بحّار

[هشام الجنيدى]

بحّار انا ....فبحر الحياه

فارد شراعى للامل...

وبايدى ماسك دفّتى......

يا مركبى ...

وصّلنى بيك شط النجاه

سفرى طويل ...

وعنى غايب منتهاه

والموج جبال

والليل مضلّم سكتى ..

يا شمس امتى هتطلعى

وتنورى الليل المخيف

الريح شديده ومركبى ....

مركب ضعيف

خايف فى لحظه يتقلب

واموت غريق ....

فى الب ضلمة دنيتى..

يا ريح بلاش ....

تكسّرى قلوع مركبى

زقّى الشراع

خلينى اوصل فى المعاد

واحرسيلى موكبى

واعزفى لقلبى نشيد...

بكلام جديد ...

يملالى صمتى ووحدتى...

يا دفّتى....

خليكى ثابته تحت ايدى

ومتخونيش....

يا شمعتى ....

نورت بيكى الضلمه

بالعود الاخير فمتنطفيش...

ويا عينى بصّى على المدى

شطك هناك...

وبلاش كتير تتلفتى...

خايف اتوه...

وياخدو حلمى اللى اليه شديت رحالى

يموتوه....

وارجع مفيش ...

ابص تانى فى المرايا

وملقنيش....

والاقى عمرى خلاص مضى

ومكفنيش...

علشان اكمّل رحلتى...

احساس فظيع......

احساس بان معدش جاى تانى الربيع

قدام عيونى فرصه واحده ....

يا اخدتها يا اما تضيع

ويضيع معاها كل املى ...

وامنياتى ....

وبسمتى .................. :D

[bentmasria]

احساس فظيع......

احساس بان معدش جاى تانى الربيع

قدام عيونى فرصه واحده ....

يا اخدتها يا اما تضيع

ويضيع معاها كل املى ...

وامنياتى ....

وبسمتى ..................

احساس فظيع

يتملكنا عندما تسكننا نسمات الشتاء البارده مع بداياته

وكأنما ينحسر العمر

تسكننا ريح الحزن

يتملكنا الوجد

نحس بكل الفقد للامل والامنية والاغنية والبسمة التى لطالما آمننا انها ستسكن هنا فى الصدر بلا رحيل

ما اجمل وارق ما صورت يا هشام رغم حزنه صادق

ورغم حنينه واعد

ورغم لغته مازال يحمل حلما ما يوشوش الامنيات

التى عفوا لن ترحل ........مهما طاردتها احزان وحدتك

لسه الربيع لازم يعود

والبسمة تضحك فى الخدود

وفراشه بتحيى الورود

وامانى حلوة حتترسم

لسه الربيع ساكن هناك

جاى بآمآل مستنياك

اوعك تسافر للهلاك

ده بكره اجمل من اللى فات

جميل انت دائما ياهشام

دمت بكل الامل والخير

[shahd]

يا دفّتى....

خليكى ثابته تحت ايدى

ومتخونيش....

يا شمعتى ....

نورت بيكى الضلمه

بالعود الاخير فمتنطفيش...

ويا عينى بصّى على المدى

شطك هناك...

وبلاش كتير تتلفتى...

لعلها تثبت لدقائق ولعلها تثبت للأبد ولكن هل ستظل الشمعه مشتعلة وهل ستظل العين ثابتة لا تلتفت هنا او هناك فتارة هي يائسة وتارة متأملة ويوما فزعه تخاف ان يطف أنورها بأفواه قاسيه

خايف اتوه...

وياخدو حلمى اللى اليه شديت رحالى

يموتوه....

وارجع مفيش ...

ابص تانى فى المرايا

وملقنيش....

والاقى عمرى خلاص مضى

ومكفنيش...

علشان اكمّل رحلتى...

التوهان دائما قابع في ثنايا المشاعر فعندما نشد الرحال الي عالم الحضور والواقع نجد اننا تائهون في بحر الأوهام

احساس فظيع......

احساس بان معدش جاى تانى الربيع

قدام عيونى فرصه واحده ....

يا اخدتها يا اما تضيع

ويضيع معاها كل املى ...

وامنياتى ....

وبسمتى ..................

