مبارك يا شعب مصر .. حصلنا على الصفر تانى !!!

[achnaton]

<div align="center">

د. علي الدين هلال : الحكومة الحالية غير قادرة علي تنفيذ برنامج مبارك

هلال يتهم المصريين بالبحث عن الحلول السهلة للمشاكل!

</div>

د. علي الدين هلال

أكد الدكتور علي الدين هلال وزير الشباب والرياضة السابق ومسئول التثقيف في الحزب الوطني، عدم قدرة الحزب والحكومة علي تنفيذ برنامج الرئيس حسني مبارك الذي اعلنه في الانتخابات الرئاسية بدون إصلاح مؤسسي. وقال هلال خلال افتتاح اعمال المؤتمر السنوي السابع للاعلام الاقتصادي: انه كوزير سابق ومسئول بالحزب الوطني، يدرك ان الحزب أو اي وزير لا يستطيع تنفيذ برنامج الرئيس في ظل المؤسسات والتشريعات الحالية. وأوضح علي الدين هلال ان هناك فجوة في مصر بين بلورة الأفكار والاستقرار عليها وقبول الحزب الوطني لها وبين تنفيذها. ودلل علي الدين هلال علي ذلك

بقانون جودة التعليم الذي تم بحثه منذ اكثر من عام ولم ير النور.

كما ان هناك امثلة كثيرة لموضوعات مشابهة. واتهم المصريين بالبحث عن الحلول السهلة للمشاكل

ب

بناء على المنشور عاليه

يبدو انى مضظر للآثقال عليكم اخوتى الافاضل .. واطلب المساعدة فيبدو ان الدواء الاخير الذى قرره لى الطبيب اطار جزء من دماغى .. فنسيت أشياء كثيرة .. وقد أكد شكى هذا الخبر التالى والذى نشرته جريدة حزب الوفد النعمانى ..

فلم أعد اتذكر .. هو الرئيس مبارك مش كان مرشح الحزب الوطنى فى انتخابات الرئاسة .. بأمارة مالف زيه زى باقى المرشحين الثانين المحافظات طالبا من الشعب التأييد والثقه به وببرنامج الحزب الذى سينقل البلاد نقله كبيره الى الامام ..

يعنى انا فكر كويس هو .. دا حتى هو رئيس الحزب .. واكد ان لجنة السياسات وضعت برنامج نموذجى بيتقدم به للناخبين

وعلى فرض انه كان فعلا فى حاجة الى برنامج يقدمه للناخبين عشان ينتخبوه .. يبقى ازاى النهاردة ولسه خطب سيادته فى الدوائر .. وتصريحات وخطب سكرتير عاما الحزب حول هذ ا البرنامج .. تطلع طلقات فشنيك .. والحزب بلسان مسئول التثقيف بالحزب يؤكد النهاردة أن الوزارة .. آى الحزب لا يستطيع تنفيذ هذا البرنامح .. طب ازاى .. جاى بعد الانتخابات والناس ادت رئيس الحزب فعلا 88% من اصواتها .. وحسب ما يقول الاعلام القومى اصبح اول رئيس للمحروسه ينتخبه للرئاسة شعبها .. والراجل مسئول التثقيف ده .. وصاحب هذا التصريح .. يعتبر اول وزير مصرى على مدى التاريخ يحقق الصفر الدولى .. يعنى صاحب اجدع صفر .. مبارك علينا جميعا الصفر الجديد ..

تم تعديل 29 سبتمبر 2005 بواسطة achnaton

[Alshiekh]

الاستاذ اخناتون

شوف ياسيدى بدون حرق دم وبدون ماعينيك تبقى فى وسط راسك وتقول يامين

احنا المصريين عندنا المثل بيقول

" كلام الليل مدهون بزبدة ..... يطلع عليه النهار يسيح "

وبما اننا فى بلد حار جاف صيفا ودرجات الحرارة اعلى من الطبيعى علشان الشعب كله مولع من اللى عايشه واللى شايفه يبقى الزبدة بتسيح بالليل مابتستناش الصبح يطلع عليها.

وايضا بما ان أول رئيس منتخب حلف وخلص حلفان " تحلف لى اصدقك ..... أشوف أمورك أستعجب "

يبقى مفيش داعى ان الوزير يستنى لما يطلع النهار على الزبدة علشان تسيح ، سيح الزبدة فورا ... ماتستناش

حلاوتها فى حموتها ..... الريس يحلف ..... والوزير يعلن الحقيقة ..." وضحكنا عليكوا " ها ها ههههها برنامج ايه ياشعب ياهبل انت وهوه اللى انتو صدقتوه؟ احنا كنا من امتى لينا كلمة والا بنتربط من كلامنا والا لينا برامج ، احنا بتوع السبهللة والبهللة ..... اهبل مين اللى حشى دماغكم بالكلام الفارغ ده؟ ..... اجرى ياله انت وهوا شوفوا لكوا حاجة تنفعكوا وبطلوا كلام فارغ على الكبرات بتوع البلد .

عزيزى اخناتون

هو انت والا احنا كنا صدقنا كلمة واحدة من البرنامج اياه؟

اللى بيجيب لورا لمدة 24 سنة حايعرف يجيب لقدام دلوقتى؟ والا يعنى شجرة اللبخ بتطرح رمان؟

طيب بأمارة أيه؟

فاكر ام كلثوم فى اغنية بيرم التونسى لما بتقول:

توعدنى بسنين وايام ..... وتجينى بحــجـــج وكــــلام

وتسلـــم وتمــر قوام ..... أو تخلف وتقول لى نسيت

[أبو حميد]

مش عارف ليه أفتكرت المثل اللي بيقول:

قالوا للريس احلف ......

[أبو حميد]

أوعوا تفهموني غلط

قالوا للريس أحلف اليمين الدستورية قال أنا جاهز

أه دماغكوا ما تروحش بعيد

[عبدوس الوزير]

طيب أنا كان نفسي د. هلال يقول الكلام ده من زمان، ولا هو علشان لبس العمة وجه بداله أنس الفقي التلميذ في مدرسة سوزان مبارك

طبعا كلنا عارفين إن مبارك مش هيعمل حاجة ومش هيقدر يعمل حاجة من الكلام الكبير اللي كان بيقوله، بس أنا عادة ما بصدقش الناس اللي بحس انهم بيتكلموا من منطلق الحسرة والتحامل

والسلام.

[TIMON]

دي معلومات قيمه

[mfarag]

ازهى عصور الريادة

بس

فى تحقيق الاصفار :ninja: