بكري .. مرشحاً لنقابة الصحفيين!

[Sherief AbdelWahab]

مصطفى بكري ، أبو لمعة ، أو أحد آباء اللمعة في الصحافة المصرية يرشح نفسه نقيباً للصحفيين ، ويخوض حرباً عنيفة وشعواء ضد إبراهيم نافع رغم أنه كان يوماً من رجال نافع في مواجهة سمير رجب..

بكري عايز إيه؟ وإيه اللي ممكن يعمله؟

خلص الكلام

[achnaton]

حا يعوز ايه يا عزيزى شريف ..؟!!!!!!!

عاوز يبقى نقيب .. ؟!!! ويثبت لصحفيوا مصر انه واد لعيب .. !! مصطفى هذا يا اخ شريف لا يصلح الا نقيبا للعبيد .. وبكل اسف وحسرة حولتنا شلة الاشرار .. الى عبيد وهم اللى ماسكين الكرباج .. وما تقول عنه حرب على نافع .. دى مش حرب .. دى تبادل منافع .. وكل اللى قاله مصطفى فى مقالاته .. معروف عن الحاج ابراهيم واسخدم منه شريكه بتاع الفانلة الحمرا .. وغيرهما الكثيرين .. فى عزب الاعلام القومى اللى مالهاش صاحب ..

ولعبة مصطفى وانتخابات النقابه .. مجهزة ومتوضبه ومرسومه بحد السكين .. تمام زى ما جهزوا حكاية تعديل المادة 76 .. وفرشوا الارض رمل .. للنعمان .. ورفعوا له الاعلام .. والآخر لقى نفسه بيحلم أسعد الاحلام .. وبيرقع الوقت بالصوت الحيانى .. ومعاه عباس حبيب الناس .. عارفه ما هو بلدياتك .. لبسوهم العمة تمام وخلوا النعمان اجمل قرطاس ..

وابقى شوف .. حيجى نقيب .. الكل ما يعرفوش .. جردل من غير ودان .. أعمى من عيون .. عشان المرحلة الجاية يا حبيبى عايزة نقيب يمسح بلاط الرصيف .. بتاع النقابه .. من دم الحريم اللى عليه اتسحلوا .. والصحفيين اللى انضربوا .. واسأل محمد عبد القدوس .. الشلة بعد نوفمبر على كل الاحرار حتدوس ..

وكفاية النهارده عشان ضغط الدم عندى لا يرتفع ..

تم تعديل 24 سبتمبر 2005 بواسطة achnaton

[هادي]

مع كل حرف للفاضل اخناتون

اجد نفسي تلقائيا

ادعو له بالصحة و طول العمر

ممتع أن نجد - مصري- يرسم الحرف بطريقة السهل الممتنع

ويعطيك المعلومة -المؤلمة- مع ابتسامه ولاد البلد

متعك الله بالصحة يا اخناتون

وانتظر اليوم الذي أرى فيه -بكري- وامثاله

في مزبلة التاريخ

بعدما ينفض عنهم غبار -اللهجة الصعيدي - اللي بيضحك بيه ع الغلابة

وقد قادني حظي التعس ذات يوم، لحضور ندوة من ندواته بالمحافظات

واعلم أي لاعب - محترف- هذا الرجل

لكن

الايام دول

تحياتي و احترامي

تم تعديل 24 سبتمبر 2005 بواسطة هادي

[أسد]

فعلاً كارثة ....

ومن الأساليب الملتوية ..

أشاع أنصار بكري إشاعة ورددوها بقوة بتنازل جلال عارف (المحترم) عن الترشيح لصالح بكري ...

مما دفع عارف لتكذيب الخبر ..

هذا الرجل (بكري) لايبشر بأي خير

[Sherief AbdelWahab]

فيه حاجتين في بكري يجلبوا الشبهة لبلد بحاله :

1-أسلوبه في استخدام حكاية التطبيع لتشويه كل خصومه ، ديماجوجية عهدناها في الناصريين تحديداً..

2-وساطته في قضية عزت حنفي ..

عزت حنفي متهم بجريمة ، وقاوم السلطات بالسلاح ، وبشكل غير مسبوق .. لماذا يتوسط بينه وبين الأمن؟.. تلك الوساطة التي عرضها بكري نفسه..

في المعارضة وجوه لا تقل قبحاً عن وجوه الوطني الديمقراطي..

خلص الكلام

[أسد]

1-أسلوبه في استخدام حكاية التطبيع لتشويه كل خصومه ، ديماجوجية عهدناها في الناصريين تحديداً..

جلال عارف ناصري ..

والفارق بينهما كبير جداً في الأسلوب .. والمنطق .. والأداء .. وكل شئ ..

مايوصف به مصطفى بكري هو .. خاصية خاصة به وليست صفة ناصرية...

[أسد]

وخرج بحمد الله بكري من السباق

رغم حصوله على المركز الثالث .. بأكثر من 600 صوت

ولكنه مؤشر ممتاز .. فالصحفيون المصريون من النضج بدرجة كافية لاختيار خير من يمثلهم

والحق يقال ..

لم تتدخل الدولة في التأثير على الناخبين ..

وخسر مرشحو الدولة خسائر كبيرة