التاشيرة

[boody]

السلام عليكم 

انا وصلني تاشيرة من المكتب في السعودية والمفروض اروح اعمل الاجرات واورح مكتب هو اللي هيخلص التاشيرة بس

المهم روحت وطبعت ورقة النت منه ب250 جنيه 

وروحت تاني يوم اعمل التحاليل والكشف

الحمد لله روحت وعملتها وخلصت وبعدين فضلت اسبوع مفيش مسج او اي اتصال من المكتب كلمته يقولي روح بكرة المستشفي واسالهم عليها المفروض المكتب اللي يقولي النتائج لانهم هناك قالوا لي المكتب اللي يقولك اتقبلت ولا لاء

المهم روحت والحمد لله طلعت مقبول وروحت المكتب قولتله انا انا لائق

قالي خلاص اسبوعين وهنكلمك وهات 200 جنيه توثيق الملحقية

المهم انا من وقتها بقالي بالضبط 17 يوم ولسه مطلعش التاشيرة 

اتصلت عليه من حوالي 5 ايام قالي انها بتاخد وقت ولسه مطلعتش وزعق ومش عارف ايه وقالي لو عاوز تعالي خد ورقك وكمل مع مكتب تاني 

المهم اتصلت عليه تاني يوم وقولتله عادي كمل شغلك عشان هو تبع المكتب اللي في السعودية 

ودخلت رقم الطلب ورقم الجواز علي موقع انجاز "حدث خطا برجاء التاكد من البيانات المدخلة والمحاولة مرة اخري"

 

ده معناه ايه والعمل ايه دلوقتي والتوثيق بياخد وقت قد ايه عشان يخلص وهل ينفع اغير المكتب 

ولو حصل واخدت التاشيرة المكتب هياخد مني في حدود كام وشكرا لكم 

 

[ahmed015]

التوثيق حاليا بيتأخر شوية لانه نازل قرارات جديدة

المكتب نسبته القانونية 2% من راتب اول سنة ده لو هو جايب الشغل

ولو انت اللى جايب التأشيرة تقريبا بياخد 550 جنيه

[boody]

الف الف شكر يا باشا بس الموضوع دلوقتي بقاله يجي 25 يوم من بعد المسج بتاعت جامكا مفيش حل طيب

[ahmed015]

لو لقيت حل ابقى بلغنى نفس حالتك هههههههه

لا والحلو فى الموضوع بيقولك ممكن يترفض كمان بعد المدة دى

استهبااااااااااال

[Ahmedrefat100]

شباب هو موضوع التأشيره بيتأخر اوى ولا ايه

انا سمعت ان تأشيرة العمل بتاخد حوالي من خمس الي عشرة ايام فقط

لو فيه جديد حد يعرفنا 

ربنا يسهلنا حالنا كلنا ياااااااااارب

[boody]

السلام عليكم 

يا شباب انا كلمت المكتب قالوا لي لسه مستنين رد من الملحقية

كلمت الملحقية قالوا لي احنا بنتعامل مع مكاتب خالي المكتب هو اللي يستعلم

كلمت بقي الكلية قالوا لي مفيش حاجة وصلت عن طريق البريد من السفارة 

 

بصراحة معتش عارف اعمل ايه

 

انا بفكر نجتمع مثلا في يوم ونروح كلنا للمحلقية ونشوف الورق بنفسنا هنااااااااااااك ايه  رايكوا يا شباب