أهرام .... أخبار .... جمهورية

[Alshiekh]

لفت نظرى ان الصحف الثلاث المسماة قومية جاءت عناوينها الرئيسية تحمل موضوعا واحدا

الأهرام

قمة مصرية ـ أردنية ـ بحرينية

حول الأوضاع في العراق والسودان وسوريا ولبنان

مبارك وعبدالله وحمد ناقشوا المستجدات

علي الساحة الفلسطينية بعد انسحاب إسرائيل من غزة

جلسة مغلقة للزعماء الثلاثة قبل انضمام الوفود الرسمية

استكمال المباحثات علي مائدة إفطار تكريما للضيفين الكبيرين

الاخبار

الجمهورية

مبارك وعبدالله وحمد ناقشوا القضايا العربية الساخنة

إنجاح العملية السياسية بالعراق .. دعم السلطة الفلسطينية

عواد: الرئيس مشغول بالانتخابات .. ولا زيارات خارج مصر

سوريا تستحق الإشادة لتعاونها مع بعثة التحقيق

فى حين اننى بحثت فى كل الاخبار المعنية بمصر والشرق الاوسط على الشبكة العنكبوتية اللى بتجيب التايهة بس مالقيتش اى اشارة من قريب او من بعيد ، لدرجة انى اعتقدت وانتوا عارفين الشيطان شاطر ، اعتقدت ان وكالات الانباء العالمية واخدة موقف من القادة بتوعنا علشان مايغطوش على القادة بتوعهم.

ياترى بقى كانوا بيقولوا ايه فى اجتماعهم المغلق ده؟ كانوا بيتكلموا ياترى عن الخطة الخمسية لتزوير انتخابات مجلس الشعب ؟ ام ترى يتحدثون عن ان حركة كفاية وسعتها شويتين وواخدين الموضوع بجد وده مش كويس علشان الناس بتوع الاردن ممكن يقلدوهم؟ والا ياترى كانوا بيخططوا لو حصل وتم الاطاحة باى واحد فيهم ان الباقيين يقوموا بالواجب ويقعدوه عندهم؟

قمة ايه واجتماع مغلق ايه واجتماع مفتوح ايه اللى بيقولوا عليه.

وايه " الرئيس مشغول بالانتخابات " - زى ماعواد بيقول ، هو مين عواد ده؟ - انتخابات ايه اللى مشغول بيها؟ هو مرشح نفسه ثانى والا ايه الحكاية؟ والا يمكن مرشح نفسه لمجلس الشعب؟

ارحمونا بقى