المهندسون فى الأرض

[أبو محمد]

فى فترة الستينات وما قبلها كان "المهندس" قيمة وسيما

وكانت كلية الهندسة تأخذ أعلى مجاميع الثانوية العامة

وكان الواحد بيمشى زى الطاووس وهو شايل المسطرة حرف T

كانت فترة اتجهت فيها الدولة إلى التصنيع

وأستطيع أن أقول أنه كان اتجاها بشئ من المغالاة

وعلى حساب الزراعة حتى أننا كنا نتعلم أن الاستعمار وأعوان الاستعمار

ينشرون دعاية بأن مصر بلد زراعى

المهم .. بعد كده أصبح الميكانيكى باشمهندس .. والمنجد باشمهندس

وبتاع الدش باشمهندس .. والكهربائى باشمهندس

وبقت كلمة باشمهندس زى كلمة يا حاج .. ومثلها كلمة يا باشا

 

وأخيرا .. بدأت أشعر بشئ من الإنصاف .. وبشئ من الفشخرة "تانى"

ليه بقى ؟

صحيح إن رئيس الوزراء السابق - إبراهيم محلب - مهندس مدنى

لكن رئيس الوزراء الجديد مهندس ميكانيكا :) أجدع ناس

أما بقى اللى خلانى أنفش ريش الطاووس فهو هذا المقال على اليوم السابع

إيـــــــــــــــــــــــــــــــــــــــــــــــــــــــــــــــــــــــــــــــــــــــــــــه

ما الدنيا إلا مهندسين .. وشوية ناس تانيين
 

لو بيشتغل مهندس اتجوزيه.. 10 أسباب تقنعك تتجوزى "باشمهندس"

 

الزواج

 الأحد، 23 أغسطس 2015 - 03:00 م

 

كتبت سارة درويش :) (ربنا يخليكى يا سارة إنتى وديبورا)

 

سنوات طويلة يقضيها كل شخص منا فى سبيل الوصول للمهنة التى يحبها، وتترك كل خطوة من هذا المشوار بصمتها على شخصيته، فيكتسب بعض المهارات والمواهب التى لا يتوقف تأثيرها على مهنته فحسب ولكن أحيانًا تمتد إلى علاقاته الشخصية والعاطفية كذلك، لهذا تعتقد "ديبورا ستاتشيلسكى" الكاتبة الأمريكية ومؤسسة موقع "societyletters" الاجتماعى أن الرجل الذى يعمل فى الهندسة هو شريك حياة مثالى، وتدعم رأيها بعشرة أسباب أوضحتها فى تدوينة بالموقع نفسه..

 

* يميل للنظام

المهندس يحترم النظام ويحب أن يكون كل شىء واضحا وسهل الوصول إليه بدءًا من الأغراض الشخصية وصولاً إلى الحلول والعمل، ربما فكرته عن النظام ليست هى نفسها كما تبدو لكِ ولكنه فى النهاية شخص منظم ومتوازن ويؤمن بأن الحياة المنظمة تجعله منتجًا.

 

* يعرف كيف يتعامل مع الضغوط والمواقف العصيبة

المهندسون يواجهون الكثير من حالات الضغوط الشديدة فى العمل، ويعرفون أنهم لا ينبغى أن يفقدوا أعصابهم أمام الضغوط وهذا فى الواقع شىء عظيم جدًا لكِ كشريكة حياته، لأن هذا يعنى أنه سيحقق التوازن فى العلاقة وسينجح فى تهدئتك فى مواجهة الضغوط.

 

* يهتم بالتفاصيل

 مع الوقت، يكتسب العاملون فى مهنة الهندسة موهبة الاهتمام الحاد بالتفاصيل، وهذا يعنى أنه يستذكر التواريخ الخاصة والأشياء التى تقوليها والتفاصيل الصغيرة حتى أنه قد يفاجئك ويهديكِ فى عيد ميلادك شيئًا ذكرتى عرضًا أثناء الحديث قبل شهور أنك تريدينه.

 

* قادر على تحديد الأولويات

المهندسون يتعاملون مع الكثير من البيانات كل يوم ولديهم تصنيفات لما هو مهم وما هو غير مهم، لذا يعطون الأولوية فى المجهود والطاقة لما هو مهم فى المشروع، ويترجمون هذا فى العلاقات أيضًا.

