عيد ميلاد سكوربيون

[abofasad]

العزيز الغالي سكوربيون (الشهير بكامل)

بصرة .. احنا الاتنين عقرب

كل سنة وانت طيب يا راجل يا طيب

في انتظار رسالة منك

ابو فصاد

[Scorpion]

ايه ده ؟؟؟؟؟ :D

العالم دي جات إمتي .. هو احنا مش كنا شطبنا ... خد يا ابني منك له .. التذاكر فين ؟؟؟

حبيب قلبي ياسو حرامي البلالين ... و صديقي العزيز براود ابو منافيللة ... عدوا انتوا .. معاكم ابونيه محبة يكفيكم علي طول ....

سقرااااط ... انت بقي علي حسابي .... عدي ... فاضل خرطة من التورتة مخبيها في درج النملية اللي عالشمال .. شيل النمل و كلها بالهنا و الشفا ....

العزيز الغالي ابو فصاد الذي الهم سيد درويش أغنيته الخالدة زوروني كل سنة مرة ... اهي الزيارة بتاعتك ضيعتها في حتة تهنئة .. مش كنت تخليها لمداخلة من بتوعك .. عالعموم .. شرفت الحفلة و موي جراتسياس يا اخي العزيز ..

شهد .. ماما ما قالتلكيش ما تخديش بونبوني من اي واحد غريب .. او تكرري كلام واحد مشترك في نقابة المطاريد ... عالعموم .. تكتبي مرة .. تكتبي عشرين مرة ... هي حتة جاتوه واحدة و نص ازازة ببس مافيش غيرهم .. مش تلفي تلفي .. و ترجعي تقفي في الطابور من تاني ... :D

عصام ... الحمد لله لحقت نفسي قبل ما المهلة تخلص ... اديني رجعت اكبس علي نفسكم من تاني .. و ما عاش اللي يزهقك و الا يحسسك بغربة يا صديق .. بس ابقي شوف علاج للحالات اللي بتجيلك من فترة للتانية دي .. يعني مرة الاقيك لابس طرطور و وشك مش باين .. و دلوقتي الاقي قرطاس ملفوف غلط .. يعني لفينه علي سطر و سايبين سطر .. ما تحط الجدع بتاع زمان اللي كان فاتح محطة بنزين .. كان جدع و ابن حلال و وشه كان حلو عليك .. جرب بس و انت تشوف ...

هزار علي جنب .. بجد ... بجد اشكركم من كل قلبي ( علي فكرة المدام بتشكركم هي كمان ) ... نرجع بقي لأكل عيشنا ...

:wub: ;) :D

[بنت شعنونة]

سكووبي دوبي دووووووووووووو

كل سنة وانت طييييييييييييييييييييييب

وعقبال

الف

الفين

تلاتتتتتتتتتتتتتتاااااااااااااا سنة :wub: