ما هي طريقتك في تعليم طفلك ؟

[tarek hassan]

عندي بنتي الصغيرة (( هنا )) - ما شاء الله - رايحة أولى ابتدائي السنة دي 

أمها كانت مهتمة بيها كتير السنة اللي فاتت 

فكانت البنت يا عيني تطلع من الحضانة على مدرس العربي ثم على مدرس الإنجليزي 

ثم تبدا مجزرة عمل الواجب بما فيها من بكاء واستغاثة 

طبعا أنا متهم بعدم الاهتمام لأن رأيي إنها تعيش طفولتها وإن هذا كله خطأ

حتى مدرس العربي تناقشت معاه لقيته بيدرس لها بالطريقة الكلاسيكية القديمة 

التي لم تعد تصلح لتلاميد هذا الزمان 

ومن هنا 

أدركت إن مش أي حد هيدرس لأطفالك الصغار حتى يكونوا متفوقين 

وأنت كمان 

لا تفرض نفسك مدرسا على طفلك إلا إذا أثقلت نفسك بطرق التدريس الحديثة  

الطرق أصبحت تعمتد على أشياء كثيرة منها المشاركة والنقاش والإثارة والمتعة والتعاون والتحفيز والممارسة والفهم لا الحفظ 

السؤال 

ما هي طريقتك في تعليم ابنك الصغير ؟ 

[أبو محمد]

أنا - شخصيا - نسيت

:)

بس مهتم اعرف منكم

[Grandma]

أعطي ابنك تابلت و سيبه يتعلم 

لما كان اولادي اطفال كان أهم حاجة النقاش 

وكنت لا استعين بمدرسين الا للضرورة 

ودايما كنت بفهمهم ان التفوق في المدرسة  والجامعة مش مقياس للنجاح في الحياة العملية 

على عكس كل الامهات كنت لا اهتم كثيرا بالدرجات النهائية 

وكان معظم اقاربي و أصدقائي بيستعجبوا من برود اعصابي في امتحانات الشهادات 

و الحمد لله اولادي كانوا دايما ناجحين في المدرسة و الجامعة و حياتهم العملية بعد كدا .

المدرسة و الجامعة مش بيعطوا الا مفاتيح العلم و على كل طالب ان يأخذ المفتاح اللي هيفتح بيه باب العلم الذي يهواه و يدخل  ليبحث ويكتشف بنفسه  . 

[tarek hassan]

مرحبا بالفاضل العزيز : أبو محمد 

مازلت أتذكر وأنا في كتاب قريتنا قبل المدرسة 

حينما كتب لي الشيخ العدد ( 15) 

وقال لي : أقرأ هذه العدد 

فقلت له 

هذا خمسة وواحد 

طبعا راح جاب الخيزرانة وعاقبني بشدة 

على الاعتبارات الحديثة أنا لم أكن مخطئا أبدا ولكن المدرس هيعتبر إجابتي رأي واجتهاد عليه درجة لكن غير مكتملة

لأنه كان لازم يفهمني إن الخمسة مع الواحد بيكونوا عدد موكب تاني غيرهم منفصلين 

هذا النوع من التعليم التحفيظي المصحوب بالعقاب لم يعد موجودا 

 

وأحيانا إحنا بنعلم ولادنا الإملاء بنلاقيهم بيكتبوا : 

 

هاذا 

هاذهي 

لاكن 

الرحمان 

محمدن 

ذهبو 

 

بنعاقبهم وبنأذيهم وبنتهم عقلهم ومخهم وفهمهم مع إنهم كتبوا صح 

كتبوا ما أمليناه عليهم وما سمعوه 

ونحن لم نعلمهم إن الكتابة الهجائية لها صور في بعض الكلمات بخلاف النطق 

 

العلم الحديث إقناع وليس تحفيظ 

لأن الحفظ بيوقف المخ 

وبيخرج أجيال حافظة مبرمجة ... مش فاهمة 

 

في التعليم الحديث التلميذ مش قاعد لوحده 

التلميذ قاعد وسط مجموعة جزئية بيساعدوا بعض وبيوصلوا للإجابة مع بعض فيما يسمى التعليم التعاوني 

وهو نوع واحد من أنواع التعليم الحديث 

[أبو محمد]

 

 

