يوميات رمضان

[shahd]

اليوم الواحد والعشرون

الحقوووووووو يا جمااااااااااعة الحقوووووو يا ناااااااااااااس

الله ليلة القدر حتهل اهي يلا ورينا الهمة اوعى تفوتها دول الف سنة يا اخوااااااااتي يا تلاحقوها يا ما تلحقوهاش انتم وهمتكم بقى

هاااااااا اخبرنا ايه كويسين طول الشهر وطول السنة كمان

طب ماشي عايزين نبقى احسن في الأواخر انا فاضلي عشر ايام وماشي .

عشره ايه انا دخلت ليلتي الواحد وعشرين خليكم حلوين وبلاش احراج . بقلك ايه يا صاحبي انا عارفك كريم ولا حاتم الطائي في زمانه بس ممكن لو سمحت تزودها حبتين في الدعا لأمة محمد وما تدعيش لنفسك وبس عشان الخير يعم الأمة الأسلامية كلها

ممكن ؟؟؟؟يلا ربنا يبارك فيك مش حعطلك وحسيبك تتفرغ للطاعة والدعا والعبادة وكل حاجة سلام عليكم

تم تعديل 24 أكتوبر 2005 بواسطة شهد

[shahd]

اليوم الثاني والعشرون

بصراحة يا جماعة الوقت قرب يخلص مش عارف اكتب عن ايه النهاردة اصلي كل ما اروح اشوف جيران وحبايبي الاقيهم مشغولين قوي فبمشي عشان ما اقطعش عليهم عبادتهم وصلاتهم يااااااه على الخشوع الي هما فيه ربنا ينور عليهم ويباركلهم بس في حاجة اتضايقت منها ايه الزحمة على الأسواق دي ما حبكتش يعني هما كام يوم اصبروا شويه والله الليلة دي عمرها ماتتعوض هو اللبس حيطير :D

ايوه ما انا عارف انه مش انتوا وانكم مستنين بفارغ الصبر بس ما تشوفوا الجماعة دول مش هم اخواتكم برضوا

هو فيه ايه انا الي حنبهكم؟؟؟ بس ارجوكم ارجوكم بالهداوة وبالذوق ومن غير عصبية

[shahd]

اليوم الثالث والعشرون

ايه ده يا جماعة؟؟

لأ ده انا بباهي بيكم الدنيا كلها ليه بس حتنامو النهاردة اشمعنى يعني ؟؟!!

ااااااااه تاعبانين وكمان دي مش ليله وترية معقوله :D

لو انتو حتفكروا بالطريقة دي امال سبتوا ايه لغيركم وبعدين انتوا ضامنين حاجة يلا اصحوا يلا بلاش كسل توكلوا على الله وصلوا على الي حيشفع فيكم

اللهم صلي وسلم وبارك عليه

خلاص حتصحوا وحتصحوا الكل كمان طب انا كده اطمنت عليكم اسيبكم بقى

[shahd]

اليوم الرابع والعشرون

الليلة مهمة جدا شد حيلك اكتر بكتيييييييير دي ليلة من لياليا الوترية وجايز تلاقوها وترتاحو وتتغفرلكم ذنوب مالهاش اول من اخر .

ما انا عارف انكم دايما بتستغفروا بس حتىالرسول صلى الله عليه وسلم لما كان بيصلي كانت بتتفطر قدماه ولما السيدة عائشة كانت بتقله الم يغفر الله لك ما تقدم من ذبنك وما تأخر رد عليها وقال عليه افضل الصلاة والسلام افلا اكون عبد شكروا

او كما قال . مش معنى انكم كويسين تتغروا لأ حاسبوا ارجوكم

ليه بقول كده اصلي شفت ناس كل شوية تقول لا خلاص احنا خلاص عملنا الي علينا

افتكرتكم زيهم كنت حزعل قوي بس طول ما انتوا مخلصين كده لربنا فخلاص انام واحط في بطني بطيخة صيفي مع الف سلامة

بس برضوا راجع

[shahd]

اليوم الخامس والعشرون

روق يا عم انت عصبي ليه ده انا لسه موجود وما ودعتش

ايه مالك ليه الكلام الوحش ده هو انت لسانك متبري منك

ما تستغربوش اصلي عديت على جماعة كده وسمعت كلام مش الي هو فاتخضيت وقعدت اعيط مين دول انا كل ما اعدي الاقي ناس حلوة وزي العسل .

