عنده حد معين أو انه معندوش خبرة وليس له معرفة يسأل كويس 

ثانيا ::: لو قرأت الموضوع كويس كأنهم شغالين بالفعل فيه من الان و مدير عام الجوازات بيبلغ الناس بيه وهما شغالين بالفعل والكلام كله مش في الدخول للبلاد دا الكلام كله في اعطاء التأشيرة يبأ لو طلعت التأشيرة من هنا خلاص تدخل البلاد طالما معندكش مشكلة قانونية يعني مش مترحل بمشكلة قبل كدا ودا هو الحال بتاعنا بالظبط معندناش مشاكل ولكننا جينا خروج وعودة مرجعناش 

ثالثا ::: من خلال البحث الاخير بالامس قالوا انهم بيستثنوا من الموضوع الناس اللي طلع عليهم القرار وهما اخدوا بالفعل خروج وعودة وكانوا كاسرينها في بلدهم عند صدور القرار يعني زينا كدة طيب امال اللي حصل مع الناس اللي اترفضت ايه قالوا انهم لما اصدروا القرار تم التطبيق بدون هذا الاستثناء وبالتالي تم الرفض انما الان هما نزلوا الاستثناء ده في كلا من القنصليات وسيستم الجوازات دا على حسب ما توصلت اليه من المواقع لسا امس ولكن لم يتم الرد عليه رسميا يعني الكلام بردة مش رسمي طيب انا عندي زميل جوازة داخل الاسبوع اللي جاي السفارة نفس الحالة بتاعتنا كده هنشوف هيعمل ايه وعندنا كمان الاستاد سفير التفكير هنا وقلناله لما تدخل ان شاء الله بلغنا ودا يوم السبت بكرة يعني  يبأ احن عندنا حالتين عمليتين واحدة للتأشيرة والثانية للدخول اظن كده كويس ولا ايه كل اللي انا عايزة منك الدعاء وبس يا استاذ علاء ولكن لو ركزت في دولة بحجم السعودية مش هيعملوا القرار ده كدة ويضروا الجميع لا هيبأ اللي هناك بس بيبلغوه ان خلي بالك لو هتروح روح نهائي وخلاص من دلوقت خصوصا ان فيه سعوديين كتير كانوا هما اللي بيشجعوا الناس تاخد خروج وعودة وترجع عليهم هما فالموضوع لازم يكون فيه الاستثناء ده والله اعلى واعلم .............وشكرا يا عم المدرس العالمي وخلي بالك طالما انت شاطر في شغلك ان شاء الله في دي ولا في غيرها هتلاقي على فكرة انا كمان الحمد لله شاطر في شغلي ..ههههههههههههه...مع تحياتي 

[احمد صالح11]

بشرة خير فى ناس على  موقع الجالية المصرية بالسعودية  على الفيس دخلوا السعودية وكانوا وخدين خروج وعودة ورجعوا على تاشيرة تانية 

[سفير التفكير]

انا مسافر بكره و هبقي ان شاء الله اقولكم عاللي حصل معايا دعواتكم كل مامعاد السفر يقرب بقلق اكتر

[عمر المختار]

يا استاذ / علاء 

 (ارجوك هدي اعصابك شوية انا مجرد اخ ليك بشاركك في همك لاني زيك بالظبط) 

انا هرد عليك بعض ردود من كلامك انت ومعاملة المكتب بتاعك معاك وهبلغك باللي انا وصلتله من معلومات وبحث هنا وفي السعودية حتى تاريخة ولكن انا مش متخصص وطلبت من الاستاذ خالد في كل مشاركاتي السابقة ولم يدخل حتى الان والله اعلم بظروفة نتمنى ان يكون بخير ان شاء الله بص يا سيدي : 

