توثيق المؤهل من الملحق الثقافي

[Ahmedrefat100]

السلام عليكم ورحمة الله وبركاته

شباب هل فعلا توثيق المؤهل من الملحق الثقافي بياخد وقت حوالي اربعين يوم ارجوكوا ردوا عليا علشان المكتب لسه مبلغني دلوقتي 

 

[ahmed015]

بص هو الموضوع لسه جديد ومحدش فاهم فيه حاجة اصلا بس بياخد وقت فعلا من اقل 25 ل 40 تقريبا ومحدش فاهم حاجة السعودية كل يوم يقوموا يفطروا ويشربوا الشاى ويطلعوا خازوق جديد قصدى نظام جديد وبقت حاجة تقرف والواحد زهق منها من قبل ما يدخلها ربنا يتوب علينا

[Samer Zekry]

يأ ريت حد يقولنا يا جماعه موضوع التوثيق من الملحقية ده بيمشى ازاى بالضبط احسن انا واقع فى نفس الموضوع و مش عارف اخرته ايه 

[Ahmedrefat100]

انا كلمت الملحق الثقافي وقالوا فعلا ان هو بياخد وقت شويه علشان بيخاطبوا الجامعه نفسها وطبعا الجامعه علي حسب بقي ما تشد حيلها وترد 

[boody]

مفيش حل عشان تيجي بدري انا بقالي 30 يوم بالضبط مستنيها :/

[ahmed015]

احنا زهقنا وقرفنا من ام الاستعلام ده ومن السعودية نفسها ده على اساس ان الشعب المصرى كله مزور ومش عارف بيستعلموا فى 30 و 40 يوم ليه واخدها مشى وراح يستعلم

حاجة تقرف

[Ahmedrefat100]

ياشباب نسيت اقولكوا 

انا لما كلمته قالي ممكن تروح الجامعه وتسألهم علي الجواب اللي من الملحق اللي بيبقي فيه الاستعلام وتستعجلهم 

وربنا ييسرلنا الحال يارب خلينا نخلص

[ahmed015]

اتصلت عليهم على ايه ولا روحتلهم ؟

[Ahmedrefat100]

كلمتهم علي الرقم ده ياشباب

0233360614  

0233360613

 

لو سمحتوا كان ليا استفسار يعني ايه الجواز هيدخل العرض في القنصليه

وبيقعد اد ايه في العرض ده 

لو سمحتوا اللي عنده معرفه ميتأخرش ارجووووووووكوا

 

ويارب سهل لنا الامور واهديلنا الحال  قولوا امين

[Ahmedrefat100]

شباب حد يرد عليا بخصوص موضوع العرض ده 

هل الجواز بيدخل عرض لو كان معاه خطاب استثناء ولا ايه

[boody]

يا جدعااااااااااااااان مفيش اي حل 

او حتي نروح الملحقية نفسها ونشوف هل الورق اصلا في الملحقية ولا لاء

[ahmed015]

الموضوع ده بقى ممل والملحقية هتقولك بتعامل مع مكاتب مش افراد

والمكاتب زى الزفت متقدرش تاخد منها معلومة ولا تعرف حاجة

الواحد بدأ يفكر يكنسل السعودية خالص

[boody]

اه والله فعلا حاجة مملة 5 اسابيع هو لو ناصح اصلا يستعلم عن طريق النقابة اضمن واسهل واسرع كمااااااااااااااااان

ربنا يستر بقي وكمان المكتب كل لما تكلمه يقول لسه 

[Ahmedrefat100]

فعلا حاجه صعب أصعب حاجه الإنتظار وانت مش عارف تعمل حاجه بس هنعمل ايه (الحمدلله علي كل حال)

بس ياشباب حد يرد عليا 

هو الجواز بيدخل عرض لما بيكون معاه خطاب استثناء وايه هو العرض ده وبياخد وقت اد ايه

وربنا ييسر لنا حالنا جميعا انه ولي ذلك والقادر عليه

[boody]

السلام عليكم 

يا شباب انا كلمت المكتب قالوا لي لسه مستنين رد من الملحقية

كلمت الملحقية قالوا لي احنا بنتعامل مع مكاتب خالي المكتب هو اللي يستعلم

كلمت بقي الكلية قالوا لي مفيش حاجة وصلت عن طريق البريد من السفارة 

 

بصراحة معتش عارف اعمل ايه

 

انا بفكر نجتمع مثلا في يوم ونروح كلنا للمحلقية ونشوف الورق بنفسنا هنااااااااااااك ايه  رايكوا يا شباب

[ahmed015]

نفس الكلام بتاعك بالظبط

وكلمت الجامعة قالوا مفيش حاجة وصلت ودى واخدينها من شهر

وفيه ناس عايز تعمل وقفة قدام السفارة

[boody]

طيب اديني الاكونت بتاعتك علي الفيس وهبعتلك ادد ونتكلم 

انت خريج ايه او بتوثق شهادة ايه 

[Guest sherif]

سؤال يا جماعة هى رسوم الاستعلام دى كام و بتندفع فين فى الجامعة بالظبط ؟