وقع في قبضة النظام الديكتاتوري الفاشي الانقلابي

[tarek hassan]

النائب العام يخاطب السلطات الألمانية لتسليم أحمد منصور غدًا

http://www.albawabhnews.com/1358577

 

تم تعديل 21 يونيو 2015 بواسطة أبو محمد

[tarek hassan]

[tarek hassan]

[herohero]

ربنا يستر ما يكونش معاه جنسية أجنبية من اياهم ، ويخلع مايقدر حد يمنعه 

 

اللي يهمني بقى بعيدا عن ان احمد منصور اخواني وفي قناة الجزيرة ده اللي يهم كل الافاضل هنا يارتى تهمته ايه ؟؟؟؟؟

 

 

تعذيب محامي !!! شوفتوا اد ايه احنا حنينيين قضية احمد منصور تعذيب محامي سبحان الله احنا معندناش تعذيب ابسلوتيلي 

[أبو محمد]

إطمئن .. معاه جنسية بريطانية

إطمئن على الآخر

هو بس أول ما هيتزنق هيقلع .. قصدى هيتنازل

 

 

قطر بتعرض الجنسية القطرية على احمد منصور لإنقاذه

تركيا تتدخل وتضغط لإطلاق سراح احمد منصور

مصر تعد ملفا لتطلب تسليم أحمد منصور

ليه التعب ده كله يا جماعة

أحمد منصور معاه جنسية بريطانية

والناس دى كل ما بتتزنق بتتنازل

 

[أبو محمد]

محمد الجوادى يلغى سفره للعلاج فى المانيا ويستبدلها بتركيا

بيتك .. بيتك .. بيتك

[أبو محمد]

متهيأ لى نطلع منها احنا بقى

:)

احمد منصور بيقول :

طلب الاحتجاز "ألمانى" ولا علاقة له بالبوليس الدولى

وسأل المحققين هل هناك اتفاقية تسليم مجرمين بين مصر وألمانيا ؟

وكانت الإجابة بالنفى

لو كلامه صحيح .. يبقى نصبر لغاية لما نشوف "الهر" هيعمل إيه مع "الجرذ"

 

https://www.youtube.com/watch?v=dVKwjyyh2As

[tarek hassan]

 

إلى كل الثوار في النسخة الألماني

عيش حرية عدالة اجتماعية واقتحام للسجن

مطلوب واحد تليفون الثريا بعد اقتحام السجن وإخراج أحمد منصور

 

يعني أحمد منصور هو المظلوم الوقتي والراجل اللي شبع ضرب وسحل منهم هو الظالم

كان بيضربهم بوشه على إيديهم لما إيديهم ياحرام

تم تعديل 21 يونيو 2015 بواسطة tarek hassan

[herohero]

 

إطمئن .. معاه جنسية بريطانية

إطمئن على الآخر

هو بس أول ما هيتزنق هيقلع .. قصدى هيتنازل

 

متزعلش مني العيب مش عليه ، العيب ع اللي اداله الفرصة ولغيره ان عاوز تنفد بجلدك اخلع واتنازل عن جنسيتك كان الجنسية المصرية بقت الطريق الى السجن والتنازل عنها هو الطريق الى الخلعان

[herohero]

 

 

إلى كل الثوار في النسخة الألماني

عيش حرية عدالة اجتماعية واقتحام للسجن

مطلوب واحد تليفون الثريا بعد اقتحام السجن وإخراج أحمد منصور

 

يعني أحمد منصور هو المظلوم الوقتي والراجل اللي شبع ضرب وسحل منهم هو الظالم

كان بيضربهم بوشه على إيديهم لما إيديهم ياحرام

 

ويعني المحامي وغيره اللي اضربوا الايام اللي فاتت ده !!! عادي ؟؟

ماشوفناش احكام ولا اتهام ولا حد اتقبض عليه 

انسى احمد منصور انا بتكلم ع الجريمة وهي التعذيب اللي اظن بقت شئ عادي ف ايامنا ده 

ولا ايييييييييييييييييييييييييه ؟؟؟

 

