هل تعتقد أنه يتم مراقبة المنتدى من قبل الحكومة

[mnman]

لية مستغرب يا اخ عراباوي الساعة 4 صباحا بتوقيت القاهرة يعني 10 مساء بتوقيت سان باولو...وصبــــاح الخير...

عايش برة مصر يعني ايد المخبر صحبنا مش حطول قفايا علي الاقل في الوقت الحالي... وربنا يستر..

:)  :)  :D

[amr2003]

يا جماعة إنتم مأزمين الحكاية ليه ؟!

يعني فيها إيه مثلا لم تموت من ضربة على القفا من الشويش إياه ؟!!

أدحناه حنستريح من الدنيا وقرفها !! وكمان تبقى ميت مظلوم !!

في أحلى من كده إيه ؟!! :angry:  :angry:

[تصحيح]

بس أنا واثق فى رجال القائمون على هذا المنتدى أقصد الأدمنستريشن مش هيتعاون معاهم فى هذه الحاله ش هيقدروا يتوصلوا إلينا

بس أنا خايف من حاجه واحده بس إن سلومه  لقرع أخو عبده مفش يرحب بالأدمنستريشن وسعتها ممكن يعرفوا كل حاجه وربنا يستر

طيب و مين قالك ان ده ما حصلش

و سلملي علي سلومة

[Khiber]

أكيد محصلش

وإلا كان هيجيب وقت ومزاج فى تجديد موقع المنتدى بالصوره الجميله دى

:lol: :D :D

[c'est la vie]

موضوع جيد.

وآراء بعضها يهرب الإجابه .. :)

لكن هل هى ميزة ان يكون هناك مراقبه للمنتدى؟؟ حيث ان الاصوات تصل للمسئولين وحتى ولو لم يتم العمل بها..

ولكن لا اعتقد ان التجمعات الانترنتيه خطيره لهذه الدرجه فكلاماتنا هى مجرد~ فضفضات ~..

اغلبها مغلف واكثرها مناقشه لقضايا فكريه لن تقدم او تؤخر علي ارض الواقع .لكنها تزيد الوعى فعلاً..

الظاهر انا كمان بهرب من الاجابه h): بس والله انا بحب مصر بمافيها ومن فيها : رئيساً وحكومةً وشعباً:)

تم تعديل 12 ديسمبر 2004 بواسطة c'est la vie

[amostafa]

جايز جدا يكون الموقع متراقب من الحكومه :) ,,,,,

وجايز كمان يكون فى ناس مدسوسه بينا ys): h): من الحكومه ,و بيسألونا و بنسألهم وكله طبعا بيفضفض و بيقول اللى فى قلبه ,و التقرير بتتكتب .....

بس اطمنو ,مش هايقدرو يعملو حاجه, لأن ال Hosting للموقع معمول فى server بره مصر فا مش هايقدرو يجيبو معلومات لى حد.

تم تعديل 12 ديسمبر 2004 بواسطة amostafa

[egyptforever]

يا عم يعملوا اللي يعملوه هو احنا بنخاف

لازم نكون رجاله و نقف وقفه رجاله

( وش واحد مبسوط اوي علشان عايش بره مصر )

[Tafshan]

هناك مقولة على طريق المطار تقول

"ابتسم فانت في مــــصــــــر"

???

مراقبة ايه بس

صللوا على النبي

:dozingoff:  :lookaround:

يا شعنونه هم قصدهم ابتسم على شان بيصوروا كمان مش بس بيراقبوا !!

[Tafshan]

شعار الحكومه هو : من حقك انك تنتقدني و من حقى انى اطنش و اعيش في دور عبيط :lol:

من ناحية المراقبة فأكيد في (رقابة h): ) لكن طالما الموضوع كلام في كلام فالحل معرف : :) :)

[Mohammad Abouzied]

انا مش عارف انتم خيفين ليه ما انتم من ساعة ما اشتركتم في المنتدى والايبي معروف للحكومة ومعروف من اي مكان بتستعمل الكومبيوتر ومعروف اسمك وعنوانك وتاريخ حياتك كلها :D

ايه المشكلة :angry:

وبعدين اتكلم زي مانت عاوز بس تتكلم بس اكتر من كدا ما أضمنشي ايه الى يحصل fsh::

[Mohammad Abouzied]

ومعلشي الناس الي بره فيه اتفاقيات برضه بين الحكومات يعني كلنا في الهوا سوا :angry:

[عم الطيب]

اللى خايف يروح اه

انا محبش كدة ولو فى واحد مرعوب مش لازم يرعبنا كلنا , انا كدة مش حاعرف انام .

[Asat]

الإنترنت متراقب في أغلب دول المنطقة حسب المقال

http://www.dailystar.com.lb/article.asp?ed...rticle_id=10736

أنا هنا حأذكر ما قيل بالنسبة لمصر

- أكثر مراقبة نشطة هي في سوريا, مصر, ليبيا, تونس, اليمن, السعودية

- تستخدم هذه الدول عدة أدوات لتمنع الجماعات السياسية و الأجتماعية و الدينية من إستخدام الإنترنت مثل الملاحقة القانونية.

- في هذه الدول, أغلقت الكثير من مقاهي الإنترنت و مواقع إنترنت, و عدد من المستخدمين سجنوا.

