التوكتوك !!

[Scorpion]

ظهر فجأة و فرض وجوده علي خريطة طرق مصر الداخلية .. و أصبح مصدر عيش للبعض و مصدر تحايل علي القانون لاخرين ..

و أصبح أيضآ حلآ للأنتقال لمسافات قصيرة  لشريحة كبيرة من المصريين ..

 

و بعد سنوات عديدة أكتشفت الحكومة انه مصدر خطر علي المجتمع فصدرت القرارات بمنع مروره في مناطق معينة و منع استيراده تمامآ ..

 

القرارات نعلم جميعآ انه لا يتم تنفيذها فال "تكاتك" تمرح في شوارعنا الداخلية بكل اريحية و يكفيك ان تنظر الي اي شارع داخلي في القاهرة مثلآ لتري ما يماثل العربات الكهربائية التي يمرح بها الأطفال في الملاهي بصورة أخري ..

الأستيراد توقف بالفعل .. و لكنه توقف عن استيرادها جاهزة و اصبحت تدخل قطع و يتم تجميعها في الداخل ..

 

السؤال ..

- هل تجد ان فكرة التوكتوك مفيدة فعلآ لبلدنا ..

- و اذا كانت .. كيف نستطيع  تنظيمها و تقنينها و الإستفادة منها ...

 

ملحوظة

- استخدم شخصيآ التوكتوك في انتقالاتي البسيطة و بالخص اذا كنت احمل مشتروات للمنزل

- اجده حلآ رائعآ لكبار السن في انتقالاتهم ايضآ فهو يمر امام بيوتهم و يتركهم في المكان الذي يرغبون في الوصول اليه باسعار بسيطة بالمقارنة بسيارات الأجرة التي يجب ان يتوائم الراكب مع رغبة سائقها و اسعاره ..

اذن .. شخصيآ أرد علي السؤال الأول بالإيجاب .. نعم أجدها مفيدة .. 

الرد علي السؤال الثاني يحتاج الي وقت اطول ..

[الدكتور ياسر]

قبل ان اشترى سيارة خاصة كنت سعيدا جدا بالتوكتوك ، كونه وسيلة مريحة تسهل المشاوير

القصيرة وكونه غير ملتزم بخطر سير محدود باﻻضافه لقدرته على السير في الطرق الضيقة

( الزواريق ).

ﻻحظت مؤخرا ان سائقي التوكتوك اصبحوا يبالغون في اجرة الركوب كما لو كنت تركب تاكسي.

بالاضافة انى شعرت بعد اقتنائي لسيارة باﻻختناق المروري الذى يسببه التوكتوك نظرا للعدد الكبير

والغير مقنن للتكاتك.

ﻻ استطيع المطالبة بمنعه لفائدته خصوصا لكبار السن.

لكن فعﻻ العملية محتاجة تقنين شوية.

تم تعديل 16 سبتمبر 2015 بواسطة الدكتور ياسر

[باهى الطائر الحزين]

التكاتك اصبحت كالجراد في الشوارع

%٩٠ من سائقيها اطفال او من المجرمين

اصحاب السوابق

يتكسب صاحب التوك توك ١٢٠ في الورديه

وما ان ينتهي يذهب مباشرة ليشتري مخدرات

ثم يعثي في الأرض فسادا

اما ان يخطط لسرقه او اغتصاب واقله تحرش

ان كنت تري سيدي انه مفيد

فلماذا لا تقننه الدوله يفيد ويستفاد منه بضريبه

ينتفع بها مرتادوا الشوارع التي يزاحمهم فيها ..

التوك توك اسوء مركبه عرفتها مصر علي المطلق

سائقوه يعربدون في الشوارع بطريقه عشوائيه 

ذات مره رأيت واحدا منهم احتك بسياره وكان

الطريق مزدحما فما كان منه ومن معه إلا ان ترجلوا

عنه وبدؤا بتكسير زجاج ومرايا السياره بعصي ثم

لاذوا بالفرار وسط دهشة المشاهدين ؤصاحب السياره

هذا جزأ من كل

[Scorpion]

لنري أولآ أراء شرائح مختلفة من المواطنين حول تلك الوسيلة لنبلور رأي محايد ..

