هذا الخطأ المطبعى فى عقد العمل ..هل يبطله إذا اشتكانى به الكفيل..رجاء الإفادة

[عمر المختار]

السلام عليكم ورحمة الله

رمضان كريم

الاخوة الأفاضل أنا جددت للعام الثانى مع مدارس فى السعودية من أكتر من سنة ومرجعتش وكسرت تأشيرة الخروج والعودة وانتهت مدتها وانتهت الإقامة ودلوقتى اتعاقدت مع مدارس جديدة بجواز جديد بتأشيرة عمل جديدة..قيل لى إن مدرستى السابقة ( كفيلى السابق ) لوعرف بوجودك و أثبت إنى على كفيل جديد هيشتكيك للضرر وهيقدم لمكتب العمل نسخة من عقد العمل المجدد اللى بينك وبينه وهيقول إنك أخليت باتفاقك ومرجعتش بعد تجديد العقد للسنة الثانية حسب الاتفاق ..دلوقتى فى العقد خطأ مطبعى فى بند الراتب الشهرى ..مكتوب براتب قيمته 2500 ريال سعودى ( ستة آلاف وخمسمائة ريال سعودى) الرقم بالأرقام صحيح انما بالحروف غلط..قيل انه فى الحالات دى بيفترض الخطأ فى الرقم مش الكتابة وهنا يبقى فيه خطأ...وعلى أى حال هل دا ممكن يكون الخطأ دا لصالحى ويبقى سبب للرد فى مكتب العمل إذا اشتكانى الكفيل ..وايه المستند القانونى اللى اتكلم بيه فى الحالة دى ..يعنى مادة بتقول كدا أو قانون ..أهو أى حاجة أرد بيها على كفيل مفترى لا راحم ولا سايب رحمة ربنا تنزل.....شكرا لكم

[rema]

اخي الفاضل

مش كل الشركات ولا كل المجالات تخضع لبند المنافسة والضرر الذي يقع على شركتك السابقة

ومنها المدارس والجامعات ومعاهد التدريب  على سبيل المثال

وبالتالي مش هيقدر يشتكيك على حد علمي

بالتوفيق ان شاء الله 

تم تعديل 9 يوليو 2015 بواسطة rema

[bueemaje]

السلام عليكم

اكيد هذا البند محل شك لدى القاضى اذا وصل الموضوع له
وقد يفيدك  والمستند الوحيد هو عقد العمل الذى معك الموثق
..لكن  انا لو مكانك كنت افضل الا اتعرض للكفيل  ابدا حتى يبدو منه هو السؤ 
وانا استبعد ذلك خاصة ان موضوع المنافسه والكلام ده  غير دقيق  بالمره وغير محكوم

وان شاء الله امورك تمشى بلا اى مشاكل  بس انت ادعى كده  وتوكل على الله..

وقولنا انتا مسافر امتا؟

تم تعديل 9 يوليو 2015 بواسطة bueemaje

[عمر المختار]

شكرا

rema و bueemaje

على الاهتمام والرد ..أنا مش ممكن اكون مستفز وأعمل مشاكل بالعكس أنا طول عمرى فى حالى ومش ناوى الاقتراب ولا الاحتكاك بمدرستى السابقة بأى حال رغم معارفى وأصدقائى الكتير اللى فيها لكن معلش مضطر أمشى جنب الحيط وابعد عن كل من له علاقة بمدرستى السابقة لغاية ما ربنا يهدى الحال والأمور تستقر ..أنا بس بفترض سوء النية من شئون الموظفين بالتحديد فى مدرستى السابقة لو قلوا بأصلهم وحبوا يعملولى قلق فى مكتب العمل مش أكتر وبحاول أخد احتياطاتى فى كل الأحوال ...أنا خدت القرار وخلصت كشوفات وتمام الحمد لله وورقى لسه هيدخل القنصلية بعد العيد إن شاء الله ..أساسا موعد وصولى هناك حسب اتفاقى مع المدارس الجديدة هو يوم 25 /8 إن شاء الله

 

وعلى فكرة ...فى خلال أسبوع بإذن الله ...هجيب لكم التفسير النهائى والدقيق لقرار منع الخارجين بتأشيرة خروج وعودة ولم يرجعوا خلالها من دخول المملكة لمدة 3 سنوات من تاريخ انتهاء تأشيرة الخروج والعودة من مصدر موثوق منه

تم تعديل 9 يوليو 2015 بواسطة علاء جادو

[bueemaje]

انا  كمان كلمت  اكتر  من  حد  بخصوص الموضوع ده  وان شاء الله قريب  هيجيبولنا الخبر اليقين  فى الموضوع
لكن  الاكبد  ان  محدش  دخل  واتمنع  او رجع من المطار حتى الان  ....  واللى يقولك  فى  حد  اتمنع  قولو  "شفت  بعينك  او تعرفو  حد  شخصيا اتمنع"  هيقلك  "سمعت".

 

 

احنا بس  عاوزين  نتأكد  ونعرف  القانون  هيطبق  على مين  تحديدا ؟ ومن  امتا؟   وهيطبق بأثر  رجعى ولا  لاء؟
لكن  ان شاء الله انتا  امورك  كلها  هتكون  سليمه  
توكل  على الله

 
 

تم تعديل 9 يوليو 2015 بواسطة bueemaje