فضفضه متنوعه

[أبو محمد]

زملكاوى حتى النخاع  .. وتستفزنى بشده عنجهية وعجرفة وغطرسة الاهلى .. ورغم ذلك أتمنى خسارة الزمالك للدورى هذا العام .. والحدق بالاشارة يفهم !

 

:)

مورتا بيستفز الزمالكاوية - المحترمين - أكتر مما يستفز الأهلاوية

[التونسى]

 

:)

مورتا بيستفز الزمالكاوية - المحترمين - أكتر مما يستفز الأهلاوية

 

مش عايز البطوله تتحسب له الصراحه كرئيس للنادى .. خصوصا انه حيطلع فى كل الفضائيات بعين بجحه ويصدعنا ويقل أدبه كالعاده ناسبا الانجاز لنفسه اولا  ..بصراحه أكتر يغور اللبن اللى يجى من وشه :angry: حتى لو كانت البطوله الأغلى والأهم والأعز  -_-  

[أبو محمد]

الخبر المتداول

========

وفد سعودي اماراتي في دمشق لإنهاء القطيعة معها برعاية مصرية

 

الفضفضة بقى

========

أولا .. يا رب يكون الخبر صحيح

ثانيا .. وهذا هو الأهم علشان ما اطقِّش من جنابى

هو كان لازم يعنى ربع مليون قتيل و نصف تريليون دولار خسائر و ثمانية مليون لاجئ في الداخل و الخارج

وبعد ده كله .. اتفاق نووى

لإثبات إلى أى مدى وصل غباء العرب

:quest: :Exclam:

طب كانوا سألوني .. كنت جاوبتهم على طول

وببلاش !!!

[MZohairy]

جمل مأثوره

الاسلاميين قبل 25 يناير: يحيا مبارك الزعيم

الاسلاميين بعد 25 يناير: يسقط مبارك الخائن

الاسلاميين قبل 30-6: موتوا بغيظكم...محدش مات

الاسلاميين بعد 30-6: مرسي راجع...محدش رجع

الثوار قبل 25 يناير: هانت...ماحصلش حاجه

الثوار بعد 25 يناير: هانت....ماحصلش حاجه

الثوار قبل 30-6 : هانت....ماحصلش حاجه

الثوار بعد 30-6 : هانت...ماحصلش حاجه

تمت

[Grandma]

 

MZohairy

 

الثوار قبل 25 يناير: هانت...ماحصلش حاجه

الثوار بعد 25 يناير: هانت....ماحصلش حاجه

الثوار قبل 30-6 : هانت....ماحصلش حاجه

الثوار بعد 30-6 : هانت...ماحصلش حاجه

تمت

 

 

كل اللي حصل دا و ما حصلش حاجة ؟!!

دا حتى نظيف اتحكم عليه بخمس سنين وغرامات بالملايين 

[andalusy]

من كثرة الجلوس علي الكمبيوتر , فقدت احساسي بالعالم والحياة واشعر اني اصبحت آله ولا رغبة لي في اي شئ في الحياة

[MZohairy]

اكتشف الغرب الكافر كوكب بعيد يشبه الارض كثيرا على بعد 1400 سنه ضوئيه و اسموه الارض الثانية و يرجح بشده وجود حياه فوقه

و هو مجهود و اكتشاف علمي ضخم...لن يفسده الا تساؤلات فقهيه ستتردد كثيرا الايام القادمه حول ما اذا كان يحق لنا نكاح نساء هذا الكوكب الجديد ام لا.

[عادل أبوزيد]

اكتشف الغرب الكافر كوكب بعيد يشبه الارض كثيرا على بعد 1400 سنه ضوئيه و اسموه الارض الثانية و يرجح بشده وجود حياه فوقه

و هو مجهود و اكتشاف علمي ضخم...لن يفسده الا تساؤلات فقهيه ستتردد كثيرا الايام القادمه حول ما اذا كان يحق لنا نكاح نساء هذا الكوكب الجديد ام لا.

قرأت أمس في جريدة إنجليزية جادة  أن ستيف هوكنج  عالم الطبيعيات المشهور و الذي يشغل كرسي سير إسحق نيوتن في جامعة (أكسفورد أو كمبردج )  يدعو العالم  لتكثيف البحث و محاولة الإتصال بكائنات أخرى في الفضاء الخارجي

 

 n Hawking has said, as scientists announced a major new £64m investment in the search for intelligent life on other planets.

Backed by the Russian tech billionaire Yuri Milner, the Breakthrough Listen project will give leading researchers access to two of the world’s most powerful radio telescopes, enabling the search for extra-terrestrial radio emissions to operate with sensitivity 50 times greater, and across 10 times more sky, than ever before.

Launching the project at the Royal Society Professor Hawking, who will act as an adviser, said that there was “no bigger question” in science.

“Somewhere in the cosmos, perhaps, intelligent life may be watching these lights of ours, aware of what they mean,” he said. “Or do our lights wander a lifeless cosmos – unseen beacons, announcing that here, on one rock, the Universe discovered its existence.”

[Grandma]

من كثرة الجلوس علي الكمبيوتر , فقدت احساسي بالعالم والحياة واشعر اني اصبحت آله ولا رغبة لي في اي شئ في الحياة

 

دي أول مشاركة لحضرتك في المحاورات وداخل مخصوص تقول من كتر الجلوس على الكمبيوتر ؟!!

طيب ما كان بلاش تشارك و اخرج في الهواء الطلق مع اصحابك او عائلتك وتخلص من الادمان الرقمي

على فكرة ماحدش دلوقتي بيقعد على الكمبيوتر زي زمان 

دلوقتي موبايلك في جيبك تطلعه وقت ما تحب تعرف منه اللي انت عاوزه في اي زمان و مكان و تدخله جيبك تاني

[Grandma]

اكتشف الغرب الكافر كوكب بعيد يشبه الارض كثيرا على بعد 1400 سنه ضوئيه و اسموه الارض الثانية و يرجح بشده وجود حياه فوقه

و هو مجهود و اكتشاف علمي ضخم...لن يفسده الا تساؤلات فقهيه ستتردد كثيرا الايام القادمه حول ما اذا كان يحق لنا نكاح نساء هذا الكوكب الجديد ام لا.

 

هو الخبر هايل ومثير و طازة و تعليق حضرتك عليه كمان طريف و ساخر

بس الخبر دا مش فضفضة ... انا كتبته في أخبار ع السريع على فكرة 

[عطر الجنة]

النهاردة كنت مع اخى و بنتى فى مسجد الرحمن الرحيم .. بنحضر عقد قران ابنة خالتى ..

خلص الموضوع .. و احنا بالشارع اكتشفت ان حقيبتى الصغيرة مفتوحة و اختفت الفلوس ..

كنت انا و بنتى وقتها ..

الفلوس اكيد وقعت ..

رجعنا القاعة اسال .. مفيش ..

سالنا الحرس مفيش ..

مشينا بالطريق الى النقطة التى اكتشفت ضياع الفلوس فيها ..

لاحظ السايس اننا بندور بالارض فسال ..

و عرف السبب ..

فقال ان هناك رجل وجدهم و ترك رقم موبيله ..

و فعلا اتصل عليه و اتى ..

فوجئت ان اللى وجد الفلوس اخى ..

هو لم  يتخيل ان السيدة التى اضاعت هذا المبلغ اخته ..

[التونسى]

فيه لوغاريتم محيرنى بخصوص سلوكيات الناس فيما يتعلق بالنظافه .. تلاقى الناس نضيفه فى بيوتها ونضيفه على المستوى الشخصى ((اعنى النظافه الجسديه)) .. لكن تلاقى عكس ده تماما فيما يخص النظافه خارج اطار البيت او الجسد .. يعنى مثلا فى الشارع .. فى المواصلات .. فى الحدائق والمتنزهات .. تلاقى الناس ((قطاع كبير)) لا تكترث فى الحفاظ على النظافه  العامه .. مثال بسيط .. كنت فى أحد محلات الايس كريم .. وفى خارجه ((قعده)) يقوم فيها الناس بتناول الايس كريم .. ورغم ان صاحب المحل موفر أماكن لإلقاء القمامه .. الا ان الناس  بترمى قاذوراتهم فى الارض بلا مبالاه أو بتسيبها مطرح ما هما كانوا قاعدين .. وده بيؤدى طبعا لتشويه المنظر العام  الى جانب تجمع الحشرات الطائره على ما تبقى من الايس كريم مما يفسد على الواحد متعة تناول الايس كريم .. وقس على هذا ما يفعله الناس فى الحدائق وعلى الشواطئ وفى السينمات وفى الطرقات .. وفيه ظاهره اخرى قميئه فى نفس الصدد .. ألا وهى رمى القمامه المنزليه أو ((تطويحها)) من البيوت الى الشارع .. وياسلام بقى لو كانت ((زفارة سمك)) أو ((أحشاء فراخ)) .. تلاقى بقى القطط والفيران والكلاب  ولفيف من الحشرات الطائره متجمعه على الوليمه القذره فى مشهد مؤسف ومؤرف

 

بصراحه أنا مش قادر ألوم الحكومه هنا .. لان ده سلوك شخصى جدا من المواطنين ونابع من جواهم ..

 

اللى مستغرب منه ان احنا بيقولوا علينا شعب متدين بالفطره .. طب فين تطيبق الشعار الشهير ذو النزعه الدينيه اللى بيقول ((النظافه من الإيمان)) .. ليه بنطبقه بس جوا بيوتنا وفى نظافتنا الجسديه .. ولا نطبقه خارج هذا الاطار !!!!!؟ 

[MZohairy]

كان يبقى احلى كتير لو الانسان اتولد كبير و بيصغر بمرور الوقت مش العكس

منها يتلافى اشرار الشيخوخه لما يكبر ....لأنه بيصغر مش بيكبر

و منها يتلافى رعونة الشباب و سوء الاختيار و التصرف لأنه مولود كبير و عاقل 

[Grandma]

كان يبقى احلى كتير لو الانسان اتولد كبير و بيصغر بمرور الوقت مش العكس

منها يتلافى اشرار الشيخوخه لما يكبر ....لأنه بيصغر مش بيكبر

و منها يتلافى رعونة الشباب و سوء الاختيار و التصرف لأنه مولود كبير و عاقل 

 

 

نفس فكرة الفيلم الرائع The Curious Case of Benjamin Button

لكن ازاي الانسان يتخلق بخبرات و معلومات و ثقافة موجودة معاه من الاول ..مش هو اللي بيكتسبها !!

يا اما كلنا هيبقى عندنا نفس المعلومات و الثقافة و الخبرة و نبقى نسخ مكررة

 يا اما كنا هنتهم ربنا بانه غير عادل لو خلق ناس عندها معلومات و خبرات أكتر من ناس تانية ...

لكن واحنا بنكبر  شوية شوية بنكتسب علمنا و ثقافتنا بنفسنا و على قد ما بنجتهد بتتكون شخصيتنا

[حسين امبابي]

اعلان عن وظائف خالية ...

اتصال ...

نغمة مشاري راشد

هتفرج ان شاء الله !

سلام عليكم ...

عليكم السلام

انا بتصل بخصوص اعلان الوظائف ....

صوت مسرسع ومايع لشاب

اسمك ايه ؟ حسين .......

كام سنة ؟ 37 يا افندم

بتتصل بخصوص اعلان ايه ؟؟؟

محامين يا فندم

تمام تمام !!!

مؤهلاك ايه ؟؟؟؟؟؟؟؟؟؟؟؟؟؟؟

طفح بي الكيل وزل لساني

وقلت له البعيد غبي ولا بيستغبى ؟؟؟؟؟؟؟

 

 

 

 

 

هذا حال ارباب العمل

وحال طالبي العمل

وحال العمل في مصر !

 

رحمتك يااااااااااااارب

[Grandma]

 

اعلان عن وظائف خالية ...

اتصال ...

نغمة مشاري راشد

هتفرج ان شاء الله !

سلام عليكم ...

عليكم السلام

انا بتصل بخصوص اعلان الوظائف ....

صوت مسرسع ومايع لشاب

اسمك ايه ؟ حسين .......

كام سنة ؟ 37 يا افندم

بتتصل بخصوص اعلان ايه ؟؟؟

محامين يا فندم

تمام تمام !!!

مؤهلاك ايه ؟؟؟؟؟؟؟؟؟؟؟؟؟؟؟

طفح بي الكيل وزل لساني

وقلت له البعيد غبي ولا بيستغبى ؟؟؟؟؟؟؟

 

 

 

 

 

هذا حال ارباب العمل

وحال طالبي العمل

وحال العمل في مصر !

 

رحمتك يااااااااااااارب

 

 

[MZohairy]

 

الميكانيزم ممكن مثلا يبقى تتولد بحجم الطفل العادي....و بعد ما ينضفوا الطفل من اثار الولاده و يلبسوه هدومه يكبر فجأه و

 

يبقى عنده خمسين سنه.......و يبتدي يصغر بقى بشكل طبيعي.....و مخه و عقله بيعوض اللي بيصغره من مكتسباته الحياتيه

 

فيفضل في حالة نضوج طول عمره..............سهله جدا

 

 

هل ممكن الحكومه تحققلنا طلبنا البسيط ده؟

تم تعديل 25 يوليو 2015 بواسطة MZohairy

[أبو محمد]

 

هل ممكن الحكومه تحققلنا طلبنا البسيط ده؟

 

:)

يا عم .. دى حكومة بت كلب

[مسافر زاده الخيال]

كان يبقى احلى كتير لو الانسان اتولد كبير و بيصغر بمرور الوقت مش العكس

منها يتلافى اشرار الشيخوخه لما يكبر ....لأنه بيصغر مش بيكبر

و منها يتلافى رعونة الشباب و سوء الاختيار و التصرف لأنه مولود كبير و عاقل 

 

يقال ان الجن تنتقل من سن الرضاعة الى الشيخوخة و لا تموت الى عندما ترجع لسن الرضاعة مرة اخرى

[MZohairy]

ياريت الواحد يبقى جن