 

أطلت أم عبير برأسها من داخل «التوك توك» وهو يزحف ببطء، كي تبدد نظرات الدهشة المرتسمة على الوجوه وهي تقول: «التوك توك أحسن اختراع وصل مصر يا جماعة.. وسيلة مواصلات حلوة. كنت أنزل من الميكروباص وأمشي إلى بيتي مسافة أربعة كيلومترات وأنا شايلة الخضار ولوازم البيت، لكن مع التوك توك أصل إلى عتبة البيت، وأنا أجلس بمنتهى الاحترام ولا بهدلة الميكروباصات والمواصلات العامة. وكل ذلك في مقابل جنيهين اثنين، فيه أحسن من كده؟! التوك توك حاجة كويسة طبعا».

 

 

«التوك توك آخر قرف يا بيه، هيه الدنيا ناقصة زحام.. انظر إلى من يقود هذه الصفيحة المتحركة شوية عيال صغيرة، تدخن البانجو وتستغل حاجة الناس ويتسببون في حوادث مؤلمة ويقودونه وهم سكارى، ولا توجد رقابة عليهم لأنهم غير مرخص لهم بالعمل أصلا. أصابوا طفلة بالقرب من السوق في ساقها الأسبوع الماضي.. بيقولوا التوك توك بيحل مشكلة لكنه في الحقيقة بيزيد المشاكل الأخرى.. فين الحكومة وفين الرقابة؟».

 

 

يرفض صلاح، وهو يعمل كفلاح، هذا الجدل حول فائدة «التوك توك». يعتبر أن من يهاجم «التوك توك» هو من لا يركبه ولا يحتاج إليه في الأصل، ويقول: «اللي ايده في الميه مش زي اللي ايده في النار.. قريتنا كان فيها مائة بيت فقط لكن اليوم صارت تحتوي على 360 بيتا... ونحن بحاجة لآلة صغيرة كي نتنقل من أول القرية لآخرها أو للتنقل الى القرى المجاورة...«التوك توك» حل هذه المشكلة بجنيه واحد».

 

 

يشتكي رمضان سائق «التوك توك» بشارع ناهيا غرب القاهرة، من مصادرة مصدر رزقه، ويقول: «أنا اشتريته بـ24 ألف جنيه، وأقوم بسداد قسط شهري مقداره ألف جنيه، لكن إدارة المرور قامت بمصادرته ونقله إلى طريق إسكندرية الصحراوي في مخزن وزارة الداخلية، وهناك طلبوا مني رسوم لاسترداده ووجدت «التوك توك» هناك بدون الكماليات، ولم أستطع السداد، ولا اعمل منذ 20 يوما ولا اعرف كيف سأسدد القسط الجديد. أنا أريد من الحكومة أن ترخص «التوك توك» لكي يكون كل شيء شرعيا وواضحا».

 

 

 

إن حاجة الدول النامية لمثل هذه الوسيلة للتنقل تفرض على جميع الحكومات بقبول هذا (( التوك توك)) . وقد قامت هذه المركبة الصغيرة الحجم بحل كثير من مشاكل التنقل بين الاحياء الفقيرة التي لا تسع شوارعها من دخول سيارات الاجرة أو الاسعاف لأنقاذ مريض مسن. ولكن فضل الله .. أتى بهذا التوك توك فطمأن سكان هذه المناطق بوجوده على مرضاهم وعجزتهم وسرعة تلبيته لإحتياجاتهم الاسعافية .. أيا كان نوعها ... عليه ، نرجو أن تعجل جهات الاختصاص بتقنينه كوسيلة مواصلات داخل الاحياء وبين القرى.ووضع القوانين التي تضعه في مأمن من استغلاله كوسيلة لارتكاب الجرائم.

