سيناء .. الشرق الاوسط الجديد

[eslam elmasre]

 

:Exclam:

 

ماتستعجبش يا عزيزي لاني بدأت اتخنق عشان بألنا سنتين بنحار نفس المجموعة وكل كام يوم يهبدونا عملية نوعية واحنا عندنا ثقة في رجالنا ورجالنا بيتعمل فيهم نفس العمليات تقريبا

سنتين بتحارب ومعاك كل الادوات ومعاك كارد بلانش ورغم كده يجي اليوم اللي يتعمل فيه 15 عملية في توقيت واحد

ده معناه ايه

مالوش عندي غير تفسير واحد ومش عايز اقوله غير اني افتكرت اللي خد 19 قفا على سهوة 

و 19 من 15 مافرقتش كتير

[أبو محمد]

ماتستعجبش يا عزيزي لاني بدأت اتخنق عشان بألنا سنتين بنحار نفس المجموعة وكل كام يوم يهبدونا عملية نوعية واحنا عندنا ثقة في رجالنا ورجالنا بيتعمل فيهم نفس العمليات تقريبا

سنتين بتحارب ومعاك كل الادوات ومعاك كارد بلانش ورغم كده يجي اليوم اللي يتعمل فيه 15 عملية في توقيت واحد

ده معناه ايه

مالوش عندي غير تفسير واحد ومش عايز اقوله غير اني افتكرت اللي خد 19 قفا على سهوة 

و 19 من 15 مافرقتش كتير

 

الحمد لله إن الفترة من 67 إلى 73 ما كانش فيها انترنت

ربنا كان رحيم بينا وستر علينا

:)

جنرالات القهاوى أيامها كانوا أرحم بكتير

[باهى الطائر الحزين]

مما لا شك فيه

انه ارهاب ممول وورائه مخابرات دول

ووضح الأن ان الجيش المصري علي علم

بالعمليه الإرهابيه واعد لمنفذيها كمين محكم

وان كل المعارك لابد لها من خسائر ..

نحتسبهم شهداء عند الله

وتسلم الأيادي تسلم جيش بلادي ...

[أبو محمد]

لما تقرا على الإنترنت إن الإرهاب شئ والأخوان شئ

لما يقولك إن الأخوان فصيل سياسى سلمى ولا بد من احتوائه

ما تنساش تراجع الفيديو ده

 

https://www.youtube.com/watch?v=RvD4AHjaibk

[herohero]

 

لما تقرا على الإنترنت إن الإرهاب شئ والأخوان شئ

لما يقولك إن الأخوان فصيل سياسى سلمى ولا بد من احتوائه

ما تنساش تراجع الفيديو ده

 

https://www.youtube.com/watch?v=RvD4AHjaibk

 

بشمهندس محمد اكيد احنا انتهينا من اثبات صحة النظرية اللي بتقول ان الاخوان هم اساس الفساد والارهاب الموجود ف الدنيا كلها . So what !!!

يعني هل كل مرة مطلوب اننا نقعد نناقش موضوع ان الاخوان مسالمين او لا ؟؟ الاعلام وفي وكفى ف ان الاخوان سبب كل البلاوي 

ياترى ايه الجديد ؟؟ مصالحه مرفوضة !! احكام بالجملة بالاعدام !!! وهتنفذ وفيه اللي نفذ ( عرب شركس ) !! اللي بيتعمل في سيناء ع مستوى تهجير وتدمير واقامة شريط عازل تم ومحدش اعترض ،يبقى الطبيعي مانقعدش نكرر فيه الاعلام كله دلوقت عمال يناقش هذه المسلمات 

 

لا مؤاخذه هو ما اتعملش حداد ليه ؟؟ 

تم تعديل 1 يوليو 2015 بواسطة herohero

[باهى الطائر الحزين]

 

نفس سيناريو البترودولار الوسخ

ياللي اتعمل في العراق وسوريا ...

[أبو محمد]

ياريت ادارة المنتدى ترحمنا من المتمصرين عشان المرار بقى طافح

 

ليه يا أستاذ إيجبتاوى .. برضه وجودهم له فضل

:)

لزوم المقارنة يعنى

يقول أبو الطيب المتنبى

ونَــذيمُهُم وبِهِــم عَرفْنــا فَضْلَــهُ ** وبِضِدِّهـــا تَتَبَيَّـــنُ الأشْـــياءُ

وحياتك لو قارنت .. هتلاقى إن أى بيادة ملطخة بدماء عسكرى مصرى

أنضف وأشرف من اللى فى عقولهم وقلوبهم

 

[eslam elmasre]

 

الحمد لله إن الفترة من 67 إلى 73 ما كانش فيها انترنت

ربنا كان رحيم بينا وستر علينا

:)

جنرالات القهاوى أيامها كانوا أرحم بكتير

 

حضرتك بتشبهني بعواجيز الفرح

ربنا يسامحك بس احنا مش عواجيز الفرح لان عواجيز الفرح بيقعدو يندبو على الصغيرة قبل الكبيرة لكننا قعدنا ساكتين سنتين مافتحناش بقنا وامنا بالنشيد القومي ( نحن نثق في رجالنا)

بس قعدنا سنتين ومالحظناش اي فرق بين اول السنتين واخرهم بل لاحظنا ان العمليات بتزيد والخيبة بتزيد 

عشان بعد سنتين يتمكن الارهابيين في داخل الوادي (اغتيال النائب العام) وفي خارج الوادي في سيناء 15 عملية نوعية في توقيت واحد ولما نعلن عن غضبنا تقولو علينا عواجيز الفرح 

طب امتى نتكلم ونغضب 

امتى ؟

لما الاقي تنظيم الدولة واقف ادام بيتي 

وبعدين في 67 الوضع بيختلف عن الوضع دلوقتي 

في 67 كنا بنحارب دولة 

الان بنحارب شرازم 

ولا يمكن حضرتك معتبر ان تنظيم الدولة دولة بالفعل واحنا بنحاربها عشان كده عقدت مقارنة 

اللي حصل النهاردة مهزلة بكل المقاييس ولا يمكن التهاون فيها واحنا هانقول رأينا ونعبر عنه لاننا مصريين زيك بالضبط وبنحب بلدنا زيك بالضبط وبكره الارهابيين زيك بالضبط 

[أبو محمد]

 

الحرب الحقيقية غير حروب الألعاب الإلكترونية

إنهزمنا فى 67 وتم تدمير  80% من معدات جيشنا

بعدها بأسبوعين تم إبادة طابور مدرع إسرائيلى فى راس العش

وظلت راس العش موضع قدم مصرى على الضفة الشرقية للقناة حتى حرب 73

 

كانت إسرائيل طوال ست سنوات تركز على الروح المعنوية للجيش والشعب (اللى كانوا جبهة واحدة)

ضربوا مصانع ابو زعبل وقت تغيير الوردية

ضربوا مدرسة بحر البقر واستشهد ما يقرب من أربعين طفلا

ضربوا محطات الكهرباء فى نجع حمادى وغرب القاهرة

نفذوا عملية كوماندوز فى الزعفرانة وفككوا محطة رادار ونقلوها لاسرائيل

 

لو كان السادة اللى عاملين فيها رأفت الهجان وبيجيبولنا أخبار من التويتر والفيس بوك

ومن فلان اللى توِّت وعلان اللى فيِّس (مع إن اللى اعرفه إن مفيش صحفيين فى شمال سيناء)

أقول .. لو كانوا السادة دول هم اللى بيتعرضوا لتلك الحرب فى ذلك الوقت لمدة ست سنوات

كان زماننا بنتكلم عبرى وعملتنا هى الشيكل

 

 

من حوالى 12 ساعة كتبت أن شمال سيناء خالية من الصحافة والصحفيين

ومع ذلك كانت وكالات الأنباء تتبارى فى إعلان أعداد شهدائنا وتعلن خطف جنودنا

والغريب إن صحفنا كانت بتنقل عن رويترز والأسوشيتد برس

وطبعا من ورائها مواقع السوشيال ميديا مع ما يلزم من ملح وفلفل

 

ما كتبه خالد صلاح يبين ماحدث .. الفخ الذى وقع فيه إعلامنا .. والفخ الذى وقع فيه الإرهابيون

 

أعتقد بكده الجماعة يشكروا .. أصبح يوم 1 يوليو عيدا يضاف إلى أعياد 30 يونية و3 يوليو

 

وتحيا مصر .. وجيش مصر .. وشرطة مصر

 

[حسين امبابي]

العين تدمع والقلب حزين على الدم المصري الطاهر الشهيد اللي بيتقتل عشان نعيش آمنين .

