فضفضة ..

[عطر الجنة]

السلام عليكم ورحمة الله و بركاته

كل سنة و انتم طيبين فى تلك الايام المباركات

..

صراحة فى موضوع مضايقنى منذ فترة و حارق دمى كمان .. و لوبيدى التنفيذ كنت واصلت الليل بالنهار لانجازه ..

خلونى ابتدى من الاول ..

منذ الصغر و ندرس بالمدرسة اننا قاعدين فى اوضة و صالة و سيبين بقية القصر فاضى ..

ليه يا حضرة المدرسة ..

لان المصرى القديم عاش حول وادى النيل ..

احنا كنا بندرس ده و بنفهم ان ده عيب و خطأ ..

طيب مفيش رئيس و وؤساء وزرا و جيش جرار من المسؤلين ادرك ده ..

لا ..

جميعهم حافظ على الناموس الفرعونى و لم يخرقه ..

مرت السنين و ترسخ فى ذهنى و سريرتى انه طالما لم نتوسع و نتغلغل فى غرف القصر يبقى ده حال دول كتييييييييير ..

و حال كل الشعوب ..

الى ان سافرت الى الكويت و وجدتهم قاعدين فى كل غرف قصرهم ..

بعدها ذهبت للسعودية المترامية الاطراف .. و وجدت العجب ..

جميع البقاع داخل المملكة فيها بشر ..

اذن وطنى حالة فردية ..

من صاحب المصلحة فى تكدسنا فى غرفة و صالة !!!!!!!!!!!!

[عطر الجنة]

بعد رجوعى مصر  بالتحديد فى 2008 .. جاتنى فرص كتير انى اتجول فى مصر ..

مطروح .. سيناء .. الغردقة .. المنيا ..

اماكن بينها مسافات شاسعة غير مأهولة مع انها على طرق ..

بالتالى عليها خطوط كهربا و مياة ..

يعنى نواه مجتمع ناشئ ..

من هنا ابتديت احس بالاختناق الفعلى ..

فمثلا من طالعة الدائرى من الطريق الزراعى متجهة ناحية طريق السويس بيجيلى احباط و انا شايفة ابراج يمين الدائرى مكونة من ارضى و 11 دور ..

تخيلوا الشارع 4 متر ..

لو شفت وزير الاسكان وقتها مع رئيس الوزارة حولع فيهم ..

[عطر الجنة]

فى تسعينيات القرن الماضى الناس اتخنقت من الاوضة و الصالة .. قوم ايه .. بابا حسنى و عمو حسب الله اللهى يعمر بيته عملولنا بلكونات حوليهم ..

و سموهم مدن جديدة .. اللى عاوز يروح يقعد بالبلكونة يدفع الشئ الفلانى .. و طبعا بيزحم الدنيا و هو ماشى من الاوضة للبلكونة ..

بس فى حاجة الشهادة لله بابا حسنى كان شاطر فيها ..

كل واحد يجى   يخبط على باب القصر عاوز يشترى اوضة او اتنين او حتى عشرة كان بيفك زنقته و يبيع ليه بالتمن المستريح ..

يعنى فك ازمة الوليد بن طلال يا ولداه و باع ليه توشكى و خلاه يدوب يفرش اوضه من العشرة ..

و لما جزء من سكان اوضتى اعترض .. قال سمع هس .. انا شارى و اخوتكم المستشارين اللى قاعدين معاكم هم اللى ستفوا العقود .. طبعا مستشارين ياما شنفوا اذانا عن المواطنة و حب الوطن و الواجبات ..

و حلف اننا لو  مسكتناش حيروح يشتكى لادارة المنتجع الدولية ..

فسكتنا ..

خبط مين تانى الخرافى ..

و غيره ..

ياعينى كلهم ناس غلابة يستحقوا الصدقة ..

و لما جينا قولنا لبابا نشترى زيهم .. قال اخرسوا انتم اغنياء ادفعوا ..