 

 

[herohero]

http://www.youtube.com/watch?v=qXRQUBfT4RM

اهو اللي مش عاجبكم في دبي 
http://www.youtube.com/watch?v=Xbvo9uqhtSE

تم تعديل 16 سبتمبر 2015 بواسطة herohero

[Scorpion]

التكاتك موجودة في كل الدنيا .. حتي في اوربا موجودة برضه ..

 

 لكل مقام مقال خلينا في مصر .. 

[herohero]

التكاتك موجودة في كل الدنيا .. حتي في اوربا موجودة برضه ..

 

 لكل مقام مقال خلينا في مصر .. 

استاذي المقام هنا محتاج مقال كلنا عارفينه 

اننا نختلف عن الاخرين كل حاجه تبقى بره حلوة تيجي مصر تخرب 

يوسف بيه غالي لما راح الهند ساب كل حاجه في الهند وجاب منها التوك توك 

وقتها لما ركبته كنت سعيد به جدا بعدها كالمعتاد بقى كارثة 

وكعادتنا كنظومة مصرية فاشلة ف ادارة اي ازمة مانعرفش حلول عملية او حلول توافقيه اما نفتح الباب ع الاخر او نقفله 

محدش بيفكر في حلول صح هات ليا مشكلة واحده اتحلت صح كان احنا دولة خلقة لوحدها  :scooter:  :scooter:  :scooter: 

 

[عادل أبوزيد]

التوك توك. موجود في كل الدنيا فعلا و إستعملته أنا شخصيا في لندن ( الريكشا ) و يقودة بالبدال

ما سبق كان استهلالا لابد منه

أرى أنه مفيد جدا في القرى و المناطق الشعبية أو المناطق التي تضيق فيها الشوارع و لكني أتضايق من و جودها في الشوارع الرئيسية عندما أشعر أنها عقبة في سيولة المرور

ليتها تكون في مدينة نصر و تستخدم الشوارع الداخلية

[Scorpion]

و هذا هو الغرض من وجودها ..

ان يكون مجال نشاطها فقط في الشوارع الداخلية و نسفها تمامآ اذا خرجت الي الشوارع الرئيسية 

[Grandma]

السؤال ..

- هل تجد ان فكرة التوكتوك مفيدة فعلآ لبلدنا ..

- و اذا كانت .. كيف نستطيع  تنظيمها و تقنينها و الإستفادة منها ..

 

 

حتى لو مفيدة انا ضدها ... وضع التوكتوك في أي بلد تانية غير عندنا 

احنا عندنا فوضى عارمة ومافيش قانون رادع 

قبل التوكتوك كنا عايشين ومنغير مشاكل

كبار السن كانوا بيركبوا تكسيات حتى في المسافات القصيرة وبأجر رمزي 

الحواري و الازقة يبقوا يركبوا عجل ... زي الريكشا بتاعت انجلترا بس بتسحب صندوق مخصص لكبار السن و المرضى وعلى فكرة البيسكلتة دي كانت موجودة زمان في بورسعيد ... في هولندا كل كبار السن بيركبوا عجل ... اللي يعرف يسوق خير و بركة ، منها رياضة و نشاط و صحة ... واللي ما يعرفش يأجر حد يجره . 

[أبو محمد]

أستاذ عادل .. وسكوب ابو جونيور

أكبر صح

للأماكن الضيقة والحوارى فقط

غير كده ينضرب بالشبشب

[tarek hassan]

استاذي المقام هنا محتاج مقال كلنا عارفينه 

اننا نختلف عن الاخرين كل حاجه تبقى بره حلوة تيجي مصر تخرب 

يوسف بيه غالي لما راح الهند ساب كل حاجه في الهند وجاب منها التوك توك 

وقتها لما ركبته كنت سعيد به جدا بعدها كالمعتاد بقى كارثة 

وكعادتنا كمنظومة مصرية فاشلة ف ادارة اي ازمة مانعرفش حلول عملية او حلول توافقيه اما نفتح الباب ع الاخر او نقفله 