والاخوة هنا نطح في نطح ما ترحمونا انت بقوا عشان ربنا وكفانا ما اصابنا ويا لها من مصيبة عظيمة !

[White heart]

 

لو حد فاكر ان الجيش بيحارب الارهاب في منطقة العريش و رفح يبقي غلطان

ده بيحارب مشروع اسرائيلي امريكي حماسي

الفرم شغال دلوقت بالأباتشى والـ F-16

إيه إتش-64 أباتشي ( بالإنجليزية: AH-64 Apache) هي مروحية هجوم أمريكية من إنتاج شركة بوينغ، وتعد طائرة الهجوم الرئيسية للجيش الأمريكي.

 

و الــ

إف-16 الصقر المقاتل (بالإنجليزية: F-16 Fighting Falcon) طائرة مُقاتلة نفاثة أمريكية من إنتاج شركة جنرال دايناميكس لصالح القوات الأمريكية. هى طائرة أحادية المحرك، متعددة الأهداف من مقاتلات الجيل الرابع خفيفة.

 

تم تعديل 2 يوليو 2015 بواسطة White heart

[herohero]

http://arabi.assafir.com/article.asp?aid=3105&refsite=arabi&reftype=article&refzone=topicarticles

 

مقال ارى انه جدير بالقراءة ويبعدنا عن الاكليشهات التقليدية عن التركيز فقط ع الحلول الامنية اللي يوم ورا الثاني بيثبت انها ليست الحل الوحيد 
 

سيناء بعد عزل غزة

 

 

 

مرت ستة شهور منذ إقامة المنطقة العازلة، ولم يزدد الوضع الأمني في شمال سيناء إلا سوءاً. تم تغيير القيادة العسكرية أكثر من مرة، ولا تزال العمليات النوعية لتنظيم "ولاية سيناء" في تصاعد. يُطرح التساؤل حول حقيقة علاقة قطاع غزة بالإرهاب في سيناء على ضوء نقطتين: أولاً، عدم صلاحية هذا الاحتمال لتفسير الهجوم الكبير على معسكر الجيش بالقرب من واحة الفرافرة في أقصى الصحراء الغربية في تموز/ يوليو2014، وثانياً لأن غزة دوماً كانت وجهة تهريب السلاح وليست مصدراً له. وبغض النظر عن الجدل حول موقع غزة وتنظيماتها المختلفة مما يجري في سيناء، إلا أن المتفق عليه الآن هو تدهور الموقف الميداني لمصلحة بسط تنظيم "ولاية سيناء" سيطرته الميدانية على عدد من القرى التي لم يعد الجيش قادراً على الانتشار فيها برياً، ولا يهاجم فيها إلا بالقصف الجوي. وهو ما حدا بقيادات الجيش للشروع في تجربة مواجهة التنظيم عن طريق وكلاء محليين من أبناء القبائل الموثوق في ولائهم لأجهزة الدولة.
وبعد ستة شهور من إصدار التنظيم تسجيله المرئي "صولة الأنصار"، الذي يعرض فيه هجومه على نقطة التفتيش بمنطقة كرم القواديس شرقي العريش، عاد ليُصدر الحلقة الثانية منه موثقاً فيها هجومه على نقطة تفتيش أخرى في منطقة قبر عمير، حيث قتل في شهر نيسان/أبريل الماضي 16 جندياً في الاشتباكات. أظهر التسجيل جانباً من المعركة التي امتدت من الفجر حتى الضحى من دون أي دعم جوي أو بري لقوات الجيش، وصوّر غنيمة السلاح والذخيرة وأسْر مركبتين تابعتين للجيش وخطف أحد الناجين ليذبح لاحقاً في مدينة الشيخ زويد، كما ظهر في فيديو سابق.
يربط بعض المراقبين توقيت نشر "صولة الأنصار 2" بخطاب الرئيس عبد الفتاح السيسي الأخير، الذي تحدث فيه عن تقدم أمني كبير ووعود تنموية براقة. ويبدو أن "دواعش سيناء" قد أرادوا نشر هذا التسجيل كنوع من الحرب النفسية بعد إصدار "تحالف القبائل" بيانه حول مواجهة تنظيم ولاية سيناء. وعلى الرغم من تحويل المؤتمر القبلي إلى اجتماع سري في العاشر من أيار/ مايو الجاري، إلا أن البيان الذي صدر عنه نال حظاً من الانتشار الإعلامي بفضل مباركة السلطات الأمنية لهذا التحرك القبلي. فما هي قصة مشروع "صحوات سيناء"؟

