حضرتك صايم ولا زي كل سنة

[shahd]

الحلقةالحادية والعشرون

كعك العيد في العشر الأواخر

( حبكت يعني)

مفجوعه هانم :الو ناوية تعملي ايه السنه دي يا طفسه يا اختي

انا عن نفسي خدت وصفة كعك غير وصفة السنة الي فاتت الي ادتهالي الوليه المودهولة عطيات ......

حاجة تجنن تحفة ...حبتدي من النهاردة

طفسه هانم:بقلك ايه اديني الوصفة

شوفي يا طفسه يا حبيبتي

وتقعد تشرحلها الوصفة بالتفصيل الممل ؟؟؟؟؟؟ ولحد العشرة الآواخر يفضلوا ملهين في الكعك ولاوازم الكعك وغيره وضاعت ليلة القدر وضاعت العشرة الاواخر

يعني لو ما عملتوش الكعك حيحصل ايه :angry2:

تم تعديل 23 أكتوبر 2005 بواسطة شهد

[shahd]

الحلقة الثانية والعشرون

صليت كام ركعة

صليت كام ركعة في قيام الليل يا انسة وانت يا اخ صليت كام ركعة

اصل انا صليت كتيييييير

من كتر ما صليت رجلي ورمت يعني عملت الي علي سنة لقدام

ياخبر انت بتمن على ربنا

لأ مش قصدي انا بهظر بس اصلي الحمدلله صليت كتير جدا

طب ممكن سؤال صليت بخشوع فهمت كل كلمة بتقولها وانت بتصلي ولا ايه؟؟

المهم اني صليت انت عايز ايه اكتر من كده

مش انا الي عايز متهيألي حضرتك فاهمني

[shahd]

الحلقة الثالثة والعشرون

يلا نلحق التراويح

عادل وعبد الله اصحاب من وهم صغيرين ومن ساعة ما بقوا يستوعبوا الأجر الي في شهر رمضان وخاصة صلاة التراويح ما بقوش يفوتوها خالص بالعكس دو ل بيتسابقوا مين الي حيوصل الأول عشان يلحق صلاة التراويح الأول طب ايه المشكله دلوقتي حنعرف :D

يا عبدالله انت لسه بتاكل يا ابني قوم عشان نلحق والا والله اسيبك وامشي

طيب ياعادل اديني جاي اهو انت متصربع ليه بس ده لسه بدري

عادل : بدري من عمرك يا حبيبي ده الأمام حيبتدي في اول ركعه بعد دقيقتين

عبدالله: يا نهار ابيض يعني مش حنلحق جماعة اولى في الصف الأول

عادل: بلا كتر كلام وخلص يلا

عبدالله يخرج ويروح هو وعادل الجامع ويلحقوا الركعة الأولى من صلاة التراويح بجد ربنا يبارك فيهم ويكتر من امثالهم لكن متهيألي كده هما ناسين حاجه اهم هاااا ايه راي حضراتكم انتو ا معايا و لا لأ

فاكرينها مش فاكرين طب حاولوا تركزوا معاي شوية وانتوا حتعرفوها اكيد

صلاة العشاء يا جماعة صلاة العشاء يا عبدالله انت وعادل بقى معقولة تجري عشان تلحق السنة وتنسى الفرض مستني لحد ما صلاة التراويح تبتدي وسايب صلاة العشاء بتصليها في بيتك

لا لالالالالالالاده كلام ما يدخلش الدماغ خالص راجع حسباتك يا عادل وانت كمان يا عبدالله

[shahd]

الحلقة الرابعه والعشرون

طلع كل الي عندك رمضان قرب يخلص

كريم: ناويه على ايه السنة دي

كريمة: ناوية على ايه في ايه

كريم: اصلك طول عمرك كريمه في شهر رمضان

كريمه : تقصد الزكاه يا كريم

كريم : ايوة بالظبط اصل انت معوده الناس على رمضان

كريمة : لأ مش ناسية دول يا حرام بيستنوا الشهر ده بفارغ الصبر

كريم: طيب ما دام الحكاية كده ما تخليها طول السنة

كريمة : طول السنة اممممممممممممم افكر

كريم: حتفكري في ايه بس ؟؟

كريمة: اصل رمضان في الأجر زيادة وانا بدور على الأجر

كريم: يا سلام يا اختي يعني لو عملتي الخير وتصدقتي على المساكين والأيتام دول طول السنة وفي رمضان زيادة حبة مش حتاخدي اجر وثواب اكتر ..دي كفايه دعواتهم ليكي

كريمة : يوة يا كريم اصلي بنسى ومش بفتكر غير في رمضان وبعدين هما متعودين وكفاية انت يا اخي

كريم: طول عمرك تفكيرك من دماغك وعمرك ما حتتغيري ولا حتسمعي الكلام انا عارف بابا وماما سموكي كريمة ازاي :D

تم تعديل 26 أكتوبر 2005 بواسطة شهد

[shahd]

الحلقة الخامسة والعشرون

مركز افندي :قريت كام جزء من القرآن الكريم لحد دلوقتي ياابو سريع

ابو سريع :ختمت خلاص وناوي اختم تاني حضرتك بقى عملت ايه ؟

مركز افندي: بصراحة لسه ما ختمتش, بس عمري ما فهمت القرآن زي السنة دي حسيت اني بقرأ بكل تركيز وبحس براحة كبيره الحمدلله

