يعنى ايه البصمة محدثة أوغيرمحدثة أوالاستفسارعن البصمة لم ينجح

[عمر المختار]

السلام عليكم ورحمة الله

خرجت من المملكة من عام بتأشيرة خروج وعودة وعايز أطمئن من موضوع المنع 3 سنين عرفت إن أهم حاجة انى استعلم عن البصمة فدخلت على موقع وزارة الداخلية السعودية ومن خدمات الكترونية دخلت على الاستعلام العام على البصمة ..دخلت رقم الإقامة المنتهية بتاعتى ظهرت رسالة بتقول (الاستفسار العام عن البصمة لم ينجح, رقم الإقامة غير صحيح!) رغم انه رقم صحيح وأنا متأكد واستعلمت بيه عن حاجات تانية ..قمت جبت أرقام إقامات سارية من ناس أعرفهم فى السعودية ظهرت كلها رسالة (البصمة محدثة ) وسمعت ان ناس بتظهرت لها رسالة ( البصمة غير محدثة )ودا اعتقد ان معناها ان البصمة موجودة ولكنها لم تحدث والله اعلم ..جبت رقم إقامة واحد صاحبى كان خارج معايا العام الماضى بس كان واخد نهائى مش خروج وعودة وإقامته برضوا منتهية زى تمام ودخلت رقمه فوجئت برسالة ( البصمة محدثة ) زى اللى اقاماتهم سارية ..كنت سمعت إن الجوازات هناك كانت بتعمل عملية تحديث للبصمة من كام شهر هل دا معناها ان بصمتى سقطت ودا يبقى كويس ولا ايه ؟ مع العلم انى وانا فى الشغل هناك فى السعودية شئون الموظفين فى المدرسة قالولى انا وواحد زميلى اننا نروح جوازات المطار علشان عندكم بيانات خاطئة على السستم ولما روحنا المطار الجوازات قالت ان مفيش مشكلة خلاص ....حد يقولى ايه حكاية رسالة (الاستفسار العام عن البصمة لم ينجح, رقم الإقامة غير صحيح!) لو سمحتم وكل عام وانتم جميعا بخير