ورقة إجابة مريم

[tarek hassan]

بعد كل هذا الشو ....

وبعد كل هذا الكذب والتضليل ....

وبعد أن أخرجت كل عقدها النفسية علينا .....

وبعد كل هذا التمثيل المفضوح 

مين ياخد الحق من مريم وأهل مريم ؟ 

 http://almogaz.com/news/politics/2015/08/31/2081170

مش فاهم يا مريم كان إيه غرضك من دا كله 

خمسة مصححين بخمسة أصفار ومراجع فني وعددي 

وخبراء خطوط وقضاء 

هل اجتمعوا جميعا واتفقوا على الكذب عليكي ؟ 

ذاكري يامريم وتعوضي السنة الجاية 

وربنا يسامحك 

اللي غايظني : مش قادرة تتكلم من الصدمة العصبية وبعد تقعد تتكلم 

 

تم تعديل 31 أغسطس 2015 بواسطة tarek hassan

[Scorpion]

انا من ساعة ما ابتدي الموضوع ده يا طارق و انا محبتش اعلق علي اي اتهام فيه لحد ما يخلص خاااالص ..

 

مليان حاجات مش راكبة من ناحية و من التانية ..

فاضل آخر خطوة و بعدين الواحد ممكن يقول رأيه ...

 

 

الحاجة الوحيدة اللي عصبتني هما اللي حبوا يعملوا منها قضية طائفية ..

و لدول اقولهم روحوا اتوكسوا ... بجد ..

[الدكتور ياسر]

الله اعلم يا أستاذ طارق ، ما تجيش أوي على البنت ، برضه حاجة ما تدخلش العقل

إنها تكون متفوقة في كل مراحل التعليم وتيجي على السنة اللي تحدد مستقبلها تبطل

مذاكرة لدرجة إنها تجيب أصفار !!!!!

ربنا عرفوه بالعقل !!!!

[tarek hassan]

الله اعلم يا أستاذ طارق ، ما تجيش أوي على البنت ، برضه حاجة ما تدخلش العقل

إنها تكون متفوقة في كل مراحل التعليم وتيجي على السنة اللي تحدد مستقبلها تبطل

مذاكرة لدرجة إنها تجيب أصفار !!!!!

ربنا عرفوه بالعقل !!!!

 

لا تنس يا دكتور : ياسر .... إن أنا معلم ومستحيل اللي قالته لأن كل معلم بيصحح سؤال والورقة بتفوت على ناس كتير

ومش ممكن الناس دي كلها تتواطأ على الكذب ومعاهم القضاء والخبراء والشئون القانونية واللجان الخاصة

أنا شفت التصحيح المنشور وهو مظبوط واحترافي وإن كان ليه ملاحظات شكلية عليه وليست فنية

وأعترض على كلمة مصحح ولكن التسمية الحقيقية مقدر وليس مصححا ولذلك وضع علامة خطأ على الإجابة عدم خبرة 

أما كلام حضرتك معقول ومش معقول فلا يمكن أن تدار الأمور بهذه الطريقة ولا أن تعطى الدرجات بالعواطف أو أحلام اليقظة أوالضغط الإعلامي وإدعاء المرض أو حتى المرض ذاته أو النظر للديانة لها أو عليها فالكل يتعامل مع طالبة وورقة إجابة 

ومعلوم في التعليم إن الفساد بيكون في

تنجيح طالب راسب 

وليس 

ترسيب طالب ناجح 

بعيدة جدا تحياتي

وعموما الله أعلم في النهاية 

تم تعديل 31 أغسطس 2015 بواسطة tarek hassan

[Grandma]

 

لا تنس يا دكتور : ياسر .... إن أنا معلم ومستحيل اللي قالته لأن كل معلم بيصحح سؤال والورقة بتفوت على ناس كتير

ومش ممكن الناس دي كلها تتواطأ على الكذب ومعاهم القضاء والخبراء والشئون القانونية واللجان الخاصة

أنا شفت التصحيح المنشور وهو مظبوط واحترافي وإن كان ليه ملاحظات شكلية عليه وليست فنية

وأعترض على كلمة مصحح ولكن التسمية الحقيقية مقدر وليس مصححا ولذلك وضع علامة خطأ على الإجابة عدم خبرة 

أما كلام حضرتك معقول ومش معقول فلا يمكن أن تدار الأمور بهذه الطريقة ولا أن تعطى الدرجات بالعواطف أو أحلام اليقظة أوالضغط الإعلامي وإدعاء المرض أو حتى المرض ذاته أو النظر للديانة لها أو عليها فالكل يتعامل مع طالبة وورقة إجابة 