محدش بيفكر في حلول صح هات ليا مشكلة واحده اتحلت صح كان احنا دولة خلقة لوحدها  :scooter:  :scooter:  :scooter: 

 

 

مش عارف ليه يا هيرو يا أخويا إنه مستقر في نفسي إنه ليس لك إلا مشاركة واحدة بتقولها في كل الموضوعات 

وبتكون فيها ناقم على الدولة جاحد ليها 

عموما دا رأيك وأنت حر حتى لو كررته ستة آلاف مرة 

في ستة آلاف مداخلة 

بس أنا بيتهيألي إن عندك جديد في مجالك 

ساعات بيطلع غصبن عنك 

ههههههههه

كل التحية 

[herohero]

 

مش عارف ليه يا هيرو يا أخويا إنه مستقر في نفسي إنه ليس لك إلا مشاركة واحدة بتقولها في كل الموضوعات 

وبتكون فيها ناقم على الدولة جاحد ليها 

عموما دا رأيك وأنت حر حتى لو كررته ستة آلاف مرة 

11في ستة آلاف مداخلة 

بس أنا بيتهيألي إن عندك جديد في مجالك 

ساعات بيطلع غصبن عنك 

ههههههههه

كل التحية 

 

عزيزي انا مش جاحد على الدولة انا كلامي واضح جداااااااااااااا 

 

المنظومة فاشلة !!!  ايام مبارك ومرسي والسيسي 

 

والدليل ان التوك توك موجود في دول اخرى وماشي عادي ، القصه حلها سهل قوووووووووي  بكل بساطة حط قانون ينظم العمل وقيادة التوك توك ، صعبه ده اختراع 

 

--------------------------

وبالنسبة لشخصنة الامور اللي حضرتك وغيرك في المنتدى هنا بيحبها ومطلوب من اي حد انه يسمع شخصنة الامور ومايردش عشان هيخالف قواعد المنتدى اللي لاتطبق الا ع اطراف معينة 

الساده المشرفين رد الاستاذ طارق  مفيهوش اي اهانة ضمنية او صريحه لعضو في المنتدى !!!!!  ولا قوانين المنتدى بتبقى شفافة  وبتختفي وفجاة تظهر ع ناس وناس 

 

تم تعديل 17 سبتمبر 2015 بواسطة herohero

[Scorpion]

الموضوع كان محدد بسؤالين واضحين 

 

هل هو شيء مفيد ام لا

و ما هي  الأقتراحات التي نستطيع بها الأستفادة منه بطريقة قانونية سليمة 

 

نلف و ندور بقي و نجيب تكاتك دبي و موزمبيق و منظومات فاشلة و دولة بايظة و كل الأسطوانة اللي الواحد عارف مقدما  المداخلة حيكون ايه محتواها .. مالهوش اي علاقة باللي المطلوب مناقشته في الموضوع هنا ... يعني اللي عايز يبكي علي محاورات المصريين و يطلع نفسه يا عيني شهيد الرأي هنا .. مش حيلاقي حتي  حوار يطلع منه بحاجة مفيدة ..

 

فأرجوك .. أرجوك يا استاذ هيرو .. عندك حاجة مفيدة تنفع تكتبها في الموضوع ده حكون شاكر ليك انك تضيفها ..

 

ما عندكش غير افكار ناقمة علي البلد و اتهام مستمر بالفشل و مافيش فايدة و الأحساس بالغضب ... أفتح يا سيدي الفاضل موضوع واحد حط الحاجات دي كلها فيه و فضفض زي ما انت عايز .. بس ما ينفعش كل موضوع يتفتح تخش "تدلق" الكلمتين المحفوظين دول فيه و لو حد لامك تقول شخصنة و ابصر ايه .. شوية موضوعية من فضلك .. 

