يوميات رمضان

[shahd]

[

زي مافي ناس بتدي العباده اغلب العبادات والأعمال الصالحة حقها في رمضان وبس من غير ما يدركوا ان ربنا هو الي بيدي الأجر وان الثواب موجود في طول السنة في ناس كمان بتبقى سباقه للخير علىطول وبتحاول تأدي كل الي عليها بقدر المستطاع للناس دول بنقدم

يوميات رمضان

اليوم الأول

ياترى لو رمضان كتب يومياته حيقول ايه حيبقى مبسوط ولا زعلان بيضحك ولا مكشر تيجوا نشوف يلا بيناااااااااااااا

:wub:

انا شهر القرأن شهر الرحمة والغفران كل الشياطين كل الشيطين مصفدة والأجر من رب العباد بيزيد اضعاف واضعاف من اول يوم بنور فيه بس انت اغرف وشيل ماحدش حيقلك لأ ولاحد اصلا يقدر يقلك لأ طب النهاردة اول يوم وانا اهو بكتب يومياتي وانا مبسوط قوي عشان المساجد مليانه بالشباب الي زي الفل والقرأن منور في البيوت وفي ناس كتير في بلد من البلدان قررت انها مش حتابع المسلسلات وحتركز في العبادة وقالت كفايه لحد كده يااااااااااااه دي الفرحة مش سايعاني مش عارف اعمل ايه ولا اقول ايه من كتر ما انا شايف الاس فرحانه بيا هو انا مهم للدرجه دي اه فعلا انا بقول ايه انا اولي رحمة واوسطي مغفرة واخري عتق من النار يارب ينجي كل بني ادم يعمل كل الي عليه عشان ربنا من عذاب النار من اول يوم ياااااااااااااااااااااااااااااااااااارب

تم تعديل 6 أكتوبر 2005 بواسطة شهد

[shahd]

اليوم التاني

اديني دخلت تاني يوم ياترى ازي الحال يا مسلمين وعاملين ايه يا مؤمنين كله تمام طب كويس

اخبار الصلاة معاكم ايه واخبار القرأن مركزين ولا عمالين نقلب صفحة ورا صفحة وجزء ورا جزء وخلاص

هااااااااااا اخبار ستات البيوت ايه ياخبر لسه قاعدين في المطبخ ارحموني بقى هو اشمعنى بتشبعوا في الشهور التانيه ولما باجي انا الكل بيفتكر انه مش حيشبع ياخراااااااااااااشي

ايه الصيام مش متعب ورمضان جميل ولزيز

يارب دايما اسمع الكلام الجميل ده .........طب خلاص خلاص عايزين تروحوا تصلوا العشاء والتراويح

خلاص حمشي ربنا معاكو

[shahd]

اليوم الثالث

الله الله على الهمة والعزيمة ايه ده ربنا يبارك فيكم ايه الشنط الي بتتوزع دي كل ده عشان افقرا والمساكين بجد الله ينور عليكم ياسلالالالالالام دول حيلاقوا اجر كبير بشاااااااااااااكل

ياسلام علىالعيلة وهي ملمومة على سفرة واحدة والكل بيدعي ربنا قبل الأذان والي كان بيشرب سجاير بطلها حلاص وناس راحت تعمل عمره عشان ناويه بجد تبطل حاجة تصرف سيئ كانت بتعمله الله الله انا بسمع الكلام ده وانا بتمنى انه يدوم بس انا واثق بأذن الله ان مادامت النيه خالصة كله حيبقى تماما

مش كده ولا ايييييييييييييييه

[shahd]

اليوم الرابع

ايه الي انا شايفه ده مش الأخين دوول كانوا متخانقين بقالهم اكتر من 10 سنين

معقوله حيتصالحوا دلوقتي وانا موجود ياهوووووووووو

ياسعدي ياهناي يافرحتي اهم كلمو ا بعض في التليفون وحيزورا بعض كل ده بيحصل في شهر رمضان وناوين تستمروا في الصلح على طول مع ان اخوك هو الي غلط فيك بالرغم من كده انت الي بتصالحه