هي تلك الفرصة التي طالما انتظرناها وعندما تأتي تتسرب من بين ايدينا الي سراب

فما فائدة الربيع حتى وان اتى فليبقى في مكانه ربما كانت هناك بارقة امل ان تعود الأبتسامة بلا حاجة الى حنان الربيع

وربما كان ذلك هو الأفضل لنا وله ......................

هشام كلما تك جميلة راقية دائما سلمت اناملك اخي الفاضل

تم تعديل 15 سبتمبر 2005 بواسطة شهد

[رعد الاسكندرانى]

زهرة من زهراتك الجميلة يا هشام بس انت ليه مكتئب المره دى مش عوايدك يعنى

المركب بتاعتك بشراع لكن مش لازم تذل نفسك للريح عشان تحركها بالعكس عزيمتك وارادتك ممكن تحركها حتى لو حتجدف بايديك

الربيع لازم حيجى والتايه لازم حيهتدى للطريق وطول ما فى امل عمر ما شمعتك تتطفى

بطل اكتئاب وخليك متفائل زى ما عودتنا

[شاعرالرومانسية]

"خايف اتوه...

وياخدو حلمى اللى اليه شديت رحالى

يموتوه....

وارجع مفيش ...

ابص تانى فى المرايا

وملقنيش....

والاقى عمرى خلاص مضى

ومكفنيش...

علشان اكمّل رحلتى..."

لية ياترى مكتوب علينا..

يخنق الخوف حلمنا

يخطف وليدنا جوة منا

وبايدة يرسم الدمع فعنينا

ينقش حروفه بين سطورنا

ويخبى همه جوة فصدورنا

ويسرق الاحلام من بين ادينا

مكتوب يكون الخوف ملازم للفرح

مكتوب يكون شقيق للفجر

اللى فقلوبنا يوم طرح

ولما يجى يوم نقول .. ابعد ياخوف

وسيب لنا احلامنا لينا..

يرد هو بشىء بسيط من الكسوف

قدرى وقدركوا .. ومكتوب عليكوا

احلامكوا يبقى ملازمها خوف

كلماتك اخى العزيز نقلت لنا احاسيسك بشكل رائع

واجبرت اقلامنا ... بعدم السكوت..

تقبل كلماتى البسيطة .. وقبلها

عميق شكرى وخالص امتنانى،،،

[الآسر]

رائعة .. احساس يتغلغل الي نفسك

فتدمع عينك

ويعلو صوت نفسك

وتشتاق الي الوحدة

وتحتاج الي الرفقة

من أفضل الخيالات تشبيه الحياة بالرحلة الغامضة في البحر بالمركب

مركبك انت وحدك

الريح شديده ومركبى ....

مركب ضعيف

خايف فى لحظه يتقلب

واموت غريق ....

فى الب ضلمة دنيتى..

ولكن دعني أسألك لماذا كل هذا الحزن والوحدة؟

ماذا حدث؟

[مهيب]

طول عمرى هايفضل الشعر يدهشنى ... ازاى بتقدر تطلع اللى جواك و تخليه ينساب مع الاحتفاظ بالموسيقى و نهايات الكلام ... ازاى تسرح وسط خيالات مرعبة ... عن بحر أسود واسع .. وحدك على المركب و الموج بيضرب يمين و شمال و مع كل ده تفتكر انك تقدم (بلاش كتير) و تأخر تتلفتى علشان النهايات تتظبط ...

لكن على العموم هم دول اللى بيبقوا عندهم الملكة .. كلامك العامى متقن جدا يا هشام ... متقن و ليك اسلوبك الخاص .. وان مش هعلق على كم السواداوية اللى فيه ...

نفسى فى مرة أقرالك مشروع كامل زى الرباعيات كده .. أصل حرام موهبتك فى الكتابة العامية تطلع متقطعة .. غالبا من يكتب عامية ببراعة بيحاول توريط نفسه فى مشروع على غرار ألف ليلة و ليلة أو السير و الملاحم .. أنا نفسى أقرالك مشروع كبير ... كبير قوى ...

فكر و قرر ..