[أبو محمد]

بصراحة

:)

"الجمل سفينة الصحراء" أرحم بكتير

[herohero]

http://www.shorouknews.com/news/view.aspx?cdate=22062015&id=c2177bdf-54f2-4e67-a4f6-75b46995df73

 

أطلقت السطات الألمانية سراح المذيع المصري أحمد منصور، مقدم برنامج بلا حدود على شاشة قناة الجزيرة القطرية. hpc:!: 

 

 

يافرحه ماتمت   

[herohero]

 

 

إلى كل الثوار في النسخة الألماني

عيش حرية عدالة اجتماعية واقتحام للسجن

مطلوب واحد تليفون الثريا بعد اقتحام السجن وإخراج أحمد منصور

 

يعني أحمد منصور هو المظلوم الوقتي والراجل اللي شبع ضرب وسحل منهم هو الظالم

كان بيضربهم بوشه على إيديهم لما إيديهم ياحرام

 

 بناء على المعلومات الأولية، إن توقيف احمد منصور سببه مذكرة إنتربول دولية عملتها مصر والكلام الناس كلها زيطت عليه بمن فيهم أحمد منصور لكن الحقيقة في الأغلب مش كده. ليه:

١- مفيش اتفاقية تبادل أو تعاون من أي نوع بين مصر وألمانيا. أحمد منصور نفسه قال كده ودي كانت اجابة المحققين اللي كانوا بيتكلموا معاه.

٢- مصر ياما عملت مذكرات وطلعت أحكام ونفسها تمسك ناس كتير من الإخوان أو اللي بيحترموهم ودول بيتنقلوا في أوروبا والدول المتقدمة ونتيجة عدم وجود اتفاقيات ده ما بيتنفذش

٣- أحمد منصور نفسه وبعضمة لسانه قال ان المحققين الألمان نفوا إن الاعتقال سببه مذكرة مصر

أومال إيه حكاية الصفقة اللي بين ألمانيا ومصر اللي احمد قالها؟ .. 

حكاية الصفقة دي كلام من المحامي لأحمد منصور ردا على سؤال: هل تستبعد حدوث اتفاق أو صفقة مع النظام؟ والمحامي قال لا أستبعد.. وخلاص.. وده طبعا كلام لطيف وحراق وبيبيع وبيجيب زياط عالي وكده.. لكن في تقديري ما لوش معنى

والواضح ان كل الأطراف مستفيدة من ترويج قصة الإنتربول:

- مصر مستفيدة لإنها كده بتعلم على منصور والإخوان والجزيرة وبترضي بعض المشجعين اللي من امبارح للنهاردة مقضيينها تشفي.. بتقدم نفسها في صورة الدولة القوية اللي لها نفوذ دولي وعندها قدرة على اللحاق بأعداءها خارج الحدود

- احمد منصور مستفيد لإن ده بنط ضد حكومة الانكلاب، وترويج لقصة المؤامرة الدولية. ده بيكبره وبيحطه كفرد مش بس قدام نظام واحد.. لأ نظامين مرة واحدة ودولتين كبار وهو واقف قدامهم

- الألمان مديينها الطارشة لإن مش فارق معاهم والهدف على الأرجح حاجة تانية خالص.

كمان لما تتسوى الأمور كله هيكون مبسوط لإن الأنظار راحت في حتة بعيدة جدا والأطراف حققت أغراضها.

أحمد هيطلع بكره أو بعده بالكتير

ساعتها هيعلن انتصاره على القوى الغاشمة والناس كلها هتزيط

الإعلام المصري هيرجع لترويج نظرية المؤامرة الغربية الأوروبية الأمريكية والحادثة هتستغل لتأكيد نغمة بنلعب عليها بقى لها فترة وده برضه بيبيع داخليا ويدعم نظرية المؤامرة

الألمان هيكفوا على الخبر ماجور.... القصة الحقيقية هتكون خلصت وأطرافها ما عندهمش مشاكل مع بعض وكل واحد خد اللي عاوزه وادى اللي عاوزه

انت هتبقى في خانة من اتنين:

١- الخانة بتاعت: "أحمد عمهووووم حارق دمهم. لقد نصرك الله يا أسد الإسلام وحامي حمى العرب، بأبي أنت وأمي يا أحمد".