[suma]

                       بسم الله الرحمن الرحيم

 

بصي انا لن ابدأ بمناقشة كلامك ولكن ساثني عليك اسلوبك الجميل وتعبيراتك الرشيقة فهل حاولت الكتابة باحتراف قبلا؟؟ أحسب لو فعلت لأسعدت عددا لا بأس به البشر المحبون للقراءة الممتعة.

 

   أما عن موضوع الحجرة والصالة فلا أخالفك الرأي فالمسؤلون المتوالون علينا لم يجهدوا أنفسهم لإيجاد حل.

 

لكن لك أن تستبشري خيرا فالريس اول ما شغل فكرة هذا الموضوع وأعلن عنها مرارا بل بدأ فعلا --بس اعلامنا مشغول بصفر مريم وابراز المسالب -صدقا أنا متفائلة لاقصى درجة فشاركيني تفاؤلي هذا ولن تندمي--سلمت وسلمت لغتك وقلمك الرشيق.

 

 

       

                             سومه

[Grandma]

الفاضلة عطر الجنة 

تحياتي لك ، وكل سنة وانتي طيبة و بألف خير 

 

الحقيقة ملحوظتك بشأن الغرفة وبلكوناتها صحيحة وفي محلها ، كل مواطن مصري ملاحظها و مستغربها ، مافيش ولا وزير جه من المختصين عبر عشرات السنوات وحط قلم على ورقة وخطط لمصر الحديثة بمدن جديدة وشوارع واسعة وخدمات ضرورية وبدأ في تنفيذ الخطة وترك الباقي لمن يليه ... إحنا كنا فاهمين ان دا بسبب اننا دولة فقيرة ولا نستطيع تحمل نفقات البنية التحتية و الطرق و الكباري و الانارة وما الى ذلك مما تتطلبه ضرورة العيش في اي قرية او مدينة ، لكن اتضح اننا كنا نملك المال الكافي لكن للأسف كان بيتسرق اول بأول نتيجة للفساد الوزاري والاداري 

 

ومن مظاهر الفساد ان الفاسدين من الوزراء و اقاربهم ورجال الاعمال انهم يخنقوا المواطن المصري في غرفة و البلكونات هما اللي يمتلكوها علشان لما المواطن يحب يتنفس يدفع دم قلبه ، امال ايه هيتنفس ببلاش ؟!! 

اللي مش عاوز يدفع ومصمم يسكن او يتنفس بدون اذن المسؤولين الفاسدين هيعمل بلكونات عشوائية كانت نتيجتها انها وقعت فوق دماغ مصر بحالها .

 

مصر كلها بمدنها و قراها و نجوعها أغلب عمرانها  من ايام الاحتلال الانجليزي بلا تخطيط ولا خطة الى الآن 

 

ادعي معايا نلاقي مسؤول ابن حلال يهتم بتوسيع مصر و تخطيطها و الاهتمام بجمالها شوية ويفرجها على المصريين . 

 

 

 

[أبو محمد]

أعجبنى تعبير "الوضة وصالة" للباشمهندسة عطر الجنة

:)

وفكرنى بعادل إمام فى "شاهد ما شافش حاجة"

 

ومع تقديرى الكامل للتعليقات على الظاهرة

إلا أننى أنظر إلى الظاهرة من منظور أطرحه للمناقشة

إنه منظور "العقل الجمعى" أو "ظاهرة القطيع"

فالإنسان بطبعه كائن اجتماعى يحب العيش فى جماعات

 

وكلنا يعلم المثل الإنجليزى When in Rome, do as the Romans do

لما سوق البرقوق يمشى تلاقى كل اللى عنده أرض زرعها برقوق

وبعد كام سنة السوق يرطرط برقوق وينزل سعره ويحصل نقص فى المحاصيل التانية

هذا ما وجدنا عليه آباءنا

 

الأمل فى أنه سيأتى الوقت الذى تضيق به المدن والمجتمعات القديمة

فيضطر القطيع إلى التمدد خارج الحيز الضيق (الأوضة وصالة)

