رمضان كنز .. ,والله العظيم كنز الحقوه قبل ما يخلص

[ابو صلاح]

فضل صوم رمضان ايمانا واحتساباً ( ايمانا واحتساباً تعنى : اخلاص الصوم للة وطمعاً فى الثواب )

1 - مغفرة لكل الذنوب التى مضت ( ويكون عن طريق )

- صيام رمضان ايماناً واحتساباً

- قيام ليل رمضان ايماناً واحتساباً ( قيام الليل يكون من بعد صلاة العشاء حتى ماقبل صلاة الفجر سواء كان صلاة تراويح او صلاة تهجد او فى البيت وتكون صلاة قيام الليل ركعتان ركعتان واذا صليت ركعتان فقط بعد العشاء بنية قيام ليل يعتبر انك قمت الليل )

- قيام ليلة القدر ايماناً واحتساباً

2 - عتق الرقبة من النار ( عدم دخول النار )

- كل ليلة من ليالى رمضان يوجد عتقاء من النار

- فى العشرة الأواخر من رمضان يوجد عتقاء من النار

- فى ليلة القدر عتقاء من النار

- افطار صائم يعتقق من النار

3 - شهر يستجاب فية الدعاء

- الصائم عند فطرة دعوة لا تسترد

- دعاء ليلة القدر مستجاب ( ليلة القدر فى العشرة الأواخر من رمضان فى الليالى الفردية 21 , 23 , 25 ، 27 , 29 ) واجتهد بعض العلماء وقالو انها ليلة 27 ولكن اللة اعلم

* شرح معنى كلمة ليلة ( ليلة رمضان تعنى مساء اخر يوم فى شعبان ) بمعنى ان ليلة 27 من رمضان سوف تكون فى مساء يوم 26 من رمضان

4 - كنوز من الحسنات

- يضاعف اللة الحسنات على كل الأعمال الصالحة التى تفعلها

- الثواب يكون اكثر من 700 ضعف

- ثواب الصيام سر من اسرار اللة لعظمة اجرة وثوابة

5 - ليلة القدر خير من الف شهر

- كل ثواب وعمل صالح تعملة فى هذة الليلة يكون ثوابة كأنك تفعلة طوال 84 عام

- الدعاء والعبادة مستحاب فيها

- ينزل جبريل علية السلام الى الأرض فى هذة الليلة

6 - يفرح اللة بطاعة عبادة فى تلك الشهر

تم تعديل 11 أكتوبر 2005 بواسطة عصام شوقى

[ابو صلاح]

فاضل 20 يوم ويخلص .... لو العزيمة قلت لازم نقويها .... وماتشلش فوق طاقتك .. وشيل على قدك... فعمل قليل دائم خير من كثير زائل

فرصة للناس اللى بتشرب سجاير تبطل فى هذا الشهر

فرصة لأصحاب اى عادة سيئة ان يتخلصوا منها فى هذا الشهر

فرصة لمعرفة نفسك الحقيقية بدون وسوسة شيطان ... وتكتشف اية مميزاتك واية سلبياتك

فرصة لأخذ تموين من الطاقة الروحية تقدينا لحد رمضان اللى جاى

يارب بارك لنا فى رمضان هذا العام ... واجعلة نقطة تحول ايجابية فى حياتنا ... واعتقنا فى هذا الشهر من النار .. نحن لا نستحق ذلك ولكن انت العفو الكريم

يارب اجعل اعمالنا خالصة لوجهك الكريم ... وإرزقنا الإخلاص والتوحيد ... واجعل مصيرنا الجنة وإجعلنا نسعى سعيها .. فالجنة عروسة جميلة .. مهرها غالى .. وليست سهلة المنال .. ولكن نطمع فى كرمك يا اللة ان تعطينا القدرة على الوصول اليها

[مصرية الهوى]

آمين .. آمين .. آمين .. يارب العالمين ..!!

فعلاً الواحد يشعر بالألم .. بالحرمان .. بالضياع .. عندما يرى فتور همته .. وقلة عزيمته ..

:wub:

يارب ارحمنا برحمتك التي وسعت كل شيء..

