سين _ سؤال

[Grandma]

مساحة مخصصة للأسئلة .... تجاوب ما تجاوبش انت حر 

 

لان السؤال مش شرط يكون له جواب 

و ممكن يكون له جواب ما نعرفهوش 

اللي يعرف يجاوب

و اللي ما يعرفش يحاول يبحث عن الاجابة 

 

أسئلة من كل نوع ومن أي نوع

أسئلة عادية و عجيبة أو غريبة 

أسئلة استفهامية أو ساخرة 

 

المهم إسأل 

إسأل أي سؤال يخطر على بالك ما تحبسهوش 

و يا تلاقي إجابة يا ما تلاقيش 

بختك يا ابو بخيت 

 

 

 

 

 

[Grandma]

_ مين أبو بخيت دا  ؟

 

أكيد له قصة ...حد يعرفها ؟!! 

[Scorpion]

هو ايه اساسآ اصل كلمة بخت دي ؟؟

 

هي بتدل عالحظ .. لكن بخت في العربي يعني جمل

ايه بقي العلاقة بين الجمل و الحظ ؟

[أبو محمد]

هو ايه اساسآ اصل كلمة بخت دي ؟؟

 

هي بتدل عالحظ .. لكن بخت في العربي يعني جمل

ايه بقي العلاقة بين الجمل و الحظ ؟

 

لو بضم الباء تبقى جمال يعنى إبل وبالذات الخراسانى (مش الخرسانى)

لو بفتح الباء تبقى حظ وفى نفس الوقت تبقى جد

المصدر

اللغة الأربية دى هاجة غريبة هالص

[Grandma]

هو ايه اساسآ اصل كلمة بخت دي ؟؟

 

هي بتدل عالحظ .. لكن بخت في العربي يعني جمل

ايه بقي العلاقة بين الجمل و الحظ ؟

 

بخت بالفتحة مش بالضمة زي ما قال الفاضل ابو محمد 

 

بس كلامك فكرني بتعبير ( هم يا جمل) اللي بنقولها للأطفال واحنا بنأكلهم 

( هم ) باللغة المصرية القديمة يعني كُل يا جمل 

طيب اشمعنى الجمل يعني ؟!!

يكونش عاوزين الطفل يجتر أكله وما يرجعش يا كل تاني !!!

[Grandma]

 

لو بضم الباء تبقى جمال يعنى إبل وبالذات الخراسانى (مش الخرسانى)

لو بفتح الباء تبقى حظ وفى نفس الوقت تبقى جد

المصدر

اللغة الأربية دى هاجة غريبة هالص

 

 

على فكرة السؤال كان عن ( بخيت ) مش البخت 

دورلنا بقى في اللغة العربية عن المقصود 

معاك دقيقتين ونص فات منهم 60 ثانية 

[Grandma]

_ ليه بعض الرجال  بيطولوا أظفر اصبعهم الخنصر ؟!!!

[أبو محمد]

_ ليه بعض الرجال  بيطولوا أظفر اصبعهم الخنصر ؟!!!

 

آه صحيح ليه ؟

هل لهذا علاقة بالقذارة ؟

:)

لأنى لاحظت رجالة مربية ضوفر الخنصر عشان يسلكوا بيه سنانهم

[Grandma]

ليه كل واحد عنده محل في مصر بالذات بيضم له مساحة من الرصيف بنفس مساحة محله ؟!!

الجزار / الفرارجي / الفكاهاني / السماك / الخ

و ليه مافيش رقابة عليهم تلزمهم بحدود مساحة محالاتهم ؟!!!

[Grandma]

من هو اول من استخدم الشوك و الملاعق و السكاكين ؟

 

و ليه الشوكة فيها اربع اصابع مش 3 ولا 5 ؟ 

[Grandma]

ليه الضوء له سرعة و الضلمة مالهاش ؟ 

[أبو محمد]

ليه الضوء له سرعة و الضلمة مالهاش ؟ 

:)

من قال هذا ؟

إن لها نفس سرعة الضوء

فعندما يغيب الضوء .. تحل الضلمة محله .. بنفس السرعة

[Grandma]

 

:)

من قال هذا ؟

إن لها نفس سرعة الضوء

فعندما يغيب الضوء .. تحل الضلمة محله .. بنفس السرعة

 

 

مش متأكدة من المعلومة دي 

دا بيعتمد على الاصل في الكون الظلام ولا النور ؟

العلماء زمان كانوا بيقولوا الظلام لان الفراغ مظلم و بعد كدا رجعوا قالوا النور 

لكن مافيش تأكيد 

في الاسلام الله نور السموات و الأرض 

يعني الأصل النور 

 

وانا باعتقد ان الأصل هو  النور اللي هو متحرك و بيصل من مكان لمكان

بينما الظلام ثابت لا يتحرك 

[Scorpion]

لو أنت .. أي انت .. اتولدت في عيلة غير عيلتك .. ايه نسبة تغييرك لعقيدتك اللي ادوهالك ؟؟

[Grandma]

لو أنت .. أي انت .. اتولدت في عيلة غير عيلتك .. ايه نسبة تغييرك لعقيدتك اللي ادوهالك ؟؟

 

 

نسبة ضعيفة جدا تصل لدرجة الاستحالة 

هذا ما وجدنا عليه اباءنا 

هو احنا لسه هنغير ... اللي تعرفه أحسن من اللي ما تعرفهوش 

[Scorpion]

هما الحلاقين بيقفلوا ليه يوم الاتنين ؟

[أبو محمد]

هما الحلاقين بيقفلوا ليه يوم الاتنين ؟

:)

عشان المكوجية بيبقوا قافلين

[أبو محمد]

هو فريد الاطرش كان بيسأل مين السؤال اللى مالهوش إجابة ده

ليه كل الأزهار بتحبك والطير والناس ؟

علشان الرقة اللى فى قلبك والا الإحساس ؟

دا حتى ماجدة وفاتن كانوا كل شوية يقولوله

ما اعرفشى .. ما افهمشى

[Grandma]

 

هو فريد الاطرش كان بيسأل مين السؤال اللى مالهوش إجابة ده

ليه كل الأزهار بتحبك والطير والناس ؟

علشان الرقة اللى فى قلبك والا الإحساس ؟

دا حتى ماجدة وفاتن كانوا كل شوية يقولوله

ما اعرفشى .. ما افهمشى

 

 

مادام رد عليه فاتن و ماجدة يبقى كان بيسألهم هما ... بصرف النظر هما كانوا عارفين الاجابة ولا لأ 

حضرتك مستخسر فيهم السؤال ولا ايه ؟!!  :rolleyes: 

[أبو محمد]

مادام رد عليه فاتن و ماجدة يبقى كان بيسألهم هما ... بصرف النظر هما كانوا عارفين الاجابة ولا لأ 

حضرتك مستخسر فيهم السؤال ولا ايه ؟!!  :rolleyes: 

 

غلط

هو كان يقصد مديحة يسرى بهذا السؤال "التوكيدى"

السؤال اللى انا سألته ده بيطلق عليه اسم "سؤال موجه"