يحدث فى الإسكندرية : مائدة جينيس .. والزبالة

[أبو محمد]

تجرى الآن - فى الإسكندرية - الترتيبات لإعداد أطول مائدة إفطار غدا الجمعة

تمتد المائدة على الكورنيش .. من جليم إلى كوبرى ستانلى

ويشرف المحافظ - شخصيا - على العمل الذى يقوم به متطوعون اسكندرانية

وتم دعوة محكمين من "موسوعة جينيس" لمعاينة وقياس المائدة إستعدادا لدخولها فى الموسوعة

 

إلى هنا والعمل التطوعى (إبن شقيقتى مشترك فى إدارة الحدث) جميل

ربما يكون لهذا العمل مردود إيجابى على محاولات تنشيط السياحة التى يحاول المفسدون هدمها

ولكن

تسرى فى الإسكندرية همهمات تعلو أحيانا اعتراضا على هذا النشاط المجتمعى الذى يرعاه المحافظ

خصوصا مع التحسن الطفيف - أو اللا تحسن بالمرة - فى مشكلة القمامة

وتمتلئ صفحات الفيسبوك بآراء بين مؤيد ومعارض

 

أنا بقى مش عارف اتلم على الواد ابن اختى (عنده 41 سنة على فكرة :) ) لكى أحذره

أو أطمئن منه : هل هناك ترتيبات "أمنية" كافية أم لا ؟

أنا متأكد أن هناك ترتيبات لمنع إخوان الشيطان من استغلال الحدث لتحقيق مآربهم الدنيئة

وليس هذا هو مبلغ همى

أنا أخشى من زحف الغلابة - رواد موائد الرحمن - على مائدة جينيس

لو حدث هذا .. فأى ترتيبات تلك التى يمكنها تأمين جبهة طولها 3 كيلومتر ؟

أنا محتار هل أؤيد هذا العمل أم أعارضه

[أبو محمد]

أحد المعارضين نشر صورة لكوم زبالة يتفوق على كوم الدكة وكوم الشقافة وكوم الملح

ويقترح المنافسة على أكبر كوم قمامة بدلا من أطول مائدة إفطار

:quest: :Exclam:

[أبو محمد]

وبدأ فرش المائدة على البحر .. وتم تعديل طولها ليكون

من أمام المحروسة (سيدى بشر على البحر) إلى مستشفى القوات المسلحة (سيدى جابر على البحر)

القوات المسلحة تشارك .. نزلت بثقلها

:)

يسقط يسقط حكم العسكر

[أبو محمد]

سألت : طيب مش كنتم تخلوا الكراسى وشها للبحر أحسن ؟!

قالولى : عشان هيكون فيه تصوير والأفضل أن يكون البحر فى الخلفية

 

صح .. معقول برضه

 

[أبو محمد]

بلـَّغوا المحافظ - أو الست النايبة - يا ولاد الحلال

اسكندرية مش هتنضف من الزبالة طالما صناديق القمامة فى الشوارع

إرفعوها .. شيلوها .. إخفوها

 

يجب العودة لجمع القمامة من المنازل

(وبعدين لما ننضف نبقى نعلم الناس تفصل القمامة فى بيوتها بدل النباشين)

 

يا سيادة المحافظ .. قسِّم اسكندرية زى الجيوش أيام زمان

خمسة فى عين العدو

المقدمة (شمال) .. المؤخرة (جنوب) .. الميمنة (شرق) .. الميسرة (غرب) .. القلب (وسط البلد)

عشان كده الجيش زمان كان إسمه خميس لأنه كان يتكون من خمس أجزاء فى عين العدو

 

الحكومة ترفع إيدها عن العملية

إسندوا جمع القمامة إلى شركات .. بعقود .. شروط صارمة ، وتطبيق صارم

الشركة اللى تخالف أو تتقاعس مع السلامة وتيجى غيرها

وما ننساش .. الشركات دى لازم تكسب .. مش نطلـَّع عين أبوهم عشان يفتـَّحوا مخهم

 

القمامة ثروة قومية

بس مش لازم "نحافظ" عليها فى الشوارع

ندوَّرها .. حنطلـَّع منها دهب

[أبو محمد]

كان المخطط الدخول بمائدة من جليم إلى كوبرى ستانلى إلى موسوعة جينيس

نزول القوات المسلحة للمساهمة فى الحدث خللى التسجيل فى الموسوعة مضمون

من أمام فندق المحروسة حتى مستشفى القوات المسلحة

 

دى صور من فندق المحروسة لعملية فرد المائدة

 

[أبو محمد]

جارى الآن تغطية الحدث على قناة الإسكندرية

والست الطليانية بتاعة موسوعة جينيس موجودة فى سان ستيفانو عالبحر

[أبو محمد]

على كوبرى ستانلى

سأحكى لكم عن بعض كواليس الحدث بعد التأكد

 

[أبو محمد]

حضراتكم طبعا ملاحظين إنى باتكلم عن المائدة ومشكلة القمامة فى موضوع واحد

ده بس قطعا للطريق على "أبطال" التهوين والتقليل من شأن أى شئ إيجابى

وفى الكواليس تم تفادى كارثة (سلبى أهو)

:)

سأحكى عنها بعد قليل

[باهى الطائر الحزين]

مش متابع اوي

بس قريت انها فشلت والأهالي قطعوا الكورنيش

ما مدي الصحه في هذا ابو محمد الغالي

حيث انك قريب من الحدث وابن الفاضله اخت حضرتك مشارك في تنظيمه

[باهى الطائر الحزين]

https://www.youtube.com/watch?v=QaZt34dM96k&feature=youtu.be

 

 

 

أحمد عبد العزيز

الجمعة 26.06.2015 - 09:01 م

شهدت المائدة التي دعا لها محافظ الإسكندرية المواطنين للحضور لتناول إفطارهم بها لتسجيل رقم قياسي جديد لأطول مائدة طعام بالعالم فضيحة من العيار الثقيل،حيث لم يتم توزيع وجبات إلا على العشرات فقط من المواطنين بينما ظل الآلاف منهم دون وجبات مما أثار غضب المواطنين الذين لم يجدوا حتى زجاجات مياه للإفطار بينما لم يستطيعوا المغادرة في ذات الوقت لعدم وجود وسائل مواصلات أثناء وقت الإفطار.

 

"صدى البلد" رصد بالفيديو والصور قيام عربة حملت بعض الوجبات التابعة لأحد المطاعم المتبرعة بإلقاء عدد قليل من الوجبات فوق رءووس المواطنين بطريقة غير لائقة بالمرة.

 

وأعرب الكثير من المواطنين عن غضبهم مطالبين المحافظ بالخروج والإعتذار في بيان رسمي لهم معتبرين ما حدث إهانة للسكندريين كلهم.

 

وقالت وفاء عبد الرحمن أحد مواطني محافظة الإسكندرية :"صدقنا المحافظ ولبينا دعوته لكنه عاملنا كأننا شحاتين وأحضر عربات تلقي الطعام على المتزاحمين بينما لم يمر علينا أحد لتوزيع الوجبات مشيرة إلى أنها حضرت وأسرتها كلها للمشاركة ولم تكن تعرف أن الموضوع سوف يحمل

كل هذه الإهانات-بحسب وصفها-".

 

المحافظ بيقول نجحت 

وان اطول مائده كانت في تركيا

بطول ٣ كيلو وان مائده اسكندريه

بطول ٤ كيلو

وصدي البلد بتقول غير كده ؟!

[باهى الطائر الحزين]

https://www.youtube.com/watch?v=5ifOfL1rrkI&feature=youtu.be

 

عارف ان احنا ما بنسترش

بس كان نفسي تكون بطريقه مشرفه

يعني لو قالولهم كل واحد يجيب وجبه

خفيفه معاه مكنش المهانه دي حصلت ...

[باهى الطائر الحزين]

http://www.almasryalyoum.com/news/details/762482

 

اطول مائدة جعانين في العالم

فضيحه عالميه موثقه من الخواجه جينس

مابنعملش حاجه وتكمل ...

[باهى الطائر الحزين]

لإسكندرية - محمد عامر ومحمد أحمد:

أعلنت مُحكمة موسوعة"جينيس" للأرقام القياسية، شيدا سوباشي، تسجيل الإسكندرية رقم قياسي جديد لأطول مائدة في العالم على طريق الكورنيش.

وقالت"سوباشي" في مؤتمر صحفى عقد، مساء اليوم الجمعة، إن طول الإسكندرية التى بدأت من سيدي جابر وحتى سيدى بشر، قدر بنحو 4 الآف و303 مترا، متجاوزا الرقم السابق لإيطاليا الذى بلغ 2 كيلو متر فقط.

وأضافت محكمة الموسوعة، أن عدد الطاولات التى جهز بها المائدة بلغت 3106 طاولة، مشيرا إلى أن المائدة راعى فيها المنظمون شروط المسابقة بضرورة تلاصق الطاولات وألا تقل حجم الطاولة عن 50 سم في جميع الاتج

اهات.

 

 

 

 

الظاهر المسيري طبق ايده

في عشين جنيه واداهم للخواجه جينيس

 

[أبو محمد]

عزيزى الأستاذ "باهى"

الكارثة كان ستكون أكبر لو تم تنفيذ ما كان ينوى عليه المحافظ

أعد قراءة هذه المداخلة

 

حضراتكم طبعا ملاحظين إنى باتكلم عن المائدة ومشكلة القمامة فى موضوع واحد

ده بس قطعا للطريق على "أبطال" التهوين والتقليل من شأن أى شئ إيجابى

وفى الكواليس تم تفادى كارثة (سلبى أهو)

:)

سأحكى عنها بعد قليل

 

 

سعادة المحافظ جاهل بسلوكيات الشعب الذى يحكمه

لا أقصد هنا أى إهانة للشعب المصرى

فهذه المناظر رآها كل من أدى مناسك الحج

أمام عربات توزيع المياه والثلج والمأكولات

الباشا كان فى خياله إنه عمل فرح والعشا Servie a la table

:)

وكانت المائدة من جليم لسان ستيفانو فقط

إبن أختى قال لى إنه من الساعة 11 مساء أمس لم يكن هناك أى أخبار أو تعليمات

واليوم عرفوا ان المسافة من المحروسة لجليم ومن كوبرى ستانلى لسيدى جابر

ستغطيها القوات المسلحة وعدد من المطاعم

وكان السبب فى ذلك توقع القوات المسلحة لما سوف يحدث وليس للمحافظ أى خبرة به

:)

وحياتك عندى .. لولا هذا يا أستاذ باهى .. كان زمان قناة الجزيرة بتتكلم عن أكبر مجزرة بشرية

وكان زمانها نسيت رابعة وأبو اللى جابوا رابعة

 

بعض المشادات والخناقات كانت تلقائية .. وبعضها كان مفتعلا

تصرفت الشرطة والقوات المسلحة ولم تقبض على أحد

 

كان فيه تفكير لقفل نصف الطريق لإفساح طريق لسيارات نقل الأكل (التى فعلا تأخرت بسبب زحام الكورنيش)

ماهو انت عارف العربيات بتهدى عشان يتفرجوا (حتى فى الحوادث ده بيحصل)

ولا أدرى لماذا رُفض هذا الاقتراح

[أبو محمد]

على العموم السلبيات كتير .. ولكن كان ممكن تكون أكتر

أصحاب الفكرة شباب متطوع كان كل غرضه تسجيل الرقم القياسى

ليظل الرقم فى سجل جينيس لأطول مدة ممكنة

 

كان هدفهم تنشيط السياحة اللى هى مضروبة بالنار بفعل فاعل (أدى احنا شايفين اللى حصل النهار ده فى سوسة - تونس)

نقدر نقول إن السياحة فى غرفة الانعاش ومحتاجة لعناية مركزة

 

بلغ عدد المتطوعين من الشباب 1200 شاب (ما بيقولوش احنا شباب الثورة وكدهوت)

قاموا بمجهود كبير فعلا .. وحققوا الرقم والهدف منه

ولكن الخذلان جاء ممن لا يعرف السلوكيات العامة ولا يعرف كيف يتعامل معها

أما عن التناول الإعلامى لما حدث .. فهذا موضوع آخر

:)

المفروض اتكلم عنه وانا باتكلم عن الزبالة

[عطر الجنة]

مجهود مشكور من القائمين على العمل ..

لكن الفشل ليس له دخل بحكاية الجوع و الفقر ..

لكنها ثقافة شعب يحب ابوبلاش ..

اسمحلى احكى شئ حدث معى ..

كنت بحج فى احد الحملات من الكويت خمس نجوم سنة 99 ..

كان معى نساء مصريات جاءوا للكويت بكارت زيارة و من هناك سافروا معى لاداء الفريضة ..

الثلاث وجبات كانوا اوبن بوفيه ..

لو تشوف المنظر ساعة الاكل من الجرى السريع للبوفيه مع ان معظمهم بيشتكى من امراض بالمفاصل ..

طريقة ملئ الاطباق و التى فقط يؤكل ربعها و الباقى يكون مصيره الزبالة ..

لكن حادث لن انساه ..

