ولا تتعب ولاتشغل بالك ..المرسيدس حتجيلك لحد بابك

[شاعرالرومانسية]

سلسلة من اعلانات شبكة موبينيل - تحت الرقابة التليفزيونية الرشيدة -

وهو عبارة عن سرد لقصة حياة احد شباب مصر ... بدأ من تخرجة ومرورا بعدم وجودة لعمل بمصر وغربته فى بلاد الله خلق الله وتعبة وشقاه طوال 18 عام وعودته بـــــــــــــــــــــــــــ.....................

مرسيــــــــــــــــــــــــــــدس

( ودة اعلان ضمنى طبعا ..... :D )

وبعد هذا الاستعراض المحفز للشباب للتعب وبذل الجهد والاجتهاد و....

( حتى لو كان نتيجة هذا التعب هو مجرد الحصول على عربية اخر موديل ... )

ولكن فجأة.....

سك على المطلوب .. تعب اية ياعم وشقى اية..

ماهو فلان الفولانى .. خربش وشحن رصيدة بكام كارت موبينيل وكسب المرسيدس ...( ولا سفر ولا بهدلة ولا تعب وشقى ...)

هو كارت يا ريس تشترية وتبعت اس ام اس وتقوم كاسب العربية....

وسلم لى على الرقابة التليفزيونية ... للمسائل الاعلانية

[محمد شلبى]

أسوأ ما شاهدته فى التيليفزيون فى رمضان هذه السلسلة من الاعلانات السخيفة بتاعة موبينيل . حاجة تقرف :angry2:

من ألآخر كده ولا حد يشتغل ولا حد يتعب نفسه لأن اللى اشتعلوا وكافحوا دول ناس عبيطة أو ما شافوش اعلانات موبينيل.

[Sherief AbdelWahab]

صدقت يا بلدياتي ..

وأضيف :

يعني يا سليق يا حريق .. مفيش وسط .. يا إما تجيبوا لنا رجال أعمال حرامية يقعدوا يفشروا لينا عن كفاحهم الجبار من أجل الوصول للمليار بقصص ما تدخلش عقل عيل من الصغار ، يا تقولولنا بلاش تعب واجرروا ورا الإعلانات علشان المرسيدسس والألوفات..

هوة إيه أصله دة ؟

خلص الكلام

[Mina]

هذا الاعلان جزء من منظومه عامه .. أساسها الفهلوه و الاستهبال و الروشنه .... قيم كلها هادمه و مؤذيه و للأسف تترسخ أكثر و أكثر فى وجدان المجتمع بموافقه و تحت اشراف الجهاز الاعلامى الحكومى ...........

فعلا .. اعلان يقرف .... انفعلت بشده عندما رأيته .......

الآن هو مقتضب .. يبدأ من النماذج الهدامه مباشره و لا يسفه من النماذج المحترمه .. هذا أفضل كثيرا ..

لكن واقع الأمر .. الاعلان بحاجه الى الحرق كليه ...

[شاعرالرومانسية]

أخير تم تعديل سلسلة الاعلانات المذكورة ...

فتم حذف الجزء الاول ، والذى يستعرض قصة كفاح احد الشباب ..ويختزلها فى رجوعة ...............بالمرشيدس

واحتفظ بالجزء الثانى ..

حيث حمادة ... وام مش عارف مين .. بعنوا خمس رسائل اس ام اس ...و

كسبوا المرشيدس..

بس خلاص..

[عصام]

أخير تم تعديل سلسلة الاعلانات المذكورة ...

فتم حذف الجزء الاول ، والذى يستعرض قصة كفاح احد الشباب ..ويختزلها فى رجوعة ...............بالمرشيدس

واحتفظ بالجزء الثانى ..

حيث حمادة ... وام مش عارف مين .. بعنوا خمس رسائل اس ام اس ...و

كسبوا المرشيدس..

بس خلاص..

<{POST_SNAPBACK}>

أكاد أجزم إن السبب هو اعتراض شركة مرسيدس .. وليس كما يظن البعض نتيجة استدراك القائمين على التليفزيون لتلك الفضيحة ..

شركة مرسيدس تخاطب فئة معينة من الناس .. والطبيعى أن تعترض على إخراجها فى شكل سيارات الجوائز ...

وبكرا تقولوا عصام قال .. :blush:

[Sherief AbdelWahab]

هناك خط أحمر للعلاقة بين الإعلام والإعلان ، بين وسائل الإعلام والمعلنين..

صحيح أن الإعلانات هي الطريقة المثلى لتمويل الإعلام بشكل مستقل عن الدعم الحكومي ، لكن هناك قواعد وأعراف تنظم العلاقة بين الإعلام والإعلان ، بحيث لا يقود الإعلان دفة العمل الإعلامي بشكل عام في الصحافة والتليفزيون..

وفي التليفزيون ، الحكومي زي حالاتنا ..هناك حدود للعلاقة بين التليفزيون والمعلن .. لازم يكون فيه ندية ، مش دونية زي ما احنا شايفين..

مثال على تلك الدونية برنامج (.......) اسمه عائلة بيسو ، أنتجته شركة إعلانية خاصة بالاشتراك مع تليفزيون دبي ويذاع عليها وعلى القناة الثانية لتليفزيوننا الموقر..

كما سبق وقلت .. برنامج (....) تعدى الحد الذي يتحمله الإنسان العادي الطبيعي من الإسفاف والابتذال في طريقة الإضحاك .. لكنها فلوس المعلن!

هل اشترانا المعلنون بفلوسهم كما اشتروا مساحات في تليفزيون لا زلنا نموله بأموالنا؟

خلص الكلام