٢- أو الخانة بتاعة "هيييه شفت الغرب القذر المتواطيء مع الإخوان ساب المجرم رغم كل الجرائم اللي عملها"

 

 

تحياتي للمبدع حسام السكري 

[أبو محمد]

 

محمد الجوادى يلغى سفره للعلاج فى المانيا ويستبدلها بتركيا

بيتك .. بيتك .. بيتك

 

 

[أبو محمد]

تم الإفراج عن احمد منصور

يعنى ما طلعتش إسرائيل اللى ألمانيا ضعيفة أمامها

وما طلعتش أمريكا عشان تاخد منه معلومات عن زعيم جبهة النصرة اللى عمل معاه حديث

:)

متشوق لسماع وقراءة المزيد من الهرتلة بعد الإفراج عنه

[tarek hassan]

https://www.youtube.com/watch?v=oaTOPUpyUJg

الناس دي لا تستحي 

 

احمد منصور يوم السبت :القضاء الالمانى دمية فى يد السيسي 
احمد منصور يوم الاتنين : القضاء الالمانى انزه قضاء فى العالم 

كفاية إنك مش هتدخل دولة بعد كده إلا وأنت خايف ومرعوب بتقدم رجل وتأخر أخرى 

حتى إقامتك في قطر مرهونة بحالة العلاقات المصرية القطرية 

 

هذا الخائن يهتف ضد جيش بلده وكان بالأمس بيبوس الأيادي علشان ميتسلمش 

مع إن تسليمه كان أفضل لهم علشان يتغسل من عار الخيانة والعمالة 

فرحان إنه هربان بجريمته .... طيب 

[باهى الطائر الحزين]

 

من الأول عارفين انه مش هيتسلم

علشان يعملوا من الخائن بطل

 ...

[أسد]

الإعلام المصري كالعادة

لا يعتمد على معلومات حقيقية.. حيث ليس لهم أدوات للحصول على المعلومات الحصرية أو المعلومات المهمة

 

زيهم زينا بياخدوا الأخبار من المحطات التانية ومن وكالات الأنباء

ويقعدوا يحللوا ويهروا في الكلام بدون أي سند ولا فهم عن الموضوع

الصحفيين قاعدين يكتبوا ويحللوا.. وبعض الشباب قاعد على الفيس بوك يردد نفس الكلام والهيصة ومحدش عارف إيه اللي بيحصل

 

كل دول أوروبا تقريباً .. أو قل كل الدول الكبرى كانت ولا زالت ملجأ للهاربين من أحكام قضائية في مصر.. لماذا ؟؟

لأنهم من قديم الأزل لا يعترفون بنظامنا القضائي ، ولا يقرون بأن المتهم حصل على محاكمة عادلة

إنظر كيف كان المتهمون الجنائيون منهم حتى كانوا ولا زالو يهربون إلى تلك الدول...

صاحب العبارة الشهيرة.. وأشرف السعد.. وغيرهم كثيرون جداً

 

فبأي منطق ستعتقل ألمانيا منصور لصالح تنفيذ حكم قضائي مصري.. هذا يخالف الواقع

 

الخطأ الكبيرالذي وقعت فيه مصر.. وحتى وزارة الخارجية.. أنها لم تفهم حقيقة الأمر ولم تستوعبه.. وظنوا أن ألمانيا تنفذ مطالب مصرية بالقبض على منصور

 

منصور مثله مثل كثيرون من مذيعي الجزيرة.. مصادر معلومات هامة للمخابرات العالمية ومخابرات الدول الكبرى

ومن لا يتطوع بإمدادهم بالمعلومات المطلوبة.. يتشد من ودانه ويتحبس له يومين لحد ما يقول على كل حاجة

 

هذا اللبس والخطأ.. قد يجعل منه صامداً وبطلاً هارباً من حكم سياسي وليس جنائي

 

وأبعد عنه تهمة الخيانة أو التعامل مع أجهزة المخابرات ضد ضيوفه ...

 

[باهى الطائر الحزين]

 

ألمانيا ترفع الراية البيضاء وتعترف بـ«تسييس القضاء» مع أحمد منصور

 

الثلاثاء ٢٣ يونيو ٢٠١٥ - ١٢:٠٧:٠٩ م

 

 

القاهرة- بوابة الوفد- محمد ثروت

لا تزال قضية اعتقال الإعلامي الإخواني أحمد منصور مذيع قناة الجزيرة القطرية تثير علامات الاستفهام في ظل أسئلة لا تجد إجابات واضحة، وتضارباً ليس خافياً على المتابعين للقضية، وذلك بعد أن قررت السلطات الألمانية إطلاق سراحه أمس الاثنين.

 

لم تجد وسائل الإعلام الغربية، التي كثيراً ما تقف ضد الدولة المصرية وتتخذ من جماعة الإخوان الإرهابية نصيراً لها، الإجابة على السؤال الذي حيّر كثيرين، لماذا تم اعتقال أحمد منصور في ألمانيا عندما كان على وشك مغادرة مطار تيجل في برلين مساء السبت الماضي؟

 

الإجابة الرسمية الألمانية هي أنه تم توقيف منصور بناءً على مذكرة اعتقال مصرية صادرة بحقه، وبناءً على طلب الانتربول الدولي، وهو الأمر الذي أكده المتحدث باسم وزارة العدل الألمانية "بيوتر مالاكوفسكي" الذي قال في تصريحات إعلامية للمراسلين في ألمانيا إن الشرطة الفيدرالية تحركت لاعتقال منصور بناءً على مذكرة توقيف صادرة من مصر، وتم نشرها من خلال الانتربول.

 

ولكن التأكيد الرسمي الألماني يتناقض كليةً مع التصريحات الرسمية أيضاً الصادرة من الانتربول، والتي أكدت أنه لا توجد أي نشرة حمراء صادرة من الانتربول تخص أي شخص يحمل اسم أحمد منصور.

 

والأمر الأكثر إثارة أن السلاح الذي استخدمه أنصار الإخوان والمنظمات الموالية للصحفيين والإعلاميين للدفاع عن منصور والضغط على حكومة المستشارة الأمانية انجيلا ميركل، بأن القضاء المصري مُسيّس، وأن الاتهامات الموجهة للإعلامي الإخواني تحمل دوافع سياسية، هو نفس السلاح الذي دافعت به الحكومة الألمانية عن قرارها بإطلاق سراح إعلامي الجزيرة بعد يومين من اعتقاله.

 

فقد أكد مكتب النائب العام في برلين أن هناك مخاوف "سياسية ودبلوماسية" إضافة إلى عناصر قانونية هي التي دفعت برلين إلى الإفراج عن منصور، وبالتالي فإن هذا يمثل اعترافاً صريحاً بأن "التسييس" لعب دوراً في القرار الخاص بمنصور، وأن حجة "تسييس القضاء" لا تقتصر على مصر فقط، ولكنها لعبت دوراً أيضاً في ألمانيا التي تمثل "واحة" الحرية والديمقراطية وسيادة القانون في أوروبا.

 

وقال "مارتن ستلتنر" المتحدث باسم النيابة العامة في برلين: جاء قرار الإفراج عن أحمد منصور بعد فحص القضية، والأخذ في الاعتبار المخاوف السياسية والدبلوماسية التي ناقشتها برلين مع السلطات الاتحادية.

 

واعترف ستلتنر بمخاوف الحكومة الألمانية من ترحيل منصور إلى مصر، حتى في ظل الضمانات التي عرضتها القاهرة بتقديم محاكمة عادلة لإعلامي الجزيرة.

 

وعلمت "بوابة الوفد" من مصدر إعلامي مطلع في برلين أن ألمانيا حاولت الإفلات من مأزق ترحيل منصور إلى مصر عبر "بوابة لندن"، في ظل امتلاك منصور للجنسية البريطانية.

