قصاصات عن الوحدة .. الغربة .. وأشياء أخري

[zemanova]

حماسك دا عظيم

طيب استعديت للاختبار؟ يعني ذاكرت او جمعت معلومات او اي حاجة؟

انا من مدة وانا عاوز ادخل الايلتس بس مش عارف السكة

وطبعا لا تبخل علينا بنتيجة بحثك عن كندا واستراليا 

يا ريت توافيني بالخاصة زى ردك عن المانيا

 

انا مش عاوزك تدعي عليا هناك اذا حصلت لك مشاكل لاني حاولت انصحك بما ظننت انه صحيح

بس افتكرني بدعوة في المدينة وانت بتصلي التراويح

 

بخصوص إختبار ال IELTS هتلاقي معظم الأجوبة علي أسئلتك ف الرابط ده .. بيشرحلك بالظبط الإمتحان بيتم ازاي ومثال محلول علي كل module من ال modules الأربعة اللي هتمتحن فيها .. Listening, Reading, Writing & Speaking

http://www.ielts.org/test_takers_information/test_takers_faqs.aspx

 

بخصوص الدعاء أنا كنت باهزر طبعا. خصوصا إن بعد م اتكلمت معاك موضوع ألمانيا أصبح بالنسبة لي باهت ومبقتش متحمس له بالمرة, وموضوع أستراليا حاسس إنه أقرب لي من كندا لعدة أسباب هاذكرها لاحقا .. وإن شاء الله لك عندي دعوة حلوة النهارده ف التراويح ودعوة تانية إذا اتقبلت ال Application ف موضوع الهجرة.

 

وهي تجربة جديرة بالتعب وشكلي هفكر فيها تاني بس لاستراليا رغم ان السن حاليا 34 له ظروف مختلفه عن ماكنت 27 سنة لسه

 

أنصحك تطرق باب الهجرة من جديد .. 34 سنة تمنحك 25 نقطة من إجمالي 60 إذا ما رغبت ف التقديم لهجرة أستراليا (إنت ف نفس عمري, أنا 33 سنة تقريبا). الميزة في تأشيرة أستراليا عن كندا - من وجهة نظري - إن ال processing period فيها أسرع من كندا بكتير اللي ممكن الفترة دي فيها توصل لسنتين و3 سنين. ده بالإضافة إلي إن معادلة مؤهلك الدراسي ممكن تعمله من عندك بدون داعي إنك تسافر وتعمله من هناك, وده شيء سمعت إنه مينفعش تعمله غير بعد الlanding بالنسبة لكندا.

 

أنا عرفت شويه معلومات تخص هجــرة أستراليا هاعرضها علي حضراتكم ف بوست منفصل لو حبيتوا ..

تم تعديل 11 يوليو 2015 بواسطة zemanova

[zemanova]

 

والمنتدى هنا في كثيرين كانوا بادئين معايا مشوار الهجرة وكثير منهم وفق واستقر هناك ، باختصار شديد تجربة تستحق التعب والمجهود وفي الغالب بتنجح 

 

ما ذكرته في ان السفر والاغتراب خارج مصر له نوعين : سفر الخليج ( دخل سريع ولكن مش مستمر ومافيش اضافة معنوية للشخص وطبعا مفيش مستقبل للاطفال )

 

سفر الغرب "الهجرة" ( تعب ومجهود في الاول ودخل قليل بيزيد مع الوقت مع العديد من المميزات المعنوية من تعامل أرقى من حريات من تطور وظيفي من مستوى تعليم للاطفال من امكانية عمل مشروع خاص مستقبلا )

 

وبالتالي لكل نوع من النوعين شخصيات مختلفة عشان كده سفر الخليج غير سفر الكفاءات للغرب ، لو عاوز فلوس بسرعة الخليج اما لو بتبص ع المدى البعيد ومستقبل للاطفال ( الهجرة )

 

عجبني جدا أسلوبك في تلخيص الفرق بين غربة الخليج وغربة الهجــرة, وزودت حماسي لفكرة الهجـــرة بالمناسبة لأن الدافع من وراء سفري لم يكن سعيا وراء الماديات من البداية. وإن كانت عبارة "في الغالب بتنجح" فرحتني وقلقتني ف نفس الوقت, وفكرتني إن إحتمالات الفشل ف الخارج قائمة بالضبط كما هي إحتمالات النجاح. خايف جدا بعد الهجرة يتبين لي إن العيش مستحيل ف بلاد المهجر أو لسبب أو لأخر أقع في مشكلات لا قبل لي بحلها وأضطر ارجع بدون تحقيق هدفي من الهجـــرة.

تم تعديل 11 يوليو 2015 بواسطة zemanova

[AbuZeyad]

 

 

أنا عرفت شويه معلومات تخص هجــرة أستراليا هاعرضها علي حضراتكم ف بوست منفصل لو حبيتوا

يا ريت

[zemanova]

ملخص الخطوات لهجــرة أستراليا:

 

1- لازم تعرف إذا كنت مؤهل للهجرة لأستراليا ولا لأ. بإنك تشوف وظيفتك موجودة فى قايمــة الوظائف أم لا. القائمة دي بتتعدل كل ســنة وفي وظائف بيتم حذفها وأخــري بيتم إضافتها حسب حاجة سوق العمل. القائمة دي (بيسموها Skilled Occupations List) موجودة ف الرابط ده:http://www.border.gov.au/Trav/Work/Work/Skills-assessment-and-assessing-authorities/skilled-occupations-lists/SOL

 

2- أســتراليا بها أكثر من 50 نوع مختلف من تأشــيرات الدخول متقســمة حسب الغرض من السفــر (سياحــة - عــمل - دراســة .. إلخ), وبالتالي هم مقسمينها subclasses بأرقام مختلفة. لو انت إسمك موجود ضمن لائحة الوظائف المطلوبة, ده بيؤهلك للسفر علي subclass 189 or 190 اللي هي مخصصة لهجــرة العمالة المهــرة.

شروط السفر وكيفية التقديم علي النوعين دول من التأشيرات مذكورة ف الرابطين:

http://www.border.gov.au/Trav/Visa-1/189-

http://www.border.gov.au/Trav/Visa-1/190-

 

3- تدخل على الCheck List لحساب درجاتك, الفئات المذكورة فوق بيبقي مطلوب منها تحقق score = 60 عشان تبقي eligible أو مؤهل للتقدم بطلب الحصول علي التأشيرة. النقاط دي موزعة علي العمــر, المؤهل, عدد سنوات الخبرة الوظيفية, مدي إجادتك للغة الإنجليزية + عوامل أخري.

 

4- من قائمة الوظائف هتعرف انت محتاج تعادل شهادتك مع أي جهة (بيسموها Assessment Authority)، تدخل على الwebsite بتاعهم وتشوف متطلبات المعادلة وتعرفها كويس لأنها بتختلف اختلاف جذرى من وظيفة لاخرى، واحيانا الجهة دي نفسها بيطلبوا IELTS أكاديميك ب score أعلي من المطلوب للحصول علي التأشيرة نفسها، وفى الحالة دي إنت هتعمل اتنين إمتحان IELTS واحد جينيرال للتأشيرة وواحد أكاديميك لل Assessment Authority.

 

5- هتبدأ تذاكر للIELTS وتعادل شهادتك ف نفس الوقت, إمتحان ال IELTS المفروض يبقي سابق شويه عشان جهة المعادلة بتطلب نسخة من نتيجة الإمتحان.

 

6- اول ما معادلتك تخلص (غالبا بتاخد وقت من شهرين إلي 3 شهــور) بتعمل حاجة اسمها Expression of Interest على الموقع بتاع الهجــرة, بتكتب فيه كود المعادلة بتاعتك وكود شهادة ال IELTS اللى معاك وال score بتاعها وتفاصيل شخصية تانية متعلقة بالخبرة والسن.

 

7- المفروض ان فى اخر ال Expression of Interest بيحسبلك درجاتك لو جبت 60 او أكتر (بالنسبة لفيزا 189 و 190) هيقولك انك ينفع تقدم.

 

8- تستنى لحد ما يبعتوا Invitation، المفروض انهم بيعملوا الاختيار ده مرتين فى الشهر، فممكن الInvitation تيجى بسرعة أو تتأخر.

 

9- لما تيجى الInvitation بيكون صلاحيتها شهرين بس ، لازم فى الفترة دي تدفع الرسوم كاملة (حوالى 3600 دولار أسترالى عن كل شخص بالغ فوق ال18 سنة) وتحمل كل الورق المطلوب اللى يثبت اللى انت كتبته فى ال EOI ولازم يكون الكلام والتواريخ كلها متجانسة ، وإلا مش هتاخد الفيزا حتى لو درجاتك تعدى ال60, ولو تم الإشتباه في تزوير الأوراق ممكن يتعملك Ban من إنك تقدم مرة تانية لفترة معــينة.

 

10- لو الشهرين خلصوا بتوع الInvitation - ال EOI بتاعك هيرجع ال pool تانى لمرة تانية لكن لو المرة التانية والInvitation بتاعتك وقتها عدي بيشيلوها خالص من ال pool وبيعتبروا إن انت خلاص غير مهتم بالحصول علي التأشيرة.

 

11- بتفضل مســتني فترة طويلة لحد م تفقد الأمل (الفترة دي بتصل لشهــور ومحدش يقدر يقولك إمتي بتنتهي, حتي هم نفسهم علي موقع الهجرة كاتبين كده), لحد م تلاقي حد بيتصل بيك يقولك مبروك, أو للأسف طلبك اترفض وف الحالتين مصاريف التأشيرة اللي حضرتك دفعتها Irreversible.

 

12- المفروض طبعا في كشف طبي ف مرحلة ما ف النص + بيان بالحالة الجنائية بيتعمل بس الحقيقة مش قادر احدد إمتي بيتعملوا بالظبط. غالبا بعد الInvitation.

تم تعديل 12 يوليو 2015 بواسطة zemanova

[herohero]

 

ملخص الخطوات لهجــرة أستراليا:

 

1- لازم تعرف إذا كنت مؤهل للهجرة لأستراليا ولا لأ. بإنك تشوف وظيفتك موجودة فى قايمــة الوظائف أم لا. القائمة دي بتتعدل كل ســنة وفي وظائف بيتم حذفها وأخــري بيتم إضافتها حسب حاجة سوق العمل. القائمة دي (بيسموها Skilled Occupations List) موجودة ف الرابط ده:http://www.border.gov.au/Trav/Work/Work/Skills-assessment-and-assessing-authorities/skilled-occupations-lists/SOL

 

2- أســتراليا بها أكثر من 50 نوع مختلف من تأشــيرات الدخول متقســمة حسب الغرض من السفــر (سياحــة - عــمل - دراســة .. إلخ), وبالتالي هم مقسمينها subclasses بأرقام مختلفة. لو انت إسمك موجود ضمن لائحة الوظائف المطلوبة, ده بيؤهلك للسفر علي subclass 189 or 190 اللي هي مخصصة لهجــرة العمالة المهــرة.

شروط السفر وكيفية التقديم علي النوعين دول من التأشيرات مذكورة ف الرابطين:

http://www.border.gov.au/Trav/Visa-1/189-

http://www.border.gov.au/Trav/Visa-1/190-

 

3- تدخل على الCheck List لحساب درجاتك, الفئات المذكورة فوق بيبقي مطلوب منها تحقق score = 60 عشان تبقي eligible أو مؤهل للتقدم بطلب الحصول علي التأشيرة. النقاط دي موزعة علي العمــر, المؤهل, عدد سنوات الخبرة الوظيفية, مدي إجادتك للغة الإنجليزية + عوامل أخري.