وجارتك الي دلقتي عليها ميه سخنه من البلكونة لما تخانقت معا كي السنة الي فاتت جتلك هيا بنفسها تهنيك بيا مش ممكن!! ايه بتقولي ايه ؟؟ عايزين الأجر من ربنا ومش مهم أي حاجة تانيه

يارب يكتب الأجر يااااااااااااااااارب

[shahd]

اليوم الخامس

ياسلام على العيله الجميله دي وهما بيحضروا الفطار اول حاجة تخطر على بالهم جيرانهم الأم تحضر وجبة كاملة وتحطها في اطباق بمنظر جميل وتديها لأبنها عشان يديها لجيرانه الي مش بياكلو ا حاجة تقريبا وكل يوم تخلي واحد من ولادها يعمل كده عشان يتعودوا على فعل الخير وللعلم بالشيئ العيلة الجميلة دي بتعمل كده طول السنة مع جيرانها مش بتأكلهم وانا موجود ولما بودع بتسيبهم ولاتعبرهم وانتوا كمان حتعملوا زيهم وفي ناس كتير كده ........... الله اكبر

[shahd]

اليوم السادس

المكاتب فيها شوية موظفين والباقي مش موجودين غريبة اصل الموجودين دول بيقولوا عني اني شهر العمل والطاعة ازاي نغيب ونعطل اشغال الناس كده غلط وربنا يحاسبنا على المرتبات الي بناخدها يعني ننام في بيوتنا عشان صايمين والي ليه مصلحة تتعطل ما يصحش وبعدين هي يادوب ساعات قليله مش حيجرى حاجه يعني مش حنموت من الجوع هو احنا في صحراكل الكلام ده بسمعه وانا في قمة السعاده ان لسه في بشر بتفكر بالشكل ده احمدك يارب

[shahd]

اليوم السابع

في يوم من الأيام كنت بسمع حوار بين اتنين ده رمضان الي بيقول هاااااا

اتنين صحاب لسه شباب صغيرين بس اكتر حاجه بيكرهوها هي الكذب مستحيل تلاقي أي حد فيهم بيكذب حتى لو كان في اصعب الظروف في مرة كده عدى عليهم كذاب افندي

وبيحاول معاهم بس من غير أي فايدة لما شاف انه ضيف تقيييييييييل وشم مرغوب فيه راح قايل خلاص بقى اما مضان يخلص حرجعلهم تاني

لألألألألألألألألأ مش ممكن مستحيل هما حيرجعوا يكذبوا لما انا امشي ده حراااااااام

بس ايه الشابين الحلوين الطيبين دول قالوا ههههههههه بعينك احنا والحمدلله بنخاف من ربنا ونحبه ومش حنعصيه حنتوكل على الله وهو خير معين

[shahd]

اليوم الثامن

استنى استنى هو الراجل ده ومراته وولاده كلهم على بعض كده رايحين فيييييييييين

نعم رايح يفسح العائلة الكريمة ؟؟؟؟؟ حيوديهم جنينه عجيب هما الأبهات فاضين الأيام دي

اه طبعا لسه في ابهات زي الفل بيدوا كل حاجة حقها على قد ما يقدروا ......

ايه التكاتف الي هما فيه ده لالالالالالالالالا ده اكيد عشان انا هناااااااااااااااااااااا

هه بتقولوا ايه هما كده على طول بيرجع من شغله تعبان وهلكان ورغم كده بيفسح مراته واولاده ويلعب معاهم كمان بسم الله ما شاء الله

[shahd]

اليوم التاسع

لما بسمع عن حلقات الذكر الي بتقام في رمضان ..... انا يعني !! وبشوف ستات ورجالة رايحني جاين

رايحة فين رايحة المحاضرة جاية منين؟؟؟؟ من المحاضرة . . حاجة مفرحة اقبال كبير وتركيز في المحاضرة ناس بتكتب وناس بتسجل منظر مالوش مثيل بقول ياترى هو عشان انا هنا بس ولا ايه

