مهيب كمل الـ 27 يا مينز

[se_ Elsyed]

إبننا الغالي مهيب كمل الـ 27 النهاردة ... مع إن شكله ما يقولش كده خالص ..

وبالمناسبة دي ممكن يبقى الإحتفال بيوم مولده شكل تاني

يعني بدل التورتات والجاتوهات والبالونات والأرانيب والدباديب ..

ممكن نجيب زبادي وفول وخيار ونتعشى كلنا مع بعضنا

وأهي تبقى إحتفالية وسحور في نفس الوقت .

إيه رأيكم ؟

[محمد شلبى]

كل سنة وانت طيب يا مهيب باشا وعقبال مليون سنة :D :D

(وسيبك من سى السيد اللى باين لسه ما فطرش وعمال يقولك فول وزبادى وخيار،ايه يا عم :) ؟)

تم تعديل 2 أكتوبر 2005 بواسطة محمد شلبى

[وليــد صفـــوت]

كل سنة و انت طيب يا مهيب , و عقبال مليييييييييييييييييون سنة

:)

جبتلك أكبر هدية لقيتها فسكتى و انا جاى ,...

تم تعديل 2 أكتوبر 2005 بواسطة وليــد صفـــوت

[مهيب]

ربنا يخليك لينا يا س س على جدعنة ولاد البلد دى ... و الله ما حد افتكر الموضوع ده حتى من مصر .. وحياتك انت عندى فى يوم من الأيام لما أطلع فى التلفزيون و يسألونى بتهدى جايزة نوبل اللى انت فزت بيها لمين لاقولهم لسى السيد ... علشان افتكر عيد ميلادى ..

أما بالنسبة لاقتراح الفول و الزبادى و السحور .. فلا أحلى و لا أروع .. و يجعله عامر

و لمحمد شلبى أقولها صادقا .. وانت طيب و ربنا يخليك

أما وليد .. فبالرغم من صغر حجم الهدية الشديد ... و بالرغم من انها محتاجة لميكروسكوب اليكترونى علشان تتشاف .. لكن مقبولة .. وليا سؤال بالمناسبة .. دى أعمدة نور دى اللى محطوطة بدل الشموع ؟؟؟

شكرا ليكم ... بجد ..

مهيب ...

[عصام]

أنا باقول بدل الخيار والجبنة .. نخليها بامية ..

أنا أصلى أعز البامية موووووووووت :)

كل عام وانت بألف خير يا مهيب .. أمد الله لك فى عمرك ومتعك بالصحة ما أمد لك فيه ..

عصام شوقى

زميل جميعة محبى البامية البريطانية - قسم تقميع

[مصرية الهوى]

كل سنة وأنت طيب يا مهيب ..

بس طالما أغلبكم في السعودية .. يعني ضيوف على بلدي .. خلو العزومة عليا أنا :angry:

وعازمتكم على احلى كبسة في الدنيا :blink: :blink:

اقلطوا يالله حيهم ... ;)

[شاعرالرومانسية]

اخى الكريم ،،، مهيب

كل عام وانت بخير وفى أسعد حال ...

وعموما الجبنة والفول والخيار أحلى أكل ..خصوصا فى ليالى رمضان :angry:

وعموما يا عم الشباب لماتخلصوا الاكلة الحلوة دى .. الحلو بقى عندى لزوم الاحتفالية

احلى تورتة فى أحلى عيد ميلاد لعزيزنا " مهيـــــــــــــــــــــــــــــــب "

[shahd]

كل سنة وانت طيب يا مهيب وعقبال 270 سنة يا باشا كلها في طاعة ربنا وفي هنا وسرور وربنا يزيدك يااااااااااارب موهبة وابداع طوووووووووول العمر :angry:

[bentmasria]

كل سنة وانت طيب يا جميل معليش متأخرة شويه بس ربنا العالم بظروفنا اليومين دول

عقبال مليون مليون سنة فى راحة وسعادة وهنا

يارب تتحقق احلامك وتتةفق ويبارك لك فى اهلك وعمرك وحياتك كلها

والسنة الجاية تكون عملتها وكمان جبت لنا مينى مهيب

على ايديا ان شاء الله :angry: :blink: :blink:

مانا ومادا

[Alshiekh]

مهيـــــــــــــــــــــــــــــــــــــــــــــــــــــــــــــــــب

كل عام وانت بخيــــــــــــــــــــــــــــــــــــــــــر ( دى بالعربى بقى )

Ois guade winsch i dia zum Gbuadsdog

بالنمساوى

Sun Yat Fai Lok

وبالصينى

Hartelijk gefeliciteerd

وكمان بالهولندى

Van harte gefeliciteerd met je verjaardag

وبرضه بالهولندى

Happy Birthday

متهيألى بالانجليزى ( مش كده يامرسى ؟ )

Joyeux Anniversaire

بالفغنساوى

Bonne Fete

فغنساوى كنداوى

Allet Jute ooch zum Jeburtstach! or Ick wuensch da allet Jute zum Jeburtstach

دى باه المانى

Allmecht! Iich wuensch Dir aan guuadn Gebuardsdooch

برضه المانى بس ايه الفرق ؟ يسأل فى ذلك الالمان

Alles Gute zum Geburtstag

ودى برضه بالالمانى بجد

Eytyxismena Genethlia! or Chronia Pola

ودى بقى من جيران اللى فى الناحية الثانية من المتوسط جريكى (يونانى )