 احنا على العشا واحدة بتحكى لصديقتها بتأثر .. ان ابنها رمى الجمرات عنها  .. و انها جمعت كمية من الشباشب و تعبت و هى بتحاول توفق الفرادى مع بعضها ..

تخيل رحلة حج روحانية مدفوع فيها دينارات كتير

و هى بتلم شباشب

تخيل ..

ثقافة شعب ابو بلاش كتر منه ..

[herohero]

للاسف رغم ان الفكرة كان الهدف منها تنشيط السياحه ورغم ان كثيرين هيقولوا احنا فايقين لموسوعة غينيس 
بس ماحدث هو نتاج طبيعي وده من غير زعل تصرف المواطن المصري الطبيعي للاسف ده سلوكيات الزحام اللي يلحق حاجه يخطفها 

ببلاش او بفلوس والكلام ده تقدروا تشوفوه ف اي فرح او في ايفنت ف فندق 

[عطر الجنة]

ده كلام منشور على الفيس بوك

 

تمت إضافة ‏‏2‏ صورتين جديدتين‏ من قبل ‏‎Mahmoud Zein Elabdein Khalil‎‏ — مع ‏‎Eslam Hassanien‎‏ و‏‏3‏ آخرين‏.

رساله الي كل معترض علي ما حدث اليوم في الاسكندريه
انا شاهد عيان علي الحدث من بعد صلاه الجمعة حتي اذان المغرب بصفتي احد المشتركين في تنظيم الاحتفالية
اتقوا الله فينا وفي عرقنا وشقانا
لتاني مرة بكتب الكلام ده والله علي ما اقول شهيد
اليكم الحقيقة :-
قله مندسة من غجر مصر ضيعوا تعب الالاف من شباب مصر الشرفاء
ربنا يعلم اد ايه تعبنا في اعداد هذة المائدة لتظهر مصر بشكل جميل وحضاري لتغيير الصورة الهمجية اللي كونها العالم عن مصر اثناء حكم الاخوان
كان معانا شباب كتير محترم وذوق ومتعاون وبذل مجهود جبار معانا طول اليوم رغم الحر الشديد والصيام وكان نموذج مشرف لشباب مصر المتحضر
كان اجمل يوم في حياتي وحياة كل المنظمين للاحتفال لحد الساعة السادسة عصرا الكل يعمل يد واحدة
رجال الشرطة متواجدين بصفة مستمرة متعاونين ومتواضعين شباب كتير وعجائز مشاركين في التنظيم كان مظهر مشرف
لباقة وشياكة في التعامل كما هو واضح في الصور
الي ان اعلنت صفحات المعارضة والاخوان ان الدعوة عامة وكانها رساله للمخربين
بدأنا الساعة السادسة والنصف نلاحظ ظهور افراد شكلها غلط (بيئة)
لاكن للاسف قبل المغرب بربع ساعة واثناء البدء في فتح ابواب سيارة الوجبات لتوزيعها علي الحضور هجموا علينا وعلي عربيات الاكل كسروها وضربونا وأحد هذة الضحايا
مدير ادارة التحرير بجريدة الجمهوريه صديقي محمد محمود Mimy Mimy Gomhorya ضربوه ووقعوه علي الارض وداسوا عليه لولا تجمعنا حوله ورفعناه من علي الأرض لمات تحت اقدامهم وخطفوا مننا الاكل وضيعوا تعب وعرق شباب كان نفسهم مصر تظهر بمظهر مشرف امام العالم
عربيات الاكل بتاعت الصفواني وحسني وشركة سيوة وكوكاكولا اتكسرت وضيعوا تعبنا وعرقنا في تنظيم اليوم دة
لك الله يا مصر من همجية القله المندسة التي تشوه صورة الالاف من شرفاء شبابك
ربنا يعوض عليك يا
Mohamed Safawany
وشكرا لتعبكم يا
Eslam Hassanien
Mohamed Hassanein
Ahmed Hafez

محمود زين العابدين خليل

[White heart]

 

" ... الي ان اعلنت صفحات المعارضة والاخوان ان الدعوة عامة وكانها رساله للمخربين

بدأنا الساعة السادسة والنصف نلاحظ ظهور افراد شكلها غلط (بيئة) ..."

 

المسيري بنفسه قبل " الحدث " بيوم:

"... الاسكندرانية عزمين نفسهم بكره فى اطول مائدة افطار فى العالم ..."

 

 

 

http://www.dostor.org/848043

تم تعديل 27 يونيو 2015 بواسطة White heart