اذا تعارض القرآن و الحديث فالحديث اولى...محمد حسان

[MZohairy]

فيديو لمحمد حسان يقول فيه صراحة ما جاء بالعنوان

يعني اذا فيه تعارض مش مفيش

و لو فيه تعارض فيه علماء بتدي اولويه للحديث على القرآن

تمت

[MZohairy]

ياريت حد ينزلنا الفيديو لو تكرمتم

[Salwa]

https://www.youtube.com/watch?v=ANRYCMo1WiI

[Grandma]

لا حول ولا قوة الا بالله 

 

السنة تنسخ القرآن ازاي بس ؟!!

 

فيه حد عاقل يقول كدا ؟!!

 

و فيه حد عاقل يتهم القرآنيين بالكفر ؟!!

 

يعني بالعقل و المنطق كدا مين أهم كتاب الله ولا أقوال الرسول عليه السلام ؟!!

[أبو محمد]

أنا كتبت مداخلة فى هذا الموضوع

:)

لكن هنا بمناسبة المرور "التخريبى" لسفينة الصحراء

[MZohairy]

المهم كده اثبتلنا فضيلة الشيخ حسان انه هناك تعارض احيانا بين السنه و القرآن....و هو ما كان ينفيه البعض بقوه و استماته

و اثبتلنا ايضا فضيلة الشيخ بالعلوم الدينيه ان التعارض ينبغي ان نفضل فيه السنه على القرآن حسب اراء بعض كبار الفقهاء

تمت

[أبو محمد]

المهم كده اثبتلنا فضيلة الشيخ حسان انه هناك تعارض احيانا بين السنه و القرآن....و هو ما كان ينفيه البعض بقوه و استماته

و اثبتلنا ايضا فضيلة الشيخ بالعلوم الدينيه ان التعارض ينبغي ان نفضل فيه السنه على القرآن حسب اراء بعض كبار الفقهاء

تمت

 

يعنى حسب "الحاذقين" من الفقهاء سقطت أغنية "العيب ليس فى الرواية ولكنه فى عقلك"

وسقطت - كذلك - أغنية أن "الروايات ليست ظنية الثبوت .. وإلا فالقرآن أيضا ظنى الثبوت"

[MZohairy]

لا هنا الرد الجاهز المعلب المقولب :

يعرف الرجال بالحق ولا يعرف الحق بالرجال

و الرد اللي بعده لتبرئة ساحته هو:

اجتهد فأخطأ و له اجر

[أبو محمد]

لا هنا الرد الجاهز المعلب المقولب :

يعرف الرجال بالحق ولا يعرف الحق بالرجال

و الرد اللي بعده لتبرئة ساحته هو:

اجتهد فأخطأ و له اجر

أضف إلى الألبوم

 "كلٌ يُؤخَذ منه ويُرَد إلا صاحب هذا المقام"

ولما تسأله : وماذا قال صلى الله عليه وسلم

يجيبلك اللى رواه واحد "يؤخذ منه ويرد"

ولو "أخذت منه ورديت" تبقى منكر للسنة الشريفة

ولست مؤمنا بمن "يؤخذ منه ولا يرد"

 

ها .. إزاى الحال بجى ؟!

[andalusy]

امثال هؤلاء هما اللي جابوا مصر لورا

[abaomar]

لا حول ولا قوة الا بالله 

 

السنة تنسخ القرآن ازاي بس ؟!!

 

فيه حد عاقل يقول كدا ؟!!

 

و فيه حد عاقل يتهم القرآنيين بالكفر ؟!!

 

يعني بالعقل و المنطق كدا مين أهم كتاب الله ولا أقوال الرسول عليه السلام ؟!!

السلام عليكم

إزيك يا تيتا عامله إيه ..وش عماد حمدى فى فيلم مش فاكره ..  :lol: 

اولا احييكى على وعيك بذكر ما تم قوله حقيقه لا ما يتم افتراءه او تخيله 

عنوان الفيديو كاذب و مضلل ..هذا اولا و هو اول قصيده الزفت .

