حنرجع تانى .. لهامان .. والمستشار الثعبان

[achnaton]

فى عدد اليوم من صحيفة النفاق الرسمى .. عزبة سمارة ابو زمارة سابقا

كتب محمود نفادي وحلمي بدر وأحمد يوسف

** علمت الجمهورية أن الحزب الوطني أعاد اختيار 162 من النواب الحاليين ليخوضوا الانتخابات القادمة ومنهم د.أحمد فتحي سرور ود.زكريا عزمي ود.محمد إبراهيم سليمان ود.يوسف بطرس غالي وكمال الشاذلي ومحمد أبوالعينين.

أما جريدة حزب " الوفد النعمانى " فقد كتبت تحت العنوان الرئيسى بالصفحة تبشرنا وكأن الشعب هو جبهة المعارضه فى المجلسين قالت :

تفوق الحرس القديم بالحزب الوطني علي الحرس الجديد في اختيار مرشحي الحزب لانتخابات مجلس الشعب. جاءت معظم الاسماء التي تقرر خوضها الانتخابات من الحرس القديم. كان الحرس الجديد قد دفع بالشباب ومرشحين لاول مرة في حين طرح الحرس القديم اسماء قدامي النواب واصحاب الخبرة بالانتخابات والمدعومين بالعصبيات. شهدت كواليس الحزب خلافات شديدة بين الفريقين، وحذر الحرس القديم خلال اجتماع اللجنة الرئيسية لاختيار مرشحي الحزب بمصر الجديدة من تلقي الحزب هزيمة ثقيلة في حالة دفعه بالشباب والمرشحين عديمي الخبرة بالانتخابات وعلي رأسهم بعض الوزراء.

ومعنى هذا والخبر من مصدرين واحد حكومه والثانى سارق عباية من عبايات الاهالى .. زى الستات إياها – استغفر الله العظيم - اللاءى يتخفين وراء النقاب .. معنى هذا الخبر وكده بصراحة واللى مش عاجبه يضرب دماغه فى الحيط .. أن كل شئ باقى على حاله .. والمحاكم موجوده فى المدن والمراكز من اسكندرية لأسوان ..

هو بس انا ملاحظ ان الحزن الوطنى .. ظلم ناس كان المفروض ان اسمائهم تتقدم الكشوف .. ودول من الحرس القديم برضه .. وخيرهم سابق .. زى المليادير " كونت الاعلام " اللى كان بيهبش 3 مليون لحلوح .. ماهية شهريه .. ومش لاقى من غلبه ثمن جلابية .. يعمر بها فى السعودية .. اشتروها له من المصروفات النثرية .. بلاش اسماء .. خلونا كده .. ما هو شهر الفوازير ..!! وافتقدنا أسم .. رائد الزراعة المسرطنه .. وبرضه بلاش نكمل الاوصاف .. عشان ربنا ينجينا ممن نخاف ..

وليس هذا مستغربا فالحزن الوطنى مش اقل من تجار ياميش رمضان اللى طرحوا من اسبوعين مئات الاطنان من الياميش الفاسد الذى انتهى تاريخ صلاحيته .. آهو الحزب عمل زيهم .. والدور بقى على الشعب .. معدته تهضم الحديد .. فى الاسواق وفى الانتخابات .. الفرق بس فى شكل الحديد ..

حنرجع تانى .. لهامان .. والمستشار التعبان .. وابو الفتوح مدبر اللحلوح .. للمحتاجين

ويا خسارة يا حبيبتى يامصر .. اللى بيعمله فيكى المماليك الجدد .. بيعصر قلبى عصر ..

[الأفوكاتو]

أخى العزيز إخناتون,

لن تفتقد طويلا رائد الزراعة المسرطنة, فقد ورد إسمه فى الأهرام اليوم. و ستعود ريمة لعادتها القديمة, وإليك جزء مما نشرته الأهرام :

وأكد السيد صفوت الشريف الأمين العام للحزب الوطني أن الحزب يرشح من أعضاء المكتب السياسي الدكتور يوسف والي نائب رئيس الحزب عن دائرة أبشواي بالفيوم‏,‏ والدكتورة آمال عثمان عن دائرة الدقي‏,‏ والدكتور أحمد فتحي سرور عن دائرة السيدة زينب‏.‏

جات الحزينة تفرح.... مالقيتلهاش مطرح

تم تعديل 13 أكتوبر 2005 بواسطة الأفوكاتو

[Alshiekh]

هى الناس دى مابتزهقش؟

هى الناس دى مابتشبعش؟

هى الناس دى مابتختشيش؟

هى الناس دى ايه؟ مابتشوفش؟

ده لو اى واحد منهم بيحس وسمع كل الكلام اللى بيتقال عليه كان قال لهم " سايبها لكم مخضرة وادى استقالتى اهيه "

يظهر ان الكرسى ليه طعم ثانى احنا مانعرفهوش

او يمكن عارفين ان الكراسى حاتحميهم من المسائلة والمحاكمة على اللى عملوه علشان كده بيلزقوا فى الكراسى بغراء او لزقة من الاصلية

لكن الظاهر اللى اختشوا ماتوا

ناس اتولدت وعاشت واتجوزت وخلفت وطلعت معاش وماتت والعالم دى زى ماهما مابيتغيروش ، نفس الوشوش

اد ايه الناس بتوع الغرب دول عندهم حظ ، كل كام سنة يشوفوا ناس جديدة ، افكار جديدة ، الا عندنا !!!!!!

[الأفوكاتو]

لقد تعود الشعب المصرى على مقولة:

من ساب قديمه........ تاه.

و نسوا أننا تهنا منذ عام 1952

لقد أتت شوطة أنفلونزا الطيور, لعلها تطيح بهذه الرموز الراسخة على قلوبنا.

قولوا آمين.