[Scorpion]

 

الحواري و الازقة يبقوا يركبوا عجل ... زي الريكشا بتاعت انجلترا بس بتسحب صندوق مخصص لكبار السن و المرضى وعلى فكرة البيسكلتة دي كانت موجودة زمان في بورسعيد ... في هولندا كل كبار السن بيركبوا عجل ... اللي يعرف يسوق خير و بركة ، منها رياضة و نشاط و صحة ... واللي ما يعرفش يأجر حد يجره . 

 

يركبوا عجل ازاي يا جراندما ؟؟  %90 من مسنين بلدنا يا دوب صالبين عودهم و لو مشيوا 50 متر ممكن  تجيلهم ازمة قلبية .. و تقوليلي عجل ؟

انا حسميكي من هنا و رايح جراند ما  ماري انطوانيت ... :rolleyes:

[herohero]

يركبوا عجل ازاي يا جراندما ؟؟  %90 من مسنين بلدنا يا دوب صالبين عودهم و لو مشيوا 50 متر ممكن  تجيلهم ازمة قلبية .. و تقوليلي عجل ؟

انا حسميكي من هنا و رايح جراند ما  ماري انطوانيت ... :rolleyes:

اظاهر انكم مش عايشين في مصر المناطق اللي فيها التوك توك ده اصلا شوراعها ماتعرفش الاسفلت 

بعيدا عن صحه الاشخاص العجل ده في المعادي انما المناطق اللي فيها التوك توك شوارعها مكسرة وماتعرفش الاسفلت 

الحل سهل جدا بس مفيش رغبة في الحل طبقوا القانون بعيدا عن المصالح الشخصية ونظموا الامور 

 

[Scorpion]

اظاهر انكم مش عايشين في مصر المناطق اللي فيها التوك توك ده اصلا شوراعها ماتعرفش الاسفلت 

بعيدا عن صحه الاشخاص العجل ده في المعادي انما المناطق اللي فيها التوك توك شوارعها مكسرة وماتعرفش الاسفلت 

الحل سهل جدا بس مفيش رغبة في الحل طبقوا القانون بعيدا عن المصالح الشخصية ونظموا الامور 

 

 

 

ايواااااااااااان ... اخيرآ ريحة مداخلة بتتكلم عن فكرة الموضوع ... ايه بقي سيادتك الحل السهل .. و ايه القانون اللي في رأيك لو اتطبق  الناس حتستفيد فعلآ من وسيلة التوكتوك دي ... الميكروفون معاك ..

[herohero]

ايواااااااااااان ... اخيرآ ريحة مداخلة بتتكلم عن فكرة الموضوع ... ايه بقي سيادتك الحل السهل .. و ايه القانون اللي في رأيك لو اتطبق  الناس حتستفيد فعلآ من وسيلة التوكتوك دي ... الميكروفون معاك ..

استاذي الفاضل هفترض جدلا ان احنا عاجزين عن ايجاد قانون لتنظيم عمل التوك التوك ، وطبعا لا لان القوانين مفيش أسهل منها عندنا بس التطبيق الغلط او عدم التطبيق المشكلة 

التوك التوك له سلبيات تحل بالقانون  :

 

1- سائقين عبارة عن اطفال صيع او شباب صيع وقلة هم اكبر من 18 سنة ---الالتزام بقانون يحدد عمر سائق التوك توك لايقل عن 21 سنة او 18 سنة على اقل تقدير

 

2- عدم وجود تصنيف فني للتوك توك --- ان يذكر في القانون تصنيف التوك التوك فنيا كدراجه نارية او الوصف الفني المناسب وبالتالي اخضاعه للائحه الخاصة بهذا الشان في قانون المرور

 

3- عدم وجود لوحات او ترخيص للتوك التوك وبالتالي اصبح اداة للجريمة -- ان يلزم القانون المحليات بترخيص التوك التوك ويكون له لوحات تمكننا من تعقبه مثله مثل اي مركبة او دراجه نارية 

 

