الهذا الحد وصل الاهمال والفساد

[Shams100]

جاء في جريده الخميس تحت عنوان إهانة زوجة الشيخ جاد الحـق

http://www.elkhamis.com/mashahir.asp?id=112

فالشيخ جاد الحق قبل وفاته كان قد تقدم بطلب الي رئيس الوزراء حينها عاطف صدقي لتدبير شقة واسعة له بدور منخفض من أملاك الدولة أو الاوقاف.. وكان وقتها الشيخ الشعراوي يستأجر شقة من أملاك الدولة في جاردن سيتي وليس بحاجة اليها خاصة بعد بنائه لقصره بالهرم وعندما وصل الي علم الشعراوي حاجة شيخ الأزهر الي شقة من الاوقاف كتب بخط يده لرئيس الوزراء تنازلا عنها بما فيها من اصلاحات وديكورات دون أن يتقاضي عنها أي مقابل مادي ليتم تسليمها الي شيخ الازهر.. الا أن اليوم الذي وصل فيه هذا التنازل الي وزارة الاسكان ولاتخاذ ما يلزم توفي فجأة الشيخ جاد الحق.ة

ومن وقتها لم يتم تسليم الشقة له أو لأسرته لتستولي عليها الدولة خاصة.. بعد رفضها اعادتها لأولاد الشيخ الشعراوي مرة أخري.ة

سطوري السابقة كتبتها مرغمة ومتألمة.. لأن الكلمات تصبح في مرارة الصبار حينما تتحدث عن حق هو أسطع من أن يطالب به.. وذنب أكبر من أن يلام.. فمن يحفظ وصية الشيخ في أهله بعدما ائتمناه يوما علي دنينا وحمل الامانة عنا.. خوفي.ة

أشعر في نفسي بالغ الحرج لان ذنوبنا لم تترك عزيزا لدينا الا وأغرقته.. ودفعته ليدور علينا متسولا.. حق الوفاء.. ليصبح شديد الدين بعد السؤال عنه أكثر مرارة لصاحبه من حرمانه منه.ة

«حاجة سعدية» كل ما أرجوه ألا تؤذي كلماتي السابقة.. عزة نفسك.. لكن الذنب أكبر من السكوت عليه.ة

[الأفوكاتو]

لا حول و لا قوة إلا بالله,

لعن الله الفساد, و المفسدين, إلى يوم الدين.

تم تعديل 23 سبتمبر 2005 بواسطة الأفوكاتو

[KANE]

:D

:unsure: :D :D

[se_ Elsyed]

شكراً لمشاعرك الجميلة يا شمس ..

بس معليش كلماتك لن تصل إلى أي مسئول في الدولة .. حيث إنهم جميعاً قد ماتت ضمائرهم .. وتحجرت مشاعرهم .. وطالما المرحوم جاد الحق - رحمة الله عليه - لم يكن من شلة المفسدين المنافقين .. إذاً فهذا هو مصيره المحتوم ومصير من بعده ...

تصوروا إن عائلة الرجل العظيم ذو الصوت الملائكئ المرحوم سيد النقشبندي بيحصلوا على معاش من اتدولة وقدره ثمانية وثلاثون جنيهاً مصرياً فقط لا غير ( 38 لحلوح )

من يقول كده ؟

ده لا مؤخذه ده أنت لو مربي كلب عندك بتصرف عليه مش أقل من 100 جنية ...

مبارك حول مصر إيل دولة الظُلم .. ويكفي دعوة واحده من أهل مظلوم زي ده يكون لها وزن عند ربنا ويحاسبه عليها أشد الحساب ..

وإوعى حد يقولي " طب والريس هايعمل إيه .. هو بتوصل له الحاجات دي ؟ "

أقول له أيوه بتوصل له لإنها أخبار بتنشر في الصحف اللي المفروض عنده مليون واحد شغال تحت إيده بيوصلوا له الكلام ده .

وبدل ما يروح يصرف الملايين على الألاضيش من الفنانين والراقصات ويعالجهم بره على حسابنا وهما يوزنونا فلوس ..؟ يلتفت لناس زي دي خدموا البلد والدين بضمير .. وكان جزاءهم التشرد والتسول ..

حسبنا الله ونعم الوكيل على كل ظالم .

[سقراط المصري]

وإوعى حد يقولي " طب والريس هايعمل إيه .. هو بتوصل له الحاجات دي ؟ "

أقول له أيوه بتوصل له لإنها أخبار بتنشر في الصحف اللي المفروض عنده مليون واحد شغال تحت إيده بيوصلوا له الكلام ده .

<{POST_SNAPBACK}>

مبارك لا يقرأ ، وهو قال ذلك لعماد الديب.

[Alshiekh]

لامؤاخذة ياجماعة

انا مليش فى مواضيع كبارات البلد وماقدرش اتكلم على شئونهم

انا بس عايز اقول على حاجة

انا وابويا واخوانى واخواتى وكل من لهم صلة بى ويمكن كمان كل اللى اتنحس بمعرفتنا

لا اخذنا شقة من الاوقاف ولا شقة من التأمين ولا حتى شقة من بتوع المساكن الشعبية لما كان الواحد عايز يتجوز وفضلنا نأجل فى الحواز لحد ماربنا قدرنا وقدرنا ندفع الخلو لشقة يعلم الله كم كان حجمها

ليه مش عارف ..... ماحدش جبر بخاطرى او بخاطر اى حد مننا وقال له تعالى نعمل لك شكوى او بحث او اى حاجة علشان نجيب لك شقة انشاء الله تكون مبنية بالرمل على شاطئ البحر.

وبعدين تقولى مين ومش عارف مين اللى لف العالم وعنده الاملاك هنا وهناك ومش عارف ايه واصبر ايه عنده شقة والا شقتين من بتوع شقق الاوقاف او من شقق شركات التأمين.

يبقى مافيش غير انى اقول " جتنا نيلة فى حظنا الهباب "

هو الواحد هج من شوية