استفسار عاجل وهام..

[Find_Honest_Work]

السلام عليكم ورحمة الله وبركاته

 

اخوانى الاعزاء فى هذا المنتدى العظيم من مدراء و مشرفين واعضاء تحية طيبة وبعد..

 

لدى استفسار عاجل وهااام وارجوا من جميع الخبراء الافاضل وكل من يحمل معلومة ولو بسيطه ان لا يبخل على بيها

 

انا خريج دبلوم فنى صناعة تبريد وتكيف والمهنة الموجوده فى البطاقة الشخصية وجواز السفر ورخصة القيادة دبلوم صناعى

 

وتواصل معى احد اصحاب الفنادق فى المملكة العربية السعودية ويردون منى العمل لديهم فى الفندق الخاص بيهم فى مجال التبريد والتكيف وسوف يرسل لى تأشيرة بمسمى فنى تبريد وتكيف

 

فهل لابد من ان اقوم بتغير المهنة الموجوده فى البطاقة الشخصية وجواز السفر من دبلوم صناعى الى فنى تبريد وتكيف؟

 

ام يكفى فقط بتوثيق المؤهل من الخارجية واترك المهنة كما هى فى البطاقة الشخصية وجواز السفر فلن تسبب لى مشكلة؟

 

واذا كان لابد من تغير المهنة فى البطاقة الشخصية وجواز السفر فكيف يتم هذا الامر وما هى الاوراق المطلوبة منى لذالك ارجوا الاجابة بكل ادق التفاصيل

 

وارجوا من كل من لديه او يعرف مكتب سفريات جيد فى الاسكندرية او القاهرة تعامل معه فى انهاء الاجرءات وتخليصها ان يذكره لى 

 

لان هذا اول مره لى ان اسافر خارج مصر ولا اعلم اى شئ عن اجرءات السفر

 

فأرجوا ان اجد يد العون والمساعدة والنصيحة منك

 

ولكم خالص الشكر والتقدير والاحترام..

تم تعديل 23 يوليو 2015 بواسطة Find_Honest_Work

[topfildhumax]

بص  حاليا  لازم يكون الجواز الجديد  ولازم يكون المسمى  مطابق  للتاشيرة  علشان  متوجعشى دماغك واستثناء ووجع دماغ  بص  العنلية بسيطة جداااا    هيبعتلك عقد  موثق   هتاخجة وتروح توثقة من الخارجية   ب11 جنية   وبعدها تسترى بطاقة مستعجلة  وتغير المهنة فنى تبريد وتكييف بالخارج  وتروح تغير الجواز        او   تروح  على اى حد عندة نامينات  ويامنلك   وتوثق منة البطاقة وتغيرها            وعلى فكرة ممكن تمشى  لو مكتوب فى الجواز حاصل على صنايع قسم تبريد وتكييف  بس هتحتاج شهادة خبرة  ترفقها   وكمان   جواب دعم من الكفيل  

[Find_Honest_Work]

 

اشكرك اخى الفاضل على توضيح الامرلى جراك الله كل خير

 

ولكن اذا تم استقدامى على مهنة موظف استقبال مثلا وانا تخصصى ومجال دراستى تبريد وتكييف وقومت بتغير المهنة فى البطاقة الشخصية وجواز السفر من ( دبلوم صناعى ) الى ( موظف استقبال ) فهل هذا الامر يضرنى فى شئ داخل المملكة العربية السعودية حيت اننا كما ذكرت لسيادتك تخصصى وشهاداتى مختلفة عن المجال الذى سوف اعمل بيه.

[topfildhumax]

بص   السعودية الايام دى نظامها لازم تكون شغال عند كفيلك  ومهنتك اللى فى تلجواز   هى اللى انت شغال فيها      لكن مثلا  لو شركة عاوزة    مشرف معمارى   زى  مثلا ومعندهومش  تاشيرة بنفس المسمى بتاعى   فبيجيبو لى اى تاشيرة   سباك   هامل     ولما بروح هناك بغيرها عادى      المشاكل  بس  بتبقى فى الاستقدام والزيارة   وكل حاجة لها حل   حاليا كل المهن بتجيب زيارة    لكن الاستقدام  بيبقى للمهن العليا  سهل       اتكل على الله  واطلع