مهيب

[هشام الجنيدى]

اخى مهيب شكرا لردك الجميل ومثلما تتعجب من انسياب الكلمات شعرا انا ايضا اتعجب من انسياب افكارك نثرا فانا لا استطيع ان اكتب نثرا دون ان تتحول منى القصه الى شعر فاجدنى اختم الجمل بنهايات واحده دون قصد واجد الموسيقى تحكم كلماتى حكم قراقوش

انما عن مشروع كبير فانا فى بدايتى كنت كتبت قصه وسجلتها بصوتى لما كان عندى 12 سنه بعد تاثرى بقصص الف ليله وليله اللى كنت بسمعها فى الاذاعه وكنت فعلا دخل دماغى الموضوع ده بس للاسف ضاع الشريط اللى سجلت عليه عند ناس ارايب حبو يسمعوه وببساطه شديده قاللولى ضاع .....!!!!

ولغباءى وقتها مكنتش بحتفظ بالورق اللى كتبت فيه بعد ما سجلتها

بس انا جاتلى تانى الفكره دى من فتره بس ملقيتش افكار جديده لان الافكار اتقالت كلها فى الف ليله وليله الاصليه .......

اخى اسر شكرا لردك الكريم ولمرورك الذى عطر صفحتى

وعن سبب السوداويه والوحده :::: فاجأنى هذا الشعور عندما رجعت من حفله التخرج اللى عملها بعض الزملاء بمناسبه تخرجنا السنه دى ولما مسكت الكتاب اللى طبعناه وفيه صور الدفعه نفر نفر وقعدت افتكر ايام الجامعه والسهر فى الامتحانات والتعب حسيت بحنين غريب وحسيت كان العمر عدى بيا خلاص رغم انى لسه متخرج جديد .........

اخى شاعر الرومانسيه .....

شكرا لتزين صفحتى بكلماتك الرقيقه وشعرك الجميل وانا سعيد انى قدرت اوصل احساسى ليك وللجميع باذن الله فهذه شهاده اعتز بها .......

اخى العزيز الواقعى رعد.... اما بعد......

شكرا لوصف كلماتى البسيطه بزهور جميله واما عن التفاؤل فانا كنت دائما متفائل وياما كتبت عن الامل والربيع اللى هيجى بس ظروف وعدت والحمدلله

الشمعه لازم يجيلها يوم وتنطفى لان بقاءها مستحيل لان هيا هتخلص ان عاجلا او اجلا وممكن حبه هوا يطفوها قبل حتى ما تخلص زيها زى حياه البنى ادمين ولكن لبنى البشر حياه مكتوبه لابد ان نحياها .........

العزيزه شهد...برضه اما بعد....

تعودت انت يكون ردك دائما سطرا او سطرين ولكنى فاجأنىلا واسعدنى ردك المطول هذه المره مما اعطانى انطباع مختلف بان القصيده فعلا عجبتك وده اسعدنى كثيرا ..........

الاخت الرقيقه التى دائما تسعدنى بتواجدها على صفحاتى بنت مصريه لكى منىالف تحيه ........

ربيع الانسان ربيع واحد ياتى مره واحده ويمر اما ان يستمتع به الانسان واما ان يضيعه من بين يديه ويندم لابد ان يندم .....

ولكن لن يعود هذا الربيع ابدا وهذا ليش تشاؤم ولكن واقعيه لامفر منها

فلابد للانسان ان يزرع فى ربيعه ما يكفيه فى خريفه وفى شتاؤه كى لا يحيا بلا روح

شكرا للجميع وعفوا ان كنت قد تأخرت فى الرد وذلك لعد توافر فرص للدخول على النت وهذا من سوء حظى انا .......... :sad:

[shahd]

العزيزه شهد...برضه اما بعد....

تعودت انت يكون ردك دائما سطرا او سطرين ولكنى فاجأنىلا واسعدنى ردك المطول هذه المره مما اعطانى انطباع مختلف بان القصيده فعلا عجبتك وده اسعدنى كثيرا ..........

<{POST_SNAPBACK}>

اخي العزيز هشام دائما قصائدك تعجبني بل وتبهرني حتى وان ردي كلمة واحدة فذلك يحدث من فائق اعجابي بما تخط اناملك