ايه الكلام الي انا بسمعه ده خلاص انا ماشي ومش راجع تاني

لالالالالالالالا يا رمضان حتروح فين مش حتقدر فاضلك لسه كام يوم ومش حنسيبهم غير لما نستغلهم احسن استغلال وبعدين احنا مالنا ومال الناس دي ربنا يهديهم احنا ذنبنا ايه ؟؟ :angry:

طب خلاص خلا ص مش حسيبكم

ويصحا رمضان من النوم ويقول عوذ بالله من الشيطان الرجيم ايه الكابوس الفظيع اللهم اجعله خير انا لازم اكتب الموضوع ده في يومياتي قبل ما انسى

[shahd]

اليوم السادس والعشرون

ايه الخشوع الي انا شايفه ده ياسلام عليكم وانتوا بتقراوا وبتصلوا بالأيمان ده انتوا مش بتتعبوا ??

غريبة والله ايه الطاقة الجبارة دي !!!

اصل انا كنت فاكر اني مش حشوف الصنف ده في زمانكم

ما هو اصله زمن عجيب خالص

بس فعلا انتوا حاجة عجيبة رغم كل الأغراءات و برضه لسه ....بسم الله ما شاء الله بيضتوا وشي الهي يفتحلكو ابواب جنته قااااااادر ياكريم

[shahd]

اليوم السابع والعشرون

هما صاحين بدري ليه مش كانوا سهرانين امبارح

طبعا طبعا يناموا ايه هو ده وقت نوم اصل الجماعة دول كلهم همة ونشاط ودي اخر ايامي وعايزين يستغلوها مش بيركزوا بس على اليالي الوترية ويسيبوا الباقي زي اصحابنا الي قال يعني ضامنين

[shahd]

اليوم الثامن والعشرون

النهاردة فاضلي يومين يا اما يوم وحروح واقول السلام عليكم

والدفتر قرب يخلص ما بقاش فيه غير ورقتين عايز اقول في الورقة دي لازم نشد حيلنا كمان وكمان ومش عشان خلاص حمشي تنسوني

بكرة تسعة وعشرين يعني مش حتقولوا خلاص خلصنا

ايه لأ والف لأ انا دايما في القلب

[shahd]

اليوم التاسع والعشرون

ودي بقى صفحتي الي قبل الأخيرة بكتبها لحبايبي واخواتي الي شرفوني طول ما انا موجود وبقلهم بكرة ربنا يكتر خيركم

وانا بكتب كده لقيت ناس بتقول خير ايه بس دا احنا الي حنخسر كتير بفراقك لكن املنا في ربنا كبير انه يعيدك علينا السنة الجاية واننا مش حقف وحنستمر

[shahd]

اليوم الثلاثون

وبكده جه وقت الوداع وما فيش مفر من الفراق يا اهل الخير والأيما ن والأبداع بودعكم وانا كلي حسرة واسف على الأيام الجميلة الي قضيناها مع بعضينا بس كلي امل اني اشوف وجوهكم كلكم في الجنة وانتوا بتدخلوها من باب الريان ياااااااااه ساعتها الفرحة مش حتبقى سايعاني

من كتر فرحتي بيكم وخصوصا وانا عارف انكم ما كسلتوش بعد ما مشيت وان حيائكم كان من رب رمضان مش من رمضان

معلش الصفحة خلصت سامحوني بس بجد حتوحشوني

لا اله الا الله

رمضااااااااااان استنى يا رمضان