اللهم أعنا على ذكرك .. وشكرك .. و حسن عبادتك ..

[ابو صلاح]

خلاص يا جماعة فاضل 6 او 7 ايام ويخلص الشهر العظيم ... بس والاهى الواحد مش هاين عليه اانه يسيبو رمضان .. والواحد بيتمنى ان تكون السنه كلها رمضان .. سبحان الله اللى خلا شهر رمضان فيه بركة كده .. وفعلاً تحس انه شهر عظيم وشهر كله نفحات روحانية من الله .. والشهر بيخلص بسرعة جداً .. مش هتصدقوا ان حاسس ان رمضان كان أول امبارح.. يااااه

ياترى ليلة القدر عادت ولا لأ.. ولو لسا ياترى هنجبها .. ولو جبناها ياترى ربنا هيتقبل منا .. ياترى هنتعتق من النار فى الشهر الكريم ده ... يارب ما تحسبناش باللى احنا نستحقو واللى احنا بيه اهل ولكن حاسبنا برحمتك وبكرمك واعتقنا من النار بكرمك وعفوك

اللهم انك عفو كريم تحب العفو فاعفو عنا

اجتهدوا يا جماعه فى اللى باقى من رمضان من كل انواع العبادات ... وسيبوا كل حاجه وتفرغو لله فى اللى باقى من رمضان

- ياللى بتتفرج على المسلسلات ... سيبها دلوقتى وابقى اتفرج عليها بعد رمضان ولو خلاص مش قادر تسبها سجلها فيديو وابقا اتفرج عليها بعدين

- ياللى بتحب الرغى .... اصبر شويا وحاول تتكلم مع الله فى اللى باقى من رمضان وادعى كتير ده شهر استجابة الدعاء

- ياللى بتحب قعدة النواصى ... سيبك من القعدة دلوقتى وروح صلى الباقى من التراويح والتهجد

- يا اللى سرحان ... فوق ده عتق من النار مش اى كلام .. الحقه قبل ما يخلص

والاهى الكلام ده يا جماعة بقولو لنفسى قبل ما قولهولكم

اللهم اعنى على ذكرك وشكرك وحسن عبادتك ( امين يا رب )

[ابو صلاح]

- الصائم عند فطرة دعوة لا تسترد

تصحيح

للصائم حتى فطره دعوة لا تسترد

واأسف على الخطأ الغير مقصود

____________________________________________________

[ENG. BEHAIRY]

جزاك الله خيرًا على ما قدمت من إيضاح ونُصح وتذكير

ولعل من المناسب الإشارة هنا لأمرين :

= الأول : أن دعوة الصائم عمومًا مستجابة ، فقد ‏قَالَ رَسُولُ اللَّهِ ‏ ‏صَلَّى اللَّهُ عَلَيْهِ وَسَلَّمَ ‏ ‏ثَلاثَةٌ لا تُرَدُّ دَعْوَتُهُمْ الإِمَامُ الْعَادِلُ وَالصَّائِمُ حَتَّى يُفْطِرَ وَدَعْوَةُ الْمَظْلُومِ يَرْفَعُهَا اللَّهُ دُونَ الْغَمَامِ يَوْمَ الْقِيَامَةِ وَتُفْتَحُ لَهَا أَبْوَابُ السَّمَاءِ وَيَقُولُ بِعِزَّتِي لَأَنْصُرَنَّكِ وَلَوْ بَعْدَ حِينٍ

= الثانى :أن الله يخص عبده بمزيد من الفضل عند اكتمال صوم يومه ، وذلك بدعوة مستجابة عند فطره ، وهى التى ذكرها الأخ محمود صلاح :

- للصائم عند فطرة دعوة لا تسترد

<{POST_SNAPBACK}>

و صحة نص الحديث :‏ (‏ ‏إِنَّ لِلصَّائِمِ عِنْدَ فِطْرِهِ لَدَعْوَةً مَا تُرَدُّ )

اللهم برحمتك التى وسـعت كل شيء لا تحرمنا فضلك

الذى تختص به من تشــاء ، وأنت ذو الفضل العظيم

تم تعديل 6 نوفمبر 2005 بواسطة ENG. BEHAIRY