الى العزيز حسين امبابى - فرص الهجرة الضائعة

[Guest محاور]

الأخ الكريم حسين،

يعنى انت معندكش مانع انك تتجوز واحدة اوروبية و تستعبطها عشان تاخد الجنسية، او تأخذ حق اللجوء فى الدول الاوروبية فى حين انك لا تستحقه و هناك اخوة و اخوات سوريين و عراقيين أولى بيه منك... 

 

لكنك فى الوقت نفسه ممانع انك تكسر التأشيرة و مبتحبش كده؟

 

طيب على أساس ايه قبلت الأولى و رفضت التانية، رغم اننا لو استخدمنا نفس المعيار، فسيكون عليك رفض الاثنين... انك تضحك على واحدة اوروبية و تستغلها و كمان انك تكسر التأشيرة.

 

عموما انا مش بحب أصدر نفسى فى مسألة الفتاوى لكن لو اننى مستضعف فى بلد كثر فيه الفساد و طغى فيه مترفوها، فسأتوكل على الله و اكسر التأشيرة، لإنى سآخذ بأخف الضررين... ضرر انى اكسر التأشيرة اكيد ارحم بكتير من انى اشارك فى الفساد و النجاسة.

 

و يا سيدى ارض الله واسعة... دى مش ارض ابوهم... و الحدود مسألة مستحدثة لم يعرفها الانسان سوى من فترة قريبة، و الحدود الدولية مش قرآن... كلها كام سنة و الحدود فى الدول العربية ستتغير تماما و تنقلب رأسا على عقب... و فى اعقاب الحرب العالمية التانية تغيرت حدود بولندا و ألمانيا و المجر و اختلفت عما كانت عليه قبل الحرب.

 

و فى النهاية استفت قلبك و ربنا يوفقك للى فيه الخير و الحق دائما.

[حسين امبابي]

والله كلام جميل وجديد يا محاور وعموما بشكرك من كل قلبي على نصايحك الصادقة وأخوي الغالي الحبيب الي قلبي كابتن مصر زوهيري وهو طبعا يقدر يرد عليك في المسالة اللي اثرتها للنقاش وهو بالصلاة محاور ممتاز ما شاء الله عليه واهو الموضوع يسخن طالما فيها كابتن مصر .

والله يا محاور انا لا ادعي التقى ، بس هي فين الاجنبية دي بس وانا اجوزها لو عندها 70 سنة وموضوع كسر الفيزا يمكن عشان موش واخد على اني أكون في مكان بره بلدي بشكل غير قانوني .

 

منتظرين اثراء الموضوع بردود كابتن مصر اللولبية

[حسين امبابي]

ياليت يا محاور لو تحكي لنا تجربتك وانت عايش فين حاليا ولو بره مصر حصل ازاي ؟... غني يا وحيد 

[Guest محاور]

أخى الكريم حسين...

 

فيه كلام عايز اقولهولك بس خايف يجيب نتيجة عكسية معاك... بس انا لازم اقول لك الكلام ده... هو كلام قاسى حبتين معلش..

بس يشهد الله ان غرضى مصلحتك فقط لا غير، لإننا شباب زى بعض و انا واثق انى عانيت من نفس ما انت عانيت منه... فالشعور بالمعاناة و الأسى متبادل.

 

بعيدا عن حكايتى و تجربتى... نظرا لإن تجربتى معقدة جدا و متشابكة و ربما تبدو أقرب للخيال... اصل اخوك عمل بلاوى بعيد عنك فى فترة زمنية قصيرة و الحاجات دى مينفعش تتقال كده...

 

لكن انا كنت أكثر جرأة منك... و هى دى النقطة اللى انا عاوز اقولهالك... انا كنت جرىء مبخافش... كان ولا زال كل هدفى تحقيق احلامى و طموحاتى دون النظر طويلا لآراء الآخرين...

 

خضت تجارب و علاقات عمل و جنس و زواج دون الوقوف طويلا امام عواقبها... و لكنى كنت أثق تماما فى خطواتى و احسبها كويس... 

كل خطوة كنت واثق من نفسى و من قدرتى على تحقيق اهدافى... لم انتظر رأى احد.. لم انتظر موافقة الآخرين على تصرفاتى و افعالى.. مما جعلنى افرض نفسى على الآخرين و أؤثر فيهم بشكل إيجابى بفضل الله..

 

I was influencing people with my courageous steps

 

ثقتى فى نفسى و يقينى كانا ولا زالا رأس مالى فى هذه الحياة... 

عمرى ما خفت انى اصدر نفسى فى موضوع او خطوة.. و كنت بتوكل على الله و بعملها من غير قلق... طالما انى بعمل الحاجة دى وفقا لمبادئى و قيمى أنا, يبقى ميفرقش معايا قيم و مبادىء الناس التانيين.. ما ينحرقوا بجاز يا عم. :)

 

عشان كده انا نفسى انك تكون self assertive اكتر من كده...