[عادل أبوزيد]

أعجبنى تعبير "الوضة وصالة" للباشمهندسة عطر الجنة

:)

وفكرنى بعادل إمام فى "شاهد ما شافش حاجة"

 

ومع تقديرى الكامل للتعليقات على الظاهرة

إلا أننى أنظر إلى الظاهرة من منظور أطرحه للمناقشة

إنه منظور "العقل الجمعى" أو "ظاهرة القطيع"

فالإنسان بطبعه كائن اجتماعى يحب العيش فى جماعات

 

وكلنا يعلم المثل الإنجليزى When in Rome, do as the Romans do

لما سوق البرقوق يمشى تلاقى كل اللى عنده أرض زرعها برقوق

وبعد كام سنة السوق يرطرط برقوق وينزل سعره ويحصل نقص فى المحاصيل التانية

هذا ما وجدنا عليه آباءنا

 

الأمل فى أنه سيأتى الوقت الذى تضيق به المدن والمجتمعات القديمة

فيضطر القطيع إلى التمدد خارج الحيز الضيق (الأوضة وصالة)

أن يكون الأمل هو إن الحالة ح "تتطلسم" بمعنى ستسوء و تسوء حتى لا يصبح هناك مفر من الخروج من الحيز الضيق. فهذا منتهى التشاءم و النظرة السوداوية

ما سبق كان إستهلالا لابد منه

هناك البديل الطبيعي الذي تتبعه المجتمعات التي ترفض الحياة في أوضة و صالة ببساطة بيع الفكرة للناس فيهرعون من نفسهم و بكل رضا و يتسابقون في تعمير و الحياة في الامتدادات الجديدة أذكركم بضاحية مصر الجديدة و البارون إمبان

[عطر الجنة]

                       بسم الله الرحمن الرحيم

 

بصي انا لن ابدأ بمناقشة كلامك ولكن ساثني عليك اسلوبك الجميل وتعبيراتك الرشيقة فهل حاولت الكتابة باحتراف قبلا؟؟ أحسب لو فعلت لأسعدت عددا لا بأس به البشر المحبون للقراءة الممتعة.

 

   أما عن موضوع الحجرة والصالة فلا أخالفك الرأي فالمسؤلون المتوالون علينا لم يجهدوا أنفسهم لإيجاد حل.

 

لكن لك أن تستبشري خيرا فالريس اول ما شغل فكرة هذا الموضوع وأعلن عنها مرارا بل بدأ فعلا --بس اعلامنا مشغول بصفر مريم وابراز المسالب -صدقا أنا متفائلة لاقصى درجة فشاركيني تفاؤلي هذا ولن تندمي--سلمت وسلمت لغتك وقلمك الرشيق.

 

 

       

                             سومه

رأيك فى اسلوب كتابتى شرف لى و وسام على صدرى ..

اشاركك الرأى ان رئيسنا السيسى فكر فى امتدادات عمرانية جديدة تضاف الى المحافظات القديمة ..

لكن كل شئ حبيس الادراج للان ...

الرجل يحتاج لايادى امينة تقترح و سواعد قوية تنفذ ..

لكن الموجودين على الساحة يحبطوا اى شئ ..

تحياتى

[عطر الجنة]

الفاضلة عطر الجنة 

تحياتي لك ، وكل سنة وانتي طيبة و بألف خير 

 

الحقيقة ملحوظتك بشأن الغرفة وبلكوناتها صحيحة وفي محلها ، كل مواطن مصري ملاحظها و مستغربها ، مافيش ولا وزير جه من المختصين عبر عشرات السنوات وحط قلم على ورقة وخطط لمصر الحديثة بمدن جديدة وشوارع واسعة وخدمات ضرورية وبدأ في تنفيذ الخطة وترك الباقي لمن يليه ... إحنا كنا فاهمين ان دا بسبب اننا دولة فقيرة ولا نستطيع تحمل نفقات البنية التحتية و الطرق و الكباري و الانارة وما الى ذلك مما تتطلبه ضرورة العيش في اي قرية او مدينة ، لكن اتضح اننا كنا نملك المال الكافي لكن للأسف كان بيتسرق اول بأول نتيجة للفساد الوزاري والاداري 