اولا ::: انت في مشاركة لك انت بتقول فيها ان المكتب بيقول مش ممكن حتى ولو كفيلك السابق عملك اخلاء طرف و مع ذلك انت بتقول نفس المكتب بعد كدة انهم بيقولوا ان كفيلك لو جابلك اخلاء طرف ممكن ازاي بقى هو ممكن ولا مش يبأ الخلاصة خلي بالك من المكتب كويس خصوصا ان كل المكاتب بيقولوا لك علشان تهم في الاجراءات وتديهم اللي هما عايزينه ان الكفيل او الجهة طلباك انت بالاسم مع ان الكفيل بيكون مختار عشرة على الاقل انت اول واحد فيها فخلي بالك من الموضوع دا كويس لان كتير من المكاتب بيكون عامل افراد له هو ومش مهم اللي ييجي من برة يبأ الخلاصة المكتب ممكن بيحط الموضوع ان المشكلة عندك انت وخلاص او انه عنده حد معين أو انه معندوش خبرة وليس له معرفة يسأل كويس 

ثانيا ::: لو قرأت الموضوع كويس كأنهم شغالين بالفعل فيه من الان و مدير عام الجوازات بيبلغ الناس بيه وهما شغالين بالفعل والكلام كله مش في الدخول للبلاد دا الكلام كله في اعطاء التأشيرة يبأ لو طلعت التأشيرة من هنا خلاص تدخل البلاد طالما معندكش مشكلة قانونية يعني مش مترحل بمشكلة قبل كدا ودا هو الحال بتاعنا بالظبط معندناش مشاكل ولكننا جينا خروج وعودة مرجعناش 

ثالثا ::: من خلال البحث الاخير بالامس قالوا انهم بيستثنوا من الموضوع الناس اللي طلع عليهم القرار وهما اخدوا بالفعل خروج وعودة وكانوا كاسرينها في بلدهم عند صدور القرار يعني زينا كدة طيب امال اللي حصل مع الناس اللي اترفضت ايه قالوا انهم لما اصدروا القرار تم التطبيق بدون هذا الاستثناء وبالتالي تم الرفض انما الان هما نزلوا الاستثناء ده في كلا من القنصليات وسيستم الجوازات دا على حسب ما توصلت اليه من المواقع لسا امس ولكن لم يتم الرد عليه رسميا يعني الكلام بردة مش رسمي طيب انا عندي زميل جوازة داخل الاسبوع اللي جاي السفارة نفس الحالة بتاعتنا كده هنشوف هيعمل ايه وعندنا كمان الاستاد سفير التفكير هنا وقلناله لما تدخل ان شاء الله بلغنا ودا يوم السبت بكرة يعني  يبأ احن عندنا حالتين عمليتين واحدة للتأشيرة والثانية للدخول اظن كده كويس ولا ايه كل اللي انا عايزة منك الدعاء وبس يا استاذ علاء ولكن لو ركزت في دولة بحجم السعودية مش هيعملوا القرار ده كدة ويضروا الجميع لا هيبأ اللي هناك بس بيبلغوه ان خلي بالك لو هتروح روح نهائي وخلاص من دلوقت خصوصا ان فيه سعوديين كتير كانوا هما اللي بيشجعوا الناس تاخد خروج وعودة وترجع عليهم هما فالموضوع لازم يكون فيه الاستثناء ده والله اعلى واعلم .............وشكرا يا عم المدرس العالمي وخلي بالك طالما انت شاطر في شغلك ان شاء الله في دي ولا في غيرها هتلاقي على فكرة انا كمان الحمد لله شاطر في شغلي ..ههههههههههههه...مع تحياتي 

 

بشرة خير فى ناس على  موقع الجالية المصرية بالسعودية  على الفيس دخلوا السعودية وكانوا وخدين خروج وعودة ورجعوا على تاشيرة تانية 

السلام عليكم ..بشرة خييييير تانية ..علمت مؤخرا أن القرار لو نفذ كما قيل هيكون بدأ من هذا العام ولا ينطبق على الخارجين العام الماضى وما قبله ..ما علينا إلا تغيير الجواز ودى آخر معلومة عرفتها . وشكرا جزيلا أستاذ حسام على مشاركتك ..بس أنا مش متعصب  على فرصة السفر أنا هنا زي الناس كلها مستور ومبسوط والحمد لله  وموضوع السفر دا نصيب ..بس زى ما تقول هو القلق اللى ملوش داعى اللى عملوه السعوديين ولخبطوا الدنيا ..يعنى لو كانت التعليمات الأخيرة دى واضحة كانوا استراحوا وأراحوا ولكن اللى حصل ..أما موضوع المكتب فأشكرك أولا على النصيحة ولكن أنا عارف اللى تقصده وعارف ألاعيب المكاتب ولكن ما زلت أؤكد أن المكتب اللى بتعامل معاه محترم جدا ومتواصل معايا فى الموضوع دا وبيطلعنى على الجديد ..وموضوع الاختيار والاحتياطى أنا عارف ان المختار لازم يكون ليه احتياطى لأى ظروف ولكن اللى بيفرق هو المدرسة المحترمة والمكتب المحترم فالمدارس الكبيرة حريصة على التواصل مع المكتب ومع المدرس المختار رقم 1شخصيا ومتابعة إجراءاته ومعرفة سبب عدم سفره ولو قدر الله حصل ظروف قهرية المدرسة وحدها هى اللى بتختار البديل ولكن انت تقصد المدارس التعبانة اللى بتتعامل مع مكاتب تعبانة زيها بتيجى تختار 1 وعشرة بديل له ومش فارقه معاها مين يجى منهم وهنا المكاتب دى بتلعب وبتساوم العشرة على اللى يدفع أكتر...وأنا يا سيدى على قدى ولا عالمى ولا حاجة أنا أقل واحد فى المدرسين كلهم وأتمنى الخير لك وللجميع

[عمر المختار]

يا جماعة بالمناسبة ....استفسار ..هو فعلا  لو رجعت على مدرسة سعودية فى نفس مدينة مدرستى القديمة اللى غادرت منها خروج وعودة ومرجعتش ومجاورة ليها كمان ...ممكن المدرسة القديمة اللى أنا مرجعتش عليها دى لو عرفت بوجودى ممكن تشتكينى أو تشتكى مدرستى الجديدة على انها اتعاقدت مع واحد كان متعاقد معاها وغادر خروج وعودة ومرجعش..يعنى فيه فعلا قانون يلزمنى مرجعش على عمل مشابه للعمل القديم وفى نفس المدينة الا بعد سنتين من مغادرتى ؟؟؟ حد يفهمنى

تم تعديل 12 يونيو 2015 بواسطة علاء جادو

[عمر المختار]

خبر عاااااجل ومؤسف

ولكن دا أول خبرعن حدث وقع بالفعل بخصوص موضوع منع دخول المغادر خروج وعودة لمدة 3 سنين ...كنت بتابع صديق زى حالتى بالظبط كان مغادر من سنة خروج وعودة من الرياض بالتحديد ومرجعش وتعاقد مع شركة جديدة أيضا فى الرياض من شهر تقريبا ...المهم غير جوازه وصدر له تأشيرة جديدة ( خللى بالك ) و خد إجازة من شغله وحجز وتوكل على الله سافر أول امبارح ..المفاجأة يا جماعة الخير ..الجوازات فى مطار الملك خالد قالوله ...عذرا يا الحبيب ارجع بلدك ممنوع دخولك ...اتشال واتحط وعمل تليفونات لطوب الأرض ومنها اتصالات للشركة الجديدة بعتوله موظف سعودى يخلصه ومفيش فايده رغم انهم سعوديين فى بعض والموضوع كبر والمسئولين فى الجوازات ما بيقولوش غير عبارة واحدة هذا نظام وما يصير ولازم يرجع ..مسكتش فضل يعمل اتصالات بمعارف فى شركته القديمة وقدر يخللى موظف إدارى من شركته القديمه يجى المطار ( شوفوا وصلت لإيه ؟!) وراح للجوازات وقالهم ان الموظف دا مفيش أى مشكلة بينه وبين شركته القديمه ..ولا حرك أى حاجة عند الجوازات وقالوا نفس الرد ما يصير هذا نظام ليس له علاقة برغبة الكفيل لا القديم ولا الجديد ..أنا بقه كنت فاكر انه علشان مكلمنيش امبارح قلت انه عدى وهو دلوقتى فى السعودية وبيدور على شريحة سعودية وهيكلمنى لقيته كلمنى انهارده وقالى انه هنا فى القاهرة من امبارح بعد ما فشلت كل المحاولات...ويبقى شئ واحد إن يقال أن الكثير من المؤسسات والموظفين الوافدين تضرروا وبدأت الجوازات تسجل حالات كتيرة زى دى والله أعلم يقال وهو مجرد تخمين انه هيعاد النظر فى القرار دا سواء بتعديله أو تأجيله امتى بقه الله أعلم خللوا بالكوا المكاتب ممكن تسرح بينا وتاخد عمولتها وتطلع التأشيرات وتقول انها عملت اللى عليها ونيجى نحجز ونسافر وهناك نلبس فى الحيط زى صاحبنا..واللى عنده تجارب تانية واقعية يشارك بس وااااقعية

