أرزل لزمة ما لهاش لازمة

[Sherief AbdelWahab]

لكل قاعدة شواذ..

واخترت لازمة سخيفة من خارج السياق الدرامي:

أبسليوتليييي!

أيمن القيسوني مذيع برنامج سوبر ستار

خلص الكلام

[Hammer]

أي .. أي يا رجلي .

هنا يا هانم ؟ :sad:

لأ .. فوق شوية

هنا ؟ :closedeyes:

فوق شوييييية

مشهد إغراء متكرر

----------------------------------

الجوازه دي مش لازم تتم

مشهد تعذيب .. متكرر :sad:

[Sherief AbdelWahab]

روخي ح تطلع .. اطلعي يا روخ!

مريم فخر الدين في "المرسى والبحار"

خلص الكلام

[مصريه بالكويت]

[b]باباك كان كائد طابيه

امك كان كائد طابيه

تبقى موش من موستوايا

مسرحية فؤاد المهندس

[Sherief AbdelWahab]

ياجمالو ياجمالو..

محمد الشقنقيري - مسلسل ريا وسكينة

هوة البنات المنحرفة بقى خلقها ضيق قوي كدة ليه؟

كريم عبد العزيز - واحد من الناس

خلص الكلام

[Lembic]

الحمد لله محدش إتكلم على "صبح صبح ياعم الحج"

[Sherief AbdelWahab]

العلم في الكراس مش في الراس

عزت العلايلي في فيلم الورثة

خلص الكلام

[MIMO]

البولولوم .. البولولوم عبد المنعم ابراهيم فيلم سر طاقية الأخفاء

جهاد .. جهاد أنتي فين يا جهاد حسين رياض وا اسلاماه

ميكانيكي يا نور المهندس انها حقاً عائلة محترمة

يا جني يا جني يا بن الجني محمد صبحي تخاريف

اوعى يغرك جسمك محمد سعد الناظر

جاي رايح منه له يوسف شعبان المال والبنون

يافت – مأحلي نور الشريف ومحمود عبدالعزيز جري الوحوش

يانهار اسود الخواجا بيجو جميع الافلام

دا أنا غلبان عادل امام شاهد ما شافش حاجة

الناس كلها بتتكلم علينا ولازم نوضع حد للأشاعات دي كل الافلام

ياللهول يوسف وهبي كل الافلام.

ربنا مارضاش بالذلم واحد تخين وقصير فيلم ثقافي

كاك كاك كاك فاتن حمامة فيلم نكد مع عماد حمدي

على فكرة أنا سمعت أن عماد حمدي اتولد وعنده 30 سنة.

[Sherief AbdelWahab]

جاي رايح منه له يوسف شعبان المال والبنون

تصحيح : في الشهد والدموع..

خلص الكلام

[Folana]

السلام عليكم ورحمة الله ....

"ده انا كتكوت ابو الليل اللى بيومبورمبه المثل ".......محمدسعد فى فيلم كتكوت....

"ثانى اكسيد الكرتون ....نفس الفيلم

ودى لزمة بقى من الحيــــــــــــــــــاة..

" هى الحاجة دى تبقى الست بتاعتك؟!!"

ودى فى الواقع المرير ..ارزل لزمة مالهاش لزمة سمعتها طوال العشر ايام الماضية ...وحاقولكم اية المناسبة وبتتقال لمين ...

بتتقال لزوجى العزيز ...ومن كل الناس اللى قابلتهم علشان اطلع بطاقة الرقم القومى واجدد رخصة القيادة...والا بقى الرقم القومى ده ...الرجل بص لى باستنكار كده مش عارفة ليه وسال جوزى " هى الحاجة تبقى الست بتاعتك"...ولقيت انها لزمة بتتكرر على لسان الموظفين كلهم ...واخر مرة كان نفسى اقوله " لا ..انا والدته سعادتك..." :unsure:

انا افتكرت مأساة استخراج الرقم القومى ده ..طب تصدقوا ان جوزى قال للرجل من كتر الصعوبات اللى قابلتنا .."ده انا اروح اتجوز عليها اسهل ..واحدة موديل جديد ومعاها رقمها "..