 

ومن مظاهر الفساد ان الفاسدين من الوزراء و اقاربهم ورجال الاعمال انهم يخنقوا المواطن المصري في غرفة و البلكونات هما اللي يمتلكوها علشان لما المواطن يحب يتنفس يدفع دم قلبه ، امال ايه هيتنفس ببلاش ؟!! 

اللي مش عاوز يدفع ومصمم يسكن او يتنفس بدون اذن المسؤولين الفاسدين هيعمل بلكونات عشوائية كانت نتيجتها انها وقعت فوق دماغ مصر بحالها .

 

مصر كلها بمدنها و قراها و نجوعها أغلب عمرانها  من ايام الاحتلال الانجليزي بلا تخطيط ولا خطة الى الآن 

 

ادعي معايا نلاقي مسؤول ابن حلال يهتم بتوسيع مصر و تخطيطها و الاهتمام بجمالها شوية ويفرجها على المصريين . 

كل سنة و حضردتك بالف خير ..

المدن القديمة انتهى امرها و اصبحت تحتاج لعلاج امراض شيخوختها ..

اصبح الامل فى جيل المدن الجديدة و التى اخذت فى الحسبان نسبة الحدائق و المدارس و المولا ت و المراكز الصحية و باقى الخدمات التى يحتاجه المواطن تبعا لقانون البناء ..

لكن للاسف الشديد ..

عدما تم الاخذ بقرار انشاء مليون وحدة سكنية و دار مصر ( الاسكان المتوسط )

تم مخاطبة المحافظات و رؤساء اجهزة المدن الجديدة لتوفير اراضى للبناء ..

فما كان منهم الا الاستيلاء على قطع اراضى غير مخصصة للاغراض السكنية .. و تحويلها سكنى ..

ايوة حصل .. و حضرت ده بمدينة الشروق .. فقد كانت هناك قطعة ارض تعتبر مركز المدينة لمناطق العمارات سيتم انشاء الخدمات العامة فيه و التى نوهت عنها ..

لكن تم تغيير التخصيص لانشاء مشروع دار مصر ..

اى لا يوجد نسب الخدمات العامة المخولة لكل انسان تبعا لقانون البناء ..

اى وضعت الدولة بنفسها نواه العشوائية ..

لان هناك رئيس مدينة خاف يقول معنديش ارض للمشروع ..

حفاظا على منصبه .. متناسيا العبئ الزيادة على المرافق من مياه و صرف و كهرباء ..

و عبئ اخر على الخدمات من مدارس و صحة و غيره ..

دولة تضع التخطيط و اول من يتخطاه ..

عندما اعترض السكان و حزموا امرهم للجوء للقضاء اتهمهم البعض انهم اخوان و ضد المسيرة ..

و دخلت العشوائية من اوسع الابواب ..

نحن شعب سريع التكاثر لابد ان نخطط مدننا لقرن قادم ..

تحياتى

[عطر الجنة]

 

أعجبنى تعبير "الوضة وصالة" للباشمهندسة عطر الجنة

:)

وفكرنى بعادل إمام فى "شاهد ما شافش حاجة"

 

ومع تقديرى الكامل للتعليقات على الظاهرة

إلا أننى أنظر إلى الظاهرة من منظور أطرحه للمناقشة

إنه منظور "العقل الجمعى" أو "ظاهرة القطيع"

فالإنسان بطبعه كائن اجتماعى يحب العيش فى جماعات

 

وكلنا يعلم المثل الإنجليزى When in Rome, do as the Romans do

لما سوق البرقوق يمشى تلاقى كل اللى عنده أرض زرعها برقوق

وبعد كام سنة السوق يرطرط برقوق وينزل سعره ويحصل نقص فى المحاصيل التانية

هذا ما وجدنا عليه آباءنا

 

الأمل فى أنه سيأتى الوقت الذى تضيق به المدن والمجتمعات القديمة

فيضطر القطيع إلى التمدد خارج الحيز الضيق (الأوضة وصالة)

 

اينعم الانسان مخلوق يحب الحياة فى جماعات ..

لكن هذا سابقا .. وقت كانت الصلات الروحية موجودة بين البشر ..

الان صدقنى لو حضردتك ساكن ببرج فعلى اكثر تقدير ستعرف 2 من السكان  ..

الازدحام خلق جيل عصبى المزاج ..

و فعلا الناس رحلت للمدن الجديدة لكن للاسف تواجدت معاناة جديدة .. ألا و هى الاعتماد على المدينة القديمة فى مكان العمل وده خلق طرق مزدحمة و ضياع وقت ..

اعتقد مع الوقت سيكون هناك فرص عمل للمدن الجديدة ..

اما عن الزراعة فكان هناك مثل تقوله جدتى رحمة الله عليها ..

ازرع ورا الرخص ..

بحلم بمحافظات جديدة

[عطر الجنة]

أن يكون الأمل هو إن الحالة ح "تتطلسم" بمعنى ستسوء و تسوء حتى لا يصبح هناك مفر من الخروج من الحيز الضيق. فهذا منتهى التشاءم و النظرة السوداوية

ما سبق كان إستهلالا لابد منه

هناك البديل الطبيعي الذي تتبعه المجتمعات التي ترفض الحياة في أوضة و صالة ببساطة بيع الفكرة للناس فيهرعون من نفسهم و بكل رضا و يتسابقون في تعمير و الحياة في الامتدادات الجديدة أذكركم بضاحية مصر الجديدة و البارون إمبان

هنا كان فى ناس بتفكر بجد لخلق مجتمع ..

الان الارض تباع لحصد مكسب ..

ايه المانع انى اخلق مجتمعات جديدة ابيع فيها الاراضى بتمن الترفيق ..

مثلا المجتمعات دى تكون بطول الساحل الغربى و تتعمق للداخل ..

اخلق مجتمع صناعى يعتمد على البحر و البيئة و ما شابه ..

[عطر الجنة]

علاقة المرض بالموت ..

يروق لى ان الموت هو انتهاء مدة تواجد تلك الروح فى هذا الجسد .. بعدها تتحرر و تنتقل حيث يشاء الله ان تكون ..

قابلت اليوم احدى الزميلات فى نقابتى الفرعية .. كنت اخر مرة رأيتها فى احتفالية النقابة بالعيد ..

تلك الزميلة يحسدها الجميع على ضحكتها .. وجهها مبتسم مشرق طول الوقت .. روح دعابة عالية .. نشاط و حيوية ..

من عمل الى نقابة الى جمعيات خيرية .. بيت و اولاد ..

يعنى محتاجة يوم 48 ساعة ..

الكل يحسدها على السعادة البادية ..

ما ان رأيتها و بعد السلام .. علقت على صورها فى الفيس بوك لايفنت فى الزمالك لجمعية مرضى السرطان ..

قلت ليها اننى اجتهدت لاعثر عليها بالصور بين الشابات   الحلوات ..

و دعتنى الجمعة بعد القادم لايفنت على كوبرى استانلى ..

و بعد مزاح و كلام على الجمعية فوجئت بها تقول لى انها مريضة سرطان ..

ابتلعت كلماتى .. و حكت لى كيف هونت عليها الجمعية الامر .. امور كثيرة تخافها .. ايام مريض السرطان الاخيرة ..

هنا اختفت ضحكتها .. بادرتها .. بان جميعنا قنابل موقوتة ستنفجر باى وقت ..

لم اتركها الا بضحكتها ..

