متى يشعر غير المسلم المصري في مصر بأنه مصري؟

[MZohairy]

بالفعل

بس ممكن الرد الجاهز اننا ممنوعين من الدعاء على المسلمين

بس حتى الظالم منهم؟؟؟؟؟؟؟؟؟؟

[herohero]

انا مش فاهم انت بتفهم ازاي يا هيرو بصراحه!!!!

فهمتك ربعوميت مره ان المسلم لو مظلوم من الحكومه....فالمسيحي و البهائي مظلوم من الحكومه و مظلوم من المسلم...

و فهمتك اننا هنستبعد الجزء العام السياسي و هنتناقش في الجزء الشعبي الاجتماعي فقط

تغيب تغيب و ترجع تحاول تسيس الموضوع :)

ماهو اذا كان ده مستوى فهم المعارضه للمواضيع دي تبقى مصيبه كبيره و الله !!!!

والله بفهم بس حضرتك وغيرك عمالين تلفوا حوالين نقطه معينة وباينة من كل المداخلات 

عموما اسمح لي اعقب 

اولا : مستوى فهم المعارضة !!! هو حضرتك من الحكومة مثلا !! تمثل رأي الاغلبية وبرده هرد عليك وهقولك ربنا يكون في عونا اذا كان ده مستوى فكر الاغلبية   

ثانيا : حضرتك بتتهمني بتسييس الموضوع على الرغم من ان الحلول كلها مش هتكون الا من الحكومة ( اللي تبعك ) يعني المجتمع انت عارف ان غالبيته ع اده وبيسمع الكلام اللي بتقوله انت وحكومتك مغلوب على أمره وعشان كده قولت لك الاعلام هو الحل 

ثالثا : ابقى اسال في مصر ايام الرئيس مبارك وده هترجع ثاني لو مسلم ومسيحي دخلوا القسم ايه الوضع !!!!

رابعا : انا عاوز مواطنه حقيقية وساعتها كله هياخد حقه 

 

ماتنساش ان عندك نوبيين وعندك سيناوية حقوقهم ضايعه وماتنساش ان عندك مسيحيين واخدين حقوق غيرهم كمان مش حقوقهم بس لان من الاخر هم تبع الفئات الامنة 

[herohero]

 

ممكن حد يقول لى ليه كده ؟

هل هذا تعبد ؟

أم دعوة للكراهية ؟

أو ربما شئ ثالث لا أعرفه ؟

 

https://www.youtube.com/watch?v=zZ47NFTgWTg

 

على العموم : من أعمالهم سُلط عليهم وبأيادى أهلهم وعشيرتهم

وليس بأيادى من يتعبدون بالدعاء عليهم

كنت قد تساءلت : منذ متى وهم يدعون فى صلواتهم على النصارى واليهود ؟

وماذا كانت نتيجة هذا الدعاء .. هل خسف الله بالمدعو عليهم الأرض ؟

هل رفع الداعين بالشر إلى عنان السماء ؟

ولم تأتنى إجابة !!

 

fty::  fty::  fty:: يا اخي هو حر ماتقولش آمين 

في مصر خليهم يمنعوا الدعاء عليهم هههه ما الدعاء على الظالمين في مصر بقى جريمة  ups: 

[herohero]

 

بما أن ربنا مدح طوائف من النصارى واليهود .... إذن لا يجوز الدعاء على هؤلاء الممدوحين والإطلاق شنيع

أما الظالمون (( عامة )) فبالتأكيد إن ربك مش محتاج دعاء منك علشان ينتقم منهم وإنما له سنة فيهم لا يعجل بها دعاؤك

 

وهنا سؤال ملح أريد طرحه

ليه الدعاء على اليهود والنصارى ينطلق دائما في الدول التي لها علاقات ممتازة معهما أو على الأقل مع أحدهما

ولماذا تنطلق مناجاتهم لهم واستنصارهم من قبل الجماعات التي أمتلأت حناجرهم بالدعاء عليهم

 