ومعلوم في التعليم إن الفساد بيكون في

تنجيح طالب راسب 

وليس 

ترسيب طالب ناجح 

بعيدة جدا تحياتي

وعموما الله أعلم في النهاية 

 

 

يا أستاذ طارق على ما يبدو ان ورق اجابة الطالبة اتبدل مع طالب معين متوصي عليه 

ودا حصل في اللجنة قبل التصحيح ... الطالب اكيد متوصي يكتب الاسئلة فقط و بنفس خط الطالبة بعد دراسته

و بعد كدا تتبدل ورقته مع البنت اللي معروف انها طالبة متفوقة 

وفين مدرسينها ؟ هما اكتر ناس ممكن يقيموها 

و تاريخها الدراسي السابق لازم يكون في الحسبان 

مافيش حد فجأة بيتغير من طالب متفوق لطالب فاشل 

مستحيل 

[الدكتور ياسر]

على فكرة انا مش معترض على التصحيح خالص.

انا شفت اوراق اﻻجابة المنشورة في الصحف و المنسوبة الى الطالبة.

فعﻻ اﻻوراق و اﻻجابات تستحق اﻻصفار ، لكن هل دى فعﻻ اوراقها ام ﻻ ؟؟

ﻻحظ ان القضية كلها في الكونترول واللعب كله ممكن يحصل فيه ..

عموما زى ما قلتلك ....

الله أعلم ...

[tarek hassan]

لابد وأن نعلم إن أعضاء الكنترول يتم اختيارهم ليس بناء على الأقدمية

وإنما الشرط أن يكونوا ممن يتمتعون بالثقة وهم عصابة يعني مجموعة لا ينفرد أحد منهم بورقة إجابة وفي كل أعمال التصحيح كذلك 

التتك المنزوع من الورقة  تم استرجاعه وعليه نفس الرقم السري الذي على الورقة ومطابق لها وبخطها 

والأوراق التي في الداخل كما هي وفيها إجابات بخطها وبنفس التدبيس لم يتم اللعب فيه 

وأظن أن الجميع ليس لديهم مصلحة في ترسيبها 

وإذا كانوا يريدون تنجيح طالب بدلا عنها فصعب جدا ولكن بطريقة أخرى بسيطة وهي اجتماعهم على الكتابة بورقته بإجابات صحيحة 

ولكن هناك سؤال 

ماذا سيكسب أعضاء الكنترول من فعل ذلك ؟ 

هل سيحصلون على ألف أو ألفين أو ثلاثة ؟ 

إنهم سيخسرون أضعاف أضعاف هذا المبلغ القليل إن هم أقدموا على ذلك 

تحياتي

تم تعديل 31 أغسطس 2015 بواسطة tarek hassan

[Grandma]

 

لابد وأن نعلم إن أعضاء الكنترول يتم اختيارهم ليس بناء على الأقدمية

وإنما الشرط أن يكونوا ممن يتمتعون بالثقة وهم عصابة يعني مجموعة لا ينفرد أحد منهم بورقة إجابة وفي كل أعمال التصحيح كذلك 

التتك المنزوع من الورقة  تم استرجاعه وعليه نفس الرقم السري الذي على الورقة ومطابق لها وبخطها 

والأوراق التي في الداخل كما هي وفيها إجابات بخطها وبنفس التدبيس لم يتم اللعب فيه 

وأظن أن الجميع ليس لديهم مصلحة في ترسيبها 

وإذا كانوا يريدون تنجيح طالب بدلا عنها فصعب جدا ولكن بطريقة أخرى بسيطة وهي اجتماعهم على الكتابة بورقته بإجابات صحيحة 

ولكن هناك سؤال 

ماذا سيكسب أعضاء الكنترول من فعل ذلك ؟ 

هل سيحصلون على ألف أو ألفين أو ثلاثة ؟ 

إنهم سيخسون أضعاف أضعاف هذا المبلغ التافه إن هم أقدموا على ذلك 

تحياتي

 

 

 

يا استاذ طارق فيه حاجة أكيد مش مظبوطة 

الطالبة اللي شوفناها بتتكلم في وسائل الاعلام دي .. ممكن تكتب في كل ورقة  ما يجعلها تحصل على 30 درجة على الاقل لو ما كانتش مذاكرة خالص

و بعدين فيه مدرسين بيقبلوا بألف جنيه رشوة و يكونوا فرحانين ... الفساد في كل مكان وكل مهنة 

 

اللي سربوا بعض الامتحانات دول مش كانوا مدرسين ؟!!

