المذيعة جايالكم ، خبوا عيالكم!

[Sherief AbdelWahab]

يا أحبابي الكرام ، انتهى عصر "حبة الفاليوم"..

لا تقولوا حبة الفاليوم ، قولوا : علبة الفاليوم ..

المذيعة إياها بعد غزواتها في الأوربت ستشترك في تقديم البيت بيتك والعهدة على صحيفة مستقلة .. بمبلغ وقدره في الشهر..

بس دة ميمنعش إن الحلقة حتبقى مسلية ، بعلبة فاليوم واحدة بس ، دي المذيعات ، خصوصا جاسي و بقية الطقم حيحتفلوا بيها أحلى احتفال وهي اللي أكيد-المذيعة إياها- حتتمريس عليهم ..ودة مش حيعجب مذيعات البيت بيتك.. خصوصا وإنهم على علم بمغامرات الست في الأوربيت..

بكرة نقعد ع الحيط ، وح نضحك ضحك ، وأهو حيحوشوها عننا شوية..

خلص الكلام

[ثورة الوادي]

لما اريت الخبر فجرنال الاخبار فرحت اوي في الي بيتفرجوا علي القناة الاولي

[Sherief AbdelWahab]

ما تفرحش فيهم يا ثورة الوادي ، دول برضه غلابة ومعهمش حق الدش ولا تليفزيونهم قادر يجيب الوصلة .. رغم إن مصابهم حيكون فادح في أبلة المووزيعة!..

الهانم حتقبض على قلبها 12 ألف جنيه في الشهر.. شوفوا انتو بقا شكل أبلة جاسي وأبلة جاسي التانية وحتى عمو تامر أمين حيبقى إيه؟

يااااااااي.. دي حتبقى خناقة أوريجينال خالص..

تفضل نقطة..

واضح إن الصحفيين اللي في القاهرة اليوم ، وهمةهمة تقريباً بتوع البيت بيتك معندهمش أي ولاء .. لا همة ولا محمود بركة .. ولو عاملين على مصلحة التليفزيون ما كانوش يجيبوله مذيعة "مطرودة" من قناة فضائية بفضيحة بجلاجل وصاجات.. لكن تقول إيه..

آه كنت بحب محمود بركة ، وماانكرش الشغل اللي عمله في ماسبيرو ، لكن ..

خلص الكلام

[محمد شلبى]

الهانم حتقبض على قلبها 12 ألف جنيه في الشهر..

على عهدة جريدة الاسبوع النهارده

مليون جنيه فى السنة :angry2:

[ثورة الوادي]

لو تجيبولي 12 الف جنية ممكن اخلص لكوا عليها

انا عموما ما بتفرجش الا علي الجزيرة

بس كل الناس شغالة دلوئتي خط حتي لو عندها دش لانه بعشرين جنية بس وبيجيب القنوات المشفرة بتاعت ال art

تم تعديل 9 أكتوبر 2005 بواسطة ثورة الوادي

[شاعرالرومانسية]

ياجماعة مستغربين لية بس...

دى أقل مكافأة للأخت الموذيعة ...

مش شايفين كانت عاملة اية معى الريس فى الانتخابات ..

دى كانت عاملة احلى شغل .. والا بنته ضناه كانت تدافع عنه كدة

يلا ... اهو عشان الناس تعرف

ان مصر ... مابتنساش ولادها ...اللى بيقفوا جنبها فى الشدة

وسلم لى على عمرو أفندى أديب

[بنت شعنونة]

شريففففففففففففففف

هيا انطردت من اوربت؟؟؟؟؟؟؟؟؟؟

لييييييييييييه؟؟؟؟؟؟؟؟؟؟

[se_ Elsyed]

شريففففففففففففففف

هيا انطردت من اوربت؟؟؟؟؟؟؟؟؟؟

لييييييييييييه؟؟؟؟؟؟؟؟؟؟

<{POST_SNAPBACK}>

حمد الله عالسلامه يا شعنن ... ما تبقيش تطولي الغيبه كده ..

قولي هي ما أنطردتش من زمان ليه ؟

فالهانم أصبحت عدوانية وغبيه لأقصى حد وبتشتغبى على المشاهدين والضيوف وأظهرت إنحياز غير عادي للحزب الوطني ورئيسه .. وفي نفس الوقت إستعداء للمرشحين أمامه في إنتخابات الرئاسة الماضية .. وأصبحت معتادة على الهلفطة والتصريح بمعلومات غير دقيقة مما أثار كُره وضجر المشاهدين منها ومنهم من أشتكى كثيراً لقناة الأورت ... عشان كده فسحوها ..

[Sherief AbdelWahab]

عودة ميمونة يا مدام شعنونة :D

هذا أولاً..

ثانياً: السبب المباشر لطرد هذه الشخصة من أوربت هو خناقة تسببت فيها مع أخصائية التغذية بسبب رغبة الشخصة في استعراض معلوماتها الغذائية على حساب متخصصة في هذا المجال .. الأمر الذي تطور وتطور دافعاً الأوربت إلى طردها فوراً خاصة بعد أن استفز أسلوبها قطاعاً عريضاً من مشاهدي الأوربت ، ووصل الأمر بأحدهم أن أرسل اس ام اس لتليفون الشخصة قائلاً لها بالنص : ريحينا منك!

عن هبوطها بالباراشوت على التليفزيون المصري ، زعمت جريدة الأسبوع المصرية أن مسئولاً إعلامياً كبيراً اتصل بها وطلبها ، ويبدو ذلك غير صحيح قياساً على شكوك في أن بعض معدي الأوربت توسطوا لدخول الشخصة لماسبيرو وبمرتب شهري وصل على عهدة صحف مصرية متفرقة إلى اثني عشر ألف جنيه..

خلص الكلام

[الرافعي]

عم شريف

مش شايف إن فيفي عبده لما عملت نفسها صوحفية (زي ما بتقولها) يعني أثبتت إنها ممكن تعمل المسلسل الجاي موووذيعة

يعني أنا شايف إن مافيش فرق.. المجني عليه الوحيد هو المشاهد المسكين