 

4- من قائمة الوظائف هتعرف انت محتاج تعادل شهادتك مع أي جهة (بيسموها Assessment Authority)، تدخل على الwebsite بتاعهم وتشوف متطلبات المعادلة وتعرفها كويس لأنها بتختلف اختلاف جذرى من وظيفة لاخرى، واحيانا الجهة دي نفسها بيطلبوا IELTS أكاديميك ب score أعلي من المطلوب للحصول علي التأشيرة نفسها، وفى الحالة دي إنت هتعمل اتنين إمتحان IELTS واحد جينيرال للتأشيرة وواحد أكاديميك لل Assessment Authority.

 

5- هتبدأ تذاكر للIELTS وتعادل شهادتك ف نفس الوقت, إمتحان ال IELTS المفروض يبقي سابق شويه عشان جهة المعادلة بتطلب نسخة من نتيجة الإمتحان.

 

6- اول ما معادلتك تخلص (غالبا بتاخد وقت من شهرين إلي 3 شهــور) بتعمل حاجة اسمها Expression of Interest على الموقع بتاع الهجــرة, بتكتب فيه كود المعادلة بتاعتك وكود شهادة ال IELTS اللى معاك وال score بتاعها وتفاصيل شخصية تانية متعلقة بالخبرة والسن.

 

7- المفروض ان فى اخر ال Expression of Interest بيحسبلك درجاتك لو جبت 60 او أكتر (بالنسبة لفيزا 189 و 190) هيقولك انك ينفع تقدم.

 

8- تستنى لحد ما يبعتوا Invitation، المفروض انهم بيعملوا الاختيار ده مرتين فى الشهر، فممكن الInvitation تيجى بسرعة أو تتأخر.

 

9- لما تيجى الInvitation بيكون صلاحيتها شهرين بس ، لازم فى الفترة دي تدفع الرسوم كاملة (حوالى 3600 دولار أسترالى عن كل شخص بالغ فوق ال18 سنة) وتحمل كل الورق المطلوب اللى يثبت اللى انت كتبته فى ال EOI ولازم يكون الكلام والتواريخ كلها متجانسة ، وإلا مش هتاخد الفيزا حتى لو درجاتك تعدى ال60, ولو تم الإشتباه في تزوير الأوراق ممكن يتعملك Ban من إنك تقدم مرة تانية لفترة معــينة.

 

10- لو الشهرين خلصوا بتوع الInvitation - ال EOI بتاعك هيرجع ال pool تانى لمرة تانية لكن لو المرة التانية والInvitation بتاعتك وقتها عدي بيشيلوها خالص من ال pool وبيعتبروا إن انت خلاص غير مهتم بالحصول علي التأشيرة.

 

11- بتفضل مســتني فترة طويلة لحد م تفقد الأمل (الفترة دي بتصل لشهــور ومحدش يقدر يقولك إمتي بتنتهي, حتي هم نفسهم علي موقع الهجرة كاتبين كده), لحد م تلاقي حد بيتصل بيك يقولك مبروك, أو للأسف طلبك اترفض وف الحالتين مصاريف التأشيرة اللي حضرتك دفعتها Irreversible.

 

12- المفروض طبعا في كشف طبي ف مرحلة ما ف النص + بيان بالحالة الجنائية بيتعمل بس الحقيقة مش قادر احدد إمتي بيتعملوا بالظبط. غالبا بعد الInvitation.

 

تسلم يابشمهندس ،والواحد شكله هيبدأ تاني يبص للحلم القديم 

اصل للاسف نفس الأسباب اللي كانت ف 2004 هي نفسها ، للاسف مالناش حظ في بلدنا

 

[herohero]

عجبني جدا أسلوبك في تلخيص الفرق بين غربة الخليج وغربة الهجــرة, وزودت حماسي لفكرة الهجـــرة بالمناسبة لأن الدافع من وراء سفري لم يكن سعيا وراء الماديات من البداية. وإن كانت عبارة "في الغالب بتنجح" فرحتني وقلقتني ف نفس الوقت, وفكرتني إن إحتمالات الفشل ف الخارج قائمة بالضبط كما هي إحتمالات النجاح. خايف جدا بعد الهجرة يتبين لي إن العيش مستحيل ف بلاد المهجر أو لسبب أو لأخر أقع في مشكلات لا قبل لي بحلها وأضطر ارجع بدون تحقيق هدفي من الهجـــرة.

