تنتخبوا مين ؟

[أبو محمد]

دلوقت انتخابات مجلس النواب .. بتدق عالأبواب

حد فكـَّر هينتخب مين ؟

أو على الأقل هينتخب أى توجه من اللى عمالين يرطرطوا وبدأوا ينزلوا اللافتات

 

مين اللى ممكن يؤتمن على تشريعات خاصة بالاقتصاد والأمن القومى ومحاربة الفساد (بجد مش حنجوريات)

 

* عكاشة مثلا اللى هربان من حكم نفقة ومنكر لإبنه من زوجته السابقة

اللى بيفهم المستمعين إن جسم الإنسان فيه غدة اسمها "الغدة النشوية" ؟

 

* والا الأخوة بتوع السلام الوطنى المصرى حرام إنما الأمريكانى حلال

واللى بدأوا يتاجروا بعلاج فيروس سى ؟

 

* والا الأخوة اللى بيعتبروا مصر ولاية فى دولة الخلافة السلجوقية العثمانلية ؟

وكانوا بيعاملوا الأغا على إنه الخليفة وهم الولاة ؟

 

* والا الأخوة اللى بيقولوا الدم كله حرام بما فيه دم حبارة والواد اللى رمى العيال من فوق السطح فى سيدى جابر ؟

لأن دم المؤمن على المؤمن حرام ؟

 

* والا شمامين الكولة بتوع يسقط حكم العسكر ويسقط قانون التظاهر

ودومة لازم يخرج عشان يحرق المجمع العلمى تانى ؟

 

* والا الأخوة بتوع حرية الإعلاميين فى الكذب والتلفيق وترديد الدعايات من أمريكانى لقطرى لتركى ؟

وإن الجزيرة هى نموذج الرأى والرأى الآخر ؟

 

* والا بتوع آسفين يا ريس وعز والعادلى من حقهم يترشحوا وينزلوا انتخابات النواب ؟

وإن جمال وعلاء هم قادة "جيل المستقبل "؟

 

* والا بتوع دكاكين حكوك الإنسان بتوع عقوبة الإعدام لازم تتلغى واللى بيفجر المصريين كفاية عليه قرصة ودن ؟

أو على الأقل تتوقف مؤقتا إلى حين انتهاء محاكمة الإخوان المذنبين ؟

 

* والا الليمونجية بتوع كلنا خالد سعيد وكلنا مريم ملاك من علاء الأسوانى وبلال فضل ويسرى فودة وريم ماجد ؟

 

* والا شلة ساويرس بتوع أمريكا حلوة واحنا صراصير .. ويخلوا الجلاد يطلع مقالات بعنوان "أنا صرصار" ؟

 

والا مين .. والا مين .. يا ناخبين ؟

[أبو محمد]

انتخابات مجلس النواب هي سباق بين الأحزاب و الأفراد للفوز باكبر عدد من المقاعد

وبرغم أن رئيس الدولة المنتخب الغير حزبي ليس ضمن السباق نهائيا

إلا أن صورة السيسي وشعار تحيا مصر عامل مشترك في كل حملات الدعاية حتى الآن

 

فاكرين دور عسكراني بتاع فؤاد المهندس ؟

ده بقى فيلم "عسكرانى في مجلس النواب" !

:)

شكلكم وحش قوي .. وريحتكم طلعت !

[Grandma]

حضرتك هتختار مين يا ابو محمد شاورلنا و احنا هنختار زيك  :coffeenews: 

[أبو محمد]

حضرتك هتختار مين يا ابو محمد شاورلنا و احنا هنختار زيك  :coffeenews: 

 

هو انا لو عارف كنت سألت ؟

Let's wait and see

يمكن ينزل فى دايرتنا حد نعرفه

الظاهر اننا هنعمل زى اللى بيشترى بطيخ

يمسك البطيخة يطبطب عليها ويسيبها يمسك واحدة تانية يطبطب عليه

وبعد ما يطبطب على كل البطيخ

يروح البيت يلاقيها قرعة

 

يا سيدتى .. ما عندناش أحزاب .. ما عندناش ساسة معروفين لرجل الشارع

عندنا ناس ماسكة ميكروفونات ومتخصص لهم ساعات على الفضائيات

وبدل ما يشتغلوا إعلاميين .. بيعملوا علينا مفكرين

زى القرموطى واحمد موسى وعكاشة وعمرو أديب

[Grandma]

 

هو انا لو عارف كنت سألت ؟

Let's wait and see

يمكن ينزل فى دايرتنا حد نعرفه

الظاهر اننا هنعمل زى اللى بيشترى بطيخ

يمسك البطيخة يطبطب عليها ويسيبها يمسك واحدة تانية يطبطب عليه

وبعد ما يطبطب على كل البطيخ

يروح البيت يلاقيها قرعة

 

يا سيدتى .. ما عندناش أحزاب .. ما عندناش ساسة معروفين لرجل الشارع

عندنا ناس ماسكة ميكروفونات ومتخصص لهم ساعات على الفضائيات

وبدل ما يشتغلوا إعلاميين .. بيعملوا علينا مفكرين

زى القرموطى واحمد موسى وعكاشة وعمرو أديب

 

 

 

ما كل الناس بقت مفكرة ...جت على الاعلاميين !!

عموما شكلنا مش هنختار غير سما المصري 

الست واضحة و ع السكين   

[التونسى]

لو حختار .. حختار نائب  مؤيد عندما يلزم التأييد ..ومعارض عندما تلزم المعارضه .. أى يكون ((إتنين فى واحد)) .. يؤيد بموضوعيه وعقلانيه عند اللزوم   .. ويعارض من منطلق حب وبناء عند اللزوم

 

كلام يبدو وكأنه كلام إنشائى  بديهى أو غير منطقى أو واقعى  .. يجوز .. ولكن اذا تحدثت ((بشكل محدد)) أنا شايف إن  لازم اللى يمثلوا الشعب فى البرلمان  القادم يكونوا اشخاص مشهود لهم بالاخلاص والوطنيه والنزاهه والتخصص ((عبر تزكيه و تصديق حكومى وسيادى)) ...ويكونوا  خارجين من حزب واحد او اتجاه واحد أو قايمه واحده  .. ومن ألاخر يعنى يكونوا خارجين من عباءة الدوله ((الاغلبيه الاعم منهم)) .. واقرب كيان ل اللى بقوله هو مايسمى تكتل او قائمة أو حزب ((فى حب مصر))  .. حتقولولى تعرف عنه ايه .. حقولكم معرفش تفاصيل كتير .. مجرد كلام استشفيته من احد المنتمين لذلك التيار والذى كان فى السابق من رجال الحزب الوطنى المنحل ..أثناء حديث او دردشه معه 

[أبو محمد]

الشعب الذى يسئ الاختيار ولا يتعلم من تجاربه

لا يمكن وصفه بأنه "ضحية"

فهو "شريك" أصيل فى الجريمة

[أبو محمد]

 

الشعب الذى يسئ الاختيار ولا يتعلم من تجاربه

لا يمكن وصفه بأنه "ضحية"

فهو "شريك" أصيل فى الجريمة

 

 

[eslam elmasre]

بما انك يا عم ابو محمد شركت كل القوى السياسية ولم يتبق منهم احد الا واخذ نصيبه من التجريح لم يتبق امامنا الا قوى وحيدة لم يتم تجريحها 

كما انها اثبتت انها القوى الوحيدة الناجحة في مصر وفي ادارة مصر 

هذه القوى هي قوة العسكر وماتقوليش ازاي عسكر 

يعني نجيب كام ظابط ونقلعهم لبس الميري ونلبسهم بدل على كرافاتات ودي حاجة مش جديدة علينا وبكده نخرج من حكم العسكر المقيت 

نجيب الظباط دول ونلبسهم بدل مدني وننجحهم في مجلس الشعب ونعمل مجلس شعب من ناس اثبتو انهم انجح وانجع ناس في مصر وبكده مش هاتلاقي تخوين ولا تجريح وهايبقى الكل مبسوط وعلي رأي زهيري وذهب القوم فرحين مهلليل 

[أبو محمد]

بما انك يا عم ابو محمد شركت كل القوى السياسية ولم يتبق منهم احد الا واخذ نصيبه من التجريح لم يتبق امامنا الا قوى وحيدة لم يتم تجريحها 

كما انها اثبتت انها القوى الوحيدة الناجحة في مصر وفي ادارة مصر 

هذه القوى هي قوة العسكر وماتقوليش ازاي عسكر 

يعني نجيب كام ظابط ونقلعهم لبس الميري ونلبسهم بدل على كرافاتات ودي حاجة مش جديدة علينا وبكده نخرج من حكم العسكر المقيت 

نجيب الظباط دول ونلبسهم بدل مدني وننجحهم في مجلس الشعب ونعمل مجلس شعب من ناس اثبتو انهم انجح وانجع ناس في مصر وبكده مش هاتلاقي تخوين ولا تجريح وهايبقى الكل مبسوط وعلي رأي زهيري وذهب القوم فرحين مهلليل 

 

يا ريت ينفع

تنكر إنها المؤسسة أو الهيئة أو الكيان الوحيدة فى البلد ، التى إذا أوكل إليها القيام بعمل

تنجزه كما يجب وفى الوقت المحدد ؟

ياريت ينفع

[tarek hassan]

 

انتخابات مجلس النواب هي سباق بين الأحزاب و الأفراد للفوز باكبر عدد من المقاعد

وبرغم أن رئيس الدولة المنتخب الغير حزبي ليس ضمن السباق نهائيا

إلا أن صورة السيسي وشعار تحيا مصر عامل مشترك في كل حملات الدعاية حتى الآن

 

فاكرين دور عسكراني بتاع فؤاد المهندس ؟

ده بقى فيلم "عسكرانى في مجلس النواب" !

:)

شكلكم وحش قوي .. وريحتكم طلعت !

 

 

خذها مني ثقة عن علم ومعرفة واحتكاك يا أبا محمد

إن تأييد حزب النور للسيسي ( الغالبية العظمى ) يقتصر فقط على هذه الصور وهذا شيء معلوم ومفهوم لهم وللمحيطين بهم وواضح من المبالغة في عدد الصور التي يحملها هؤلاء للضرورة والضرورات تبيح المحظورات هنا ومن تصويرهم بها في مكان مغلق وليس جهرا ثم نشرها على الفيسبوك للضحك على الدقون ولن تظهر هذه الصور إلا في كل انتخابات 

وفي انتخابات الرئاسة لم يذهب أحد منهم إليها ولم يعطوا أصواتهم له

ولكن من باب التقية أو النفاق أو النفعية أو كما قيل في المثل الذي لا أتذكر إلا جزءا منه وهو .... آمنت بس اللي في القلب في القلب 

ليس المطلوب في المرشح أن يكون 

عسكريا ولكن نريده أن يكون مع الدولة ويدعم مؤسساتها من جيش وشرطة وقضاء ومخابرات ...

وإذا كان الإخوان سيدخلون الانتخابات تحت مسمى أنا مش إخوان بس بحترمهم 

فما المانع أن يكون المرشح المقابل بيقول أنا مش جيش بس بحترمهم 

أو أنا مش منتم لمؤسسات الدولة ولكن أنا مع البلد ومؤسساتها 

سينصب اهتمامي على التحذير ممن يلبسون قميص السيسي ليحققوا أغراضهم به

واللي إتلسع من الإخوان ينفخ في حزب النور 

تم تعديل 6 سبتمبر 2015 بواسطة tarek hassan

[tarek hassan]

[eslam elmasre]

يا ريت ينفع

تنكر إنها المؤسسة أو الهيئة أو الكيان الوحيدة فى البلد ، التى إذا أوكل إليها القيام بعمل

تنجزه كما يجب وفى الوقت المحدد ؟

ياريت ينفع

وماينفعش ليه

كل شيء في المحروسة ممكن يحصل

زي مالشعب اختار رئيس ذو خلفية عسكرية

وزي ما غالبية الجهاز التنفيذي في مصر ذو خلفية عسكرية

يبقى ايه المانع ان اعضاء مجلس الشعب يكونو ايضا ذو خلفية عسكرية

لانهم اثبتو انهم انجح ناس في مصر بدليل ان الجهاز الاداري في مصر حدثت له طفرة نوعية وان اكوام القمامة زيلت من على وجه الارض وان شبكة الطرق والكباري شهدت نموا ملحوظا على ايديهم

وكمان يبقى زيتنا في دقيقنا والقوانين يتم التصقيف والترحيب بها بدون مشاكل ولا وجع دماغ

بس برو لازم نجيب كام واحد من الحنجوريين عشان يحلو الجو ويسخنو الجلسات

لكن غالبية اعضاء المجلس من مصلحة مصر ان يكون غالبيتهم ذو خلفية عسكرية وبكدة نضمن ولائهم والمركب تمشي والكلاب تعوي

[أبو محمد]

وماينفعش ليه

كل شيء في المحروسة ممكن يحصل

زي مالشعب اختار رئيس ذو خلفية عسكرية

وزي ما غالبية الجهاز التنفيذي في مصر ذو خلفية عسكرية

يبقى ايه المانع ان اعضاء مجلس الشعب يكونو ايضا ذو خلفية عسكرية

لانهم اثبتو انهم انجح ناس في مصر بدليل ان الجهاز الاداري في مصر حدثت له طفرة نوعية وان اكوام القمامة زيلت من على وجه الارض وان شبكة الطرق والكباري شهدت نموا ملحوظا على ايديهم

وكمان يبقى زيتنا في دقيقنا والقوانين يتم التصقيف والترحيب بها بدون مشاكل ولا وجع دماغ

بس برو لازم نجيب كام واحد من الحنجوريين عشان يحلو الجو ويسخنو الجلسات

لكن غالبية اعضاء المجلس من مصلحة مصر ان يكون غالبيتهم ذو خلفية عسكرية وبكدة نضمن ولائهم والمركب تمشي والكلاب تعوي

طب ما تشرفنا فى الموضوع ده يا أستاذ إسلام

:)

إنا بابقى هناك

[أبو محمد]

بما انك يا عم ابو محمد شركت كل القوى السياسية ولم يتبق منهم احد الا واخذ نصيبه من التجريح