والنبى بلاش كلام سلبى.. وقولوا كلام يفرح قلبى ...

[ابو صلاح]

بعد ما استشفيت ان فى حالة يأس متفشيى بين افراد هذا المنتدى الديمقراطى المبجل قررت ان اتخذ موقف حاسم وحازم ..... مين حازم دة ...... واية الكلام النحوى اللى انا بقولو دة

لا بجد يا جماعة بلاش تكترو من الكلام السلبى وتعدو تقولو المساوئ بس زى ما تقولو سلبيات قولو ايحابيات برضو ..... علاشان ما ننقلش حالات اليأس لبعض ..... وبدل ما يكون واحد بس محبط بينقل احباطة ويأسة للأخرين بدون ان يدرى ..... انا ما بقولش ان احنا نطنش السلبيات ..... لأ .... احنا نحكى السلبيات وندى أمل فى حلها ..... مين أمل دى :unsure: ...... او نعرض الموقف السلبى ونقترح حلول لهذا الموضوع ...... بحيث ان يبقا فى أمل فى الحياة انها تتحسن ...... برضو أمل رجعت تانى

وايضا نقترح على بعض أعمال نطبقها على انفسنا ونكون نحن قدوة فيها للأشخاص المحيطين بنا ..... انا رجعت اتكلم نحوى تانى لية ... ما انا كنت ماشى كويس :blush:

بلاش يبقا كلام وبس .... لازم يبقا كلام بعدو فعل او موقف ايجابى نعملو مع بعض

انا ماشى بقا يا شباب .... مش عايزين حاجة ....... اصل فى محل جديد فتح جانبينا عايز الحقوة قبل الناس ما تشطب البضاعة اللى فية ... المحل دة عاندو يأس يجنن .. وعاندو كوكتيل احباط ما الوكوش علية ..... دة غير الأكتئاب ما فيش بعد كدة ... والمحل دة الناس زحمة علية اوى ..... امم بتشترى منة ....... يلا بقا علاشان عايز الحقلى حاجة قبل الناس ما تشطب علية

تم تعديل 24 سبتمبر 2005 بواسطة ma.salah