الرهان على الحرب القبلية

بدأت الملاسنة ببيان أصدره أحد أبناء قبيلة الترابين، ذائعة الصيت في القتال والقنص والحروب القبلية تاريخياً، حاملاً توقيعه ومعه بضع عشرة اسماً من رموز القبيلة، يعلنون فيه المواجهة المسلحة لجماعة "ولاية سيناء" التابعة لتنظيم "الدولة الإسلامية" الشهير باسم "داعش". صدر البيان من القاهرة بعيداً عن حقيقة المشهد الميداني، فسارع أبناء القبيلة في المناطق القريبة من تواجد التنظيم إلى نفي مسؤوليتهم عنه وعن مضمونه، وكان من أهم دوافعهم لذلك هو السيرة الذاتية غير المشرّفة اجتماعياً لـمُصْدر البيان ورغبتهم في عدم تحمل عواقب أفعاله التي طالما كانت مثيرة للمتاعب. في هذه الأثناء، انخرط التنظيم المسلح في الملاسنة ببيان مضاد رفض أحد أبناء الترابين، واسمه عبد الباسط الأسطل، استلام نسخة منه أثناء توزيعه في قريته البرث. استعرض الأسطل بسيارته أمام أعضاء التنظيم مثيراً للغبار في وجوههم، فأغضبهم، فتربصوا به على مدخل سوق القرية في اليوم التالي وقتلوه، ثم هدموا بيت إبراهيم العرجاني الذي أصدر البيان الأول.
كان مثيراً للريبة أن تتلقف وسائل الإعلام الموالية للسلطة طرفاً حقيقياً من هذه الأنباء وتضيف إليه مبالغات وأساطير عن حرب الترابين المقدسة ضد الإرهاب. بدا أن السلطات الاستخبارية والأمنية ترحب ـ للمرة الأولى ـ بوجود تحرك أهلي مسلح ضد تنظيم "ولاية سيناء"، وهو أمر تكرر رفضه فيما سبق، سواءً كمبادرات وقائية عَرَضها بعض شباب القبائل في 2012، أم حتى كرد فعل على انتهاكات التنظيم في حق السكان لاحقاً.
أُعلِن عن مؤتمر قبلي موسع في منطقة "السر والقوارير" في وسط سيناء لإنشاء تحالف قبلي لمساعدة الجيش في محاربة الإرهاب. إلا أن الداعين إليه سرعان ما تراجعوا عن فكرة المؤتمر العلني وحوّلوه إلى اجتماع سري خشية استهداف المشاركين فيه من قبل أعضاء التنظيم. حرص البيان الصادر عن الاجتماع على تأكيد اسم المظلة الجديدة، "تحالف القبائل"، وعدم ربط هذه التحركات باسم قبيلة معينة حفاظاً على النسيج الاجتماعي والعشائري، بحسب البيان. وهي خطوة قد تبدو ذات رونق إعلامي جيد إلا أنها لا تعني شيئاً على المستوى المحلي، فالتنظيم له أعضاء وكوادر من أغلب قبائل المنطقة الشمالية الشرقية من شبه جزيرة سيناء، بمن فيها قبيلة الترابين، ويستحيل أن تعلن قبيلة منفردة مهاجمة أماكن تمركز التنظيم في أراضي قبيلة أخرى. ربما كانت الإضافة الوحيدة في إعلان هذا التحالف الوليد هي توفير غطاء مناسب لضم شركاء من قبيلة السواركة التي ينتمي أغلب القيادات والكوادر المحلية في التنظيم إليها، وهو أمر غير مستبعد خاصة بعد أن قام التنظيم بذبح أحد أبناء السواركة أمام أبيه وإخوته الصغار بجوار مسجد قرية المهدية بتهمة التعاون مع الجيش قبل أسبوع من الاجتماع.
لا شك أن قتل عبد الباسط الأسطل من الترابين، وذبح عبد الكريم المنيعي من السواركة، وغيرهما العديد من أبناء قبيلتيْ السواركة والرميلات قد أحدث ثأراً مختلجاً في النفوس ورغبةً في الانتقام يعززها ضجر الناس مما آلت إليه الأوضاع بسبب هذه الحرب الدائرة منذ خريف 2013. لكن أماني توكيل الشريك المحلي لإنجاز ما فشل الجيش في تحقيقه يبدو أنها عرضة للتحطم العنيف على صخور الواقع المركب..
 