بس شعبان حكالي على الناس دول وقالي لالالالالالالا دول على طول كده قلت جايز شعبان بيبالغ وهما بيبتدوا من شعبان مجرد لفت نظر يعني وكده رحت سألت رجب قالي نفس الكلام عديت علىالشهور كلها كلهم جاوبموني اجابة وحدة وقالوووو دول بيفرحوا القلب

[shahd]

اليوم العاشر

ياعيني على الناس الحلوة الصايمة على طول مش من الأكل لالالالالالا ما تخافوش وياسلام على النشاط والهمة لما يزيدوا ويستمروا على من غير ما يزهقوا ماهو اليوم اصلي دخلت في اليوم العاشر ايه كسلنى لييييه ده انتوا الخير والبركة عايزين همةاكتر ونشاط اكبر يلا ياجماعة ها فقنا خلاص كنت عارف من الأول ان الجدعااااااان مش ممكن ابدا يصاحبوا الكسل والخذلان طول ما بيستعينوا برب العباد

وربي انا رمضااااااااان

[shahd]

اليوم الحادي عشر

النهاردة حتكلم عن بنات شفتهم متجمعين بس بعد الفطار حيروني معاهم لما سمعت حوارهم فقررت اكتب الكلام الي قالوه في يومياتي

بنات زي الورد لسه في عمر الزهور كل واحده منهم ليها ميزة محليها مش جمال الشكل لأ جمال القلب والروح كلكلمة منهم بتفوح منها رائحة الأيمان والتقوى حتى لما بيضحكوا الضحكة ليها معنى , بعد ما خلصوا القعدة الجميلة يتاعتهم وابتدى الكلام قعدت افكر ياترى دلوقتي حيعملو ايه اما اشوف يارب يخلف ظني فجأه دخلت الآنسة غيبة ومدام نميمة وعمالين يحاولوا وكلمه من هنا على همسة من هنا بس مافيش فايدة البنوتات الحلوين على طول في تسبيح واستغفار في سرهم وفي نفس الوقتبيكلموا بعض وبيضحكوا مع بعض عادي جدا فلما يأست الأنسة غيبة وم\ام نميمة قرروا انهم حيرجعولهم بعد بعد انا ما اقول السلام عليكم لأن جايز هما مكسوفين مني لكن ايه البنات الي بيخافوا ربنا في دايما وفي كل الأحول قالولهم ده بعدكم احنا بفضل الله مش بتوع كلام فاضي روحوا دوروا على غيرنا امشوا اطلعوا برررررررره

[shahd]

اليوم الثاني عشر

ازيكو ا يا جماعه ها قاعدين بتعملوا ايه ؟؟ بتقروا قرأن عايزن

تختموا وبتركيز واستيعاب كمان جميل جميل

طول السنة على الحال دة قرايه وتفسير وتطبيق كمان !! امال ايه

الكلام الي انا بسمعه انا المصحف بيتحط على الرف ومش بينزل

غير لما انا اجي

ياسلام يعني صحيح في ناس كده وبيقولوا انهم مكسوفين مني ههههههههههههه والله غريبة هو انا حعملهم ايه

طب هما مش

بيعملوا زيكوا ليه !!!!!!!!!!!!ااااااااا ليه حد يرد عليا

اه دلوقتي فهمت اصل انتوا بتخافوا وتتكسفوا من ربنا عشان كده

بتعلموا كل الي عليكوا بغض النظر عن وجودي هو ده الكلام

حاكم الي مش بيكسف من رب العباد مش حيكسف من العباد

ماشي يا احلى ناس خليكوا كده على طول نشاط وهمة وعزمية

واخلاص نية عشان ربنا يكرمكم يلا مش حعطلكم عشان

وراكوا شغل كتيييييييييييير

تم تعديل 15 أكتوبر 2005 بواسطة شهد

[shahd]

الحلقة الثالثة عشرة

يااااااااااااه عدى من عمري 13 يوم

ياترى حبابيبي عاملين ايه لسه مشرفني ومبييضين وشي قدام ربنا ولا لأ اما اشوفهم بيعملوا ايه النهاردة