تم تعديل 12 يونيو 2015 بواسطة علاء جادو

[سفير التفكير]

بالنسبه للرجوع ازاي لاني مش عامل حسابي في فلوس ؟

[سفير التفكير]

السلام عليكم يا شباب

باركولي انا دخلت الحمد لله وكنت مرعوب

دخلت في صف التاشيرات الجديده

وعند البصمه زاد خوفي وكنت منتظر يقولي لا والله يالغالي ارجع بلدك زي مالاخ علاء جادو قال

لكن فوجئت بيه بيقوللي فين السكسوكه معناه انه عرف اني نازل بتاشيرة خروج وعوده وصورتي القديمه ظهرت عنده

والحمد لله رب العالمين اداني رقم دخول وختم دخول ومرضتش اساله اي سؤال بصراحه لافكره و تيجي علي دماغي

انا كنت نازل خروج و عوده من تمن شهور و رجعت علي مطار جده و انا مهندس مدني علي فكره

التاشيره بتاريخ ٢٥ مايو و حجزولي بتاريخ ٢٨ مايو القرار ٣ يونيو و دخولي بحمد الله دون اي مشاكل ١٣ يونيو

وعقبالكم يارب وليس لدي اي معلومات اخري حتي حينه وان شاء الله اوعدكم اني هسال لكم في الجوازات

والحمد لله ان فرصة المشاركه في توسعة الحرم المكي كمهندس استشاري مضعتش عليا بسبب القرار الغير محسب ده

ودعواااااتكم

اول حاجه عملتها وانا لسه ماشي من قدام موظف الجوازات اني كلمتكم علما انهم معدوش بيلبسوا زي عسكري زمان لابسين مدني دلواتي

سلاااام

[عمر المختار]

انت لأ يا سفيرنا ...دا الأمل على الله ثم عليك ..عايزينك تدخل المملكة وتنور وتبشرنا ..ربنا يوفقك وياريت تسأل فى الجوازت هناك عن القرار دا ينطبق على مين بالظبط ....بس أهم حاجة نطمن عليك

[عمر المختار]

ألف مبااااااااااااااااااااااااااااااااااااارك  يا بشمهندس والله فرحتلك ....حمد الله ع السلامة ..وياريت تبقى تسأل لأخوك لو أنا كنت فى الرياض وراجع برضوا على الرياض تفرق؟ ولا متفرقش ؟ وهل الشغل القديم لو عرف وحب يقل بأصله ممكن يعمل حاجة فى مكتب العمل ولا الجوازات؟؟

والله رديت فينا الروح من كتر اللى سمعناه ..وكدا بقه يبقى الناس اللى بتحكى مبتقولش الحقيقة كلها يمكن صاحبى اللى حكيت عنه يمكن كان متبلغ هروب ولا عنده مشكلة ولا اقامته كانت سارية ..الله أعلم ...بس اتأكدلى ربنا يباركلك على موضوع العودة على نفس المدينة ممكن ولا ممنوع ويفرق ولا لأ؟؟؟؟ سلاااااام

تم تعديل 13 يونيو 2015 بواسطة علاء جادو

[eng masry]

الف الف مبروك يا باش مهندس انا قاعد مستتيك من الصبح لاني في نفس ظروفك و عندي واحد زميلي نزل 1مايو خؤوج و عودة و فقد الامل علي فكؤة انا و زميلي مهندسين مدني بس في مشاريع الطرق

الله يبشرك بكل خير و يجعل عملك في توسعة الحرم في ميزان حسناتك

و الف مبروك مرة تانية و بالتوفيق و عقبال الاقامة ان شاء الله

[سفير التفكير]

استفسار باه بما اني دخلت والحمد لله 

هل ممكن يكون فيه مشكله في عند استخراج الاقامه ولا لا ؟؟

[eng masry]