شوف يابشمهندس من واقع تجارب من العائلة او اصدقاء ، الفشل ف الاغتراب بيكون اختيارك انت . وبصراحه النجاح في الاغتراب في الغرب اصعب من النجاح في الدول العربية طبعا لان بصراحه غربة الدول العربية ماهي الا غربة مكان وبسيطة العادات واللغة هي نفسها تقريبا 

وبالتالي هي ليست غربة فعلا ولا يمكن الحكم عليها 

غربة الغرب هي فعلا اللي غربة وده من تجارب الكثيرين اولها بتبدأ بموضوع الدين ، انا كنت فاكرها سهلة طلعت مش سهلة خالص انت اه بتلتزم بدينك وهناك بصراحه محدش بيضيق عليك بس الجو العام مختلف يعني موضوع سماع الاذان ورمضان وصلاة العيد وكل الطقوس الدينية ده انساها ، انا كنت بقول سهلة بس بصراحه مش سهلة خالص 

طبعا السلوكيات العادية في الشارع ممكن كشخص كبير تتغاضى عنها اما المشكلة الكبرى ف الاطفال ازاي هتقول لهم ده غلط وتعرفهم ان الدين بيقول كده غلط وحرام ويطلع الشارع يلاقيه 

بصراحه ده مشكلة المشاكل 

 

موضوع ان الغربة في الغرب في الغالب بتنجح اقصد به ان فيه ممكن جوانب فشل بتكون ع المستوى الاجتماعي وده بقى ممكن يبقى لها حلول لكن في الاخر الامور بتمشي خاصة ان الواقع عندنا في مصر اجتماعيا في نظري فااااااااااشل ومابقيتش الاخلاق والقيم اللي الواحد اتربى عليها واللي كان نفسي يشوفها في مصر

[AbuZeyad]

انا دخلت على لسته الوظائف

ولقيت كمان معلومات تانية عن الوظائف المطلوبة تحت الرابط دا

http://www.border.gov.au/Trav/Work/Empl/ANZSCO/Code/anzsco-code5

 

بس مش فاهم الفرق بين الوظائف اللى تحت الرابط اللى ارسلته في الاول والواظائف تحت الرابط دا

 

شوف كدا وقولى

[zemanova]

انا دخلت على لسته الوظائف

ولقيت كمان معلومات تانية عن الوظائف المطلوبة تحت الرابط دا

http://www.border.gov.au/Trav/Work/Empl/ANZSCO/Code/anzsco-code5

 

بس مش فاهم الفرق بين الوظائف اللى تحت الرابط اللى ارسلته في الاول والواظائف تحت الرابط دا

 

شوف كدا وقولى

 

بص يا نجم

القائمة اللي حضرتك لقيتها دي قائمة بأكواد الوظائف المطلوبة بشكل عام في أستراليا ونيوزلندا مرتبة أبجديا .. القائمة دي بيسموها قائمة ال ANZSCO

Australian and New Zealand Standard Classification of Occupations (ANZSCO) codes

 

طبعا دي بتشمل كل الوظائف بصرف النظر عن الغرض المطلوب من وراءه الهجرة. لكن القوائم اللي مذكورة ف البوست بتاعي هي الخاصة بهجــرة العمالة المهــرة بالتحديد واللي بتحدد شروطها الفيزا رقم 189 و 190 بس. عشان زي م اتفقنا التأشيرات أنواعها كتير حسب الغرض من الدخول للبلد. بمعني أخر الوظائف االي ف القائمة الأولي (الخاصة بالفيزا 189 و 190) مشمولة أكيد ف الوظائف اللي ف قائمة ال ANZSCO

[zemanova]

معلومــة ع الماشي:

تكاليف الهجــرة لأستراليا (بالنسبة لعائلة مكونة من زوج وزوجة وطفلين صغيرين أصغر من 18 سنة) هيكون تقسيمها كالتالي:

