البطاقة الجديدة ~ مرحباً باحكومة الإلكترونية

[KANE]

الحقيقة ان الموضوع ده كنت عايز افتحه من فتره ولمن المشاغل

اوكيه ايه الموضوع

الموضوع ان البطاقة الجديده والتي قررت الحكومة الموقره تعميمها تقابها ازمة صعبة شويتين - ونص

فقد اكتشفت عدم وجود جهاز قارئ لهذه البطاقات في اي مكان صحرا كان او بستان، الأمر الذي يجعلنا نقول لكل حامل بطاقه من هذا النوع ، بلها واشرب ميتها

لماذا لأن أغلب المعلومات المتوفره على البطاقة ستكون بلا فائده

المثال الذي سأطرحه يوضح جزأً من الحقيقة المره

عندما كنت اجدد تصريح العمل وعند الإستلام اراد احد الأفراد ان يستلم تصريحه وتصريح زوجته ، وبسبب وجود البطاقة الجديده معاه فإن الصول المشرف على توزيع التصاريح لم يستطع التأكد من انه زوج السيده التي يطلب تصريح عملها :D

وبالتالي رفض إعطائه التصريح

ولأن تخصصي الحاسب ولأنني ظننت أن هذه البطاقة ستسهل علينا الكثير فقد سألت الصول بكل براءة الأطفال :blink: وانا انبهه ان البطاقة بالفعل تحمل هذه المعلومات

فرد علي :D وتعرف سعادتك تقراها mfb:

فسألت ايضا بنفس البراءه :angry: هو الجهاز القارئ لهذه البطاقة مش موجود

فأشاح الصول بوجهه فعلمت الحقيقة :unsure:

واعتقد انه لا يوجد أرفع من جهاز مباحث امن الدوله

فماذا عن اقسام الشرطة العاديه والدوريات والكمائن :wub:

هل معنى ذلك ام من يحمل البطاقة الجديده ممكن يلف كعب داير علشان يثبت ان الست اللي معاه في العربيه مراته

وقس على ذلك كل المصالح الحكومية منها وغير الحكومية

حكومة الكترونية هاءو ~~~ احلى من الشرف مافيش :wub:

[se_ Elsyed]

فماذا عن اقسام الشرطة العاديه والدوريات والكمائن  :sad:

<{POST_SNAPBACK}>

على حد علمي بإن سيارات الدوريات ( الآتاري ) موجود فيها بالفعل الجهاز ده بتاع قراءة الكف ...

لكن فعلاً العملية هاتبقى معجنة ومش معروف مين مرات مين .. ومين مع مين .... وكل عام وإنتم بخير ...

يا أخي كنت أتكلم وما تتكسف عن الشبشب أبو صباع اللي إسمه جواز السفر ولو إتنبح صوتنا عشان يتغير بدل ما الواحد لما بييجي يسافر بينزل يشتري له شنطة متر في متر عشان يشيله فيها ...

أنا عشان شغال في إدارة الموارد البشرية فيورد عليه جميع أنواع الجوازات الحيه والميته ..

بصراحة الدول اللي إحنا بنتتريق عليها وبنعتبرها عالم رابع .. كلها سبقتنا وبقت جوازات سفرهم توماتيكي توماتيكي .. وحاجة صغيرة كده وسمباتيك وعلامات مائية وحركات .. مش لسه بيانات الجواز بتتعبى بالنظام اليدوي مثلما كان يفعل الكاتب المصري الجالس القرفصاء من 7000 سنة ..

إيه هي كيميا ولا مفاعل نووي مش عارفين يبنوه ؟

من فضلك إقرأ الخبرين اللي في الموضوع ده ؟

عالم رسوووم رسووووم

[Sherief AbdelWahab]

جبتها من على طرف لساني يا عم كين..

لسة كنت ح أناقش الكلام دة ..

واضح إن محدش واخد المشروع دة جد ، لا الحكومة ، ولا الموظفين اللي بينفذوا المشروع..

عندي مثال صغير : الكروتة والطلسأة اللي شابت عملية إدخال بيانات التلامذة الصغيرين للحكومة الإلكترونية ، البيانات اتكروتت بشكل بشع وأنا شخصياً شاهد عليه..

نيجي للبطاقة الجديدة..

أنا من أشد المعارضين لها ، لمجرد أن أصحابها يهدفون - م الآخر - لعمل بطاقات انتخابية منها .. يا تعمل بطاقة جديدة عشان تنتخب بيها بالذوق والعافية يا تروح في داهية وتصبح no where man وتروح اللومان!..

هوة كله غصب غصب كدة .. البطاقة والانتخابات؟ :sad:

هوة إيه أصله دة؟

خلص الكلام