ان شاء الله مفيش مشكله ولا حاجة بس صدور الاقامة هو اكبر دليل علي ان كل شئ نظامي و الامور كلها تمام و دة رأي المتواضع

[عمر المختار]

يا جماعة بقة بعد ما الراجل ما صدقنا انه عدى

بالسلامة..بتقولوا لسه لما نشوف الاقامة ..يعنى لو جازفنا وعدينا لسه هنعيش هناك فى قلق لغاية ما الاقامة تطلع ..ايه التوتر دا ؟! هنركز فى شغلنا وفى السكن والايام الصعبة الاولى من الوصول والمغتربين عارفينها كويس !؟ ولا هنقعد متوترين منتظرين الاقامة على نار .. دا أحيانا مدارس بتطلع الاقامة فى شهرين او تلاتة ..ايه الغلب دا !؟ الله معانا

تم تعديل 14 يونيو 2015 بواسطة علاء جادو

[حسام]

الف مبروك يا باشا وادعيلنا وانت بتصلي في الحرم متنسناش . 

اما بخصوص الاقامة طالما انت اخدت التأشيرة ودخلت خلاص الحمد لله النظام اصلا لازم يعملك الاقامة لان اللي بيعمل التأشيرة الجوازات واللي بيعملك دخول الجوازات واللي بيطلع الاقامة الجوازات فهو سيستم واحد الموضوع منتهي ... يعني ايه ميعملوش الاقامة هيقولولك والنبي معلش ارجع لحسن احن مكناش واخدين بالنا مثلا ... الموضوع منتهي خلص الكشف الطبي على خير وان شاء الله نتقابل وانا بعمل عمرة ان شاء الله  يا عم الانجنير ... واوعى تنسى من يتقي الله يجعل له مخرجا ....مع تحياتي لك ولكل اللي يحبوك...

[عمر المختار]

تسمحولى أتناول الموضوع من ناحية تانية  ؟!

لو عديت إن شاء الله من المطار واستلمت عملى الجديد فى الرياض وهى نفس مكان عملى القديم اللى تركته من سنة بعد انتهاء العقد للعام الأول وغادرت ذهاب وعودة على إنى أرجع وحصلت ظروف ومرجعتش ..هل أصحاب النفوس المريضة فى العمل القديم لو عرفوا إنى فى الرياض ودا هيحصل بنسبة كبيرة لأنهم فى نفس الشارع تقريبا ..ايه اللى ممكن يعملوه فى الجوازات ومكتب العمل لو حبوا يؤذونى ويسفرونى تانى لمصر ؟؟؟!!!علما انى استخرجت جواز جديد ؟؟؟

[AbuZeyad]

شوف لو كان فيه في عقدك مادة عدم المنافسة ممكن يشتكوك في مكتب العمل ويرحلوك

 

ممكن كمان يشتكوا المدرسة الجديدة بناء على القرار 826 اللى بيحظر استقدام اللى خرجوا نهائي قبل مرور 3 سنوات 

شوف الرابط دا 

 

http://www.cojss.com/vb/showthread.php?13095-%D9%82%D8%B1%D8%A7%D8%B1-%D9%85%D8%AC%D9%84%D8%B3-%D8%A7%D9%84%D9%88%D8%B2%D8%B1%D8%A7%D8%A1-%D8%B1%D9%82%D9%85-826-%D9%81%D9%8A-05-07-1395%D9%87%D9%80-%D9%80-%D8%A7%D9%84%D8%AE%D8%A7%D8%B5-%D8%A8%D9%82%D9%88%D8%A7%D8%B9%D8%AF-%D8%AA%D9%86%D8%B8%D9%8A%D9%85-%D8%AD%D8%B1%D9%83%D8%A9-%D8%A7%D9%86%D8%AA%D9%82%D8%A7%D9%84-%D8%A7%D9%84%D8%A3%D9%8A%D8%AF%D9%8A-%D8%A7%D9%84%D8%B9%D8%A7%D9%85%D9%84%D8%A9

 

بالمناسبة المواضيع دي حبالها طويلة وممكن تاخد سنة أو اكتر على ما يتحكم فيها