علمت انها ان لم تضحك سوف تبكى .. هى اختارت الضحك منهج حياة ..

اعترف ان خلف الابتسامات الكثير من الالم ..

[عطر الجنة]

هسهسة انتخابات ..
يسلام يا ولاد .. الانتخابات تتعاد .. انا دعيتها النهاردة الضهر .. ربنا تقبلها دعوة .. قوم ايه تئب فى المخموخ فكرة نزول الانتخابات ..
طب و التمويل و الشئ لزوم الشئ ..
تبرعوا لمعونة الترشيح .. شوية ورق على يفط على دعاوى للنجاح ..
اصل اللى حيدفع من اولتها .. لازم حيعوض من اخرتها ..
و مش عاوزة حصانة ..

[tarek hassan]

 

هسهسة انتخابات ..

يسلام يا ولاد .. الانتخابات تتعاد .. انا دعيتها النهاردة الضهر .. ربنا تقبلها دعوة .. قوم ايه تئب فى المخموخ فكرة نزول الانتخابات ..

طب و التمويل و الشئ لزوم الشئ ..

تبرعوا لمعونة الترشيح .. شوية ورق على يفط على دعاوى للنجاح ..

اصل اللى حيدفع من اولتها .. لازم حيعوض من اخرتها ..

و مش عاوزة حصانة ..

 

الأستاذ : طارق حسن والعائلة يؤيدون ترشيح 

الأستاذة : عطر لمجلس النواب 

فئات .. مستقل 

الدائرة الأولى 

بحيرة 

 

الصوت بكام يا أستاذة 

وخلي بالك العيلة كبيرة 

وكلهم معاهم بطايق 

والقبض معايا

[عطر الجنة]

 

الأستاذ : طارق حسن والعائلة يؤيدون ترشيح 

الأستاذة : عطر لمجلس النواب 

فئات .. مستقل 

الدائرة الأولى 

مغاغة 

 

الصوت بكام يا أستاذة 

وخلي بالك العيلة كبيرة 

وكلهم معاهم بطايق 

 

يا فرحة ما تمت ..

الاعادة بعد ستين يوم ..

و بنفس المرشحين الا واحد ..

يا خسارة الهسهسة ..

[عطر الجنة]

4 من نوفمبر من كل عام عيد الحب المصرى

فهل تعلم لماذا أُختير هذا اليوم ومن الذى اختاره ؟؟

يرجع سبب اختيار يوم 4 نوفمبر عيدا للحب الى أنه تصادف خروج الصحفي الكبير مصطفي أمين من السجن فى يناير 1974، مع مرور نعش لأحد الرجال بمنطقة السيدة زينب و كان يسير وراءه ثلاثة رجال فقط، فاندهش مصطفى أمين من هذه الوحشة، التى لا تناسب علاقات أهل الحى المشهور بالترابط والتآخي ،وعندما سأل الصحفي عن المتوفي عرف أنه رجل عجوز بلغ من العمر السبعين ، لكنه لم يكن يحب أحدا ،فلم يحبه أحد.

وبعد هذه الإجابة ،أخذ أمين علي عاتقه الدعوة الى تخصيص يوم يكون عيداً للحب يراجع فيه كل انسان حساباته مع نفسه، ومع كل من حوله، واعلن أن 4 نوفمبر هو يوم الحب

المصري .

 

كلمات اعجبتنى

[عطر الجنة]

لا اعرف سببا لتهاجمنى ذكريات بعينها الان ..

فجأة توقف امام باب السنوات التى فرت ..

تذكرت عمتى رحمة الله عليها ..

مع انه ليس موعد الذكرى السنوية لوفاتها ..

سنة امسكت بطرف جلباب سنة ..

و كأنه لا يفصلنى عن خمس و عشرون عام الا بضع ثوان او دقائق محدودة ..

بعدها تلاها من ماتوا حول ذاك التاريخ ..

اللهم ارحم موتانا و تغمدهم برحمتك ..