 

وأشار المصدر المطلع إلى أن برلين عرضت على لندن تسليم منصور والتحقيق معه بوصفه مواطناً بريطانياً، إلا أن السفير البريطاني في برلين رفض هذه الفكرة حتى لا تدخل بريطانيا في صراع لا يمكن التنبؤ بنتائجه مع التنظيم الدولي لجماعة الإخوان الذي يتخذ من لندن مقراً له.

 

وفي نفس السياق، فإن المقابلة التي أجراها منصور مع أبومحمد الجولاني القيادي البارز في جبهة النصرة في سوريا أثارت التكهنات بأن مصر كانت مجرد "شماعة" لتوقيف منصور حتى تستطيع السلطات الألمانية التحري من إعلامي الجزيرة عن مواقع جبهة النصرة المتحالفة مع القاعدة في سوريا، والتي أعلنتها الأمم المتحدة منظمة إرهابية.

 

 

 

[abaomar]

 

الناس دي لا تستحي 

كفاية إنك مش هتدخل دولة بعد كده إلا وأنت خايف ومرعوب بتقدم رجل وتأخر أخرى 

حتى إقامتك في قطر مرهونة بحالة العلاقات المصرية القطرية 

 

هذا الخائن يهتف ضد جيش بلده وكان بالأمس بيبوس الأيادي علشان ميتسلمش 

مع إن تسليمه كان أفضل لهم علشان يتغسل من عار الخيانة والعمالة 

فرحان إنه هربان بجريمته .... طيب 

 

السلام عليكم

الافاضل الكرام اهلا بكم و تقبل الله منا و منكم

إيه يا طارق اللى بتعمله ده و ايه اللى جرالك

بتقول يا طارق 

 

 

احمد منصور يوم السبت :القضاء الالمانى دمية فى يد السيسي 

احمد منصور يوم الاتنين : القضاء الالمانى انزه قضاء فى العالم 

 

الصوره دى انت اللى وضعتها و فيها احمد منصور يتكلم عن ..الحكومه الالمانيه و ما فيهاش ذكر القضاء الالمانى 

يبقى انت جبت الاتهام اعلاه منين .. حرام عليك لما تكذب و خصوصا و انت صايم 

انت عارف خطوره اللى انت بتقوله و تعمله 

يعنى  علشان تدعم الانقلابى القاتل تكذب و تشوه الناس و تتهم بالباطل 

ثانيا يا طارق منصور لم يذكر كلمه الجيش على لسانه فى الفيديو اعلاه و اتهامه كان 

للسيسي و نظامه و قضاته الفسده الفشله القتله 

يبقى انت جبت كلمه الجيش وهتاف منصور ضده منين ...يا طارق الكذب حرام و الله 

انا عارف ان الصدمه صعبه على الانقلابيين الدمويين و اتباع السيسي بسبب الضربه دى

خصوصا انها تانى ضربه المانى فى خلال ايام بعد فجر العادلى .

تذكر يا طارق يا ازهرى يا حافظ القرآن انك ها تقف امام الله عز و جل يوم القيامه 

و سوف يمسك منصور و غيره من ضحايا الانقلاب و انا منهم فيك بالاضافه لغيرك

من مناصرى و داعمى الانقلاب و نطلب حقنا ممن لا تضيع عنده الحقوق 

إلحق نفسك يا طارق قبل ان لا يكون دينار و لا درهم و عمله التعامل الحسنات و السيئات

و بعدها إما جنه او نار و خلود ابدى .

 

 

يَا أَيُّهَا الَّذِينَ آمَنُواْ كُونُواْ قَوَّامِينَ لِلَّهِ شُهَدَاء بِالْقِسْطِ وَلاَ يَجْرِمَنَّكُمْ شَنَآنُ قَوْمٍ عَلَى أَلاَّ تَعْدِلُواْ اعْدِلُواْ هُوَ أَقْرَبُ لِلتَّقْوَى وَاتَّقُواْ اللَّهَ إِنَّ اللَّهَ خَبِيرٌ بِمَا تَعْمَلُونَ    8 المائده