ماذا كانت السيناريوهات الاكثر انسانية لفض اعتصام رابعه؟

[tarek hassan]

يعني اعترف إن كان فيه سلاح 

كمان شوية هيعترف إن كان فيه نكاح 

[عبير يونس]

14 hours ago, مصطفي said:

ذكري رابعه باختصار هي خروج المصريين من قاموس الانسانيه وتحولهم لكائنات من ما قبل التاريخ  سواء مؤيد او معارض 

هو انا مبتعدة مع سبق الاصرار عن الخوض في المواضيع السياسية 
لكن فعلا استغربت من ان حضرتك بتعم ال95 مليون مصري و تنعتهم بالخروج من الانسانية 
سواء مؤيد أو معارض ؟؟؟!!
طب دي معناها ايه حضرتك؟ 
هو كده المصرينن كلهم كذا و كذا وخلاص   
!!!!
ده يأس ؟؟ 
و الا احساس بالدونية؟؟ 
و الا حضرتك مش مصري و ده رأيك فينا ؟؟ 
 

[أبو محمد]

أخبرنى بعض الأصدقاء أن بوست المغير اختفى .. فما معنى هذا ؟

قلت لا يهمنى يمكن اللى كاتب واحد أمن مركزى وملبسينه "مغير"

أما فى هذا الفيديو .. فأنا أعرف المذيع لأنه كان زميلا لى فى العمل

ومش ممكن يكون عسكرى أمن مركزى وملبسينه هيثم ابو خليل

 

[عبير يونس]

4 hours ago, مصطفي said:

اقصد بالمعارض من كان ضد السيسي من قيادات الاخوان واعضاءهم من صورو للناس بان من يموت هو شهيد  .

المؤيد هو من أيد هذه المجزره سواء بدعواتهم الصريحه مثل تصريح علي جمعه (اقتلوهم لان ريحتهم نتنه)  -وطوبي لمن قتلهم -واصحاب دعوات افرم ياسيسي. والكثير ممن يبحثون عن تبريرات لقتل المصري للمصري.

سعادتك انا مصري واعيش في مجتمع يطبق فيه ( لأن تهدم الكعبة حجراً حجراً أهون عند الله من أن يراق دم امرئ ),لذلك بالنسبه لي القتل بدم بارد و مناظر الاشلاء وحرق الجثث وكنسها بالبلدوزرات اعتبرها خارج حدود الانسانيه .

اريد تفسير واضح من حضرتك لقصدك من هذا السؤال والذي اتمني ان يكون عكس مافهمته- و الا احساس بالدونية؟؟ 

مقصدي من الاحساس بالدونية هو الميل لجلد الذات او الاحساس بالهزيمة النفسية  على  مستوى الشعب 
يعني نقول اصل احنا شعب جاهل احنا شعب فهلوي .. و ..و
اشياء من هذا القبيل 
و دي حاجة منتشرة جدا 
و مش بس عند المصريين 
لكن في كل مكان 
و عادة بتحصل لما الشخص يفقد ايمانه بالمجتمع اللي بينتمي له 
و يتمنى لو كان مش من هنا 

و اعتذر اذا وصل حضرتك مني معنى تاني غير ده 
تحياتي وكامل احترامي 

[أبو محمد]

16 ساعات مضت, أبو محمد said:

أخبرنى بعض الأصدقاء أن بوست المغير اختفى .. فما معنى هذا ؟

قلت لا يهمنى يمكن اللى كاتب واحد أمن مركزى وملبسينه "مغير"

أما فى هذا الفيديو .. فأنا أعرف المذيع لأنه كان زميلا لى فى العمل

ومش ممكن يكون عسكرى أمن مركزى وملبسينه هيثم ابو خليل

 

ثم ظهر فيديو آخر لقطب كبير من أقطاب ذلك التيار المتأسلم

والذى اشترك - بكثافة - لا تخطئها عين فى ذلك الاعتصام "السلمى"

ملخصه أن تلك "الجماعة" الإرهابية كانت تسعى إلى أكبر قدر من الدماء ؟

كان هذا هو "السيناريو" و "المنهج" فى ذلك "الاعتصام الإرهابى" الذى يتباكى عليه الأخوان ونحانيح البوب

بعد أن قدم قادة "التنظيم" الذبائح المسلحة - فداء لهم - وهربوا

هؤلاء القادة تم القبض عليهم من بيوتهم أو أثناء محاولتهم الهرب متخفين فى نقاب أو بصبغ الشعر

وسبسبة سكسوكة خليجى

 

[أبو محمد]

ولو نار نفخت بها أضاءت .. ولكن أنت تنفخ فى رماد

وما زال اللى ما يعرفش بيقول عدس 

ما يأتى هو صرخة ولوعة "أى" أب على ابنه .. حاجة توجع القلب بصحيح

منقولة من الزفت .. الفيس بوك .. من صفحة صديق لأحد أصدقائى

 

اقتباس

 