[Find_Honest_Work]

جزاك الله خيرا

بس معلش هتقل عليك شوية لو تقدر تساعدنى بأسم مكتب فى القاهرة او الاسكندرية اتعاملت معاه قبل كده فى انهاء الاجراءات اكون شاكر لك

تم تعديل 25 يوليو 2015 بواسطة Find_Honest_Work

[topfildhumax]

فية  مكتب محترم    كلايماكس     مدام ريهام   فى المعادى     مكتب كبير ولو عاوز التلفون  عالخاص  

[Find_Honest_Work]

شكرا ليك استاذى الفاضل بس فى مشكلة حصلت لما اتوصلت مع الكفيل النهرده , كما تعلم

 انا خريج دبلوم فنى صناعة تبريد وتكيف والمهنة الموجوده فى البطاقة الشخصية وجواز السفر ورخصة القيادة دبلوم صناعى

 

وبعد التواصل مع الكفيل اليوم اخبرنى ان ليس لدية تأشيرة بمسمى ( فنى تبريد وتكيف ) وان التأشيرات التى لدية بمسمى 

 

-كهربائي

-عامل نظافة غرف

-مقدم طعام 

 

فما هي انسب تأشيرة لى استطيع ان اغير مهنتى فى البطاقة الشخصية وجواز السفر واستطيع السفر عليها فا حضراتكم اكثر خبرة وعلم.

وياريت حضرتك تعرفنى ازاى اقدر اغير المهنة بالتفصيل الممل ,معلش انا عارف ان بتعب حضرتك معايا , بس انا اول مره اسافر ومعرفش اى حاجه عن اجرءات السفر

وطبعا اكيد هحتاج رقم المكتب الى حضرتك ذكرته , وهل المكتب الى حضرتك ذكرته ممكن يساعدنى فى تغير المهعنة فى البطاقة الشخصية وجواز السفر؟

 

ياريت حضرتك تتكرم وتبعتهولى على الخاص فضلا وليس امر..

 

فى انتظار ردك حضرتك العاجل.. فمجرد ان تخبرونى سوف اخبر الكفيل ويرسل لى التأشيرة مباشرة 

 

لكم خالص الشكر والتقدير والاحترام..

 

تم تعديل 26 يوليو 2015 بواسطة Find_Honest_Work

[topfildhumax]

كهربائ      لان دى مهنة  ممكن تتغير وسهلة     هتروح القوة العاملة  تعمل قياس مهارة     وكارنية     سهلة     والاسرع انة يبعتلك  عقد سورى    باسمك  ومهنتك كهربائ    ويوثقة غرفة تجارية وخارجية        وتاخدة وتروح بية البطايق تغير مهنتك وجوازك      وبعدها   تودى الورق المكتب      وتروح على اى حد  عندة سجل مقاولات   تخلية يعملك شهادة خبرة وتوثقها     ويكون معاك شهادة قياس المهارة كمان     علشان الجواز يدخل ويتاشر مرة واحدة   ابعتلى رقمك  فى رسالة

[Find_Honest_Work]

شكرا ليك يا باشا معلش انا عارف انى تعبك ومغلبك معايا بس ربنا يجعله فى ميزان حسناتك ان شاء الله

 

وحضرتك مشاء الله عليك استاذ ورئيس قسم انا مش عارف من غيرك كونت هعمل ايه كل حاجه وضحتها ربنا يباركلك يارب

 

بس استفسار كمان لو سمحت بعد اذنك

 

هو انا لزم اغير البطاقة الشخصية وجواز السفر وارسل صورة منه للكفيل عشان يستخراج التأشيرة او عقد العمل ويبعتهملى ؟

 

ولا المفروض هو  اولا يرسل لى التأشيرة وعقد العمل بنفس المهنة قبل ان ارسل له صورة من جواز السفر؟

 

لانه طالب صورة من جواز السفر بالمهنة الجديدة؟؟ ومبعتليش اى حاجه لحد دلوقتى لا تأشيرة ولا عقد عمل؟

 

فياريت حضرتك توضحلى النقطة دى اذا تكرمت

تم تعديل 28 يوليو 2015 بواسطة Find_Honest_Work

[topfildhumax]

لالالا     انت  هنتعمل بعقد العمل البكاقة وجواز السفر        يبقى هو يرسلك   العقد الاول        واهم حاجة   يكتب  الطرف الثانى     اسمك كامل   بالعربى   علشان الموزفين هنا  فى مصر خميس      سيعمل   لدى الطرف الاول   بمهنة  كهربائ    وان راتبة سيكون  تنلاارل

 

ويوثقة غرفة تجارية وخارجية     ويبعتة لك  بريد مسجل هياخد اربع او 3 ايام   ورخيص هناك ب7 ريال   وانت هتخدة وتروح عالخارجية  تختمة من هناك    وهتغير البطاقة  والجواز

[Find_Honest_Work]

أسأل أن يبارك لك في وقتك وعمرك وذريتك وأهلك ومالك وان ينفع بك

 

بس فى حاجه ياريت حضرتك تأكدهالى ان تنفيها بحكم خبرتك

 

انا دلوقتى فى واحد صاحب شركة سفريات قالى انى الافضل ليه تأشيرة بمسمى ( عامل نظافة غرف ) وان دى هقدر اغير البطاقة الشخصية وجواز السفر عليها بسهولة بدون ما حتى الكفيل يرسل لى عقد سورى , لانه هيحتاج صورة من جواز السفر بتاعى بالمهنة الجديده عشان استخراج التأشيرة

 

وكل الى مطلوب منى انى بجيب ورق بطاقة مستعجله من اى مكان وبروح نقابة العمال وبشترك فيها تقريبا ب 20 جنيه وبخليهم يختمولى استمارة البطاقة وبتطلع البطاقة بمسمى ( عامل نظافة غرف ) وبعد كده بقدرر اطلع جواز سفر جديد بمسمى ( عامل نظافة غرف ) بالبطاقة بس.

فا الكلام ده صحيح ولا غلط؟

ياريت حضرتك تأكدهولى او تنفيه 

فى انتظار رد حضرتك العاجل واسف مره تانيه انى بتعبك معايا



 

تم تعديل 28 يوليو 2015 بواسطة Find_Honest_Work

[topfildhumax]

بص اللىاعرفة      هامل هادى  وعامل معمارى   دول  كويسين  وبيغيرو  على طول المهنة هناك     لكن عامل نزافة غرف  وعامل تربية مواشى   وعامل  دماغ  هههه    مبيغيروش  هناك مهن      وكمان  المهنة زى كهربائ   كويسة     لانك مهنى   او فنى     يعنى الذيارة بسهولة    تغيير المسمى بسهولة     وحكاية العقد  لو صاحبك   اوى وشغال فى السفريات     هيقدر يضربلك واحد تغيير بية   موجود عندهم س

[Find_Honest_Work]

طبعا انا بشكرك اول حاجه على كل رد رديته عليه وكل معلومة افدتنى بيها جزاك الله خيرا فى ميزان حسناتك بأذن الله

انا هشرح كل الخطوات الى حصلت معايا عشان يكون افاده للجميع ان شاء الله

انا رروحت جبت استمارة بطاقة جديده وملتها وسبت خانة المهنة فاضية وسافرت القاهرة ورحت بيها نقابة العمال ولما روحت قولتلهم انا عاوز اعمل بطاقة بمهنة عامل كتبولى المهنة وختمهالى واخدت معاها من النقابة ورقتين كده بتثبت انى متأمن عليه فى النقابة دبسوهالى فى الاستمارة ودفعت 35 جنيه ده غير ثمن الاستمارة 15 جنية والنهرده لما روحت اقدمها فى السجل طلعلى موظف رزالة الدنيا فيه بيقولى لزم تجيب وصل نور ووصل كهرباء ووصل غاز يثبت مكان سكنك !! مع ان قدامى فى ناس اخد منها الاستمارة من غير اى ورقة واحده زيادة , بس طبعا لزم تدفع 100 جنيه من تحت الطربيزة عشان يمشهالك

بصراحة انا مدفعتش لان مكنش معايا وقولتله هجبلك الوصولات واجى ولسه هروحله بكرة اشوفه هيقولى هات ايه تانى؟ لانى معتقدش انه هيمشهالى من غير مدفع.
 

تم تعديل 2 أغسطس 2015 بواسطة Find_Honest_Work