هل هذه الظروف مناسبة للسفر ارجوكم فى مستقبل بيضيع

[migha]

السلام عليكم ورحمة الله وبركاته

كل عام وحضراتكم بخير ارجوكم يا جماعة تشاركونى بأرائكم لان فى مستقبل بيضيع

انا عايز اعرف لو سمحتم هو انا لو اتخرجت من كلية التجارة وانا سنى 30 او 31 سنة وطبعا لسة متخرج ومشتغلتش قبل كدة ومفيش خبرة بس ممكن يكون معايا كورسات تدريب وكدة هل سنى دة وظروفى انى مفيش خبرة هل لما اقدم فى شركات الحاق العمالة بالخليج هل دول الخليج تقبلنى بظروفى دى وبسنى دة كمحاسب؟

على فكرة انا مش فى تجارة انا فى طب بيطرى بس متأخر فيها اوى بقالى 8 سنين ولسة فى سنة رابعة واحتمال لو كملت فيها افضل 6 او 7 سنين كمان وانا تعبت اوى وحاسس انها مش مستقبلى عشان كدة عايز احول تجارة لو كانت فرصتها كويسة فى السفر فأرجو يا جماعة تشاركونى بأرائكم فى مشكلتى دى لان فى مستقبل بيضيع وجزاكم الله خيرا

[حسين امبابي]

lمستقبلك زاهر بأذن الله .. أهم شئ ادرس او اعمل ما تحب وتأكد بأن كل الظروف التي سردتها عن نفسك لا تعوق ابدا فرصة نجاحك في اي عمل ولو خارج نطاق الدراسة ....

لا خاب من استخار ولا ندم من استشار .

ربنا يوفقك .

[migha]

شكرا لك اخى الكريم على اهتمامك وجزاك الله خيرا

انا استخرت لحد دلوقتى 3 مرات وبستشير حضراتكم اهو فأرجو التوضيح اكثر وفى انتظار باقى الاراء

[AbuZeyad]

من واقع ما رايته من التعامل مع محاسبين

المحاسب العادي اللى معاه بكالوريوس فقط له فرصة في السفر لكن برواتب ضعيفة للغاية في الغالب

اما المحاسب اللى معاه شهادات متخصصة في المحاسبة بيكون سعره اعلى بكتير وفرصه سفره احسن

انت مشكلتك انك هاتكون بتبدا حياتك العملية في الوقت اللى هايكون فيه اللى من سنك لهم ما يقرب من 10 سنين خبرة على اعتبار ان سن التخرج في حدود 21 سنة يعني اللى من سنك هايكون بيشغل تحت ايده 2-3 محاسبين

وطبعا المشكلة هاتكون اكبر لو ان لسة عندك جيش

مع ذلك اذا كنت فاشل في دراستك الحالية وكارها توكل على الله وادرس ما تحب وما يمكن ان تبدع فيه

بدل ما تروح تشتغل اي حاجة بعد كدا بدون مؤهل

وعلى راي المثل الخسارة القريبة ولا المكسب البعيد

[migha]

شكرا لك اخى الكريم على تفاعلك

تم تعديل 29 يونيو 2015 بواسطة migha

[migha]

طب معلش يا جماعة ممكن اعرف امثلة للوظائف اللى بدون مؤهل فى الخليج

[AbuZeyad]

يعني ايه وظيفة بدون مؤهل؟؟؟

 

يمكن الوظيفة اللى بدون مؤهل هي عامل عادي او عامل نظافة

[migha]

شكرا لك AbuZeyad على ردودك جزاك الله خيرا