عملتها يا مصطفى ؟؟؟ قررت تمشى ؟؟ طب دنا كنت باصبر امك واقول لها مصطفى راجع لك احسن من الاول .. ليه ما عطيتنيش الفرصه انى اكون صادق مع امك ؟؟ ليه خذلتنى ومشيت ؟؟ طب كنت استنى شويه عشان متوجعهاش .. زعلت مننا يا مصطفى وكنت فاكر اننا ناسينك ؟؟ عمرنا ما نسيناك يا مصطفى .. ولا عمرنا نسينا اللى انت عملته عشان البلد دى .. مصطفى بعد تلات سنين مصاب ف عمليات فض رابعه مصاب بغيبوبه تامه قرر النهارده انه يروح لعروسته .. قرر النهارده انه يكون عريس الجنه .. مصطفى يسرى الشهيد الحى استشهد .. مصطفى النهارده راح لوعد ربه .. مصطفى راح لجنه عرضها السموات والارض .. مصطفى ساب حبايبه وراح يقابل رب كريم .. ويقابل حبيبه رسول الله ف الجنه .. وجعتنى يا مصطفى وكأنك ابنى .. وجعتنى يا مصطفى وعاوز اصرخ .. وجعتنى يا مصطفى وانا مشوفتكش الا صوره وفيديو وانت نايم ف سريرك لا حول لك ولا قوه .. مشيت يا مصطفى وانت متطمن انك سايب وراك زمايلك حالفين يجيبوا لك حقك .. مشيت يا مصطفى وانت متطمن اننا مش هننسا ك .. رحمه الله عليك يا مصطفى الله يرحمك ويسامحك ويتجاوز عنك نحتسبك عند الله شهيدا عانى من الغيبوبه الكامله لثلاث سنوات متواصله .. وانا بقولها بعلو حسى اهو واعتبروه تحريض .. الاخوانى مبيعرفش ربنا .. مفيش اخوانى شريف كلهم كلاب البنا .. واللى منهم مقتلش او مدبحش او محرقش هو بس مجاتلوش الفرصه .. لعنه الله عليهم والملائكه والناس اجمعين .. مع السلامه يا مصطفى سلم على الشهدا زمايلك كلهم يا مصطفى ..ويشهد ربنا يابنى انى عشت عمرى كله اتمنى اكون معاكم من الشهداء.ربنا يصبر قلبك ويثبتك يا وفاء هانم يام الشهيد.. ادعوا لمصطفى

ربيع الحسينى

 

See Translation

 

 

[herohero]

هو ليه حضراتكم مش شايفين المشكلة الكبيرة وهي ان في دم مصري اريق 

اللي مات له حد في رابعة شايف ان له ثار مع النظام 

واللي مات له حد من رجال الشرطة شايف ان له ثأر مع الجماعات الاسلامية 

انا مش هنظر ولا هقعد اقول في كلام فلسفي

بس احنا كمتجمع هنحل المشكلة ده ازاي ؟؟ ازاي هنتلم ثاني ؟؟

بصراحه انا شايف ده من اعقد المشاكل اللي بنواجهها ولازم نحلها لان فئات المجتمع كدة مش متصالحه مع بعضها البعض 

[عادل أبوزيد]

و لماذا حضرتك لا ترى حجم و خطورة وجود جماعة تتغلغل في المجتمع باسم الدين ، و تأخذ الأطفال من صغرهم و تربيهم على السمع و الطاعة و الكتمان و غير معروف او غير معلن هدفها.

ما سبق كان استهلالا لابد منه 

لا أنتوي الاستطراد في خطورة  وجود جماعة الاخوان المسلمين و ما انبثق منها من جماعات الاسلام السياسي  .... لان الحوار غير مجدي  لقد تم تدريبهم على الحوار الطويل الممل الذي لا جدوى منه.

لقد تأخرت الدولة كثيرا في فض اعتصام رابعة ، و أنا أعيش في مدينة نصر و كنت أرى جموع المعتصمين ... غلابة مغرر بهم  مشحونين من الأرياف بنسائهم و أطفالهم ..

غير مجدي الحديث  عما حدث

السؤال الآن كيف يتم احتواء هؤلاء الغلابة المساكين مرة أخرى في نسيج المجتمع المصري  كيف نأمن لهم  و كيف نستأمنهم مرة أخرى على مقدراتنا حتى لو كانت قراءة عداد الكهرباء   كيف تستأمن من جرؤ في يوم ما على تفجير أبراج الكهرباء بدم بارد و إعتقاد أًنه يجاهد في سبيل الله ، و لن اعدد ما تم ارتكابه من جرائم باسم الدين  و لن أةعرض لإختراع ما أسموه كتائب الارباك. ... أكيد تذكر  إختراع إغراق مطالع و منازل الكباري في القاهرة بالزيت.

نحن في حاجة لمنظومة من الاجراءات  مثل تلك التي تم بها تفكيك المنظومة النازية بل أن الأمر في حالتنا صعب لأنه في حالتنا مرتبط بتصور مشوه للدين.