صرخة النصر التى أطربتنى .. برغم صمت الصورة

[أبو محمد]

بنت مصرية "رنيم الوليلى" تتصدر التصنيف العالمى للاسكواش

لم أشاهد الفيديو بعد

ولكن صرخة النصر هذه أطربتنى

بنات مصر جدعان

وليخسأ فريق الألش والسخرية اللا إرادية

الذى أهان بنت بلدى فى تعليقاته على مظاهرات لبنان

ولا يسعنى إلا أن أقول لهذا الفريق "المتدرب" .. بانت ريحتكم يا حَوَش

 

ألف مبروك يا رنيم .. ألف مبروك يا بنتى

 

[Grandma]

الله عليكي يا رنيم .. رفعتي راس مصر وبنات مصر ورديتي اعتبارهم .

ألف مبرووووك للبطلة الجميلة .

لازم نهتم بقى بالالعاب الفردية مش كله كورة قدم .

[أبو محمد]

وكمان محمد الشوربجى

على قمة التصنيف العالمى للاسكواش حاليا

 

أدخل على قائمة التصنيف العالمى للاسكواش

وشوف الشباب المصرى مسيطر ازاى

http://www.worldsquash.org/ws/athletes/psa-rankings

ألف مبروك يا شباب مصر

 

[Grandma]

وكمان ألف مبروووووك لشباب مصر 

و الله وعملوها الرجالة ورفعوا راس مصر بلدنا 

واضح ان المصريين لعيبة سكواش 

[أبو محمد]

بدأنا نطلع على وش الدنيا فى أواخر التسعينات

كان فيه لاعب اسمه احمد برادة وصل للنهائيات

وكان مبشر .. لولا انه اتصاب الله أعلم فى عركة أو محاولة اعتداء غامضة

المهم انه تحول بعد كده لمطرب وممثل أقل من العادى ثم اختفى

بعدها على طول طلع عمرو شبانة .. اخد بطولة العلم مرتين

وبس

لغاية الولاد والبنات دول ما طلعونا تانى على وش الدنيا

[أبو محمد]

يا برودك البريطانى يا أخى.. أدينى خليتهالك بالازرق

يابو عين تفلق الحجر

 

السفير البريطاني عن تصدر لاعبة مصرية في الإسكواش التصنيف العالمي: «مفيش فايدة»

• 

الأربعاء ٢ سبتمبر ٢٠١٥ - ٠٦:٤٣:٤٦ م

 

علّق السفير البريطاني بالقاهرة، جون كاسن، على تصدر رنيم الوليلي، بطلة منتخب مصر للإسكواش، قمة التصنيف العالمي، قائلًا: «مفيش فايدة».

وكتب السفير البريطاني في تغريدة على حسابه بموقع «تويتر»، الأربعاء: «المصريون سيطروا على الإسكواش.. #مفيش_فايدة».

وللمرة الأولى فى تاريخ الرياضة النسائية، تتصدر لاعبه مصرية قمة التصنيف العالمى بعد أن تربعت لاعبة المنتخب الوطنى للإسكواش رنيم الوليلى على عرش تصنيف السيدات لتكون أول لاعبة مصرية تحصل على هذا الإنجاز، وذلك فى التصنيف الذى أصده الاتحاد الدولى للإسكواش، الثلاثاء.