بصراحة منتهى النفاق

نشكو من الانقلاب ونحب قطر

ونكره العلمانية ونهاجم الفنانين ونروح تركيا بلد العلمانية ووكر الدعارة

وندعي على اليهود ونقول عليهم الصديق الوفي

أما أمريكا فاحنا بندعي عليها لأننا بنكرها خالص خالص

 

هههههههههههه نفس أمريكا العدوة اللي بتآمر علينا وبناخد سلاح منها ، افصل ده عن ده وانت عارف ان الشعوب العربية عموما متناقضة

[herohero]

  متى يشعر غير المسلم المصري في مصر بأنه مصري؟

 

لما يكون معاه باسبور امريكاني او اوروبي وطبعا الكلام دا بينطبق على المسلم كمان 

 

صح لسانك قولنا الكلام ده من زماااااااااااان بس فيه ناس بتناقض نفسها 

 

من واقع خبرتي كمان لو انت اصبحت من الفئات الامنة في مصر ساعتها لو مجوسي هتاخد حقك وتضرب التخين بالج.......

[herohero]

 

ولماذا لا يكون الدعاء على "كل" الظالمين و "كل" المجرمين ومن ضمنهم النصارى واليهود ؟

لماذا يخص الدعاء الظالمين والمجرمين من النصارى واليهود ؟

ليه يعنى الظالمين المجرمين من كافة الملل (ومنهم المسلمين) يستثنيهم الدعاء ؟

هذا هو السؤال بأكثر من صيغة

 

ولو قام بالدعاء على الظالمين في مصر هيتسجن 

هقولك على حاجه نلغي الدعاء خالص ولا نسجله ويبقى الامام يذيعه وخلاص 

http://www.youtube.com/watch?v=zC47AzH-KnU

 

[tarek hassan]

هذا الموضوع كشأن كل موضوعات المتألق الأستاذ : زهيري يلفت النظر لشي مهم

هل الدعاء على الظالمين له سند من الدين ...... وهل يغير من واقع القدر أو من حكمة الله في إمهال الظالمين 

وهل نحن مأمورون بالدعاء على اليهود والنصارى ؟ وأين الدليل على ذلك ؟ وهل يتناقض الدعاء عليهم بوجوب البر بهم والقسط معهم ؟ وهل نحن يمكننا أن نقبل بالتراشق الدعائي في دور العبادة أو في مناسكها ؟ وهل نحن معنيون بغيرنا غير مبالين بتقويم أنفسنا وتنقيتها من هذا الظلم ذاته ؟

فكرت في أمر سيدنا موسى عليه السلام وكان أمامه خياران في مواجهة فرعون 

- الدعاء على فرعون حتى لا يصل إليه هذا الظالم العاتي

- أو الدعاء لنفسه حتى يفلت من هذا الظالم المتكبر

فرأيناه يقول : : رب نجني من القوم الظالمين

نرجع لموضوعنا وما أثيرا فيه مؤخرا ونحن فيه أمام حالتين

- حالة جارنا وشريكنا المسيحي المسالم الذي لم يحاربنا في الدين

- وحالة أخونا الداعشي الذي لا يجوز تكفيره عند أكثر المغفلين المعاتيه والذي شرع لنفسه أن يقتلنا جميعا مسلم ومسيحي

نفوض الأمر لله في الأول ولا في الثاني

الأمر لا يتطلب دعاء حينئذ ولكن ظني والله أعلم إن أقل شيء ممكن نعمله إننا نقاتل الثاني مش ندعي عليه فقط

تم تعديل 28 أغسطس 2015 بواسطة tarek hassan

[Alshiekh]

متى يشعر غير المسلم المصري في مصر بأنه مصري؟

 

 

1- عندما تختفي خانة الديانة وأي أشارة تمييزية في بطاقة الهوية.

 

 

2- عندما تطبق قوانين التمييز بين المصريين.

[Scorpion]

متى يشعر غير المسلم المصري في مصر بأنه مصري؟

 

 

1- عندما تختفي خانة الديانة وأي أشارة تمييزية في بطاقة الهوية.

 

 

2- عندما تطبق قوانين التمييز بين المصريين.

