مبارك يا شعب مصر .. حصلنا على الصفر تانى !!!

[achnaton]

شفتم بقى ازاى السعد والهنا .. :lol: خدنا تانى صفر جديد ..زى صفر المونديال .. هديه الحزن الوطنى للشعب فى العيد .. ومادام الناس مش لاقية الدقيق تعمل كحك .. حزن الأفاعى حط للجميع كحكه .. حلوه وكبيره .. وبكل انواع التخلف معجونه .. فى الموسوعة العالمية ... لأبو صباع دهبية .. المعروضه للأطلاع والقرايه على الرصيف المقابل لنقابه الجرنالجية .. ومكتوب داخل الكحكة اللى زى اللى بتيجى فى الشهادات .. ابونا السقا مات .. وخلاص بلغت الحلقوم .. وملخص الرواية هو الآتى :

الحزن الوطنى يرشح لدائرة فى شمال القاهرة نائب عمره 82 سنة ويحتل مقعده من 30 سنة فى دائرة بشمال القاهرة

ويا بهية وخبرينى .. الحزن ده حيودينا فين .. :sad: :sad: :sad:

ويا خسارة يامصر .. عمايل الحزن الوطنى فيكى بتعصر قلبى عصر

(منقول من مسخرخانه )

تم تعديل 15 أكتوبر 2005 بواسطة achnaton

[ابو خليل]

لا أتفق معك يا اخي العزيز ..

ما المشكلة في ان يكون النائب عمره 82 ؟

ما الرئيس نفسه عنده 78 سنة !!

وما مشكلة ان يكون النائب في الدائرة من 30 سنة ؟

ما الرئيس نفسه بقاله .. بقاله .. بقاله سنين طويلة قوي .. ؟؟

إلا يقول الحكيم : الناس علي دين ملوكهم ؟؟

[الأفوكاتو]

عزيزى إخناتوننا,

كلام الأخ خليل هو عين الصواب, ألا نقول عندما نريد أن نمدح شيئا :

الدهن فى العتاقى؟

ألا يقول من يشربون النبيذ أن مايشريونه " نبيذ معتق"؟

ألا يقولون على الأشياء القديمة أنها " أنتيكة" و تباع بأسعار مغالى فيها لقدمها؟

ألا نقول فى الأمثلة القديمة :

من ساب " قديمه"....... تاه؟

إنت عايز تتوهنا يا أخى العزيز إخناتون؟

ألا نعزك لأنك رمز " للقديم " قدم التاريخ؟

خلينا مع العتاقى, و الأنتيكة , ففى القديم بركة. حتى ولو مقطوع النفس.

تحياتى.

تم تعديل 15 أكتوبر 2005 بواسطة الأفوكاتو

[صفاء]

وطوا صوتكوا شوية الحيطان ليها ودان وسنان

بعدين الدهن فى العتاقى