هل ينقلب السحر على الساحر؟

ربما كانت تجربة إستراتيجية جديدة في مواجهة التنظيم المستعصي على الاستئصال فكرة جيدة نظرياً، لكن التحالف القبلي الجديد لا يصلح لهذه المهمة لعدة أسباب: فأولاً، ليس هو الإطار الأول الذي يحاول بسط مظلة عابرة للقبائل لتحقيق أهداف مشتركة. فبعد ثورة يناير، حدثت طفرة من الائتلافات والتنسيقيات في عموم مصر ومنها سيناء. لم يحدث أن ضمت مظلة ائتلافية واحدة جميع قبائل سيناء البدوية أو عائلاتها الحضرية في العريش أو رفح، ولم يعد في وسع أية مظلة جديدة أن تحدث شيئاً من التوافق العام بين القبائل أو أغلب أبنائها.
ثانياً، لأن القبيلة في سيناء لم تعد ذلك الكيان الاجتماعي التقليدي المؤتمِر بأمر الشيخ الذي يحرك أتباعه بإصبعه أو بكلمة منه. فالدولة المصرية نفسها، ممثلة في جهازي الخدمة السرية بالمخابرات الحربية ومباحث أمن الدولة في وزارة الداخلية، كانت الساعي الدؤوب لتفكيك سلطة الشيوخ وتفتيت القبائل للسيطرة عليها وإخضاعها. فعبر تاريخ ممتد من تهميش القيادات الطبيعية وتعزيز سلطة الوكلاء المحليين بمنحهم الاعتراف الرسمي كشيوخ حكوميين، وحصر تيسير الخدمات الأساسية في الموالين للسلطة، وغيرها من آليات استبدادية استعمارية موروثة من عهود الاحتلال، لم تعد القبيلة جسماً واحداً، ولا العشيرة من القبيلة كياناً متماسكاً. في القبيلة الواحدة قادة للتنظيم المسلح ومتعاونون مع الجيش، كوادر خطيرة وناقمون على الجماعات الإرهابية ومعادون للإسلاميين بأصنافهم، فضلاً عن أغلبية مغلوبة على أمرها تعاني بين مطرقة هؤلاء وسندان أولئك.
ثالثاً، يغيب عن هذا المشروع الصحوي المصداقية، فلا المتصدرون لتمثيل القبائل في التحالف يحوزون شرعية حقيقية أو اعترافاً أهلياً بتمثيل قبائلهم الممتدة كبيرة العدد، ولا الشراكة المأمولة مع الجيش تحظى بالحد الأدنى من الجدية. الجيش قد أفرج عن بعض المعتقلين عشوائياً ممن قدم المشاركون في اجتماع التحالف قائمة بأسمائهم، وبرغم ذلك لم يخرج البيان سوى بالتزامات على القبائل، وكأنه إعلان إذعان وولاء، من دون مطالبة الجيش بوقف انتهاكاته المنهجية ومحاسبة المتورطين في جرائم ضد السكان. في التحالف الوليد رموز قبلية، بعضهم هاربون كونهم مطلوبين للمسلحين وبعضهم هاربون لأسباب قبلية محضة وبعضهم متواجدون ميدانياً من دون الإعلان عن هوياتهم، وهؤلاء جميعاً صمٌ بكمٌ عن التهجير القسري والقصف العشوائي الذي يودي بحياة عشرات النساء والأطفال داخل منازلهم، فلا أحد فيهم يذكر الحقوق الأساسية المنتهَكة منهجياً من قبل السلطة، بدءاً من الحق في المياه والطاقة والحق في التعليم والصحة والإسعاف، مروراً بالحق في الاتصال والمواصلات، فضلاً عن الحق في الحياة وسلامة الجسد والحقوق السياسية والمدنية كافة، التي ـ للمفارقة الهزلية ـ يكفلها دستور ما بعد الانقلاب، نظرياً.
كثيرةٌ هي الصخور الكؤود التي تعوق الانطلاق في مسار تفويض الشريك المحلي في سيناء بالاضطلاع بالمهمة التي أخفقت فيها القوات النظامية. وعلى حوافّ تلك السدود تتراقص أشباح الحرب الأهلية المحدودة ـ المرشحة للتمدد ـ على أنغام زخات ذخائر الأسلحة المتوسطة والثقيلة التي سينال حملها أهلياً اعترافاً بشرعيته للمرة الأولى في تاريخ مصر الحديث، كاسراً احتكار شرعية حمل السلاح للدولة. يخشى الناس أن يفيض سلاح معارك الإرهاب فيروي عطش الصراعات المالية والقبلية، ويتربص الجار الصهيوني بمآل هذا السيناريو الذي قد يزعجه أكثر مما أزعجه تنظيم "أنصار بيت المقدس" في طوره الأول، قبل أن يتحول إلى القتال مع الجيش المصري ويعلن ولاءه لتنظيم "الدولة الإسلامية" ويغير اسمه إلى "ولاية سيناء".

