استفسار آخر وضرورى عن موضوع الخطأ المطبعى اللى عقدى مع الكفيل

[عمر المختار]

الاخوة الأفاضل ذكرت فى مشاركة سابقة انى جددت للعام الثانى مع مدارس فى السعودية من أكتر من سنة ومرجعتش وكسرت تأشيرة الخروج والعودة وانتهت مدتها وانتهت الإقامة ودلوقتى اتعاقدت مع مدارس جديدة بجواز جديد بتأشيرة عمل جديدة..قيل لى إن مدرستى السابقة ( كفيلى السابق ) لوعرف بوجودك و أثبت إنى على كفيل جديد هيشتكيك للضرر وهيقدم لمكتب العمل نسخة من عقد العمل المجدد اللى بينك وبينه وهيقول إنك أخليت باتفاقك ومرجعتش بعد تجديد العقد للسنة الثانية حسب الاتفاق ..دلوقتى فى العقد خطأ مطبعى فى بند الراتب الشهرى ..مكتوب براتب قيمته 2500 ريال سعودى ( ستة آلاف وخمسمائة ريال سعودى) الرقم بالأرقام صحيح انما بالحروف غلط..وأنا هنا بسأل ....لو فرضا اشتكتنى مدرستى لمكتب العمل وخاصة ان فيه ناس ظلمة بالشئون الإدارية بمدرستى القديمة ومعدهمش أى ضمير ولا احساس.. ولو مكتب العمل استدعانى للاستجواب ..طبعا المخالفة هتكون فى عدم رجوعى وتنفيذ عقدى للعام الثانى مع مدرستى القديمة وأنى رجعت قبل عامين على مدرسة أخرى....طيب أنا دلوقتى معايا أصل العقد اللى فيه الغلطة المطبعية وموثق ومختوم غرفة تجارية والسفارة المصرية..هل إذااستدعانى مكتب العمل أقدم له العقد وأقول أن الإدارة التعليمية اللى انا تابع لها فى مصر رفضت قبول ورق التجديد بعد ما شككت فى صحةالعقد بعد اكتشاف الخطأ المطبعى ..وإذا قال لى مكتب العمل لماذا لم تراجع مدرستك القديمة لترسل لك عقدا غيره ..أقول وقتها خاطبتهم ولم يرسلوا لى أو لم يهتموا بطلبى ..وأحمل بكداالشئون الإدارية مسئولية خطأهم المطبعى فى كتابة العقد...ايه رأيكم