 

 

ألف مليون حمد لله علي سلامتك يا كبير .. منور الدنيا كلها مش المحاورات بس    

 

بالنسبة بقي لرأي حضرتك .. انا ما فهمتش الحتة بتاعت تطبيق قوانين التمييز ..

[tarek hassan]

 

 

سيخى يحتضن جاره وصديق عمره المسلم بعد ان بنى له مسجدا 
المسلم كان فى قرية كلها سيخ وليس بها مسجدا 

 

الدنيا كلها بتتغير ....

أنا شايف إنها تسير الآن نحو التعايش التسامح والحب والتعارف 

بيقولوا التسامح بقى في مكان الوقتي إلا في الوطن العربي 

تم تعديل 30 أغسطس 2015 بواسطة tarek hassan

[أبو محمد]

ألف مليون حمد لله علي سلامتك يا كبير .. منور الدنيا كلها مش المحاورات بس    

 

بالنسبة بقي لرأي حضرتك .. انا ما فهمتش الحتة بتاعت تطبيق قوانين التمييز ..

 

عشان بس ما نتعبش العزيز محمد .. ربنا يتم عليه الشفاء

سمحت لنفسى إنى أرد عليك يا سنيور

أصل يا سيدى المجلس الأعلى للقوات المسلحة اللى هو بتاع حكم العسكر

كان أصدر مرسوم بقانون فى أكتوبر 2011  لتعديل قانون العقوبات

 وهو سارى لأن مجلس الشعب بتاع الأخوان ما مدش إيده عليه

وفيما يلى نص المرسوم:

 

المجلس الأعلى للقوات المسلحة

مرسوم بقانون رقم 126 لسنة 2011 بتعديل بعض أحكام قانون العقوبات الصادر بالقانون رقم 58 لسنة 1937.

رئيس المجلس الأعلى للقوات المسلحة

بعد الاطلاع على الإعلان الدستورى الصادر بتاريخ 13 / 2 / 2011 ، وعلى الإعلان الدستورى الصادر بتاريخ 30 / 2 / 2011، وعلى قانون العقوبات الصادر بالقانون رقم 58 لسنة 1937 ، وبعد موافقة مجلس الوزراء..

قرر المرسوم بالقانون الآتى نصه وقد أصدرناه:

( المادة الأولى ): يستبدل بعنوان الباب الحادى عشر من الكتاب الثانى من قانون العقوبات العنوان التالى : الباب الحادى عشر الجنح المتعلقة بالأديان ومكافحة التمييز

 

( المادة الثانية ): تضاف مادة جديدة إلى الباب الحادى عشر من الكتاب الثانى من قانون العقوبات رقم 161 مكرر وذلك على النحو الآتى:

مادة 161 مكرر

يعاقب بالحبس وبغرامة لا تقل عن ثلاثين ألف جنيه ولا تتجاوز خمسين ألف جنيه أو بإحدى هاتين العقوبتين كل من قام بعمل أو بالامتناع عن عمل يكون من شأنه إحداث التمييز بين الأفراد أو ضد طائفة من طوائف الناس بسبب الجنس أو الأصل أو اللغة أو الدين أو العقيدة وترتب على هذا التمييز إهدارا لمبدأ تكافؤ الفرص أو العدالة الاجتماعية أو تكدير للسلم العام.

وتكون العقوبة الحبس مدة لا تقل عن ثلاثة أشهر والغرامة التى لا تقل عن خمسين ألف جنيه ولا تتجاوز مائة ألف جنيه أو بإحدى هاتين العقوبتين إذا ارتكبت الجريمة المشار إليها فى الفقرة الأولى من هذه المادة من موظف عام أو مستخدم عمومى أو أى إنسان مكلف بخدمة عمومية.

(المادة الثالثة): ينشر هذا المرسوم بقانون فى الجريدة الرسمية، وتكون له قوة القانون، ويعمل به اعتبارا من اليوم التالى لتاريخ نشره.

 

[Scorpion]

ربنا يخليك يا ابو محمد .. يبقي المطلوب تفعيل قانون "مكافحة" التمييز ... انا لما قريتها قانون التمييز كده وش ما فهمتهاش ..