[eslam elmasre]

حدث معي هذا الموقف في العام الماضي 

عندما راجعت درجات ابني في سنة من سنين النقل وجدت ان درجاته في كل المواد مرتفعة الا مادة فدرجته فيها لا تتناسب مع مستواه التعليمي وهنا بدأت اشك ليس في قدرات ابني ولكن في المصححين او لجان الكونترول فذهبت لمديرة المدرسة وواجهتها بدرجات ابني وبدرجته المتدنية في تلك المادة وقلت لها انا متأكد ان الغلط عندكم انتم ولو حدث هذا الامر مع ابن اخر من ابنائي ما شكوت ولكنني اعرف مستوى اولادي التعليمي واعرف قدرات كل واحد فيهم وقلت لها انه لو دخل الامتحان بما تحصله في السنة الماضية لحصل على درجة اعلى من تلك فعندها قامت المديرة واحضرت ترصيد الدرجات وشاركتها في حساب المتوسطات من اعمال السنة وامتحان نصف العام واخيرا امتحان اخر العام فوجدت خطأ ترصيد في الحساب حوالي 20 درجة بالنقص ثم اعلنت اعتذارها واسفها لي وقامت بتعديل الدرجات على الوجه الصحيح 

مش كل واحد ممكن يعمل اللي انا عملته لذلك فمن الممكن ان تجد اخطاء كثيرة لا يعلم بها احد

الخطأ وارد رغم كتيبة المراجعين والمصححين وكل واحد ادرى بمستواه التعليمي 

[أبو محمد]

هى ورقة الإجابة كانت فاضية ؟

أم أن بها إجابات خطأ

إنطباعى إن الأوراق كانت فاضية

[egyptawy]

الموضوع محير قوى ازاى بنت متفوقة فى جميع السنين وفجاءة تجيب صفر 

معروف اد ايه احنا عايشين فى مجتمع فاسد ولا اسبتعد ابدا ضلم البنت المسكينة 

 

 

الفيصل انهم يخلوها تدخل دور تانى وتمتحن تانى مع استثناء انها تاخد الدرجة كاملة 

ولو تفوقت يجب اقالة الوزير فورا

[tarek hassan]

 

هى ورقة الإجابة كانت فاضية ؟

أم أن بها إجابات خطأ

إنطباعى إن الأوراق كانت فاضية

 

 

هي دي الورقة من أولها لآخرها 

http://www.albawabhnews.com/1474738

 

أنا مش معلق لأن أي تعليق لن يزيد من روعته شيء 

 

تم تعديل 1 سبتمبر 2015 بواسطة tarek hassan

[tarek hassan]

تجارة واستغلال ومزايدة في الباطل

فوقي يا مريم

فوقوا يا أهل مريم

هما دول أعداء الوطن واللي حطوا إيديهم في إييد أعداء الوطن

 

[tarek hassan]

الإخوة التجار دعاة الفتنة الذين يريدون جعل الموضوع ذا أبعاد طائفية .....

وكأن مريم المسيحية الوحيدة التي يمكن لها أن تتفوق وتكون من الأوائل 

 شيء مضحك فعلا 

كل عام لا تخلو قائمة المتفوقين ومن طلاب وطالبات مسيحيات وحتى هذا العام وفي الصعيد تحديدا 

إنهم لأغبياء 

تم تعديل 1 سبتمبر 2015 بواسطة tarek hassan

[الدكتور ياسر]

هي دي الورقة من أولها لآخرها 

http://www.albawabhnews.com/1474738

 

أنا مش معلق لأن أي تعليق لن يزيد من روعته شيء 

 

انا بصراحة مش فاهم جورج صبحي اللي كاتب البوست دا عايز ايه بالظبط من الطالبة

مريم ؟؟

يعنى لو هي فعﻻ عارفة ان ليها حق تبطل تطالب بيه عشان فيه ناس زاي اﻻسوانى والبرادعي

بيتكلموا عنها ؟؟ !!

بصراحة منطق غريب ، وطبعا لو فضلت تدافع عن حقها تبقى خائنة وبتساهم في حرق الوطن.

طيب !

مع اﻻعتذار للفاضل سكوربيون.

[أبو محمد]

بصراحة موضوع محير جدا

فى اعتقادى ان اللخبطة ممكن تحصل فى مادة أو اتنين

إنما فى كل المواد ؟ .. مش عارف

على العموم أنا ممكن أصدق أى حاجة تحصل فى منظومة تعليم

نجحت نجاحا باهرا فى مسح عقول أكثر من جيل

[أبو محمد]

انا بصراحة مش فاهم جورج صبحي اللي كاتب البوست دا عايز ايه بالظبط من الطالبة

مريم ؟؟

يعنى لو هي فعﻻ عارفة ان ليها حق تبطل تطالب بيه عشان فيه ناس زاي اﻻسوانى والبرادعي

بيتكلموا عنها ؟؟ !!

بصراحة منطق غريب ، وطبعا لو فضلت تدافع عن حقها تبقى خائنة وبتساهم في حرق الوطن.