ولما ربنا فرجها واخدت هذا الرقم المبارك...زوجى بصى لى وقالى .."كده خلاص انا جددت لك الرخصة وجواز السفر ..وطلعت لك الرقم القومى وشهادة ميلاد اليكترونية ...مالكيش فى ذمتى الا شهادة الوفاة ودى انا مقدم عليها وقربت استلمها ...."..... :unsure: :unsure:

[محمد عبدالعزيز]

هراس جاى... هراس جاى (أحمد بدير تقريباً فى مسلسل قديم مش فاكره)

شئ لا يسدكه عكل (شئ لا يصدقه عقل- شويكار)

فى الحقيقة... فى الواقع (فى الأفلام والمسلسلات والبرامج وفى الحياة العادية كمان)

[هشام الجنيدى]

انتى يا بت ..... ( ايوه يا ابلتىىىى ههههههه(ضحكه رقيعه )...) -_-

شيلو الميتين اللى هنا (عبد المنعم مدبولى فى مسرحية ريا وسكينه ) -_-

كل كلام شويكار (وهيّه بتستظرف) فى الافلام التافه بتاعت زمان :angry:

وقفه محمد صبحى عندما توجه له اهانه فى مشهد وأل يعنى مخدش باله واستطرد فى الكلام وبعدين ال يعنى برضه فهم

لا يا عاااتل لا يا عاااتل ...... انتا فاكرينى من اياهم ..... (اى واحده فى حضن اى عادل فى اى فيلم قديم وهيه بتقابلو فى شقته عشان ال يعنى يلعبو دورين طاوله...) :angry:

شرفى يا ندل يا خاين يا غشاش بعد ما امنت لك وسلمتلك اغلى ما املك تاخدنى لحم وترمينى عضم اعمل ايه فى اللى فى بطنى ( فى نفس الفيلم بتاع اى عادل برضه) :angry:

بتخونينى مع عشيقك يا فاجره .......(فى اى فيلم برضه لما تكون اللى مع عادل متجوزه ) :angry:

وكفايه بقى اصلى بتنرفز من الافلام دى :angry: :angry: :angry:

[Sherief AbdelWahab]

مبروك عليكي أنا

واحدة من أسوأ اللزمات على الإطلاق من ممثل مغمور في فيلم آه من حواء

خلص الكلام

[Sherief AbdelWahab]

هلالي هلالي هلالي

هتاف سمج في مسلسل سكة الهلالي..

خلص الكلام

[shawshank]

السنج اتغيرت يا دكتووووووور

محمود عبد العزيز ليحيى الفخراني في فيلم الكيف .

هي مش لزمة أوي ، لكن جملة عجبتني . المعنى تغير معايير الصواب و الخطأ ، و تنطبق على واقعنا الحالي ، و على أي زمان .

[otaka]

كلهم كلاب يا قطه

عادل ادهم

احنا لو رحنا الجنه مش هنلاقى حد نعرفه

عادل ادهم

العيال ناموا

كل الافلام العربي

انا اسد ابويا اسد و امى ......و لا بلاش دى

اسماعيل ياسين

تم تعديل 6 يناير 2007 بواسطة otaka

[Siwa]

تبقى انت اللي قتلت بابايا....آه يا بابايا.....شويكار في فيلم مش فاكره اسمه

شفيق يا راجل.....محمد نجم

[Sherief AbdelWahab]

المؤلف "محمد الغيطي" لا يُبارى في كتابة لزمات فائقة السخف:

يا بتاع الخواجات يا خسيييييس

داليا البحيري- مسلسل "صرخة أنثى"- تأليف محمد الغيطي

خلص الكلام

[drTOTA]

آسف يا مدام....

الرد بعصبيه وتشنج: مدمازيل من فضلك :blush2:

كل الافلام

سهير دى اشرف واطهر ست فى الدنيا..

واحد اهله معارضين جوازه من رقاصة او فتاة ليل.

[mamdowh]

(ده عنكب من مستحدساتى) عبدالفتاح القصرى