هذا هو عصر مبارك بكل وضوح

[se_ Elsyed]

جريدة المساء 8/10

9 آلاف و750 شرّكة مقاولات أعلنت إفلاسها!!

كتب جمال العليمي:

أعلنت 9 آلاف و750 شركة مقاولات "قطاع خاص" تعمل في مجال التشييد والبناء افلاسها هذا العام بسبب عدم تمكنها من الحصول علي أعمال ولقلة إمكانياتها المادية.

صرح المهندس أحمد السيد رئيس الاتحاد المصري لمقاولي التشييد والبناء ان هذه الشركات أعضاء في الاتحاد.

قال ان الاتحاد أصدر قرارا بمنع الشركات الأجنبية للمقاولات من العمل في مصر بدون شريك مصري بنسبة 51% في كل عملية تزيد علي 40 مليون جنيه فأكثر.

لا حول ولا قوة إلا بالله العلي العظيم

في اي دولة متخلفة في العالم يحدث هذا يا خلق يا هووووو ؟

حوالي 10 آلاف شركة !!!!! يعني بنتكلم عن ملايين العاملين سواء الذين يعملون بشكل مباشر أو غير مباشر فيها ....

وفين ؟ في قطاع حيوي زي قطاع البناء ..

تعرفوا ليه ؟

عشان بكل بساطة مبارك ترك الحبل على الغارب لثُلة فاسدة من بطانته المقربين منه زي أحمد عــز بتاع إسرائيل للتحكم في سوق زي سوق حديد التسليح اللي بتتضاعف أسعارة كل عام لإحتكاره الحقير ..

وقام غراب الخراب المُلقب بعاطف عبيد ببيع مصانع الأسمنت لشركات اسبانية وإيطالية وفرنسية وقاموا في أقل من عام بمضاعفة الأسعار بدافع الجشع والمكسب الزيادة مع إن الأسمنت هو هو يعني ما أتغيرش فيه حاجة وما زالوا يحصلون على المواد الخام من المحاجر بأرخص الأسعار - بسعر التراب - ويمكن أخونا MB14 يؤكد هذه المعلومة ..

وبالتالي أي مقاول من دول في إيده شغلانه أو كام عماره بيبنيهم وكان واخدها بأسعار معينه .. فجأة وأثناء التشغيل لقى أسعار المكونات تضاعفت فهايبقى أمامه حل من إتنين لا تالت لهم :

1- إنه يغش في المون وبكده العمارة هاتقع فوق راس السكان بعد شهرين .. زي ما بنشوف كل يوم في عصر مبارك .

2- يفلس ويسرح العمال والموظفين اللي عنده عشان يبقوا حراميه وشمامين وشوارعيه ... وده اللي بيحصل بالحرف الواحد ...

حسبنا الله ونعم الوكيل على كل ظالم .

[ثورة الوادي]

اعتقد ان ده الرد علي الاكاذيب الي تضمنها برنامج الديكتاتور مبارك الانتخابي

ازاي حتفتح الف مصنع في 6 سنوات وانتة افلت الف مصنع فسنة واحدة وفي قطاع واحد بس هو قطاع المقاولات !

دول ولا هامهم حاجة احنا بالنسبة ليهم غنيمة ينهبوها ويورثوها

ربنا ياخدهم

تم تعديل 8 أكتوبر 2005 بواسطة ثورة الوادي

[se_ Elsyed]

وانتة افلت الف مصنع فسنة واحدة وفي قطاع واحد بس هو قطاع المقاولات !

<{POST_SNAPBACK}>

يا استاذ ثورة الوادي

نرجو ونؤكد على تحري الدقة في ذِكر المعلومات ..

فسيادة الرئيس قائد العبور لم يُغلق ألف مصنع في مجال المقاولات ... كلا البته .. وحاشا أن يكون قد فعل هذا .. وهو بريء ... بل إنه يا حضرات القُضاة جاب دراف 10 آلاف شركة مقاولات من بابها .... :D

[ثورة الوادي]

بل إنه يا حضرات القُضاة جاب دراف 10 آلاف شركة مقاولات من بابها ....

ماهي الف زي عشر تلاف المهم ان الريس موجود وحايحل كل حاجة :D

[سقراط المصري]

ahram.org.eg

الصفحة الأولى

43534 ‏السنة 130-العدد 2006 فبراير 14 ‏‏15 من المحرم 1427 هـ الثلاثاء

النقض تخفض السجن لطايل وبدير إلي‏‏3‏ ‏ سنوات وبراءة‏‏8‏ ‏ متهمين

قضت محكمة النقض أمس بمعاقبة عبدالله طايل رئيس مجلس إدارة بنك مصر ـ إكستريور‏,‏ ومحمود بدير مدير عام البنك بالسجن المشدد ثلاث سنوات بدلا من‏‏15‏ ‏ سنة‏,

‏ وتغريمهما خمسة ملايين دولار و‏‏134‏ ‏ مليون جنيه‏,

‏ وحبس نائب مدير عام البنك سنة مع الشغل‏,‏ وإيقاف تنفيذ العقوبة ثلاث سنوات‏,‏ وتأييد براءة ثمانية متهمين‏.[move]

تم تعديل 14 فبراير 2006 بواسطة سقراط المصري

[se_ Elsyed]

نفس الهيصة والزمبليطة بتاعت كل مره ..

حلق يا جدع .. إمسك محي الدين الغريب سارق أموال الشعب ... الموت لماهر الجندي ... وغيرهم وغيرهم من رجالات الحزب الوطني الحرامية ... وبعد كام شهر تلطيش هُب بيطلعوا براءة أو تخفف عليهم الأحكام ... وكل سنة وإنت طيب وتعيش إنت يا حاج ويخرجوا بقى يعيشوا في سويسرا وياكلوا شوكلاته ويلبسوا ساعات رادم ويتزحلقوا على جبال الآلب بفلوسنا اللي هبروها تحت حماية وبرعاية الراعي الرسمي للرياضة المصرية السيد الرئيس القائد..

----

حمد الله عالسلامه يا سقاريطو ... خد الخبر الهدية ده وإدعي لمبارك :

كارثة السلام 98 ربما تتكرر بالنيل

جرانة: 40% من سفن النقل النهري بلا ترخيص

الأقصر - أحمد السعدي:

كشف زهير جرانة وزير السياحة مفاجأة تنذر بتكرار كارثة العبارة السلام 98 في النيل.. حيث أعلن أن 113 باخرة من إجمالي 290 باخرة تعمل في النقل السياحي بالنهر بدون تصريح منها 90 باخرة لا تحمل تصاريح الدفاع المدني 

بيقولك أصل أصحاب البواخر العفاريت دول عاملين أنفاق تحت النيل - ما تستغربش - زي أفلام الخيال العلمي ومغامرات جيمس بوندق .. فالحكومة مش شيفاهم من عشرات السنين وهما رايحين جايين ...