هاذا 

هاذهي 

لاكن 

الرحمان 

محمدن 

ذهبو 

 

 

 

أدخل على الفيس بوك هتلاقى العينات دى

عمل لهم إيه التابلت يا مدام Grandma ؟

العلمو نورن

:)

على فكرة بقى أنا باتكلم جد .. هذا كان اقتراحا لعميد الأدب العربى طه حسين الله يرحمه

وقد قوبل بهجوم كاسح وبسخرية من كل من هب ودب

لا يذكر التاريخ إسم واحد منهم .. ولكن إسم طه حسين مكتوب لا ينمحى

كان الرجل يريد استخدام الحروف المتحركة بدلا من علامات التشكيل التى اندثرت مع دخول المطبعة

وكان قصده من ذلك أن يجعل الناس تقرأ وتنطق اللغة العربية الفصحى كما يجب

(أذكر أننى كتبت هذا فى إحدى مداخلاتى القديمة)

فكان يقول مثلا : لكى ننطق اسم طه حسين نطقا صحيحا ينبغى أن نكتبه هكذا :

طاها حوساين

وعملا بمقولته الشهيرة :

"لغتنا العربية يسر لا عسر ونحن نملكها كما كان القدماء يملكونها"

فإنه كان يقول إن حروف التشكيل دخيلة على اللغة العربية وأنها دخلت فى العصر الأموى

فلماذا لا نتحرك ونستعمل الحروف المتحركة كما هو الحال فى باقى اللغات "الحية" ؟

[tarek hassan]

الأستاذة : Grandma

تفاعلك إيجابي جدا لأن حضرتك قلتي عدة أمور مهمة وهي

1-    إنه ممكن نعتبر التابلت نوعا من التعليم اسمه الألعاب التعليمية يجعل التعليم متعة

2-    النقاش مهم جدا حتى ينتج هو المعلومة بنفسه وعن اقتناع فالمعلومة التي تكون من إنتاج الطالب عمره ما ينساها  أبدا

3-    عدم الاستعانة بمدرس إلا للضرورة شيء إيجابي جدا حتى يصل لمرحلة الفطام والاعتماد على النفس

4-    ظني إن برود الأعصاب بيكون سبب في عدم  توتر الطفل وضمان لسيطرة النفس وعدم لجوئها للعقاب

تمام سبقتي العلم الحديث

أو هو أخد منك

تحياتي 

[Salwa]

لما لويس انريك - المدرب الحالى لقريق  البرشلونة- دخل البرسا كلاعب

كان المدرب ايامها  فان جال ..الهولندى ..حاليا هو مدرب المانشستر يونايتد.

المهم..

سأل اللاعب الجديد المتحمس قائلا...

امامك خريطة لطريقة اللعب ...تحب تكون فين؟

رد عليه لويس انريك ...مهاجم.

قال له...مهاجم ازاى؟ ده احنا عندنا اثنين مهاجمين جبارين ..

سافيولا  و  ريكلم ..

رد لويس بكل ثقة ...طيب قول لواحد فيهم يحضر نفسه يمشى..

---

مجرد حاجة افتكرتها ولو انها ف الفوتبول ...لكن؟

مش كله - تجارب وتعلم -

المدرب...ك المدرس ...واللاعب ..ك التلميذ..

لابد المعلم يشوف قدرات التلميذ ويعطيه ثقتة فى نفسه ويوجهه ويحببه ف الوقت اللى بيقضيه معاه..ولا يرهقه وكأن عليه ذنب .

بمعنى؟

الطفل يستمتع ..متعلما ..أو...يتعلم مستمتعاا.

تحياتى.

[tarek hassan]

 

لما لويس انريك - المدرب الحالى لقريق  البرشلونة- دخل البرسا كلاعب

كان المدرب ايامها  فان جال ..الهولندى ..حاليا هو مدرب المانشستر يونايتد.

المهم..

سأل اللاعب الجديد المتحمس قائلا...

امامك خريطة لطريقة اللعب ...تحب تكون فين؟

رد عليه لويس انريك ...مهاجم.

قال له...مهاجم ازاى؟ ده احنا عندنا اثنين مهاجمين جبارين ..

سافيولا  و  ريكلم ..

رد لويس بكل ثقة ...طيب قول لواحد فيهم يحضر نفسه يمشى..