[التونسى]

 

و الــ

 

الاخ الفاضل وايت هارت .. طبعا انا بحترم دماغك وعبقريتك فى البحث والتحليل والتفنيد  رغم ان الاختلاف بيننا كان بيوصل  لمنعطفات حاده .. لكن اخشى أنك هنا تحاول ان تبرئ ساحة أميركا ((ومن يتحالف معها فى نفس الصدد)) من المشاركه فى التأمر على مصر او على الاقل  تمتعها بنوايا سيئة نحونا 

 

بص يا سيدى انا حقولهالك بالبلدى ومن وحى  كلام أحد  اصدقائى الاكراد العراقيين ((اللاجئين)) حاليا بانجلترا  .. على فكره انا عشت حوالى سنتين فى بيت مشترك وكان أغلب من يسكن معى أكراد عراقيين .. وعرفت عن قرب كتير من مشاكلهم  وتاريخهم وحياتهم ... المهم .. انا قابلت صديقى ده مصادفة فى التاون سينتر سنة 2013 ((وكان إبان خلع مرسى وفض رابعه والنهضه)) وكان حزين من الاخبار اللى بتتواتر من مصر .. وقاللى ان اميركا وانجلترا و بعض من الدول الاخرى الحليفه لهما  يحاولون لعب نفس اللعبه القذره فى مصر كما لعبوها فى العراق  ..واللعبه القذره الجهنميه  ببساطه هى دعم كل أطراف الصراع فى مصر ((سواء سلطه حاكمه  رسميه  أو نشطاء او ثوريين  او نخبه  او اخوان او سلفيين او حتى  متطرفين اسلاميين)) يعنى سلطه حاكمه إديهم معونات عينيه وماديه وسلاح .. يعنى نشطاء وثوريين ونخبه  إديهم تمويل وحقوق انسان ومساحه إعلاميه للابراز والتلميع .. يعنى اخوان وسلفيين ومتطرفين اسلاميين إديهم مأوى و  لجوء سياسى .. وذلك حتى تظل النيران مشتعله فى مصر ولا تخمد ((حتى اشعار اخر فى نفس ابن صهيون)) ..  نظام أو على شاكلة (( طوبه على طوبه خللى العاركه منصوبه)) مع الاعتذار لمارى منيب

https://www.youtube.com/watch?v=JwQeGhYSRX8 

 

وغزو العراق للكويت بإيعاز وتشجيع و ((كارت بلانش)) من أطراف اميركيه مثال بسيط وفى نفس الوقت صارخ على ما أحاول تبيانه 