عمتى رحمة الله عليها كانت صاحبة مبدأ ( غتت على صاحبك و اكل العيش نصيب ) ..

كانت لما ترانانفطر متأخرين 11 صباحا تقولنا ..

( دى طئة فئع الحمى ..)

ايوجد من يعرف المغزى عن تلك المقولة ؟

[عطر الجنة]

وقت ما سنة 2008 تقريبا ..

قال الساسة اننا سنتكامل كوطن عربى ..

و ستصبح السودان سلة الغذاء ..

فهناك اراض فقط لو ألقيت لها بذرة ستنبت بغير فلاح ..

تحدثوا عن ملكيات صغيرة و كبيرة .. عن اتحادات تعاونية و تسويقية ..

تحدثوا كثيرا حتى ازهرت امنيات برأسى ..

باليوم التالى دخل قوم ما ليلا للخرطوم العاصمة دون عناء ..

و فقدت الالسنة النطق ..

تاه الحديث ..

[عطر الجنة]

باواخرالسبعينات و مطلع الثمانينات لم نكن نملك فى مصر  غير قناتين تلفزيون ..

ينتهى ارسالهما على اقصى حد بالواحدة ليلا ..

معظم البيوت المصرية و التى بها سنوات دراسية كان التلفزيون يتفتح باوقات معينة ..

و نحن كنا من تلك الاسر ..

تمثيلية الساعة 7:30 كانت شئ اساسى من روتين اليوم و بنفس الوقت تقتنص امى الفرصة للعشاء ..

راحة من المذاكرة و العشاء اتنين فى واحد ..

اه و المسلسل يبقى 3 فى 1 ..

يوم الخميس سهر و مشاهدة الفيلم او المسرحية ..

تلك كانت المقدمة ..

كنت بلاحظ فى معظم الافلام ببدايتها او فى نهايتها .. رجل يقرأ موعظة ..

مثل ( ليست السعادة  فى حب المال ) .. القناعة كنز لا يفنى .. و كأن المال سبة ..

بعدها موجة من التمثيليات بطولة فردوس عبدالحميد و اخرى لهناء ثروت .. كلها بتجرى فى فلك ..

الخطيب الذى يترك خطيبته و يسافر لدولة عربية بحثا عن متطلبات الزواج و كأنه اجرم .. و الخطيبة تقنعه ان بلده اولى بيه ..

ده على اساس يعنى انه كان عايش مستور فى بلده مثلا ..

و طبعا موجة من السخط عليه و عصبية و تشنج بالتمثيل و فك الخطوبة .. على اساس ان السفر خيانة لمصر ..

حد قال انه مسافر يشتغل جاسوس ..

بعدها مسلسلات موجة من تجريف الاراضى الزراعية و لما تخرجت من الهندسة عرفت ان الطبقة الطينية بمصر تصل ببعض الاماكن الى عمق 50 متر ..

يعنى تجريف طبقة قليلة مش حكاية .. محاربة السوبرماركت اللى بيفتح فى الحى ..

اى رجل اعمال يبقى فاسد و لو كان صالح يبقى اهبل مع ان مصر كان فيها رجال اعمال وطنيين قبل الثورة ..

اكتشفت بعدها ان المؤلف عايش خارج مصر و المسلسلات متصورة ايضا خارج مصر ..

ليه التوجه العام كان بالدولة ضد الفلوس مع الناس ..

يعنى الاعلام كان موجه من زمان ..

ايضا الاخبار بالراديو لم يكن البعض يثق بها .. فكانوا يستمعوا لاذاعات اوربية يستقبلوا ارسالها بصعوبة ..

لما تغييب الحقائق ..

[أبو محمد]

 

باواخرالسبعينات و مطلع الثمانينات لم نكن نملك فى مصر  غير قناتين تلفزيون ..

ينتهى ارسالهما على اقصى حد بالواحدة ليلا ..

 

 

فاكرهم

:)

غصب الأولى و غصب التانية