الإعتراف سيد الأدلة - على خلفية حلف اليمين

[se_ Elsyed]

دي قاعدة قانونية مشهورة حتى عند اللي ما بيعرفوش قانون .

فلما الصحف الحكومية الحلوه واخواتها من القنوات التليفزيونية يركزوا على إن " الرئيس المُنتخب يؤدي اليمين الدستوري أمام مجلس الشعب " ويفخموا قوي في كلمة المنتخب ويكتبوها بلون مختلف وبحجم مختلف ... يبقى أنا عايز أسألهم " هو عدم اللامؤخذه مين اللي كان معانا خلال الـ 24 سنة اللي فاتوا ؟ مش هو نفس الرئيس برضوا ولا كان واحد تاني ؟

يعني داهوا منُتخب شرعي رسمي حلمي فهمي وديكهوا كان مُغتصب للسُلطة ؟

أنا ماجيبتش حاجة من عندي يا حكومة ده انتوا اللي قولتوا ..

وبعدين برضوا التصريحات السمجة التي سبقت إنتخابات الرئاسة إياها بإن " لقد أنتهي عهد الإستفتاءات ... أرفع رأسك يا أخي - عشان نقطفهالك - .... ولقد ولى عهد المبايعات بدون رجعه ... ولقد أندثر زمن الـ 99.9 % - بتاع ثانوية عامة .... إلخ :blush: )

طب مانا كده لازم أحاسبكوا كمواطن وأقولكم إنكم أعترفتم ضمناً إن إنتم كنتوا مجرمين وعتيدي الإجرام كمان ... لسبب بسيط جداً وهو إن خلال الـ 24 سنة المُنصرمه - بالصرمه - فلقتونا مبايعات وإخترناك وبايعناك و99.9 % وإستفتاء ريحته وحشه ... وفجأة قرر الحاكم بأمره أن يكون هناك إنتخابات على مزاجه وعلى مقاسة ومفصلينها له ترزية القوانين وكان شكلها عليه بصراحة ولا البدل العسكرية الإفتكاسية اللي كان بيلبسها المرحوم السادات ويحط عليها غطيان كازوز على إنها نياشين ..

طب ما هو تبريركم أيها الأشاوس لهذا العهد المنصرم ؟

لا أملك إلا أن أقتبس إسم الفيلم الأخير بتاع أحمد أدم وأقول للشعب المصري " معليش إنت بتتبهدل "

[se_ Elsyed]

لا تعليق

يلتقي الرئيس حسني مبارك لأول مرة كرئيس منتخب مع الدكتور أحمد نظيف رئيس الوزراء وأعضاء الحكومة بعد تكليفها بالاستمرار في العمل

[محمد شلبى]

سى السيد

:) :D

حرام عليك على الصبح كده ، اخوك عنده امتحانات ومرارته مفقوعه اساسا ومش هأستحمل أكتر من كده

[se_ Elsyed]

سى السيد

:)  :D

حرام عليك على الصبح كده ، اخوك عنده امتحانات ومرارته مفقوعه اساسا ومش هأستحمل أكتر من كده

<{POST_SNAPBACK}>

معليش يا محمد

أهو فقع المرارة ده هايبقى تدريب على ممارسة المهنة مستقبلاً يا دوك . :D

[الأفوكاتو]

عزيزى سى السيد,

لم أعلق على موضوعك, لأنى إنبسطت منه, لدرجة أنى لم أرد التدخل بالتعليق على " فقه الإعتراف" الذى ذكرته فى رسالتك.

فالإعتراف هو سيد الأدلة" بشروط".

ولو ناقشنا هذه الشروط قانونيا, باظت الطبخة, و خرج صاحبنا براءة,

لذلك , وضعت على " الخبر " ماجور, و سكت.

فمن الأفضل, لإستمرارية هذا الموضوع( رغم أن المريب يكاد أن يقول خذونى), أن أتجاهل القانون و سنينه, و كله يهون علشان خاطرك يا أبو السيد.

سوف نقفش له قفشة أخرى, فكبواته كثيرة.

تحياتى.