تم تعديل 2 يوليو 2015 بواسطة التونسى

[حسين امبابي]

يا هيــــــــــرو ... انت اهلاوي ولا زملكاوي ؟

[herohero]

 

يا هيــــــــــرو ... انت اهلاوي ولا زملكاوي ؟

 

ياحسين بيه انا مشكلتي مش بحب الكلام في المسلمات والافكار التقليدية اللي ثبت فشلها 

من الاخر بشجع اللعبة الحلوة ، اللي يحل ويعمل شغل صح ع دماغي من فوق 

 

[حسين امبابي]

طبعا دول شوية معتوهين فاكرين اننا من صناديد قريش الكافرين  بنعبد اله من العجوة على رأي الفاضلة / عطر الجنة  وهم يقاتلوننا لنقول لا اله الا الله .... متخدش في بالك يا هيرو

 

الملفت اني حاسس اني قابلت الواد الملثم دا قبل كدا في كرواتيا واظن انه من المخابرات الروسي والعجيب ان بن الجنية دا خلع مني بعد ما قالوله ان ادهم صبري بتاع رجل المستحيل الحقيقي هنا في كرواتيا 

تم تعديل 2 يوليو 2015 بواسطة حسين امبابي

[White heart]

اللعبه القذره الجهنميه  ببساطه هى دعم كل أطراف الصراع فى مصر ((سواء سلطه حاكمه  رسميه  أو نشطاء او ثوريين  او نخبه  او اخوان او سلفيين او حتى  متطرفين اسلاميين)) يعنى سلطه حاكمه إديهم معونات عينيه وماديه وسلاح .. يعنى نشطاء وثوريين ونخبه  إديهم تمويل وحقوق انسان ومساحه إعلاميه للابراز والتلميع .. يعنى اخوان وسلفيين ومتطرفين اسلاميين إديهم مأوى و  لجوء سياسى .. وذلك حتى تظل النيران مشتعله فى مصر ولا تخمد

 

و" النظام " اذي يُدرك  "مثلك "  سيناريو هذا المُسلسل،  ويستمر في لعب دوره فيه كما هو منذ بدايته، بل ويستمر في إعادة حلقاته كما هى عرض مُستمر على مٌختلف أجياله .... لا ينتج عنه بكل بساطة الا كما قال العزيز " باهي الطائر الحزين " :

دوله فاشله ...

[أبو محمد]

حضرتك بتشبهني بعواجيز الفرح

ربنا يسامحك بس احنا مش عواجيز الفرح لان عواجيز الفرح بيقعدو يندبو على الصغيرة قبل الكبيرة لكننا قعدنا ساكتين سنتين مافتحناش بقنا وامنا بالنشيد القومي ( نحن نثق في رجالنا)

بس قعدنا سنتين ومالحظناش اي فرق بين اول السنتين واخرهم بل لاحظنا ان العمليات بتزيد والخيبة بتزيد 

عشان بعد سنتين يتمكن الارهابيين في داخل الوادي (اغتيال النائب العام) وفي خارج الوادي في سيناء 15 عملية نوعية في توقيت واحد ولما نعلن عن غضبنا تقولو علينا عواجيز الفرح 

طب امتى نتكلم ونغضب 

امتى ؟

لما الاقي تنظيم الدولة واقف ادام بيتي 

وبعدين في 67 الوضع بيختلف عن الوضع دلوقتي 

في 67 كنا بنحارب دولة 

الان بنحارب شرازم 

ولا يمكن حضرتك معتبر ان تنظيم الدولة دولة بالفعل واحنا بنحاربها عشان كده عقدت مقارنة 

اللي حصل النهاردة مهزلة بكل المقاييس ولا يمكن التهاون فيها واحنا هانقول رأينا ونعبر عنه لاننا مصريين زيك بالضبط وبنحب بلدنا زيك بالضبط وبكره الارهابيين زيك بالضبط 

 

