الأغاني الوطنية الجديده ماركة هوبه تيتو ممبو

[KANE]

بصراحة بعد نهاية الاستفتاء - آسف الإنتخبات-

نفسي نتكلم شويه عن ال 3 أو 4 اغاني اللي بيفترض انهم وطنيين وظهروا خلال الفتره اللي فاتت :unsure:

ونقارن بينهم وبين اغاني حليم او ام كلثوم أو عبد الوهاب أو شاديه الوطنيه

و بين العاطفي أو ابو كيفه المشهور ب مدحت صالح أو الحجات التوتو التانيه اللي بتغني

اللي مستغربله بالمناسبه ازي محمد منير يدخل نفسه في الهجص ده كنت باحترمك أو يامنير ياخساره :angry:

احكي فضفض ايه مشاعرك عن الأغاني المذكوره

أعترف :wub:

[ابو صلاح]

يا اخ كينى انا شايف ان الاغانى الوطنية الجديدة ... زى

- ارمى حموليك عليا ( لهيثم شاكر )

- لو كنا بنحبها ل ( مدحت صلح ، تامر حسنى ، شذى ، بشرى .... الخ )

- اكيد فى مصر ل ( سومة ، محمود العسيلى ، التالت مش عارف اسمة اية )

- بلدى ل ( شرين ، وواحد تانى صوتو حلو )

- الاغنية بتاعة محمد رفاعى

كلهم كانت اغانى جامدة ومناسبة للعصر اللى احنا عايشينو ومش شايف انها ( هوبة تيتو مامبو ولا حاجة )

بس فى حتة صغيرة ما عجبتنيش فى اغنية اكيد فى مصر ان اللحن مش ماشى مع الأغنية على مدار الأغنية تحس ان فى حتت دخيلة على اللحن او على الكلام

[مهيب]

كينى .. أنا متفق معاك فى كل اللى قلته ... و حتى مش شرط الأغانى الفخيمة بتاعة (مصر تتحدث عن نفسها) أو (مصر التى فى خاطرى) .. أغانى شادية مكانتش كلام و بس زى (يا حبيبتى يا مصر) .. كمان فى أغانى زى (بالاحضان) و حتى أغانى من كلمات أحمد فؤاد نجم ...

لكن الوضع الحالى مشكلة كبيرة ... بقينا نربط أى شيىء سيىء و خالى من الفن بالموضة و الستايل .. و هو ده اللى مناسب للعصر ده .. هى فعلا ممكن تكون مناسبة للعصر ده لو العصر ده هو عصر انحطاط الفنون ... الأغانى اللى بقت أهم شيء فيها الاخراج و التصوير ولا كأنها اعلانات زى اعلانات موبينيل و أوليمبك و اتكلم براحتك ... مش مهم الأغنية بتقول ايه و لا مهم اللحن مسروق منين ... المهم ان يبقى فى كام بنت حلوة .. لابسة لبس مصرى عصرى .. على كام شاب بقميص و كرافتة .. و أم ملامحها طيبة ووراها منظر النيل و الألوان ... و راجل عجوز على القهوة و طفلة بتمشى شوية و تتلفت للكاميرا و تبتسم ... كده يبقى أنت أكيد فى مصر

و أنا مش معترض طبعا على التصوير و الاخراج ... لكن ميبقاش هو ده الغنوة ..

أغنية (يبقى أنت أكيد فى مصر) سيئة بكل المقاييس ... و هى لا تنطبق عليها معنى كلمة أغنية .. مقاطع الكلام أحيانا طويلة قوى .. و أحيانا مقصوصة ... و الكلام مش متزن مع بعضه و مش ماشى مع الموسيقى ...

[Sherief AbdelWahab]

سبق مناقشة موضوع الأغاني الجديدة في "محمد رفاعي وشريف صبري" في موضوع في إحدى صفحات باب "شعر وفنون وقراءات"..وسأطلب دمج الموضوع فيه منعاً للتشتيت..

مرة أخرى ، هذا القسم مخصص لمناقشة وسائل الإعلام وأدائها ، والقسم الفرعي الخاص بالصحافة يتناول أهم المقالات والآراء المنشورة في الصحف الورقية والإلكترونية .. أما كافة أشكال الفنون فتناقش في باب "شعر وفنون وقراءات"..

شكراً لسعة صدركم..

خلص الكلام