طيب !

مع اﻻعتذار للفاضل سكوربيون.

 

أنا لا أعتقد إن هى اللى بتجرى على الفضائيات

مؤكد الفضائيات هى اللى بتجرى عليها

هو احنا ورانا حاجة .. أدينا بنتسلى زى ما قال مبارك

نستبدل الفضائيات بالقانون

ولما يستسلم القانون لضغوط الفضائيات نطلع مظاهرات نطالب بسيادة القانون

فعلا .. مفيش ورانا حاجة

مفيش ورانا بلد مخروبة من زمان وبقالنا خمس سنين ما كوناش عارفين نمسكها منين

وهى عاملة زى الأميبا

أول ما نبدأ نمسك أى خيط .. يطلع لنا 100 مقص يقطعه

[Grandma]

أنا شايفة ان فيه قضية أثيرت هنا أخطر من قضية مريم ...وهي ان اي نقد للحكومة او مؤسسات الدولة او محاولة الكشف عن جانب من جوانب الفساد دا بيعتبره البعض خيانة و خراب وهيضيع البلد !!

هي مصر بالهشاشة دي !!

المطلوب مننا ايه ؟ نسكت على الفساد !!

علشان الفاسدين يسرحوا و يمرحوا على هواهم و براحتهم ؟!!

انتقادنا للفساد دا في صالح الوطن ولا ولن يقلل من وطنيتنا وحبنا لمصر ولرئيسنا .. وماحدش يحاول يلعب على الوتر دا ابدا .

لانه لن يكون احرص منا على مصلحة بلدنا

ومستنقع الفساد ومافيا التعليم لازم نقضي عليهم وما نحطش راسنا في الطين .. في كل مؤسسة فيكي يا مصر يوجد فساد وفاسدين ولازم نتطهر منهم .

النهاردة اثيرت قضية اخرى في الاعلام .. اكتشفوا ان الاثرياء بيدفعوا عشر الاف جنيه نظير ان اولادهم يتكتبلهم الاجابة النموذجية في ورقة امتحان الثانوية العامة .. ومين اللي بيقبض .. الناس اللي في الكنترول .

المفروض نسكت بقى ولا يتحقق في الموضوع دا و يطير فيها رقاب لو ثبت صحة الخبر ؟

تم تعديل 1 سبتمبر 2015 بواسطة Grandma

[أبو محمد]

أنا شايفة ان فيه قضية أثيرت هنا أخطر من قضية مريم ...وهي ان اي نقد للحكومة او مؤسسات الدولة او محاولة الكشف عن جانب من جوانب الفساد دا بيعتبره البعض خيانة و خراب وهيضيع البلد !!

هي مصر بالهشاشة دي !!

المطلوب مننا ايه ؟ نسكت على الفساد !!

علشان الفاسدين يسرحوا و يمرحوا على هواهم و براحتهم ؟!!

انتقادنا للفساد دا في صالح الوطن ولا ولن يقلل من وطنيتنا وحبنا لمصر ولرئيسنا .. وماحدش يحاول يلعب على الوتر دا ابدا .

لانه لن يكون احرص منا على مصلحة بلدنا

ومستنقع الفساد ومافيا التعليم لازم نقضي عليهم وما نحطش راسنا في الطين .. في كل مؤسسة فيكي يا مصر يوجد فساد وفاسدين ولازم نتطهر منهم .

النهاردة اثيرت قضية اخرى في الاعلام .. اكتشفوا ان الاثرياء بيدفعوا عشر الاف جنيه نظير ان اولادهم يتكتبلهم الاجابة النموذجية في ورقة امتحان الثانوية العامة .. ومين اللي بيقبض .. الناس اللي في الكنترول .

المفروض نسكت بقى ولا يتحقق في الموضوع دا و يطير فيها رقاب لو ثبت صحة الخبر ؟

 

وإيه لازمته العشرتلاف لما الإجابة النموذجية بتتبعت بعد ربع ساعة من الامتحان على الموبايل ؟

ولا هى سبوبة لبتوع الكنترول ؟

الاتهام خطير يا سيدتى ومحتاج دليل

ما هو أنا ممكن أقعد اطلع عشروميت اتهام

:big_boss:

الجهاز جهازنا والكيبورد كيبوردنا

[Grandma]

اللي وجه الاتهام اكيد عنده دليل .. و الدليل اللي قدمه في الخبر ان ابن مسؤول أمني من المنصورة وهو الاول او من اوائل الثانوية العامة اكتشفوا ان ورقته مكتوب فيها الاجابة النموذجية وهو اصلا طالب فاشل

عموما اكيد القضية دي هتكون حديث الساعة بعد قضية مريم .. ويا ما هنسمع بلاوي .