---

مجرد حاجة افتكرتها ولو انها ف الفوتبول ...لكن؟

مش كله - تجارب وتعلم -

المدرب...ك المدرس ...واللاعب ..ك التلميذ..

لابد المعلم يشوف قدرات التلميذ ويعطيه ثقتة فى نفسه ويوجهه ويحببه ف الوقت اللى بيقضيه معاه..ولا يرهقه وكأن عليه ذنب .

بمعنى؟

الطفل يستمتع ..متعلما ..أو...يتعلم مستمتعاا.

تحياتى.

 

هذه المشاركة  أستاذة : سلوى بحق مهمة لأنها أضافت لي وسبقتني وبمثال واع وأنا قرأت فيه ربما أكثر مما تقصدينه وفتحت المجال للخلاصة السريعة 

نعم حقيقي هناك مدرب وهناك متدرب في التعليم النشط الحديث

المثال نبه على أمور مهمة منها : المشاركة – التوظيف - وضع القواعد - فهم طبيعة المتدرب ( أو التلميذ ) يسهل المهمة في التعامل معه

سأركز  أولا مع النقطة الأخيرة اللي تحتها خط

هل نحن نفهم الخصائص العمرية للأطفال الصغار  اللي هنعلمهم

لازم نعرفها الأول

من الناحية الاجتماعية .... الطفل

-        عنده شغف

-        وفضول

-        وحب للزعامة

-        وتطلع لتكوين صداقات

-        محب للتأنق  

-        محب للعب الأدوار ... ممكن ابننا أو بنتنا تتقمص علينا دور  المعلمة مثلا  

-        أيضا كثير التحدث

-        محب للتشجيع

-        سريع الإحباط

-        متصف بالذكاء  .... فبكاؤه للحصول على ما يريد ذكاء كبير

من الناحية المعرفية ... الطفل

-        خياله واسع

-        طموح

-        عنده حب للتكليف بالمهام

لا يستطيع التعامل مع هذه الخصائص العمرية للطفل إلا إنسان ماهر جدا لينجح معه 

يتبع بمشاركة أخيرة مهمة جدا لتوضيح رأيي 

[tarek hassan]

وبالنسبة للمشاركة وهي مهمة 

أحيانا أستاذة : سلوى نكون  إحنا المتدربين  المتعلمين في الدورات التدريبية

ويقف أو نوقف من هو أصغر منا موقف المعلم أو المدرب

وكما قال أحد العلماء  :  الكبار صغار بأجسام كبيرة

كيف توضع قواعد التعامل في ورشة العمل حينئذ ؟

سيقول المدرب

إيه رأيكم يا جماعة هنمشي إزاي ؟ ما هي اقتراحاتكم ؟

 يا جماعة قبل ما نبدأ ورشة العمل لازم نتفق على الاستراتيجية اللي هنمشي عليها خلال الدورة التدريبية 

ما هي اقتراحتكم ؟

أنتم اللي هتضعوا القواعد

وأنتم اللي هتلتزموا بيها

وأنتم اللي هتضعوا عقاب المقصر  فيها

من ضمن الاقتراحات  من المتعلمين

اللي هيرن تليفونه أثناء المحاضرة ( مدرب أو متدرب ) هيتغرم جنيهان في المرة الواحدة

أظن طالما شاركنا في وضع القواعد

أكيد هنلتزم بيها

و

أكيد سنقبل بالعقوبة عندما نخالفها 

واللي هيرن تليفونه هيدفع وهو ساكت وبدون اعتراض 

[Grandma]

 

أدخل على الفيس بوك هتلاقى العينات دى

 

 

انا مش شايفة فيها مشكلة 

Take it easy

 

 

عمل لهم إيه التابلت يا مدام Grandma ؟

 

خلاهم قرود ... مافيش معلومة مش بيطلعوها منه 

دا غير الشات مع اجانب بيقوي لغتهم 

و الالعاب بتكسبهم مهارات و قوة تركيز

دا غير انهم بيتمنظروا علينا لانهم فاهمين في التكنولوجيا اكتر مننا كتير 

 

 

العلمو نورن

:)

على فكرة بقى أنا باتكلم جد .. هذا كان اقتراحا لعميد الأدب العربى طه حسين الله يرحمه