4- تعريفة ركوب التوك التوك -- ان يلزم القانون المحليات والوحدات المحلية بعمل جدول للاجرة (تسعيرة ) واضحه ومن يخالفها يعرض نفسه للمحاسبة 

 

5-  خط سير التوك التوك -- القانون يفوض المحليات في تحديد خط السير وفقا لتصنيف التوك التوك كدراجه نارية او مركبة لها مواصفات فنية لاتؤهلها للسير في الطرق السريعة 

 

 

اهم نقطة ايجاد قانون  يلزم الدولة بتطبيق هذا القانون !!! fty::  fty:: 

 

--

 

صدقني بلدنا مش محتاجه قوانين لحل مشاكلها بلدنا محتاجه رغبة في الحل  ( ماتقولش ان ناقم ولا حاقد ع البلد بس انا راجل عملي ومشكلتنا مش ف القوانين 

 

تم تعديل 18 سبتمبر 2015 بواسطة herohero

[Scorpion]

الله اكبر .. 

اهه ده الكلام الصح اللي أقول وراه آمين ..

معلش يا استاذ هيرو ممكن افهم ليه المداخلة دي ما اتكتبتش  من البداية .. يعني هو مجرد فضول ..

و الا أقول لك بلاش تقول .. انا سعيد اننا أخيرآ وصلنا للنقطة دي اللي فيها الخلاصة .. 

 

و بصراحة كلها صح .. لدرجة مش عارف اذا كانت هناك قوانين مثيلة للبنود اللي فاتت  و اذا ما كانش فيه ايه اللي يمنع من اصدارها ..

 

تحياتي ..

[herohero]

الله اكبر .. 

اهه ده الكلام الصح اللي أقول وراه آمين ..

معلش يا استاذ هيرو ممكن افهم ليه المداخلة دي ما اتكتبتش  من البداية .. يعني هو مجرد فضول ..

و الا أقول لك بلاش تقول .. انا سعيد اننا أخيرآ وصلنا للنقطة دي اللي فيها الخلاصة .. 

 

و بصراحة كلها صح .. لدرجة مش عارف اذا كانت هناك قوانين مثيلة للبنود اللي فاتت  و اذا ما كانش فيه ايه اللي يمنع من اصدارها ..

 

تحياتي ..

هههههههههه

 

عشان تقريبا موجودة وغير مفعلة 

fty::  fty::  fty:: 

مشكلتي ان بجيب من الاخر وعشان الواحد يصبر نفسه بيضطر يقلبها كوميديا وللاسف انتوا هنا بتزعلوا 

 

 

 

 

قانون المرور المصرى الجديد

النص الكامل لقانون المرور الجديد

باقي أيام على بدء تنفيذ التعديلات الجديد في قانون المرور في أول أغسطس المقبل ، وإيمانا من منتدانا 

بأهمية معرفة كل الزوار للتعديلات الجديدة ، نرصدها هنا مع توضيح كل مخالفة وعقوبتها سواء كانت غرامة أو حبسا.

"التوك توك"

قام القانون الجديد بتقنين أوضاع "التوك توك"، حيث سيتم ترخيصها "أجرة موتوسيكل" ولابد لقائدها أن يكون لديه رخصة مهنية ويتم مراجعة شروط اللأمن والمتانة طبقا لشروط وزارة الصناعة والتجارة ، إلا أن القانون ترك الأعداد والألوان وخطوط السير والأجرة والمواقف للمحافظ ، مع تشديد الرقابة عليه حتى لا يصل "التوك توك" إلى الطرق السريعة وعواصم المحافظات.

كما يواجه القانون استهتار السائقين والقيادة برعونة وسرعة جنونية والقيادة بدون رخصة خاصة لمن هم دون السن ، حيث تم تغليظ العقوبة لتصل إلى الحبس غير الوجوبي ، بمعنى ان تكون الغرامة أو الحبس إذا تكررت المخالفة من نفس الشخص.

تم تعديل 18 سبتمبر 2015 بواسطة herohero