صور .. التقطتها عدستي ..!!

[مصرية الهوى]

منظر الغروب .. على شاطئ الخليج العربي ..

تم تعديل 14 أكتوبر 2005 بواسطة مصرية الهوى

[مصرية الهوى]

أدوات رمل على الشاطئ ...

لقطة للحرم المكي .. من نافذة السكن ..

العالم الخارجي .. من نافذة مكتبي

شجرة التوت .. في حديقة المنزل

[ENG. BEHAIRY]

لماـذا فى كـل صـــورة تـــم إخفــــاء شــــئ مهـم منها ؟

فى الصورة الأولى : على الشاطئ ، ولم يظهر البحــر !

فى الصورة الثانية : الحـرم المكى ، ولم تظهر الكعبة !

فى الصورة الثالثة : صورة النخلة ، وتم إخفـاء التمر !

فى الصورة الثالثة : شجرة التوت ، وأُخــفى أصحــابه !

فى الصورة الرابعة : منظر الغروب ، وأخفى الشروق !

أكــيد فى سبب :wub: :wub: :wub: :D ســلم ذوقـك واختيـارك

تم تعديل 14 أكتوبر 2005 بواسطة ENG. BEHAIRY

[شاعرالرومانسية]

شكرا لتلك المشاركة والتى اشركتنا معك فيما ترينة على مدار اليوم :wub:

ولكن ..

دعينى احسدك ..اختى الكريمة على مرأى ..البيت الحرام بهذا الشكل .. يوميا :wub:

حسد غير ضار والله :wub: ... ربنا يديمها نعمة عليكى

[مهيب]

دانتى طلعتى مشكلة يا جيجى ... ايه يا بنتى الفن ده ... مش تقولى ان انت ليكى فى التصوير ... عدستك حساسة و رقيقة و حلوة قوى .. و احساسك بالكادر و الألوان رهيب

منظر الغروب جميل و فيه احترافية عالية بجد ... و صورة أدوات الرمل فى منتهى الجمال .. الصورة دى بالليل صح ؟؟

لكن العالم الخارجى من نافذة مكتبك هى اللى روعة جدا .. أطراف النخيل المتشابك .. و الأفق اللى باين على استحياء وسط كل ده ..

معرفش اذا كنتى تقصدى اللى احنا شايفينه ولا لأ .. بس بجد تحية لعدستك ... و متحرميناش من صورك أبدا ..

مهيب

[se_ Elsyed]

أحلى صورة عجبتني هي صورة شجرة التوت ... أول مره أشوف توت لونه فوشيا .. وبعدين أول مره أعرف إن في توت هنا في السعودية ..

فالتوت اللي عندنا في مصر يا إما أبيض أو أسود أو لون تاني كده بيبقى عامل زي البتنجاني .

مين قدك يا ست جيجي عندكو شجر توت في البيت .. يعني لا بتحتاجو " فيمتو " ولا غيره :lol:

- منظر الغروب .. روعه وبجد ينفع خلفية هايلة لسطح المكتب في جهاز الكمبيوتر .

[مصرية الهوى]

ربنا يجبر بخاطركو على الكلام الجميل ده ...

حاضر يابشمهندس ولا يهمك ... تفضل صور التمر في النخيل ..

وآدي وحده تانية كمان ...

شاعر الرومانسية ...

تحسدني على ايه ياحسرة :lol:

أنا مش ساكنة في مكة ...

إنما التقطت هذه الصورة أثناء زيارتي لمكة الصيف الماضي ...

ايوى يا مهيب الصورة دي كانت بالليل ...

النور اللي على الحاجات كان نور الفلاش بس ...

ونافذة مكتبي ...ياخسارة اتحرمت من المنظر الجميل اللي كنت بأشوفه كل يوم ...

إن شاء الله هأوريكو المنظر الجديد ..

سي السيد ... ولا يهمك إن شاء الله موسم التوت الجاي .. هتلاقي عربية مليانة توت واقفة عند باب بيتك ...

بس والله عصير التوت الطبيعي تحفة ....

هأبقى ابعتلك كوباية :sad:

[ENG. BEHAIRY]

سبحان الله .. منظر النخلة وهى تحمل ثمارها ( تمر أو بلح) كالعروس فى أحلى وأجمل حالها ، وأى لقطة لأى جزء من النخلة له جمال خاص ، ومذاق خاص ، وجاء فى الحديث : مثل المؤمن كالنخلة ..

بالنسبة للتوت تقولين لــ سى السيد ... ولا يهمك إن شاء الله موسم التوت الجاي .. هتلاقي عربية ، طيب احنا فى موسم التمر ، فأين التمر ؟؟؟؟؟؟ :lol: أظن دا سهل خالص ومفهوش هروب ، وفى رمضان الأجر مضاعف ...

بصراحة صور جميلة تعبر عن حس فنى رائع ..ومبروك الفيلا الجديدة .. ربنا يجعلها خير وسعادة وبركة ..

تم تعديل 16 أكتوبر 2005 بواسطة ENG. BEHAIRY

[مصرية الهوى]

حاضر يا بشمهندس من عينيا .. أنت هات العنوان بس.. هتلاقي مش عربية ..لا ترولا .. واقفة عند باب بيتك :angry:

على فكرة أنا من سكان منطقة القصيم .. أشهر منطقة بالسعودية في انتاج التمور .. وخاصة السكري ... ده لذيذ اوي :angry2:

ومبروك الفيلا الجديدة .. ربنا يجعلها خير وسعادة وبركة

مقبولة منك يابشمهندس ولو إنها متأخرة عشر سنين :angry:

[رؤوف]

اهلا وسهلا ببنت القصيم

انا كدا عرفت ليه اخترتي لنفسك صورة بالنقاب

برافو ... صورك مش صور مبتدئة بل لاتقل عن صور المحترفيين بالاخص صورة الغروب

ممتاز ونرجوا المزيد فالجزيرة العربية غنية بالمناظر التي تستحق التعمق فيها وفي نقلها سواء بالتصوير او

اي وسيلة اخري ( اقصد الصحراء والوديان ) شدي حيلك ومتعينا باعمال جديدة

في انتظارك

شكرا

[shawshank]

ومبروك الفيلا الجديدة .. ربنا يجعلها خير وسعادة وبركة

مقبولة منك يابشمهندس ولو إنها متأخرة عشر سنين

<{POST_SNAPBACK}>

لا يبقى انتي اللي صورك قديمة :blush: