استاذ خالد الموضوع بتاع ال3 سنين بتاع الخروج والعوده ده فعلا اطبق ولا ايه ارجوك ترد

[عمر المختار]

السلام عليكم..

شكرا

AbuZeyad

على تعليقك

وأنا اطلعت على عقدى مع المدارس القديمة لقيت مادة عدم المنافسة موجودة ومنورة وقد كدا فى العقد وكلام تانى انه فى حالة الخروج والعودة وعدم الرجوع يتم منعى من العمل فى مدارس منافسة لمدة عامين متتاليين .أزيد من الشعر بيت وأقول إن المدرسة الجديدة اللى المفروض هشتغل فيها مجاورة لمدرستى القديمة يعنى الفضيحة هتبقى بجلاجل وهتبقى باينة زى الشمس انى موجود وبصراحة مضمنش الأخوة المصريين اللذاذ اللى شغالين فى إدارة مدرستى القديمة لو عرفوا بوجودى لأنهم ممكن يبلغوا السعودى صاحب المدارس علشان يشتكونى فى مكتب العمل او يبلغوا الجوازات علشان يلمعوا نفسهم قدامه ويعرفوه انهم صاحيين وخايفين على حقوقه وحقوق المدرسة والحركات القارعة اللى احنا بنعملها فى بعض فى الغربة ..يبقى كدا بالصلى ع النبى موضوع الخروج والعودة والمنع 3 سنين منطبق  وكمان مادة المنافسة اللى الأخ أبو زياد أوضحها برضوا موجودة..يبقى مضحكش على نفسى كدا كدا بايظة وشكلها مش مكتوب لى العمل فى مدارس اتعقادت فعلا معاها وكنت أتمنى العمل فيها..اللى راح راح ...

   

[AbuZeyad]

خلي بالك من نقطة

شرط عدم المنافسة علشان يكون صحيح لازم يكون محدد الزمان والمكان ودا حسب قانون العمل

بمعني انه لو كاتب عدم العمل في مدرسة منافسة لمدة سنتين من غير تحديد المكان زي مدينة الرياض مثلا اوحتي المملكة العربية السعودية كلها يكون الشرط باطل ودى غلطة كتير بيقعوا فيها

وشوف قانون العمل مادة 83

[AbuZeyad]

حاجة كمان

لو مكتب في العقد منعك من العمل في اى مدارس يبقى له  الحق في منعك

لكن لو مكتوب مدرسة منافسة هايكون عليه اثبات ان المدرسة اللي انت اتعاقدت معاها مدرسة منافسة فعلا علشان يعرف يطبق الشرط ودي حاجة انت ممكن تلعب عليها

يعني مثلا لو المدرسة اللي تعاقدت معاها هتشغلك في القسم الابتدائي مثلا وانت كنت في المدرسة القديمة شغال في الثانوي

كدا ممكن تدافع بانك مش بتنافسه في نفس مجال العمل او لو كانت القديمة اهلية والجديدة دولية

يعني اي اختلاف في طبيعة العمل ممكن يساعدك انك تتغلب على موضوع عدم المنافسة دا

[rema]

المدارس لا تخضع لعلة المنافسة

لانها مؤسسات غير تجارية

بمعنى انه ليس هناك اسرار واسعار وصفقات واشياء من هذا القبيل

حتى لو نص العقد على ذلك فهو نص باطل لا يؤخذ به

يعني ايه مدرسة منافسة مش فاهمة 

هل مدرسة بتغشش والاخرى المنافسة بتدى الامتحان

مش معقول طبعا

[عمر المختار]

يا اخوانا ايه قلبة الدماغ دى ..كلمت مكتب سفريات كبير وخبرة قالولى من يومين سافر عن طريقهم واحد كان كاسر خروج وعودة من سنة ورجع على تأشيرة جديدة ودخل المملكة من يومين ..سؤال ياريت حد يريحنا من القصة دى..هل اللى عدى 6شهور على انتهاء الخروج والعودة ممكن يدخل عادى ؟ وهل التعليمات الأخيرة تمشى على اللى كسر تأشيرة من سنة فاتت؟ وبعدين ايه الحكاية ناس تقولك ان فيه ناس رجعت من المطارات وناس تانية تقولك مش هتطلع التأشيرة أساسا وفيه اللى بيقولك هتعدى ..حد يشرحلنا القصة بهدوء علشان نفهم

[bueemaje]

الففف مبروك ل اخونا سفير التفكير ..والله فرحتنا بيك وليك وللكل

وشكر خااص لانك اهتكيت تقولنا اخبارك بعد الوصول،

ويبقى السؤال الكبير

ماهى قواعد الدخول فى الحالات الخروج والعوده ؟؟؟

[عمر المختار]

خلي بالك من نقطة

شرط عدم المنافسة علشان يكون صحيح لازم يكون محدد الزمان والمكان ودا حسب قانون العمل

بمعني انه لو كاتب عدم العمل في مدرسة منافسة لمدة سنتين من غير تحديد المكان زي مدينة الرياض مثلا اوحتي المملكة العربية السعودية كلها يكون الشرط باطل ودى غلطة كتير بيقعوا فيها

وشوف قانون العمل مادة 83

للأسف مكتوب ( داخل المملكة العربية السعودية ) ومع ذلك قررت المجازفة وزى ماتيجى

[bueemaje]

للأسف مكتوب ( داخل المملكة العربية السعودية ) ومع ذلك قررت المجازفة وزى ماتيجى

ربنا يوفقك ياعلاء ...بس قولنا انت مسافر امتا ..وتابعنا بالاخبار الله يطمنك ويطمنا ان شاء الله

[bueemaje]

بعد اخونا سفير التفكير صار املنا فى الله ثم فى الستاذ علاء جادو

انت الامل يا علاء

ياريت تطمنا وتقولنا ايه اللى حصل معاك بالظبط فى المطار

وياريت لو سألت الموظف عن تطبيق قانون المنع على مين، تعرفنا قالك ايه

وعرفنا قبل ماتساف معاد سفرك

ر ..ربنا يوفقك

تم تعديل 7 يوليو 2015 بواسطة bueemaje

[سفير التفكير]

القول الفصل انا سالت زي ماوعدت وتاكد الخبر و الزبده في 

ينطبق القرار على من قام بالتبصيم من المطارات والمنافذ البرية والبحرية أثناء خروجه من المملكة وينطبق عليه قرار الجوازات الصادر فى يناير 2015 الخاص بتبصيم كل الخارجين بتأشيرة خروج وعودة وهو ما يفسر لماذا تم منع البعض من الدخول فى حين سمح لآخرين رغم انهم جميعا كسروا تأشيرة خروج وعودة والفرق هو أن الذى تم منعه قد خرج بعد تفعيل البصمة فى يناير2015 أما من خرج قبل هذا التاريخ فليس له بصمة محدثة على النظام الجديد المعمول به الآن ولذلك سمح له بالدخول .

[عمر المختار]

أخى الكريم ....سفير التفكير....كل سنة وانت طيب..شكرا على التوضيح..أنا كنت جمعت معلومات مؤخرا بتؤكد نفس كلامك ونشرتها على المنتدى...ونشكرك وبالتوفيق ..وأنا وراك فى منتصف الشهر القادم باذن المولى

وكنت عايز أسألك هل قالولك فى شغلك ان الاقامة بشكلها ونظامها القديم اتلغت فعلا ؟؟و ان نظام هوية مقيم الجديد هيطبق زى ما قالوا مع بداية العام الهجرى الجديد؟ هل هيطلعولك الاقامة القديمة وبعد كدا هيغيروها مع بداية السنة ؟؟ ولا هيأخروا استخراج إقامتك لغاية العام الجديد ويطلعولك الاقامة بنظامها وشكلها  الجديد؟؟؟ وعموما تحياتى لك وتمنياتى لك بالتوفيق

[bueemaje]

ياشباب
مع كامل احترتمنا لكل المحاولات الجاده لمساعدة الناس فى تفسير موضوع الخروج والعوده

لكن  للأسف  البوست  الاخير  غير دقيق  بالمره
انا  اعرف  صديق مقرب  خرج فى 4 /2015  وعاد فى 6 /2015  بلا  اى مشاكل.... لكن  الخبر السعيد  هو

 

انى توصلت لموظف سعودى فى المطار اللى  وظيفته يبصم الناس
واتعرفت عليه وصاحبتو كمان
واكدلى انه ماعندهم اى تعليماااااااااااات بشأن منع الناس من غيرمايحدد اى تاريخ على الاطلاق
يعنى نستنتج من كده التالى
القرار لم يطبق على ارض الواقع فعليا، ولا نية لتطبيقه فى تاريخ محدد سؤاء لمن غادر قبل او بعد صدوره
ولكن ماذا قد يحدث فى بداية العام...الله اعلم
وعموما انا عن نفسى هظل اتواصل مع الموظف صدبقنا اللى بيبصم الناس واى جديد هبلغكم به ان شاء الله

تم تعديل 21 يوليو 2015 بواسطة bueemaje

[عمر المختار]

السلام عليكم يا رجالة...أنا علاء ...كنت خارج من سنتين خروج وعودة ومرجعتش  بس غيرت الجواز وخدت تأشيرة جديدة ودخلت المملكة من أسبوع بدون مشاكل لا فى المطار ولا فى الجوازات..والحمد لله

[Guest ابو احمد]

انا تركت المملكه من شهر 11 عام 2013 خروج وعوده وحاليا ارغب في العوده بتاشيره جديده هل في شيء