محدش عايز يريحنا عن موضوع الخروج والعودة والمنع3سنين

[عمر المختار]

كل سنة وانت طيبين جميعا لم يتبق الا يومين واقرر اما امشى فى الاجراءات او الغى فكره السفر من كتر الجدل عن موضوع منع اللى كاسر تأشيرة خروج وعودة من سنة وانتهت اقامته من 8 شهور وعايز يرجع على تأشيرة جديدة على كفيل جديد فى نفس المدينة اللى كنت فيها من سنة فاتت بجواز جديد ايه يا رجاله شايفين ايه اللى عنده معلومة اكيدة او تجربة او حتى نصيحة يفيدنى ضرورى

[AbuZeyad]

شوف يا استاذ علاء

علشان تريح نفسك مفيش قدامك غير المخاطرة وانك تتكل على الله وتستخير وتمشي في اجراءات السفر وانت ونصيبك

بس متسيبش شغلك في مصر .... خد أجازة طويلة (شهرين - تلاتة) أهو لو عديت من المطار بسلام ابعت لهم استقالتك لو ينفع او خد اجازة قصيرة روح مصر استقيل وارجع تاني

ولو معديتش لا قدر الله ايه اسوء الاحتمالات؟ انهم يرجعوك مصر تاني؟؟ مش هاتكون مشكلة طالما انك مسيبتش شغلك في مصر

هي الخسارة الوحيدة هاتكون مصاريف السفر ودي ان شاء الله تتعوض مع الوقت

[عمر المختار]

الاخ ابو زياد اشكرك اولا على التعليق والنصيحة واحب اقولك ان اللى اخرنى على الرد هو انى بالفعل انهاردة قررت امشى فى الاجراءات وعملت كشوفات وبجهز ورقى للتأشيرة والله المستعان..والقرار خدته بعد ما زهقت من كلمات سمعت وأعتقد وجايز وبيتهايلى اللى سمعتها من ناس كتير ومكاتب حتى القنصلبة ..يبقى طالما مفيش ردود مقنعه ..يبقى مفيش غير المجازفة وقد كان ..وادعولى

[AbuZeyad]

بالتوفيق

ومتنساش تطمنا عليك

[bueemaje]

كل سنة وانت طيبين جميعا لم يتبق الا يومين واقرر اما امشى فى الاجراءات او الغى فكره السفر من كتر الجدل عن موضوع منع اللى كاسر تأشيرة خروج وعودة من سنة وانتهت اقامته من 8 شهور وعايز يرجع على تأشيرة جديدة على كفيل جديد فى نفس المدينة اللى كنت فيها من سنة فاتت بجواز جديد ايه يا رجاله شايفين ايه اللى عنده معلومة اكيدة او تجربة او حتى نصيحة يفيدنى ضرورى

طمنا عليك يا استاذ علاء وانفعنا بتجربتك

لعل الامر خير وان شاء الله ربنا هيوفقك