Selamat Ulang Tahun

بالاندونيسى

Buon Compleanno

وبالايطالى كمان

Otanjou-bi Omedetou Gozaimasu

باليابانى

Huttida Habba Subashayagalu

بالهندى

Saeng il chuk ha ham ni da

بالكورى

Selamat Hari Jadi

بالماليزى

Tavalodet Mobarak

بالفارسى

Parabens

بالبرتغالى

La Multi Ani

وبالرومانى

S dniom razhdjenia

بالروسى

Feliz Cumpleaٌos

بالاسبانى

Dogum gunun kutlu olsun

بالتركى كمان

وبالعربى مرة ثانية

كل سنة وانت طيب يامهيب

[se_ Elsyed]

وعازمتكم على احلى كبسة في الدنيا :blink:  :blink:

معليش يا جيجي ... الطبق اللي قي رز ولحمه وقرن فلفل أحمر .. وعرفنا إن دي كبسه لحم ( محلي أو سفري مش هاتفرق ;) )

لكن بدي أسأل إيه اللي في الطبق فوق على الشمال ده ؟

ده عظم بيتهيألي ولا أكله تاني ولا إيه بالظبط ؟

اقلطوا يالله حيهم ... 

طب اتحدى مهيب يعرف الجُملة دي معناها إيه :angry:

واحده واحده يا جيجي على الجدع ده لسه مُستجد وما كملش سنة هنا ...

[عصام]

اقلطوا يالله حيهم ...

:angry:

:blink:

لأ ..

لأ .. أنا مش هاقلط :blink: ;) ;)

أنا هاكل وانا واقف عشان مستعجل :wub:

[مهيب]

عصام باشا .. و حياتك عندى طول عمرى أقول ان اللى يقدر البامية يبقى أكيد راجل متعدد المواهب ... حب البامية فى حد ذاته موهبة ... و اللى مش بيحب البامية يبقى بيتخلى - بمزاجه - عن أحد متع الدنيا الشهيرة .. و على رأى المثل القديم (ان فاتك اللحم .. اتمرغ فى البامية)

مصرية الهوى .. ده ايه الكرم ده ... مقبولة منك يا قمر .. ولو ان الكبسة مفيش بينى و بينها عمار .. لكن طالما منك تبقى لازم تتاكل .. يا سلام .. و هو أنا أطول .. لكن فعلا الأكلة اللى فى طرف الصورة دى شيء مريب .. أعتقد ان رآى المعمل الجنائى هيكون مفيد ... على الأقل يعرفنا نوع الكائن الحى اللى الأجزاء دى متاخدة منه :angry: .. لكن برضه مهما كان رأى المعمل الجنائى ... فطالما من البنوتة مصرية الهوى .. و كمان سعودية الجنسية .. يبقى لازم تتاكل أكل

شهد ... ربنا يخليكى يا رب .. و تنولى كل اللى فى بالك .. كله كله .. ميبقاش منه حاجة خالص .. بس .. 270 سنة يا شهد ؟؟ كنت زمان قريت رواية أمريكية اسمها (صانع الامطار) كان بطلها (رودى بايلور) بيقول (اللهم أعطنى ستين عاما من العمل و المتعة .. ثم أمتنى و أنا نائم) .. ربنا يخليكى لينا .. و يخليلنا كلامك الرقيق

البنوتة المصرية .... ربنا يكرمك يا رب و تشوفى مادا و هو حاصل على جايزة نوبل فى الأدب ... أما عن موضوع المينى مهيب بتاع السنة الجاية ... مش لما نلاقى (مهيبة) الأول .. التفاؤل ليه حدود

محمد ... نسيت تقولها بالسنسكريتى و الديموطيقى .. بس طالما بقوا لغات ميتة .. يبقى الحى أبقى من الميت .. ايه يا عم الثقافة دى كلها ... ميرسى قوى على المجمع اللغوى ... و منى أنا بقى .. (هشو مييع أتا؟؟؟؟)

ربنا يخليكو كلكم ليا يارب ..

مهيب

[Sherief AbdelWahab]

تأخرت تهنئتي للعزيز مهيب يوماً كاملاً بسبب تعليق السيرفر في الفترة الأخيرة بالأمس ..

كل سنة يا مهيب وانت طيب ، لكن ماكنتش أتصور إنك أصغر مني بكام شهر! :blink: :angry:

خلص الكلام

[شاعرالرومانسية]

:happy:

:angry:

:D

[Tamsite]

كل سنة وانت طيب يا مهيب ، و لو انها متأخرة أووي ي ي ي

وأعذرني على تأخري يا صديقي :D

[مهيب]

ولا يهمك يا عم ... و انت بالصحة و السلامة

[Salwa]

كل عام وانت بالف خير والف صحة ...

جميل قوى الرقم ده ....

ابنتى ايضا اكملت هذا العام سبعة وعشرين سنة ...

انتم جيل جميل جدا جدا ...

همسة بينى وبينك ...حاول تعيش الثلاث سنوات الباقيات على سن الثلاثين بكل الحرص والتمسك بكل ثانية فيهم ...لا تضيع اى يوم بدون ان تعرف شئ جديد ...

عيش....عيش ...واحلم ...واحلامك حاتتحقق اكيد ...

الثلاث سنوات دول هم خلاصة كل ما سوف تكتسبه فى السنوات الكثيرة جدا المقبلة بعدهم ...

فى الثلاث سنوات دول حاتحدد مسار حياتك العملى والشخصى ....ممكن تتغير عندك افكار .

ممكن افكار تحل محل افكار تانية بمنتهى البساطة وبمنتهى التعصب ايضا ..

ممكن تترك (( النظر بحساسية )) لأشياء كثيرة تحدث حولك..و..(( تكبر دماغك )) ..

كل سنة وانت طيب ...

افتكر انك اتولدت فى سنة .....اتغير فيها العالم ....كثيرا كثيرا ..

ونحن فى انتظار ان تغيروا انتم العالم ...كثيرا كثيرا ايضا ..

اتمنى لك سعادة دائمة ...انت وكل جيلك يابنى العزيز .