 

1. مصاريف معادلة شهادة التخرج تساوي تقريبا 700 دولار أسترالي * 5.88 جنيه مصري = 4,000 جنيه مصري

2. مصاريف التأشيره (تدفع لحساب إدارة الحدود والهجرة بأستراليا) 3600 دولار أسترالي للفرد الأساسي + 1800 للزوجة + 900 لكل طفل * 2 = 7200 دولار أسترالي * 5.88 جنيه مصري = تقريبا 43,000 جنيه مصري

3. تذكــرة طيران لفرد واحد فقط = 20,000 جنيه مصري

4. مصروف شخصي لفرد واحد فقط لفترة تتراوح م بين 3 - 4 شهور حتي الحصول علي فرصة عمل مناسبة (شاملا الإيجار والأكل والشرب وخلافه) = 2000 دولار/الشهر * 4 شهور * 5.88 جنيه مصري = 47,000 جنيه مصري

 

الإجمالي في حدود 114,000 جنيه مصري

 

ملحوظة: عن كل فرد عمره +18 (الزوجة علي سبيل المثال) ولم ينجح في تحقيق score = 4.5 في امتحان ال IELTS بيتم دفع رسوم حوالي 4000 دولار أسترالي كمصاريف تغطي نفقات كورس تعليم اللغة الإنجليزية هناك ف أستراليا بعد الوصول. وبيتم دفعها في مرحلة الInvitation

[zemanova]

طبعا السلوكيات العادية في الشارع ممكن كشخص كبير تتغاضى عنها اما المشكلة الكبرى ف الاطفال ازاي هتقول لهم ده غلط وتعرفهم ان الدين بيقول كده غلط وحرام ويطلع الشارع يلاقيه 

بصراحه ده مشكلة المشاكل 

 

موضوع ان الغربة في الغرب في الغالب بتنجح اقصد به ان فيه ممكن جوانب فشل بتكون ع المستوى الاجتماعي ودي بقى ممكن يبقى لها حلول لكن في الاخر الامور بتمشي خاصة ان الواقع عندنا في مصر اجتماعيا في نظري فااااااااااشل ومابقيتش الاخلاق والقيم اللي الواحد اتربى عليها واللي كان نفسي يشوفها في مصر

 

تعرف إن كل دي أشياء الواحد ممكن يتكيف معاها من وجهة نظري. أنا عشت سنة ونص ف اليونان وعندي فكــرة تقريبية عن اللي انت بتقوله. الفشل بالنسبة لي هو إني أروح هناك أقعد فترة أبحث عن وظيفة واصرف الفلوس اللي معايا وأضطر أرجع صفر اليدين زي م بيقولوا.

ده اللي كنت بسألك عنه بخصوص فرص النجاح والفشل.

[AbuZeyad]

دا طلع حوار كبير

 

نكمل بعد العيد ان شاء الله وكل سنة وانت طيب

 

ومتنسناش بدعوة حلوة في الحرم النبوي وقت صلاة العيد

[zemanova]

الموضوع فعلا كبير لكن مش صعب. أنا موجود بحجة إني درايتي بالموضوع أعتقد أصبحت كفاية للرد علي أي استفسار (ياريت تقوللي انك نويت عشان نمشي ف الإجراءات سوا عشان محتاج حد يشجعني بصراحة)

وكل سنة وحضرتك طيب وجميع السادة أعضاء المنتدي .. ربنا يرزقك هدي النفس والتقي والغني والصلاح في الدنيا والأخرة.

[zemanova]

شباب .. واضح إنه لا بديل عن موضوع الهجرة فعلا ع الأقل بالنسبة لي

مؤخرا في مكان عملي عرفت إن الشركة قررت تخفيض عدد العمالة بعدد من المشاريع ومن ضمنهم المشروع اللي أنا فيه. قائمة طويلة بأسماء عدد من المهندسين ممن إنتهت فترة عقودهم وينتظرون التجديد زي حالاتي وذلك لعدم قدرة الشركة علي دفع رواتب هذا العدد من الموظفين. أنا عقدي مع الشركة بينتهي 20 أغسطس, وعلي الرغم من أنه لم يصلني أي إشعار رسمي من الشركة حتي الأن إلا إني غير متفائل بالمرة.