لازم يكون عندك رؤية و نظرة للحياة اكثر عمقا... رؤية لا تهتز بآراء الآخرين... رؤية و يقين نابعين بشكل صادق من شخصيتك فقط...

 

مش ييجى واحد انت اصلا ماتفرقش معاه يقوم يقول لك كلمتين فيأثر فيك و يخليك تغير رأيك..

متخافش ان شكلك وحش ولا حلو... انت اللى يهمك هو مصلحتك و حلمك و طموحك بعيدا عن الآخرين شايفينك ازاى...

 

المهم انت تكون شايف نفسك ازاى؟

كرولى المجرم - اشهر مجرمين المافيا فى امريكا -  قبل اعدامه على الكرسى الكهربائى قال تصريح انه كان شايف نفسه بيقدم خدمات للجليلة للبشرية لن تعرف قيمتها.

Francis Crowley... ممكن تدور على اسمه. :)

 

عشان كده تانى... اهم خطوة و اول خطوة فى تحقيق طموحاتك و أحلامك انك تكون وجهة نظر فى الحياة و رؤية كاملة متكاملة تتبناها كعقيدة و دين... و من خلالها تبدأ تحكم على الاشياء و الأمور بعيدا عن تأثير الآخرين...

 

و ده اسمه self actualization... و اللى أى ألفا ميل  alpha male بيحقق احلامه و طموحاته، بيكون عنده ده...

 

عقيدة و وجهة نظر راسخة لا تتأثر بشكل هش... و لكن تتطور و تتعقد و تتحسن بشكل ثابت و عميق و ممنهج.

 

عمرك ما هتحقق حلمك و طموحاتك من غير النقطة دى... و كل ما الحتة دى زادت عندك و ترسخت اكتر و اكتر، كل ما هتقدر انك تحقق نجاح اكبر و اكبر...

 

اشتغل عالنقطة دى... اشتغل عليها جامد قوى حتى لو اضطريت انك تخصص لها سنة كاملة من حياتك.. صدقنى هتغير فى شخصيتك كتير جدا.

 

اوعى تخاف انك تجرب او تتراجع... آمن بنفسك عشان الناس تبقى مؤمنة بيك...

 

الناس عمرهم ما هيصدقوك لو انت مش مصدق نفسك...

لو انت فعلا صادق فى طموحاتك، لازم تكون متحمس لها اكتر من كده... لازم تبقى مستعد تعمل اى حاجة عشان تحقق طموحاتك... و انت ان شاء الله تقدر لإنك انسان... و لإنك خليفة ربنا سبحانه و تعالى فى الأرض... ربنا خلقك انك تقدر...

 

ارجوك اشتغل على رؤيتك فى الحياة اكتر من كده و اعيد اكتشاف نفسك...

المسألة دى خطيرة جدا و هتفرق معاك...

 

اشتغل على قيمك و مبادئك و رؤيتك.. 

ربنا يكرمك و يوسع عليك.

[Guest محاور]

والله كلام جميل وجديد يا محاور وعموما بشكرك من كل قلبي على نصايحك الصادقة وأخوي الغالي الحبيب الي قلبي كابتن مصر زوهيري وهو طبعا يقدر يرد عليك في المسالة اللي اثرتها للنقاش 

دى طموحاتك و احلامك انت مش احلام حد تانى.

 

عايز ردك انت.. مش رد حد تانى.

انت اللى هتعيش الحياة و انت اللى هتحصد النتيجة و انت اللى ربنا هيحاسبك عالعمر اللى بتضيعه.

متخليش حد حاطط ايده فى المية الباردة يرد بالنيابة عنك... ولا ياخد قراراتك بدالك... انت اللى متعذب.... انت صاحب الحلم.. انت صاحب الطموح.

 

Be Selfish!

[حسين امبابي]

اي والله انا متعذب وحلمي متحققش وطموحاتي محلك سر لكن برغم كل دا انا على يقين ان ربنا في الاخر هيضع نهاية سعيدة لكل احلامي وطموحاتي لأنه بيعمل معي كدا في حياتي كلها بخليني اخد القرار بعد فترة وان كنت بظنها محنة ولكنها بتكون مهلة للخطوة القادمة اللي بتكون أجمل من اللي قبلها وبتكلل في الاخر بالنجاح المجهود الذهني والبدني والنفسي اللي عشته .

الموضوع يا محاور يا اخوي اني صار عندي ملل نفسي من كثر الانتكاسات اللي حصلت وبتحصل واللي بكون فيها قمت بدور ايجابي في مشوار الحياة سواء على الصعيد المهني او الشخصي ! عاوز اسافر اي بلد ولا املك اي مقومات حاليا ! هل هنجح هناك لما فشلت هنا ؟ اذا نبحث هل الفشل نابع من شخصي ولا هي المنظومة فاشلة ؟ موش شرط دولة اوربية خليها عربية خليجية ومالها ؟ أهو سعي ورا الرزق !

[Guest WAMAM]

Hi,

Sorry that I don't have Arabic keyboard,

but you can improve your chances by learning a trade, like car techician or a plumber or even a truck driver.

[حسين امبابي]

يا محاور يا اخوي كابتن مصر سابقا والمحاورات حاليا بيحب يكسر المجاديف ههههههههه بس نيته سليمة و مواطن شريف وحياتك عندي هو مواطن شريف وبيحبني اي والله بيحبني زي اخوه ... تحية قلبية لكما ايها الشريفين

[حسين امبابي]

والله فكرة ! أيه رأيكم السفر والهجرة لأسرائيل ؟

[Guest محاور]

إسرائيل بلد جميلة بس هتدخلها إزاي؟
و بعدين دي بلد مهددة بالضرب طول الوقت.
انا مش عارف هما عايشين هناك إزاي.

الأفضل إنك تروح XXX و تتجوز واحدة XXX  مؤهلة للهجرة لكندا،و تخليها هي اللي تبقى المتقدم الرئيسي.

الستات XXX ملهومش حل... بشوفهم على طول في شارع جامعة الدول... حاجة كده تحل من على حبل المشنقة.. بس غاليين... الواحدة بتاخدلها الف و نص.

تم تعديل 19 يوليو 2015 بواسطة Scorpion

[Guest محاور]

هقول لك على حاجة برضه تكلفتها رخيصة... و اعتقد انها افضل شىء مناسب ليك.

 

ممكن تروح تدرس فى بولندا او لاتفيا او ليتوانيا....

الدراسة فى ال3 دول دى رخيصة جدا... يعنى ممكن تلتحق بجامعة هناك بحوالى 20 ل 30 الف جنيه بس... و هتاخد اقامة طالب لمدة سنة.

 

ال3 دول من ضمن حيز شنجن، يعنى هيبقى معاك سنة كاملة تدور فيها على واحدة تتجوزها 

 

جهز ال30 الف جنيه و اتوكل على الله.

 

ده اسهل حل فى دماغى مناسب ليك.

انا داخل انام بقى عشان ورايا شغل كمان 4 ساعات. يا دوب انامهم لو عرفت اصلا.

[Guest محاور]

صباح الفل.

نمت الساعة واحدة و نص، و كان المنتدى واقع. و صحيت الساعة 4 و نص، و لقيت المنتدى واقع برضه.

 

خروجا عن الموضوع قليلا... انا عامل المنبه بتاعى على نغمة أغنية bambino بتاعت داليدا... جامدة قوى الأغنية دى... و حابب أشاركها مع الناس.

https://www.youtube.com/watch?v=6U0NlPgvRuI

 

نرجع لمرجوعنا.

نفسى اعمل موضوع يبقى عبارة عن دليل الشباب للعمل و الكفاح بعيدا عن الانبطاح و الاستلواح... خصوصا ان فيه مصريين كتير متبنيين مبدأ الإستلواح سر النجاح.

زى ما قلت قبل كده... احنا بنطلع فى الدنيا دى و احنا مش فاهمين اى حاجة خالص... و المفروض اننا نكتشفها بنفسنا و كل واحد و حظه...

على عكس الوضع بالنسبة للشاب الامريكى او الكندى او الأوروبى... اللى بيطلع بيلاقى دولة بجد فيها كل سبل الحضارة شكلا و مضمونا... و طريق النجاح مكتوب مقدما و مش ناقص غير إنه يمشى عليه.

 

ليه مفيش كتالوج لينا بقى كمصريين عشان نعرف نخرج من الأزمة دى او حتى نعرف نتعايش معاها على أقل تقدير.

 

ربنا يعيننى و يقوينى و اعمل الكتالوج ده... يمكن يقراه واحد ولا اتنين حياتهم تتغير... و ساعتها اموت و انا مستريح انى حققت هدفى.

[Scorpion]

السيد محاور 

هو جنابك مش كنت حلفت بالطلاق عالمحاورات و تم ايقاف حسابك عندما  تعطفت علينا و شتمت الجميع هنا  ...

 

عالعموم فقط لأن هناك حوار بينك و بين الأستاذ إمبابي و الذي نعتز بتواجده معنا ..  بالأضافة ان هذا الباب مفتوح للزوار الغير مسجلين تم السماح لك "مؤقتآ" بأضافة مداخلات ..

و لكن لأن الطبع يغلب التطبع و اسلوب حضرتك سيظل دائمآ هو هو .. و حتي عندما رجعت كزائر لم تتغير انملة .. يؤسفنا ان ننهي الحوار عند هذه النقطة .. ناصحين حضرتك بالبحث عن مكان آخر تحكي فيه مغامراتك العاطفية و الجنسية و عدد مرات زواجك و جنسياتهم و اسعارهم .. فليس هذا هو المكان المناسب لتلك النوعية من الكتابات ...

آملين ان لا نضطر بسبب اسلوب مماثل ان نغلق باب الزوار الغير مسجلين ..

 

عن الإدارة