وهو فيه حد حجر على رأيك يا أستاذ إسلام ؟

ماهو انت بتقول رأيك وبتكرره فى أكتر من مداخلة ومتمسك بيه

وما فرقتش معاك رأيك ده مبنى على إيه ؟

إنت حر فى اقتناعك وتقييمك لما تسمع من أخبار

إنت حر فى إنك تبنى رأيك وتقييمك على كلام وكالات الأنباء

اللى كانت بتذيع ما وصل إليها من بيانات "العدو" عن طريق مكاتب التنظيم الدولى خارج مصر

إنت حر فى إنك تلقى بيانات قواتك المسلحة فى البحر ولا تثق فيها

مفيش حد يقدر يحجر عليك فى هذا

:)

دا انت حتى كلامك بلسم بالنسبة للقرف والهَبَل اللى الواحد بيقراه

 

إنما من حق اللى انت بتكتب له عشان يقرا كلامك إنه يراه خطأ وخطأ جسيم كمان

لأن كما أن الكاتب حر فيما يكتبه .. فالمتلقى حر فى اقتناعه وتقييمه

أنا شايف انك واعى وفاهم الفرق بين الوضعين

 

وبعدين في 67 الوضع بيختلف عن الوضع دلوقتي 

في 67 كنا بنحارب دولة 

الان بنحارب شرازم 

ولا يمكن حضرتك معتبر ان تنظيم الدولة دولة بالفعل واحنا بنحاربها عشان كده عقدت مقارنة

 

 

 

الفرق بس هو إن حضرتك لسه ما وصلتكش إن الحرب الحالية أصعب من حربنا مع إسرائيل

حربنا مع إسرائيل كان كل شئ فيها واضح

العدو فى مكان وانت فى مكان .. معروف هو فين وعدده كام وسلاحه إيه

ماكانش مستخبى وسط أهلك وناسك او فى الجبال والكهوف

وكان - وقتها - كل الأبناء والأخوة والأقارب بيحتشدوا لمحاربته

كان الشاب من دول عارف هو هيدخل الجيش إمتى .. بس مش عارف هيخرج منه إمتى عشان يبدأ حياته

 

ما كانش فيه ناس بتتمنى سقوط النظام المهزوم .. بالعكس كل الناس وقفت وراه لغاية ما نخلص من البلوة السودة

ما كانش فيه ناس مفتونين بإسرائيل وبيشتغلوا جوه البلد لحسابها (بقصد بقى او بدون قصد ما تفرقش)

ما كانش فيه ناس بيبرروا لإسرائيل ويقولوا إنها بتضرب عمالنا وأطفالنا وبتدمر مدننا على القناة بسبب العنف المصرى

ما كانش فيه نخبة بتقول لازم نواجه إسرائيل بالفكر ونقارعها الحجة بالحجة

حتى اللى كان يائس ما كانش بيجرؤ على الدفاع عن العدو ويقلل من تضحيات ابناؤه اللى على الجبهة

 

يبقى فيه مجال للمقارنة ولا مفيش ؟

أنا شايف مجال ومجال كبير كمان للمقارنة وكما ذكرت سابق

وبضدها تتبين الأشياء

[أبو محمد]

 

و الــ

 

 

:)

إيه الغريب يا وايت ؟

ما هى أمريكا بترمى سلاح وعتاد (بالخطأ) لداعش وتبعت طياراتها عشان تضربها

ماهى أمريكا بتبعت لداعش عن طريق راس الرجاء الصالح

:)

أسرع إمداد من الصديق الأمريكى (موضوع كتبته قبل أن تتضح الأمور )

وبعدين تعمل تحالف يضربها ويضرب أسلحتها

:)

إنت بس اللى مش واخد بالك

[White heart]

 

:)

إيه الغريب يا وايت ؟

ما هى أمريكا بترمى سلاح وعتاد (بالخطأ) لداعش وتبعت طياراتها عشان تضربها

ماهى أمريكا بتبعت لداعش عن طريق راس الرجاء الصالح

 

ذات الأمر يا عزيزي ....

" النظام " الذي يُدرك  "مثلك "  سيناريو هذا المُسلسل،  ويستمر في لعب دوره فيه كما هو منذ بدايته، بل ويستمر في إعادة حلقاته كما هى عرض مُستمر على مٌختلف أجياله .... لا ينتج عنه بكل بساطة الا كما قال العزيز " باهي الطائر الحزين " :

دوله فاشله ...