- في مصر, تُستخدم تهمة "إستخدام الأنترنت السئ" لملاحقة أشخاص من منظمات سياسية, إسلامية, صحفيين, شواذ, و نشطاء سياسين.

- في مصر, يوجد إدارة بوليسية إسمها "شرطة الإنترنت".

- الإتهامات في مصر شملت

12 قائد من الإخوان المسلمين,

شخص متهم بإرسال معلومات كاذبة عن مصر لمنظمات خارجية في مجال حقوق الإنسان

صحفي أنشأ موقع يحتوي على مقالات ناقدة للنقابات المصرية

شخص أدين بإرسال معلومات كاذبة للخارج تٌسيئ لمصلحة الدولة

تم تعديل 12 ديسمبر 2004 بواسطة Asat

[Lighthouse]

بالتأكيد المنتدى مراقب مثله مثل اي موقع حواري وسبق ان قيل ان مصر عندها شرطة للانترنت

ولكن اعتقد والله اعلم ان من يتحدث لاتعتبره الحكومة خطرا بأي حال من الاحوال لان دوره لايخرج عن كونه يفضفض عما يضايقه ..

لاأكثر ولا اقل

واهو بالمرة حتى تكتمل الصورة المرسومة عن الديمقراطية في ازهي عصورها والتي لم يقصف فيها قلم mfb:

[على ويكا]

والله فى مثل شعبى بيقول ان خفت ما تعملش وان عملت ما تخافش

[El-Masri]

أكيد متراقبين بس مفيش مشكلة لإن السجون مليانه على الأخر، مفيش مكان فاضى لينا يا جماعة.

[El-Masri]

الحمد لله انا داخل بأسم مستعار

عليا النعمه انا ما استحمل ألم على أفايا من عز امين الشرطه بتاع اسم الحدايق  وهو بيقول رد عا البيه يابن ال.....

اما علي حته أيد ربنا ما يوريكم !!!! انا مجربتهاش بس سمعت

وعلى رأى المثل جبان عايش احسن من شجاع ميتا يا بويا العمر مش بع زئــه

ربنا يجعل كلامنا خفيف عليه

يا سيدى الفاضل أى صفحة على الإنترنت لما تفتحها عنوان الأى بى بتاعك بيتخزن على الويب سيرفر، حتى ممكن أقولك على إسم الملف اللى بتتخزن فيه الأرقام دى ومكانه على الهاردديسك. طبعا حسب نظام التشغيل اللى السيرفر مشغلة.

المهم، من عنوان الأى بى ممكن تتعرف الشركة بتاعة الكمبيوتر اللى إنت مشترك فيها، أو داخل على الإنترنت من خلالها. بعد كده يا معلمى، لو فيه حد ليه سلطة على الشركة دى ممكن يعرفوا شخصية صاحب الأى بى.

أنا فاكر إن كان فيه قضية رفعاها شركات الأغانى فى كندا على الناس اللى بتعمل دونلود غير مشروع، وراحوا المحكمة عشان تجبر شركة الإنترنت إنها تفصح على شخصية الأشخاص دول.

[mb14]

طبعا متراقبين

وزى ما الأخوة ذكروا اى شركة ISP ممكن تعرف كل المواقع اللى المستخدم بيدخلها . قبل موضوع الأنترنت المجانى كنت مشترك فى شركة مينا نت وكان من ضمن امكانيات ادارة حسابى انة ممكن اشوف كل المواقع اللى دخلتها فى اى يوم او ساعة خلال فترة الأشتراك وكمان فترة زيارتك للموقع دى كانت قد اية مجرد ما اكتب الأرقام اللى مكتوبة تلاقى نفسك دخلت الموقع

[Mohammad Abouzied]

خلو بالكم وابعدو عن سب الشخصيات العامة ولك حق الانتقاد زي ما انت عاوز في افعال ونتيجة افعال اب شخصية عامة بدون المساس بها بأي تشهير ميكونش موجود فيها

[ابو يوسف]

حتى لو كان المتدى متراقب ... و أنا أميل الى ذلك ..

طيب ليه سايبين الناس كدة تشطح و تنطح و تقول ما بدالها ؟؟؟

أنا ليا شوية أسباب ...

الأول .... ان ما يقال هنا يقال فى كل القعدات الخاصة ... و على كل المستويات ... من الغفير الى الوزير ...

(أعرف أسماء كبيرة فى الحزب الحاكم ... تسمعهم فى الندوات وهم يسبحون بحمد الرئيس و الحكومة ... و فى جلساتهم الخاصة – على القهوة – يقولون أضعاف ما نقوله !!! )

السبب الثانى ... هو ان دى عملية "تنفيس " و هى عملية صحية من وجهة نظر الحكومة ... لانك تفرغ ما فى صدرك على صفحات المنتدى و تنام قرير العين مبسوط بالديمقراطية !!! و لا مظاهرات و لا اضراب و لا اعتراض و لا دياولوا ... انت عملت اللى عليك و كتر خيرك !!!

السبب الثالث .. من منطلق "خللى اللى يقول يقول !!! " احنا بمب .... احنا حديد !!!

احنا فى السليم (على رأى الليمبى !!!)

و بعدين لما يمنعونا نتكلم فى منتدى على النت ...

طيب ما نموت أحسن !!!