 

* لا يخاف الالتزام

المهندسون من أكثر الناس المتفانين فى الحياة، وليس لديهم مشكلة فى العمل على شىء واحد بطريقة مثالية، والتزامهم بهذه المهنة الشاقة يدل على أنهم ليسوا قصيرى النظر، وهذا يمكن أن يترجم إلى كيفية التعامل مع العلاقات الشخصية، فهم لا يحبون تضييع وقتهم فى الكثير من العلاقات، بدلاً من ذلك يلتزمون فى شراكة واحدة جدية، ويركزون على جودة العلاقة فحسب.

 

* مبتكر

المهندس الناجح يجب أن يكون شخصا خلاقا ومبتكرا من أجل التوصل إلى حلول للمشكلات المستحيلة التى تواجهه يوميًا، وهذا النوع من الإبداع يتطلب الكثير من الطاقة فى المخ، وهذا يعنى أنك ستكونين فى علاقة مع شخص لا يعرف الملل، لا سيما إذا كان ممن يتمتعون بموهبة فنية إلى جانب الهندسة.

 

* لديه القدرة على التفكير المنطقى والتخطيط

المهندس دائمًا لديه خطة، سواء كان ذلك لنهاية الأسبوع أو لرحلته القادمة أو وجبات الطعام، حتى أنه فى بعض الأحيان قد يصعب عليكِ مواكبة مستوى تنظيم دماغه ولكن هذا يطمئنك إلى أنك آمنة فى نهاية المطاف وليس لديكِ ما يدعو للقلق بشأن أى شىء.

 

* ليس كسولاً

المهندسون لا يستسلمون للكسل أبدًا ونادرًا ما يمكن إحباطهم والتقليل من حماسهم، وعلى مستوى العلاقات هذا يجعلهم شركاء رائعين لأنهم على استعداد لعمل أى شىء لحل أى مشكلة فى العلاقة.

 

* يحل مشاكل الحياة اليومية

عندما تعيشين مع مهندس هذا يعنى أنه لا مشكلة بدون حل فى جميع أنحاء المنزل، بدءًا من تسريب الأنابيب وصولاً حتى إلى مشاكل الجيران، فهو يرى كل مشكلة أمامه لغزًا أو "كود" يريد الوصول لحل له.

 

* لديه قدرة على الاعتراف بالخطأ

لأن عملهم يتطلب الكثير من التجربة والخطأ، يتعلم المهندسون إعادة النظر فى استراتيجيتهم باستمرار، وهذا يترجم بشكل جيد فى العلاقات ويجعلهم أكثر ميلاً لدراسة سلوكهم الذى قد لا حقق نتائج جيدة ويبحثون عن سبل لتغييره لتحقيق نتائج أفضل.

 

[أبو محمد]

مش عاوز ضرب نار لو سمحتم

:sofa:

[عطر الجنة]

ده مهندس من كوكب تانى ..

صح ..

 

..

اما المهندسات مش عاوزة اقولك ..

..

 

يمكن بتوصف المهندسين العاملين بالمجلس الاعلى للعالم ..

 

قسم زلازل و براكين ..

لكن بتوع النيازك و الشهب الله يستر عليهم ..

 

عقد ..

[أبو محمد]

 

ده مهندس من كوكب تانى ..

صح ..

 

..

اما المهندسات مش عاوزة اقولك ..

..

 

يمكن بتوصف المهندسين العاملين بالمجلس الاعلى للعالم ..

 

قسم زلازل و براكين ..

لكن بتوع النيازك و الشهب الله يستر عليهم ..

 

عقد ..

 

:)

إنتى بتخزى العين .. صح ؟ .. قولى صح .. مش هاقول لحد

ماهو ما يحسد المال الا اصحابه

وبعدين إيش عرفك بالمجلس الأعلى للعالم ؟

دانا كنت فاكر انه سر

[أبو محمد]

 

..

اما المهندسات مش عاوزة اقولك ..