وقد قوبل بهجوم كاسح وبسخرية من كل من هب ودب

لا يذكر التاريخ إسم واحد منهم .. ولكن إسم طه حسين مكتوب لا ينمحى

كان الرجل يريد استخدام الحروف المتحركة بدلا من علامات التشكيل التى اندثرت مع دخول المطبعة

وكان قصده من ذلك أن يجعل الناس تقرأ وتنطق اللغة العربية الفصحى كما يجب

(أذكر أننى كتبت هذا فى إحدى مداخلاتى القديمة)

فكان يقول مثلا : لكى ننطق اسم طه حسين نطقا صحيحا ينبغى أن نكتبه هكذا :

طاها حوساين

وعملا بمقولته الشهيرة :

"لغتنا العربية يسر لا عسر ونحن نملكها كما كان القدماء يملكونها"

فإنه كان يقول إن حروف التشكيل دخيلة على اللغة العربية وأنها دخلت فى العصر الأموى

فلماذا لا نتحرك ونستعمل الحروف المتحركة كما هو الحال فى باقى اللغات "الحية" ؟

 

تزمت و تقفيل مخ مننا 

عندنا الدنيا تقوم وتقعد لخطأ املائي

ما دام المعنى مفهوم ايه المشكلة ؟ 

آهو جالهم جيل بيكتب العربي بحروف لاتيني

لانهم ارغموه على كره اللغة العربية 

ماله الطالب يتعلم بيت الشعر فيه جناس ولا طباق و لا استعارة مكنية

هيستفيد ايه ؟!!

اما يبقى يتخصص في الادب العربي يبقى يفهم الكلام دا 

و لو كان مهتم يبحث بنفسه و يفهم 

و الكلام دا ينطبق على قواعد النحو كمان 

المهم الاساسيات الفعل و الفاعل و المفعول به و النعت و الجار و المجرور

غير كدا كله دش بيتنسى 

 

 

 

[Grandma]

 

وبالنسبة للمشاركة وهي مهمة 

أحيانا أستاذة : سلوى نكون  إحنا المتدربين  المتعلمين في الدورات التدريبية

ويقف أو نوقف من هو أصغر منا موقف المعلم أو المدرب

وكما قال أحد العلماء  :  الكبار صغار بأجسام كبيرة

كيف توضع قواعد التعامل في ورشة العمل حينئذ ؟

سيقول المدرب

إيه رأيكم يا جماعة هنمشي إزاي ؟ ما هي اقتراحاتكم ؟

 يا جماعة قبل ما نبدأ ورشة العمل لازم نتفق على الاستراتيجية اللي هنمشي عليها خلال الدورة التدريبية 

ما هي اقتراحتكم ؟

أنتم اللي هتضعوا القواعد

وأنتم اللي هتلتزموا بيها

وأنتم اللي هتضعوا عقاب المقصر  فيها

من ضمن الاقتراحات  من المتعلمين

اللي هيرن تليفونه أثناء المحاضرة ( مدرب أو متدرب ) هيتغرم جنيهان في المرة الواحدة

أظن طالما شاركنا في وضع القواعد

أكيد هنلتزم بيها

و

أكيد سنقبل بالعقوبة عندما نخالفها 

واللي هيرن تليفونه هيدفع وهو ساكت وبدون اعتراض 

 

 

جميل دي فعلا افضل طريقة للتعليم 

المشاركة و النقاش مع تبادل الادوار 

التعامل مع الاطفال على انهم كبار 

حثهم على البحث عن المعلومة بأنفسهم 

و الاهم ان نبتعد عن عملية تقييم الطالب في المراحل الدراسية المبكرة

اما الرسوب فيجب ان يلغى من جميع  المراحل التعليمية 

مافيش حاجة اسمها طالب فاشل ... على المدرس ان ينقب داخل الطالب عن شىء مميز 

[tarek hassan]

جميل دي فعلا افضل طريقة للتعليم 

المشاركة و النقاش مع تبادل الادوار 

التعامل مع الاطفال على انهم كبار 

حثهم على البحث عن المعلومة بأنفسهم 

و الاهم ان نبتعد عن عملية تقييم الطالب في المراحل الدراسية المبكرة

اما الرسوب فيجب ان يلغى من جميع  المراحل التعليمية 

مافيش حاجة اسمها طالب فاشل ... على المدرس ان ينقب داخل الطالب عن شىء مميز 

الاختبارات عامة تغيرت أو يجب أن تتغير فلا يصح أن تقتصر على نوع واحد منها 

ولابد وأن يراعى التلميذ و شخصيته ومتغيرات عصره

فربما يسأل أسئلة تختبر حفظه فقط لا فهمه وهي الأسئلة المعرفية أو المقالية

اشرح -  عرف – اذكر  - تكلم عن ...