ياسلالالالالالالالام الله اكبر الله اكبر مين الي بيجري ده عشان يلحق العشاء في الجامع وكمان اول صف لسه بتعمل كده لحد دلوقتي يااااااااااااه

ما زهقتش امال مين الناس دول الي مش بيهتموا بالعشى ويستنوا لحد التراويح ويجروا عليها مع ان العشاء هي الفرض

اااااااااااااااااااااااه ناس مالكوش دعوه بيهم

طب ربنا معاكم يوفقكم وانتوا مشرفني كده

ايه انتوا مش مهتمين بيا انا بس طل اهتمامكم بطاعة ربنا عشان بتحبووووووووووه مووووووووت وعايزنه يرضى عنكم

يافرحتي يافرحتي بابي مستنيكم يلا بابي باب الريان انا رمضاااااااااان عبد من عباد الرحمن

سلام عليكوووووووووو

[shahd]

اليوم الرابع عشر

يألف نهار ابيض يألف نهار مبروك لألألأ مش مصدق ابدا هو حضراتكو مش بتحبوا الفوازير بتاعتي ؟؟؟؟؟؟يووه قصدي الي بيجيبوها لما انا اجي

بس دي بتكسب ذهب وعربيات وحاجات ومحتاجات معقوله يعني تضيعوا فرصة زي دي

اه انا عرفت اكيد بتابعواالحاجات دي بعد رمضان...... حضرتي يعني

عشان بتحترموني صح الكلام؟؟؟؟

نعم مش عشاني امال ايه يعني مش بتهتموا بيها لا في رمضان ولا غيره ؟؟؟؟؟ طب لييييييييييه فهموني دي فلوووووووووس

ايه يا بني ادمين يا مسلمين ويامؤمنين يا اتقياء قلتوا ايه الي عند ربنا احسن وانتوا عايزين الأجر من ربنا

الله اكبر الله اكبر

تم تعديل 17 أكتوبر 2005 بواسطة شهد

[shahd]

اليوم الخامس عشر

هي الناس متجمعه هنا ليه ياترى في ايه ؟؟؟؟؟؟؟

:wub:

ااااااه دي حفلة كبيرة فيها صبيان وبنات حلوين

امال مين الجماعة الي قاعدين في الناحية التانية دول ومش عايزين يخشوا البارتي اللزيز ده ياااااااااااه

مع انهم قاعدين بيضحكوا ويهظروا مع بعض بس بالرغم من كده رافضين يخشواالمكان ده ؟؟؟؟ هو البتاع ده فيه ايه

خيمه رمضانيه وفيها مغنين ومطربين وشوية مخالفات وحاجات ومحتاجات طب وايه يعني ما تنبسطوا وفيها ايه ولا الكسوف حل عليكوا عشاني ؟؟؟؟؟؟

نعم نعم نعم لا كسوف ولا حاجه بس كل الي في الموضوع ان الي مش بتعملوه طول السنة هو هو الي مش بتعملوه في رمضان ايه الجمال ده هو انا بحلم ولا ايه

امال انتوا قاعدين بتضحكوا على ايه

جرى ايه يا استاذ رمضان هو احنا لازم يا نعصي ربنا يا نبقى نكدين ونعد مكشرين نولول ونعيط

ده ابتسامتك في وجه اخيك المسلم صدقه

ياختي عليكو وعلى جمالكو يارب يارب تفضلوا كده على طول مبسوطين وفي كل خير ماشين

اللهم صلي على النبي

مش عايزني اعطلكم عايزين تلحقوا محاضرة مهمة جدا

طب سلام بقى لحسن انا باين علي بتكلم كتير

سلاااااااااااااااام

[shahd]

اليوم السادس عشر

مين الي ماشي في حاله ده ومش بيعاكس ولا بيبص هنا ولا هناك ومين البنوتات الحلوين دول الي ماشين بكل ادب وحشمه

بس غريبة قوي الشباب الي بيغضوا البصر دلوقتي لكن لما

انا بمشي لا بيبقى في غض بصر ولا حاجه من دي ومعاكسات من شباب لبنات ومن بنات لشباب وحاجه تغم