فى الفيديو المذكور و المنسوب لشريك الانقلاب محمد حسان لا وجود اساسا لكلمه إذا تعارض القرآن و الحديث  هذا اولا 

و احييكى على انتباهك و نقلك للكلام الصحيح المعنى به انواع و احكام النسخ فى القرآن و هل تنسخ ..السنه .. القرآن ام لا 

و ليس ما افتراه البعض جهلا او عمدا ..التعارض بين القرآن و الحديث 

و حتى عندما استرسل شريك الانقلاب فى بيان ما يقصده قال ان الحكم الذى جاءت به السنه ينسخ حكما جاء به القرآن

و دلل على كلامه بمثال حكم الرجم كما فى حاله ماعز و الغامديه رضى الله عنهما .

و فى كل الاحوال حتى فىبيان رأى الامام الشافعى يتم ذكر المرجعيه الصحيحه سواء آيه قرآنيه او حديث صحيح .

هذا ما قاله شريك الانقلاب و عضدده بمرجعيه موثقه سواء كانت آيه او حديث و فى كل الاحوال 

لم يذكر كلمه تعارض الموجوده فى دماغ الموهومين و الفيديو موجود لمن يريد ان يشغل عقله .

.

ثانيا يا تيته 

فى دين الله الاسلام الشرع يسبق العقل و اى شئ أخر 

بمعنى انه طالما ثبت لنا شئ ما اى كان هو شرعا بالوسائل المتفق عليها آيه من القرآن و .أو . حديث صحيح موثق 

فلا مجال للعقل او غيره فى هذا بعدها .

لا شك ان كتاب الله عز و جل ..القرآن.. اخر ما نزل الى البشر من عند مالك الملك عز و جل

و هو خاتمها و المهيمن عليها جميعا و ناسخها 

و البشريه جمعاء ملزمه به بعد نزوله اليها  و مسئوله عنه امام الله ..لا شك فى هذا .. أبَىَ من أبَىَ 

القرآن و السنه الصحيحه الموثقه هما مصادر التشريع الاساسيه لنا كمسلمين أضيفى اليها

ما اتفقت عليه الامه على مدار تاريخها من إجماع و قياس تمثل كلها  مصادر التشريع لهذه الأمه  .

على ما سبق فالقرآنيين منكرى السنه او المشككين فيها او جاحديها اى كان موقعهم

فحكمهم كما جاء فى القرآن الكريم نفسه

 

فَلا وَرَبِّكَ لا يُؤْمِنُونَ حَتَّى يُحَكِّمُوكَ فِيمَا شَجَرَ بَيْنَهُمْ     65 النساء

 

 

الحمد لله على نعمه الاسلام و ..العقل .

تم تعديل 30 يوليو 2015 بواسطة abaomar

[Grandma]

السلام عليكم

إزيك يا تيتا عامله إيه ..وش عماد حمدى فى فيلم مش فاكره ..   :lol: 

 

 

وعليكم السلام ورحمة الله وبركاته 

 

الله يسلمك يا ابا عمر ... على فكرة عماد حمدي كان بيقول يا نينة  مش تيتة  :) 

 

اولا احييكى على وعيك بذكر ما تم قوله حقيقه لا ما يتم افتراءه او تخيله 

 

 

اشكرك ... لكن الحقيقة انا كنت بقول رأي أنا وما افهمه مش اللي سمعته في الفيديو 

 

انا يا ابا عمر لا اعرف محمد حسان ولا غيره ...آخر شيخ سمعته كان الشيخ الشعراوي الله يرحمه

وبصراحة انا مش بحب التشدد في الدين يعني الواحد يا دوب بيؤدي فروضه و ربنا يتقبل 

أما يجي اي حد يقول أي حاجة لا تتفق مع المنطق و العقل ويقول دي سنة لا انكر اني بتذبذب و اتشكك

الشرع على العين و الراس طالما متفق مع ما أقرأه في كتاب الله 

أما السنة فاذا اتفقت مع القرآن فأكيد ماحدش هينكرها اما اذا خالفته فلا استطيع ان اعمل بها 

الكلام دا قتل بحثا في هذا المنتدى ...و اعتقد الأغلبية بما فيهم حضرتك متفقين عليه 

 

 

فالقرآنيين منكرى السنه او المشككين فيها او جاحديها اى كان موقعهم

 

فحكمهم كما جاء فى القرآن الكريم نفسه

 

 

 

انا كنت في منتدى قبل كدا وكان فيه قرآنيين ...هما مش بينكروا السنة ... هما بينكروا الاحاديث التي لا تتفق مع العقل وبيظنوا انها مدسوسة 