ابو سريع :اختصر ما توجعش دماغي ..... بقولك قريت كام خلصت ولا لأ ؟

مركز افندي: لأه خلصت حوالي 20جزء

ابو سريع: بس....... يافرحتي بيك اجري العب بعيد يا خايب

انا احسن منك شطبت على كلوووووو

مركز افندي: لأ انا الأحسن عشان فهمت مش زيك عمال اقرأ من غير ما استوعب هو انت فاكر ايه ده كتاب ربنا مش رواية حتقرأها وتكملها في اسرع وقت ممكن

قولوا انتوا مين الأحسن ؟

[shahd]

الحلقة السادسة والعشرون

ركز النهاردة ومش مهم بكرة

يوه ياعم انا تعبت خلاص هو احنا مش حنخلص

بقلك ايه ركز النهاردة دي ليلة سبع وعشرين جايز البلاوي السودة الي عملتها تتغفرلك

ياعم روووووووح بقى حتتغفرلي بليلة واحدة

اه ممكن ليه لأ ما انا عمال بعمل البدع وفي الليلة دي كام ركعة تراويح على كام تهجد على قراءة قرأن وان الله غفور رحيم

ياسلام انت حتستعبط وايش ضمنك ان دي هي ليلة القدر

لو مش هي بقى ادي الله وادي حكمته

عجبي منكم يا بشر :angry:

تم تعديل 28 أكتوبر 2005 بواسطة شهد

[shahd]

الحلقة السابعه والعشرون

حنام النهاردة اصل الليلة زوجية

ياااااااااه انا تعبت خالص خالص امبارح حنام النهاردة اصل ايه بكرة 28 مش من اليالي الوترية اسهر ليه بقى واتعب نفسي ؟؟!!

اصل مش هي ليلة القدر حاكم انا امبارح عملت كل الي عليا من صلاة وعبادة وكله مش حقدر على اكتر من كده

لا يا شيخ هو حضرتك حتمن على ربنا ده انت الي محتاج لكل لحظة تدعي فيها ربنا مش هو الي محتاج لجنابك :blush:

[shahd]

الحلقة الثامنة والعشرون

خلاص هاااااااااانت

يلا بلاش كسل خلاص هانت وفاضل يا بكرة يا بعده تقل العيار شوية وكله حبيقى في اللزيز

احنا النهاردة 28 جايز يكون فيها الشفى وبكرة بقى ابقى اعمل الي انت عايزة

شفى ايه يا ابني انت هو انا عيان ومالك كده بتتكلم زي تجار الصنف هو انت مش ناوي تبطل طب اصبر شوية ههههههههههههههههه

هما مالهم مش طايقين الشهر كده هما زعلانين بدل ما يحمدوا ربنا ان في شهر اسمه رمضااااااااااان

[shahd]

الحلقة التاسعه والعشرون

انت ما صدقت

العيد قرب ياا بشر العيد قرب يا نااااااااس

يالا كل الي كان حارم نفسه من حاجه يرجعلها خلاص اصل الشيطان حتتفك ومش حنقدر نغلبها ولحد الشهر الجاي يحلها الحلال ,طب ده فاضل يوم ومش اكيد ان رمضان 29 ياعم ماجتش من يوم الناس حتقول عليك ايه انت ما صدقت

برضه الناس هي الناس حتعملك ايه قال على رأي واحده اعرفها كل واحد حيدخل لوحده

[shahd]

الحلقة الثلاثون

اما نشوف احوال الناس مش كل الناس بس برضه خلينا نشوف وياترى احنا منهم ولا فينا حاجة منهم ؟؟؟؟؟؟

العيد هل علينا وهما كام يوم وحنصحا بدريييييييييييي عشان الشغل اهئ اهئ

يا خسارة ياريت رمضان كان شهرين هو حضرتك عايز رمضان يبقى شهرين عشان تنام

اه امال ايه اصل النوم في نهار رمضان حاجة لزيزه قوي تنام وترتاح لحد الأذان وبعد كده تفطر وتشوف يومك بقى

اما الحق بقى المسلسلات الي فاتتني في رمضان اصلي كنت متغاظة من البت صحبتي الي كل شوية تقلي التراويح التراويح ادينا خلصنا اففففففففف

بصوا انا مش بتابع حاجات كتيرة في رمضان هما عشر مسلسلات بسسسسسس

بس يا متخلف

ايه االألفاظ دي عيب كده

الفاظ ايه ما خلاص رمضان خلص

ااخيرا حقلع الحجاب رمضان خلص لولولوولولولوللي

بس بطلي كذب

ابطل ايه ايه ايه ما خلاص الحصار اتفك ياهوووووووو

تيجي نزور مراة عمك اصلها عيانة قوي

ونزورها ليه مش زورناها في رمضان ولا هو اصلوا تضيع وقت وبس في حاجات اهم من الزيارات الفاضية دي

يلا با ابني رجع المصحف في الدولاب لحد رمضان الجاي

جرس التلفون بيرن الو يلا نروح نصلي الفجر

فجر ايه الله يسامحك قسما عظما لو اتصلت بيا في قت زي ده لكون مصور قتيل

ناس ماعندهاش نظر

في الوظيفة

المدير: ايه الأنضباط د ه كل في مكانه والشركه ماشية زي الفل اشمعنى

اصل رمضان خلص ومافيش اعذار

ها ايه رأي حضراتكم تخيلوا حال البعض

مش عارفة اقول ايه ياترى هو كان طابق على نفس حضارتهم ولا ايه العبارة

كنتم مع حضرتك صايم ولا زي كل سنة

وكل سنة وانتم طيبين

تم تعديل 2 نوفمبر 2005 بواسطة شهد