احنا شباب زي الفل بنمشي دغري طول العمر مش شهر اه وشهر لأ

وبعدين احنا لما قبل ما نبص بصه غلط او نرمي نظره لازم نفكر ان دول اخواتنا

واحنا واحنا مؤدبين وبنتكسف

ونراقب ربنا قبل ما نعمل اي حاجه يعني يا استاذ رمضان انت غالي علينا بس خوفنا من ربنا اكبر بكتييييييييييييييييييييييير

يا فرحتي بيكم هو ده الكلام والا فلا ايوة كده

[shahd]

اليوم السابع عشر

<div align="center">ويوم وراى يوم ورمضان بيكتب يومياته والنهارده رمضان لسه مبسوط قوووووووووي خصوصا النهاردة لأنه ما كانش واخد باله من الناس الي بتصحا بدري ومش بتقضي اليوم كله في النوم وراح رمضان فتح الدفتر وابتدى يكتب يوميات اليوم السابع عشر

ايه النشاط والهمة دي اقول ايه

اكتب نثر ولا شعر

انزل فيكو ا ديوان

مش كتير عليكو انتوا يا اصل الخير يا جدعان

صايمين وهلكانين

مش عشان جعانين

ده لأنكم شغالين وبعرق الجبين

وعلى المعطي الوهاب متوكلين

ياترى ليه مش نايمين ومستريحين

يارب ما تقولولي عشان منك مكسوفين

فهمت خلاص انكو للخير دايما سباقين </div>

[shahd]

اليوم الثامن عشر

وانا بكتب يومياتي النهاردة حسيت بحيرة ما بعدها حيرة وعمال اقلبها يمين في شمال ياترى الست دي والراجل ده والشاب والبنيه دول الي مصايب الدنيا كلها فوق دماغتهم هادين ورايقين كده ليه ؟؟؟

يعني ده فقير ومش لاقي ياكل ,والتانيه كل ما بتخلف ضناها بيموت ياعيني

والشاب يعني كل ما يجي يخطب يترفض ليه ؟؟؟؟؟؟

مع انه شاب زي الفل ويتحط على الجرح يطيب

بس ياحسرة الجيب مخروم

والبنيه الأمورة دي الي تقلها دهب

مافيش حد سايها في حالها رغم ان اخلاقها توزن بلد اييييييي نعم

وبالرغم من كل ده مش بتسمع منهم غير كلام جميل

الست تقول الحمدلله رب العالمين

والراجل يقول وفي السماء رزقكم وما توعدون

والشاب يقول عسى ان تكرهوا شيئاً وهو خير لكم

دول فعلا ملوك زمانهم بس يارب يستمروا على كده وما يعديش عليهم الواد الممل الي اسمه يأس ده

دي كانت تبقى حووووووسه بريه منك بريييييييييه

[shahd]

اليوم التاسع عشر

ها ياحلوين اخبارنا ايه انا عارف انكم زي الفل وبتعملو كل الي عليكم .....عشان تاخدوا الثواب من ربنا مش عشاني انا رمضان

اي والله عارف ان انتم كده على طول احسبكم كذلك ولا ازكي على الله احد بس عندي طلب صغيرالنهاردة يا حبايبي العشرة الأواخر قربت خلاص بكرة حنبتدي ارجووووووووووكم نشد الهمة اكتررررررر

يارب ينصركم ويعينكم يااااااااارب

[shahd]

اليوم العشرون

هاااااا الدعا والتهجد عملين معاكم ايه لسه شغالين زي النحل ولا خلاص بقينا سلاحف دي العشرة الأواخر وحفضل اقول كد لحد ماتزهقوا مني معلش سامحوني انا خلاص قربت امشي بس مش هاين علي يضيع عليكم اجر الليالي المفترجة دي

وانتوا كمان مش ناوين تضيعوها ومش حتفوتوا ولا يوم لحد ما تجيبوا ليلة القدر

طب بالتوفيق ان شاء الله سلام يا احلى صحبة شفتها في حياتي