ومن وجهة نظري انهم ما داموا بيحبوا الرسول صلى الله عليه و سلم و عملوا بما قال و هو الايمان بالله وحده و شهادة انه رسول الله

يبقى كدا اتبعوا سنته ولا يمكن تكفيرهم 

[عبير يونس]

في حاجة جديدة ع الفيسبوك قرأتها كذا مرة

و سمعتها كتذكرة لما قلت اللهم صل على محمد 

و هي :
إننا لما ننسى منقولش اللهم صل ع النبي !!!
على اعتبار أن ذكر الله تعالى أولى عند النسيان 
عملا بقوله تعالى 
"و أذكر ربك إذا نسيت"
دهدي ؟!
مهو احنا بنقول اللهم صل 
هو ده مش ذكر ربنا ؟!
كلمة " اللهم " دي مناجاة لله تعالى و دعاء و ذكر 
احنا مش بنقول مدد يا محمد 
احنا بنقول " اللهم " صل على محمد
بعدين ده مش أي حد 
ده سيد الخلق أجمعين 
محمد صلى الله عليه و سلم مربوط اسمه مع لا إله إلا الله 
أنا بأبعد نفسي عن الجدال قدر الامكان 
بس بجد مش عارفة هو في ايه ؟ 
ده فراغ يعني و الا ايه بالضبط ؟ 
و ختاما اللهم صل على محمد 
:)
 

[MZohairy]

لعلك لاحظتي يا تيته هو ان الاعضاء توقفوا عن مناقشة بعض المتشددين و مبادلتهم وجهات النظر

مش تكبر او غرور او عدم رغبه في الحوار....ابدا

لكن تعفف و نظافة و رغبه في عدم تضييع الوقت فيما هو تافه و مغرق في الجهل 

ادخلي اسمعي الراجل قال ايه في الفيديو بودانك انتي و شوفي و احكمي بنفسك و هتلاقي العنوان صادق 100% بإذن الله

و بالمناسبه

هناك عشرات (مش عايز ابالغ و اقول مئات) الأحاديث (الصحيحه) المتناقضه مع القرآن ....و الراجل اعترف بنفسه 

و ده امر في طريقه الى الانتهاء و بدأت خطوات فعليه موفقه حتى الآن لتنقيح ذلك التراث

اسمعي و احكمي و اختاري بدون تدخل من اي حد....مهما كان ....بعقلك

 

تحياتي

تم تعديل 31 يوليو 2015 بواسطة MZohairy

[Grandma]

لعلك لاحظتي يا تيته هو ان الاعضاء توقفوا عن مناقشة بعض المتشددين و مبادلتهم وجهات النظر

مش تكبر او غرور او عدم رغبه في الحوار....ابدا

لكن تعفف و نظافة و رغبه في عدم تضييع الوقت فيما هو تافه و مغرق في الجهل 

ادخلي اسمعي الراجل قال ايه في الفيديو بودانك انتي و شوفي و احكمي بنفسك و هتلاقي العنوان صادق 100% بإذن الله

و بالمناسبه

هناك عشرات (مش عايز ابالغ و اقول مئات) الأحاديث (الصحيحه) المتناقضه مع القرآن ....و الراجل اعترف بنفسه 

و ده امر في طريقه الى الانتهاء و بدأت خطوات فعليه موفقه حتى الآن لتنقيح ذلك التراث

اسمعي و احكمي و اختاري بدون تدخل من اي حد....مهما كان ....بعقلك

 

تحياتي

 

الفاضل زهيري 

 

اذا وجه لنا أحد سؤال او اراد الحوار معنا لا يجوز أن نتعفف عن الرد عليه حتى ولو كانت اراءه تبدو لنا متشددة 

 

بالنسبة لمقطع الفيديو انا شاهدته قبل الرد على الفاضل أبي عمر 

و شاهدته مرة أخرى علشان خاطرك 

 

الشيخ حسان بيقول ان جموع الأئمة رأيهم ان السنة تنسخ القرآن الا الشافعي 

لكن على ما يبدو أن الامر ليس في المطلق 

وانما القصد منه أحاديث بعينها ذكر منهم الشيخ حسان حديثين 

لكن للآمانة الأمر ليس واضح 

 

وقال أيضا انه لا اشكال في أن القرآن ينسخ السنة  فهذا أمر لا خلاف عليه . 