 

 

أيواااااااااا

خلينا فى المهندسين احسن

[عطر الجنة]

[أبو محمد]

 

 

:)

أهى هى دى اللى بدل ما تقول باى باى

بتقول 22 على 7 .. 22 على 7

[أبو محمد]

:copied:

من طالب هندسة ما شافش اللى شوفناه

 

طالب هندسة دخل امتحان شفوى فالدكتور بيسأله :
بتركب ايه وانت جاى الكليه الصبح ؟؟
...الطالب : بركب الاتوبيس
الدكتور قاله : حلو اوى .. لو الدنيا حر ف الاتوبيس هتعمل ايه ؟؟
الطالب : هفتح الشباك
...الدكتور : جميل ... احسبلى بقا كميه الهوا اللى داخل الاتوبيس وهو ماشى على سرعه 60 كيلومتر فى الساعة
طبعا الواد معرفش والدكتور ...سقطه ف الماده ..
 

وهو خارج قابل واحد صاحبه فقاله على السؤال
ودخل للدكتور بعده

الدكتور للطالب التانى: بتيجى الكليه بايه الصبح ؟؟
الطالب : بعربيتى
الدكتور : طب لو عطلانه ؟؟
الطالب : بكلم صاحبى ييجى ياخدنى بعربيته
الدكتور : طب لو مش موجود؟؟
الطالب: بخلى بابا يوصلنى
الدكتور : طب لو وراه شغل
الطالب : بركب تاكسى وخلاص
الدكتور : طب لو ملقيتش تاكسيات ؟؟
الطالب: بركب الاتوبيس وامرى لله .. هو يسترها بقا من عنده
الدكتور : حلو اووووى .. لو الدنيا حر ف الاتوبيس هتعمل ايه ؟
الطالب : هقلع الجاكيت
الدكتور : طب لو حر اووووى ؟؟
الطالب : هفتح زراير القميص
الدكتور : طب لو حر جدا جدا
الطالب : هقلع القميص
الدكتور استغرب وقاله : طب لو نار جهنم حواليك هتعمل ايه ؟؟؟
الطالب : هقلع البنطلون
الدكتور : قاله طب لو مش قادر تستحمل وخلاص هيغمى عليك وقدامك شباك ؟
الطالب : بص بقا انا ممكن اقلع ملط بس ما افتحش شباك الاتوبيس

 

[herohero]

من غير زعل بشمهندس أبو محمد 
انا بدات احس ان مشكلتنا في مصر اننا بقينا نعين مهندسين رؤساء وزراء  fty:: 

 

كنت سعيد جدااااااااااا بتعيين احمد نظيف ( دكتور مهندس اتصالات ) وفعلا حقق طفرة في الانترنت وقتها بس للاسف مفيش حس سياسي 
وكذلك المهندس ابراهيم محلب أيضا 

 

لكن مما لاشك فيه المهندس من واقع اللي بشوفه أكثر تنظيما من الطبيب لان عندي تجارب عملية وشايف ادامي ان الطبيب غالبا جاف في المشاعر وغير مرتب 
 

[Grandma]

تمام يا هندزة   

على كدا الواحد مستمتع بخدمة خمس نجوم وهو مش دريان 

زوجي مهندس ووالدي الله يرحمه كان مهندس و اخويا مهندس ، أعمامي مهندسين وأصدقائنا اغلبهم مهندسين 

حتى في المحاورات الواحد لقى نفسه بيحاور مهندسين 

دا ايه الهنا اللي انا فيه دا   

[باهى الطائر الحزين]

مش هتكلم

حد من السيدات والساده

البشمهندزين يفهمنا ايه ده ؟

 

 

 

[أبو محمد]

 

مش هتكلم

حد من السيدات والساده

البشمهندزين يفهمنا ايه ده ؟

 

 

 

 

 

دى يا سيدى عمارة USB

بذمتك شوفت إبداع كده ؟

[أبو محمد]

تمام يا هندزة   

على كدا الواحد مستمتع بخدمة خمس نجوم وهو مش دريان 

زوجي مهندس ووالدي الله يرحمه كان مهندس و اخويا مهندس ، أعمامي مهندسين وأصدقائنا اغلبهم مهندسين 

حتى في المحاورات الواحد لقى نفسه بيحاور مهندسين 

دا ايه الهنا اللي انا فيه دا   

 

إنتى - على كده - من الأحرار

:)

أففففففففففف حنموت من الحر