عدد من زملائي تم إقالتهم بالفعل والبعض منهم ممن هم أحسن حظا تم إعطاؤهم أجازات مفتوحة تصل إلي 6 شهور. أنا في انتظار دوري ف الإقالة أو في أحسن الظروف أجازة مفتوحة.

واضح إن الظروف بتدفعني دفعا لإتخاذ قرارات متعجلة تجاه السفر لأي بلد بيحترم حقوق الإنسان غير دول الخليج وبعيدا عن نظام الكفالة بكل تعقيداته وسلبياته.

معنوياتي تحت الصفر ..

تم تعديل 26 يوليو 2015 بواسطة zemanova

[AbuZeyad]

من واقع مروري بتجربة مماثلة في عملي السابق

اقولك لا تيأس وحافظ على معنوياتك

 

ان مع العسر يسرا

ان مع العسر يسرا

[zemanova]

عزيزي أبو زياد

ما يعكر صفوي فعلا ليست فكرة أن أجد نفسي بلا عمل أو إني أضطر للعودة لمصــر في الوقت الحالي. ف "رب هنا هو رب هناك" زي م بيقولوا ولا حيلة ف الرزق.

المحبط لي فعلا فكرة إني أستني mail أو memo من الإدارة مذكور فيه إني عليا تسليم مهامي الوظيفية ويفيد بإن أخر يوم عمل لي هيكون يوم كذا .. فكرة إنتظار ده ف حد ذاته شايف انها مهينة وبتسبب لي مغص حاد ف أمعائي بجد مش بهزار .. لدرجة إني بافكر إني أنا اللي اطلب ده لمجرد الحفاظ علي ماء وجهي مش أكتر.

 

شكرا جزيلا محاولاتك إنك تساعدني .. وإن كنت انت تخطيت المرحلة دي من زمان ف أنا ب اعتبرك مستشاري القانوني من أيام موضوعي القديم ومحاولاتي الأولي للسفــر. موضوع أستراليا نفسه كان فكرتك من البداية .. بس متتوقع مني أتعاب غير بعد ظهور التأشـــيرة .. إتفقنا ؟

[herohero]

لا يابشمهندس تفائل خيرا انا معرفش حضرتك في مصر كان شغلك طبيعته ايه ، بس اللي بتقول عليه ده موجود في غالبية الدول وع فكرة الخليج يعتبر جنه بالنسبة للعمل في الغرب ، هناك طحن بجد وطبعا فكرة التيرمينيشن ليتر ده شئ عادي جدا وبيحصل لو حضرتك بتتكلم ع موضوع الشغل المستمر عليك وع الشغل الحكومي في مصر 

 

غير كده فالعالم كله شغله مفيهوش استقرار عادي يعني ، وربنا بيرزق وبيعوض ف خليج وغيره

[zemanova]

 

لا يابشمهندس تفائل خيرا انا معرفش حضرتك في مصر كان شغلك طبيعته ايه ، بس اللي بتقول عليه ده موجود في غالبية الدول وع فكرة الخليج يعتبر جنه بالنسبة للعمل في الغرب ، هناك طحن بجد وطبعا فكرة التيرمينيشن ليتر ده شئ عادي جدا وبيحصل لو حضرتك بتتكلم ع موضوع الشغل المستمر عليك وع الشغل الحكومي في مصر 

 

غير كده فالعالم كله شغله مفيهوش استقرار عادي يعني ، وربنا بيرزق وبيعوض ف خليج وغيره

 

أستاذي الفاضل herohero

معاك حق طبعا ومش مختلف معاك في إن عدم الإستقرار هو الضريبة الواجبة الدفع لكل العاملين بالقطاع الخاص أو ال private sector زي م بيقولوا. إنما ما يزيد حنقي فعلا وبيخلليني ناقم علي وضعي الحالي إني أساسا واقع تحت ظلم الشركــة منذ زمن. ومستحقاتي متأخرة منذ فترة تزيد عن 4 شهــور, وحرفيا كلنا بنسف التراب ف السعــودية أنا وزمايلي. يكفي أن تعلم إن راتب شهر أبريل الماضي لم أتقاض منه هللة حتي الأن. وبعدها عايزني أقتنع إن الخليج جنة بالنسبة للعمل في الغرب !!

 

سامحني أنا عملت ف الغرب بالفعل لفترة قصيرة في بداية حياتي المهنية, وكان في بلد أوروبي فقير وبيشحت اللي هو اليونان, ولكني لم أتعرض لمواقف مماثلة ولا لأي تمييز من جانب الناس هناك فيما يخص إستحقاقاتي كموظف. وحتي في عز الأزمة الإقتصادية الطاحنة هناك إنتظروا حتي نهاية عقدي الشخصي كموظف وإعتذروا عن التجديد لأن مكتب العمل نفسه رفض إستخراج تصاريح عمل جديدة للأجانب بسبب إن البطالة إرتفعت نسبها جدا بين ال natives اللي هم أهل البلد وهم أولي بالوظائف مننا كأجانب.

 

لا يا سيدي .. العمل في الخليج له مميزاته صحيح لكنه بلا شك أقل أدمية من العمل في الغرب, كما إنه في الغرب العمل أقل استعبادا للأفراد من العمل ف داخل وطننا العربي. وحط تحت كلمة العربي كذا خط.

تم تعديل 28 يوليو 2015 بواسطة zemanova

[herohero]

 

 

 

أستاذي الفاضل herohero

معاك حق طبعا ومش مختلف معاك في إن عدم الإستقرار هو الضريبة الواجبة الدفع لكل العاملين بالقطاع الخاص أو ال private sector زي م بيقولوا. إنما ما يزيد حنقي فعلا وبيخلليني ناقم علي وضعي الحالي إني أساسا واقع تحت ظلم الشركــة منذ زمن. ومستحقاتي متأخرة منذ فترة تزيد عن 4 شهــور, وحرفيا كلنا بنسف التراب ف السعــودية أنا وزمايلي. يكفي أن تعلم إن راتب شهر أبريل الماضي لم أتقاض منه هللة حتي الأن. وبعدها عايزني أقتنع إن الخليج جنة بالنسبة للعمل في الغرب !!

 

سامحني أنا عملت ف الغرب بالفعل لفترة قصيرة في بداية حياتي المهنية, وكان في بلد أوروبي فقير وبيشحت اللي هو اليونان, ولكني لم أتعرض لمواقف مماثلة ولا لأي تمييز من جانب الناس هناك فيما يخص إستحقاقاتي كموظف. وحتي في عز الأزمة الإقتصادية الطاحنة هناك إنتظروا حتي نهاية عقدي الشخصي كموظف وإعتذروا عن التجديد لأن مكتب العمل نفسه رفض إستخراج تصاريح عمل جديدة للأجانب بسبب إن البطالة إرتفعت نسبها جدا بين ال natives اللي هم أهل البلد وهم أولي بالوظائف مننا كأجانب.

 

لا يا سيدي .. العمل في الخليج له مميزاته صحيح لكنه بلا شك أقل أدمية من العمل في الغرب, كما إنه في الغرب العمل أقل استعبادا للأفراد من العمل ف داخل وطننا العربي. وحط تحت كلمة العربي كذا خط.

 

وهو ايه ادمي في عالمنا العربي !!!! 

[zemanova]

وهو ايه ادمي في عالمنا العربي !!!! 

 

م انا عشان كده قلت لحضرتك حط تحتها كذا خط .. 

[herohero]

م انا عشان كده قلت لحضرتك حط تحتها كذا خط .. 

ماتقلبش علينا المواجع ، اسوأ شئ انك تبقى عارف ان المستقبل مظلم وتعيش الحاضر بتاعه وتحاول تضحك على نفسك