 

واذا عاوز وجهة نظري ..مثل هؤلاء الشيوخ بيكبروا المسألة 

لاننا لو عملنا بالحكم القرآني مثلا في موضوع الجلد فلا اثم علينا 

و اذا اخذنا بحكم الحديث فلن نأثم مادام الحديث صحيح و متفق عليه

و اذا القارىء كان متشكك او لا علم له بأحاديث الرسول فاليأخذ بالقرآن أحوط 

Take it easy

[MZohairy]

الفاضل زهيري 

 

اذا وجه لنا أحد سؤال او اراد الحوار معنا لا يجوز أن نتعفف عن الرد عليه حتى ولو كانت اراءه تبدو لنا متشددة 

ده لو ناقشناه مره او مرتين او 10 مرات....لكن بعد ربعوميت مره الأمر بيختلف   

 

بالنسبة لمقطع الفيديو انا شاهدته قبل الرد على الفاضل أبي عمر 

و شاهدته مرة أخرى علشان خاطرك 

 

الشيخ حسان بيقول ان جموع الأئمة رأيهم ان السنة تنسخ القرآن الا الشافعي 

و ده اللي انا قولته

لكن على ما يبدو أن الامر ليس في المطلق 

وانما القصد منه أحاديث بعينها ذكر منهم الشيخ حسان حديثين 

و ده مرفوض شكلا و موضوعا....ان سنة الرسول تنسخ كلام الله حتى و لو في حديث واحد فقط

لكن للآمانة الأمر ليس واضح 

 

وقال أيضا انه لا اشكال في أن القرآن ينسخ السنة  فهذا أمر لا خلاف عليه . 

 

واذا عاوز وجهة نظري ..مثل هؤلاء الشيوخ بيكبروا المسألة 

لاننا لو عملنا بالحكم القرآني مثلا في موضوع الجلد فلا اثم علينا 

و اذا اخذنا بحكم الحديث فلن نأثم مادام الحديث صحيح و متفق عليه

اختلف معاكي جملة و تفصيلا....لو القرآن قال شمال و الحديث (اللي فاكرينه صحيح) قال يمين يبقى الشمال حق و اليمين باطل 

و اذا القارىء كان متشكك او لا علم له بأحاديث الرسول فاليأخذ بالقرآن أحوط

مفيش اختيارات طالما دخل فيها كلام ربنا يا تيته   

Take it easy

I am always doing that   

[Grandma]

اختلف معاكي جملة و تفصيلا....لو القرآن قال شمال و الحديث (اللي فاكرينه صحيح) قال يمين يبقى الشمال حق و اليمين باطل 

 

 

يعني انت رأيك ان مافيش أحاديث صحيحة نهائيا ؟!!

 

على أي حال فيه أومافيش انا رأي ان الانسان دايما ياخد الـ Safe side اللي هو القرآن 

 

[MZohairy]

يعني انت رأيك ان مافيش أحاديث صحيحة نهائيا ؟!!

 

على أي حال فيه أومافيش انا رأي ان الانسان دايما ياخد الـ Safe side اللي هو القرآن 

 

 

انا فين قولت ان مفيش احاديث صحيحه؟

اكيد فيه احاديث صحيحه

انا بقول ما يتعارض مع القرآن منها فقط (سواء صحيحه او غير ذلك)

او يتعارض مع الفطره السليمه و الاخلاق العامه

انما فيه احاديث كتير مفيده و نافعه حتى و لو كانت ضعيفه

يعني كلامي يهتم بالمتن (محتوى الحديث) و ليس السند 

[Grandma]

انا فين قولت ان مفيش احاديث صحيحه؟

اكيد فيه احاديث صحيحه

انا بقول ما يتعارض مع القرآن منها فقط (سواء صحيحه او غير ذلك)

او يتعارض مع الفطره السليمه و الاخلاق العامه

انما فيه احاديث كتير مفيده و نافعه حتى و لو كانت ضعيفه

يعني كلامي يهتم بالمتن (محتوى الحديث) و ليس السند 

 

 

تمام مافيش خلاف ... على الاقل معايا انا 

وانا طبعا مش مقياس ...كل واحد متعلق من عرقوبه