وربما يسأل التلميذ الصغير أسئلة تراكمية مثل

عرف كذا .. واذكر أنواعه ... وتعريف كل نوع بالتفصيل .. ممثلا لكل واحد بمثال .

هناك أنواع كثيرة من الأسئلة توضع في الاعتبار عند وضع أي تطبيق أو اختبار

ومن أمثلة الأسئلة

الاختيار من متعدد

الصواب والخطأ

التوصيل

الأسئلة المفتوحة  : مثل : (ما رأيك في هذا السلوك ؟ )  فكل إجابة سيأتي بها التلميذ هتكون صح ومقبولة لأنها تمثل رأيه 

[أبو محمد]

 

أدخل على الفيس بوك هتلاقى العينات دى

 

 

انا مش شايفة فيها مشكلة 

Take it easy

 

 

عمل لهم إيه التابلت يا مدام Grandma ؟

 

خلاهم قرود ... مافيش معلومة مش بيطلعوها منه 

دا غير الشات مع اجانب بيقوي لغتهم 

و الالعاب بتكسبهم مهارات و قوة تركيز

دا غير انهم بيتمنظروا علينا لانهم فاهمين في التكنولوجيا اكتر مننا كتير 

 

 

العلمو نورن

:)

على فكرة بقى أنا باتكلم جد .. هذا كان اقتراحا لعميد الأدب العربى طه حسين الله يرحمه

وقد قوبل بهجوم كاسح وبسخرية من كل من هب ودب

لا يذكر التاريخ إسم واحد منهم .. ولكن إسم طه حسين مكتوب لا ينمحى

كان الرجل يريد استخدام الحروف المتحركة بدلا من علامات التشكيل التى اندثرت مع دخول المطبعة

وكان قصده من ذلك أن يجعل الناس تقرأ وتنطق اللغة العربية الفصحى كما يجب

(أذكر أننى كتبت هذا فى إحدى مداخلاتى القديمة)

فكان يقول مثلا : لكى ننطق اسم طه حسين نطقا صحيحا ينبغى أن نكتبه هكذا :

طاها حوساين

وعملا بمقولته الشهيرة :

"لغتنا العربية يسر لا عسر ونحن نملكها كما كان القدماء يملكونها"

فإنه كان يقول إن حروف التشكيل دخيلة على اللغة العربية وأنها دخلت فى العصر الأموى

فلماذا لا نتحرك ونستعمل الحروف المتحركة كما هو الحال فى باقى اللغات "الحية" ؟

 

تزمت و تقفيل مخ مننا 

عندنا الدنيا تقوم وتقعد لخطأ املائي

ما دام المعنى مفهوم ايه المشكلة ؟ 

آهو جالهم جيل بيكتب العربي بحروف لاتيني

لانهم ارغموه على كره اللغة العربية 

ماله الطالب يتعلم بيت الشعر فيه جناس ولا طباق و لا استعارة مكنية

هيستفيد ايه ؟!!

اما يبقى يتخصص في الادب العربي يبقى يفهم الكلام دا 

و لو كان مهتم يبحث بنفسه و يفهم 

و الكلام دا ينطبق على قواعد النحو كمان 

المهم الاساسيات الفعل و الفاعل و المفعول به و النعت و الجار و المجرور

غير كدا كله دش بيتنسى 

 

 

 

:)

طيب .. هو ليه حضرتك Defensive كده ؟

 لو بصيتى للنصف المملوء .. قصدى للنصف التانى من مداخلتى حتلاقى نفس كلامك

أننا يجب ألا نتجمد .. لأننا نملك اللغة

أما بقى حكاية ما دام المعنى مفهوم إيه لازمة الكتابة بشكل صحيح

فإن فى النفس منها شيئا .. لكن - على رأيك - لا داعى للتعقيد

:)

ماسر هيا أومى